ankawa
منتدى الهجرة واللجوء => الهجرة و واللاجئين => الموضوع حرر بواسطة: الفانوس السحري في 20:52 03/11/2010
-
أخوان الاعضاء اريدبالبداية ان اشكر كل الاعضاء بالمنتدى الذين ساعدوا اخوانهم في كل التفاصيل واتمنى لكل الاخوة البقية بالموفقية واكمال معاملاتهم وانشاء الله السفر للكل.
نجي للموضوع اول شيء اني قبل بيوم كمت اجيك اوراقي ورقة ورقة ووثيقة وثيقة حتى ما انسى اي شيء لان الان في سي طالبين شكل وجماعة السفارة طالبين شكل كل ايميل يحجي شيء فاني اخوكم ما خليت اي شيء كل الارواق حضرتها حتى الي ما طالبينها حتى لا اوكع بشي وهسه بعدين اكلكم شنو الي رادينها منكم بالتفصيل.
اكعدلك العائلة من الصبح بالخمسة على ما حضرنة صارت الساعة بالستة واخذلك تكسي لساحة النسور وشوف اخوان اهمية الي واحد يروح من وكت لان حسبوا لاي شيء يصير بالطريق يم الزوراء والكالك الشارع مسدود ليش عيني علمود معرض بغداد الدولي هاي شلون قصة وارجعلك ابو التكسي على جسر الجمهوري وكبل بالنفق شارع الزيتون طريق فارغ وقصير بساع توصل افضل للي ساكن بالرصافة ونوصل للساحة تقريبا بالسبعة الصبح وعلى اساس اني مسيطر وراح اوصل اول الناس طب الكالك سره طويل تقريبا 7 او 8 عوائل كدامي شنو هاي ناس بايته ههههههههههههه على كلن وكفنه بالسرة , الباب تقريبا 8 الاربع فتحوها والشيء الحلوة الي صار بيه انه هاي العوائل الي امامي اكثرها اي او ام , الحرس بالباب كالوا الي جاي على السفارة يدخل بالاول بعدين جماعة الاي او ام يعني جماعة الاس اي في , واي واحد اخر عنده شغل بالسفارة كسياحة او دراسةيدخل بالاول , اول شي راح يطلب من عندك الحرس الجوازات تنطيها اله وعنده قائمة باسماء الاشخاص المفروض يقابلون بنفس اليوم يجيك اسمك موجود والعائلة ويشخط عليه يفتحلك الباب وتدخل يفتشوك تفتيش دقيق وينبشوك نبش التليفون تسلمه الهم وينطوك بيه وصل اذا عندك احزام او ساعة او قلم اي شيء حتى اوراق بجيبك فلوسك كلشي بجيبك تنزعهن وتخليهن بطاسه بلاستك تاخذها وياك وتمشي عبالك طاسة روبة او لبن ههههههههههههه وتمشي خلال سلسلة تفتيش توصل لساحة زغيره مالت انتظار تشوف حرس واكف بالساحة وياه مترجم تكله اني اس اي في هم ياخذ جوازاتك ويجيك اسمك ويكلك انتظر يصيح عليك تروح لكرفان الانتظار يمكن تصير الساعة ب8 ونص يجيك ولد وامريكية كلش حبابة عدهم قائمة يذيعون اساميكم ويكلك اصعد بالكوستر بالمناسبة اني العوائل الي كانوا وياي كلش قليلين,
الكوستر ياخذك للسفارة هم تفتيش وبعدين تدخل السفارة تروح لشباك رقم 2 كاشير تسلم اله فقط جوازاتك ويكلك انتظر همه يصيحون باسمك القاعة عبارة عن شبايبك وكل شباك بيه رقم وهمه ينادون عليك , تنادي عليك ابينة حبابة عراقية شوفوا الي طلبوها من عندي بالتفاصيل بس بعد ما اعرف اذا غير موظف شيطلب.
كالت انطيني DS-230 لكل فرد
صورتين فيزة 5في 5 لكل شخص
الجناسي مترجمة مع الاصليات لكل فرد
شهادة الجناسي مترجمة مع الاصلي طبعا لكل فرد اذا متزوج
عقد الزواج المترجم
عدم محكومية الي ولزوجتي كالتلتي
اسمع هاي اهم شيء كالتلي صورة قيد ولادة او قيد 57 اني سويت اخوكم انطيتها قيد 57 وما سلمتها قيد ولادة مع العلم اني امسويهن لاطفالي وزوجتي بس الي ما امطلع وجايبهن وياي بس اريد اجس النبض كلشي ما حجت معناها انه القيد 57 وترجمت الجناسي وشهادة الجنسية كافية وتعوض عن قيد ولادة بس مو تاخذونه من عندي كلام قانون بس هذا الي صار وياي بس اخوان نصيحة اذا تكدر تسويها فسويها واذا لا بالنسبة الكبار ومحتركات السجلات تكدر تحاججهم وتعرفون كل يوم قانون جديد واني كنت جايبهن وياي للاحتياط
ظروف الدي اج ال ولكل فرد هنا ملاحظة ما عليكم بالايمل الي يجيكم من السفارة والي بيها الاسعار ترا الاسعار تختلف يعني صح الظرف سعر ب11 دولار للفرد الواحد بس اذا نفرين يصير 22 و3 يصير 33 اربعة 44دولار وهكذا ومن تروحون بالسلامة تشترون الظروف جيبوا وياكم رقم الكيس نمبر حتى يكتبها الك بالوصل واذا ناسيها انته بعدين تكدر تكتبها بالوصل.
الركمنديشنات
الاج الار الفرفكيشن
الكوم ابروف ما سالتني بس اني انطيتها الهو اخذتها
استنساخ الباجات لان كانت بس عندي سكنر
والموظفة العراقية تخلي كل جواز سفر وارواقة الخاصة بيه على حدة ويمها ورقة بيه جك لست وتاشر عليها فتنطيك ورقتين تكلك روح امليها الك ولزوجتك تكتب بيها اسماء اخوتك واخواتك وموالديهم ورقة الك وورقك لزوجتك وانتظر من ننادى عليك بالمايكروفون. تاخذ الك بصمات وعيون برنت وبعدين نبدي بالمقابلة كلش سهلة وبسيطة واسئلة عادية الي يقابلك امريكي او امريكي
تؤدي يمين القسم انه ما تقوله صحيح,
الاسئلة
انه كنت وين تشتغل
شسم شركتك
شنو عملك كان
بعدك تشتغل لو بطلت
اذا بطلت ليش
قبل وين كنت تشغل
انته شنو خريج واسم جامعتك ويا سنة تخرجت
امسافر خارج العراق
داخل عسكرية بالجيش قبل
يا سنة اشتغلت وبطلت من الشركة
انته مهدد
وين انته ناوي تروح لامريكا بيا مكان
وشراح تسوي هناك
وابعد اسئلة كلش عادية
وبعدين تنطيك وصل ازغير مالت الك وتكلك انتظر من عدنه ايميل
ملاحظة راح تريد من عندك عنوان شخص بامريكا تدز عليه الكرين كارد مالتك بيها اسمه وعنوانه وايمله وهمين الزبكود مالت المنطقة مو شرط انته تروح يمه بس يدزون اله الكرين كارد مالتك وتكدر من توصل تغير العنوان الك .
ان الحمد لله كملت المقابله من وكت لان كنا قليلن قبل الساعة 11واخذنه الباص بالساعة ال11 لنفس المكان الي دخلنه من عندهز
واتمنى للبقية بالتوفيق
-
ما قصرت ممنون وان شاء الله تستلم الفيزة مالتك قريبا
-
الف الف الف مبرووك وماقصرت وان شاء الله عن قريب تفرحنا بالفيزا مالتك
بالتوفيق
-
اخوية العزيز repentant اشكرك وانشاء الاستلام للكل يا رب
أخوي رامي البابلي شرا لمرورك وانشاء الله للكل
-
عالخير والبركه أخوي أنشا الله يوم توصل الفيسه , صديقي ماسئلت الفيسه أشكد تاخذ وقت ؟ وشكرا .
-
والله مشكور وما قصرت يلفانوس السحري
-
بارك الله بيك اخوية يعني طلعة كلش حلوة منك والصدك ابد ما قصرت، كفيت و وفيت وان شاء الله عن قريب تبشرنا باستلامك الفيزا وقيامك بتحضير الجنط وبالتوفيق اخي الكريم . بس عندي سؤال اخير، هل قاموا بسؤال الاهل ام ان الاسئلة موجهه اليك فقط؟
-
السلام عليكم
الف الف مبروك اخي العزيز ويم الفيزا والسفر باذن الله وبارك الله بيك على التفاصيل يا طيب
-
اخوية الفانوس مشكور عالموضوع ويوم استلام الفيزا ان شاء الله.
اخوية عبدالله ومن رخصة اخونا صاحب الموضوع السؤال يكون الك ولزوجتك ايضا مرة سوية ومرة كل واحد وحد هذا اللي صار ويانة.
-
بالتوفيق وكل خطوة سلامة
-
الاخ كيوت العزيز اشكرك أخي بس ما سالت بوقتها بس اعتقد الفيزة تاخذ من اسبوعين الى 6 اسابيع حسب ما سمعت من البقية يعني انته وحظك وكلمن وجنصه , يمكن تحصلها باسبوعين او اقل ويمكن فوك الشهرين وما تطلع حسب المتابعة الادارية وحسب اذا اكو فد تجييكات عليك بالسفارة تاخذلها وقت او السفارة شوف اذا عليهم لوود قوي وشلون يمشون المعاملات.
الاخت umany
الاخ echo 9
االاخت سرى
اشكركم لمروركم الكرام
الاخ امين عبد الله
اخوية شوف كانت الاسئلة موجهة اليه بس زوجتي يمي واثنينه ادينه يمين القسم , زوجتي اخذولها بصمات الاصابع فقط اني بصمات الاصابع والعيون و اني صرت مترجم بالنسبة لزوجتي لان هيه ما تعرف انكليزي, سؤال واحد يمكن الها وجه والبقية كلها الي هذا الي صار وياي , هذا بالنسبة الي بالشباك مالتي بس شفت اكو عوائل من غير شبالك سال كذلك الزوجة كم سؤال وكان الزوج يترجملهم واذا اثنينهم ما يعرفون انكليزي اكو مترجمين.
-
رحملة والديك او ممنوووووووووووووووووووووووووووون منك يا طيب ع هاي المعلومات
تحياتي
-
الف الف مبروك و استلام الفيزا باسرع وقت ان شاء الله.
-
الاخ امين عبد الله
اخوية شوف كانت الاسئلة موجهة اليه بس زوجتي يمي واثنينه ادينه يمين القسم , زوجتي اخذولها بصمات الاصابع فقط اني بصمات الاصابع والعيون و اني صرت مترجم بالنسبة لزوجتي لان هيه ما تعرف انكليزي, سؤال واحد يمكن الها وجه والبقية كلها الي هذا الي صار وياي , هذا بالنسبة الي بالشباك مالتي بس شفت اكو عوائل من غير شبالك سال كذلك الزوجة كم سؤال وكان الزوج يترجملهم واذا اثنينهم ما يعرفون انكليزي اكو مترجمين.
اسف اخي اتحمل الحاحي بالاسئلة ، اذا امكن تشرح لي شوية عن طبيعة الاسئلة التي توجه الى الزوجة لان لازم الواحد يتحضر لكل شئ و اخاف يسألون زوجتي سؤال وتكون الاجابة تخربط كل شئ
-
اخي الف مبروك وان شاء الله يوم استلام الفيزا والسفر والاستقرار
تحياتي
-
مبروك اخوية وانشاء الله يوم الفيزا يارب بس عندي سؤالين
الاول ممكن احجي عربي لان اني شوية ضعيف واخربط اخاف بالحجي فعادي اذا احجي عربي
والثاني ممكن اخذ وياي حقيبة لابوتوب اخلي بيها الارواق علمود امن عليها شنو جواب وتحياتي الك وللجميع
-
مبروك اخويه الفانوس السحري انشاء الله يوم استلامك الفيزه باقرب وقت
فعلا هيه الاسئله سهله وبسيطه بش شنو سالفه تركيز على ليش بطلت >:(
هاي مو خوش :(
-
مبروك اخويه الفانوس السحري انشاء الله يوم استلامك الفيزه باقرب وقت
فعلا هيه الاسئله سهله وبسيطه بش شنو سالفه تركيز على ليش بطلت >:(
هاي مو خوش :(
كل واحد من عدنة عندة واوي يختلف عن الاخر ---- اني رفض الاي او ام مضوجني !!!
-
الف مبروك اخويه وعلى الخير بس عنددي سؤال انت ذكرت انه نطيتهم الجناسي الاصليه والمترجمه يعني بالباب اقصد البوابه ما بقوا هويه او مستمسك بالتفتيش .شكرا؟
-
مبروك اخويه الفانوس السحري انشاء الله يوم استلامك الفيزه باقرب وقت
فعلا هيه الاسئله سهله وبسيطه بش شنو سالفه تركيز على ليش بطلت >:(
هاي مو خوش :(
كل واحد من عدنة عندة واوي يختلف عن الاخر ---- اني رفض الاي او ام مضوجني !!!
ههههههه سيوفي انته الواوي مالتك ارحم من مالتي
-
مبروك اخويه الفانوس السحري انشاء الله يوم استلامك الفيزه باقرب وقت
فعلا هيه الاسئله سهله وبسيطه بش شنو سالفه تركيز على ليش بطلت >:(
هاي مو خوش :(
كل واحد من عدنة عندة واوي يختلف عن الاخر ---- اني رفض الاي او ام مضوجني !!!
ههههههه سيوفي انته الواوي مالتك ارحم من مالتي
شلون ارحم يمعود --- هم يخووووووف ---- انت شتشوف يستوجب اخاف لو لا ؟
-
مبروك اخويه الفانوس السحري انشاء الله يوم استلامك الفيزه باقرب وقت
فعلا هيه الاسئله سهله وبسيطه بش شنو سالفه تركيز على ليش بطلت >:(
هاي مو خوش :(
كل واحد من عدنة عندة واوي يختلف عن الاخر ---- اني رفض الاي او ام مضوجني !!!
ههههههه سيوفي انته الواوي مالتك ارحم من مالتي
شلون ارحم يمعود --- هم يخووووووف ---- انت شتشوف يستوجب اخاف لو لا ؟
لا اصلن ماكو داعي و الله قابل انته شمسوي هة رفض اي اة ام سخيف و الله شنو مامهدد ماكو سبب قوي انته كلير مو مثلي اني ;D ;D مو كلير
-
مبروك اخويه الفانوس السحري انشاء الله يوم استلامك الفيزه باقرب وقت
فعلا هيه الاسئله سهله وبسيطه بش شنو سالفه تركيز على ليش بطلت >:(
هاي مو خوش :(
كل واحد من عدنة عندة واوي يختلف عن الاخر ---- اني رفض الاي او ام مضوجني !!!
ههههههه سيوفي انته الواوي مالتك ارحم من مالتي
شلون ارحم يمعود --- هم يخووووووف ---- انت شتشوف يستوجب اخاف لو لا ؟
لا اصلن ماكو داعي و الله قابل انته شمسوي هة رفض اي اة ام سخيف و الله شنو مامهدد ماكو سبب قوي انته كلير مو مثلي اني ;D ;D مو كلير
لك مو الاس اي في هم يريدون لازم مهدد --- شراح اكولهم ؟؟؟
-
اخويه العزيز انشاءاالله بالخير والبركه ,
بس صراحه اني طلعت روحي اخوان يوميه اسمع واحد فالت واني لحد الان منتظر
وذوله مبين سالفتهم حيل رطينه وتريد حصولة (بعير) , >:(
صراحه واحد لازم يصبر , وبالنسبه للجماعه الي طلعو يجب عليهم ان ماينسون اخوانهم بالنصيحه والدعاء
اتمنى التوفيق للجميع
-
اول شيء اريد ان اشكر لكل الاخوة المهنئين الي على مرورهم الكرام وانشاء يا رب للكل يحصل الفيزة يسافر لامريكا
اخوية امين عبد الله اسال براحتك اخوية ماكو بيها اي الحاح هذا المنتدى مثل ما ساعدني لازم نساعد الغير واحنه هنا اخوة اول شيء لا تخاف مقابلة عادية وسهلة وسؤال او سؤالين وجهت لزوجتي مثلا شنو امخلصة بالدراسة واذا تشتغل شنو شغلها مثلا موظفة بالدولة لو لا هاي فقط الي وجهتا لزوجتي بعد غير موظف ما اعرف, الله وكيلك لا تخاف توكل على الله ورح بدون قلق.
أخي اسالك يا عراق تكدر تكللهم اني ضعيف باللغة وتطلب مترجم وعدهم هذا الشيء وعدهم مترجمين وهيه الموظفة راح تحاجيك من وره الشبالك وبالمايك تسمعها او من خلال الشباك, بالنسبة لسؤالك على حقيبة الابتوب تكدر تجيبها وياك بس لا تخلي بيها اي شيء بس الاوراق حتى الفلاش لا تجيبه وياك ياخذوه , لان اي شيء راح يفتشوه وينبشوه نبش بالتفتيش اني شفت عوائل جايبه جنطة يدوية امخلين بيها الوثائق او حتى علاكة بلاستك قوية تخلي بيها ارواقك بكيفك , واكو بيها عوائل جايبين وياهم لفات اكل وقواطي بيبسي وجبس ونساتل عادي فتشوفها ودخلوا بيها.
عزيزي Army Strong بالنسبة ليش بطلت مو اكو مرات تصير حالات الشركة تطردك لاخلال بعملك وباخلاقيات العمل وعادي تكلللهم العقد مالتك خلص وياهم او همه عقدهم بالعراق خلص واصلا همه شلون ينطونك ركمدنيشن اذا انته كنت مو زين مجرد سؤال روتين.
عزيزي عراقي هواي بالباب كلشي ما ياخذون من عندك ولا مستمسك لان اسمك موجود عدهم بالستة مالت الاسامي ولا اي شيء ما عدا الموبايل مالتك تسلمه الهم وهمه ينطونك بيه كرت من تطلع تنطيه الهم وهمه ينطون موبيالك بالطلعةو بس اذا عندك باجات قديمة اكسباير مثلا عراكي وايد او اي زي يا خذوه من عندك وينطون بيه الك وصل يعني يصادر, بس من تدخل السفارة تشوفهم الوصل انه اخذوه بالباب وهذا قانون يصادر الباج القديم.
أخوان الاعزاء لا تظلموها على انفسكم ترا ماكو رفض بالاس اي في الا قليل كلش وما سامعين احد اجاه رفض قبل بالنسبة انته مهدد كله نعم بحكم عملي ويا الجيش الامريكي او الشركات الامنية او الشركات الامريكية
وانته اصلا مو كاتبلهم رسالة شلون انته مهدد والتفاصيل قبل لا تحصل الكوم ابروف .
أخوان اكو شغلة نسيت اكول بيها نه الموظفة من كانت تقابلني كانت DS 230 كدامها وتسالني على سنوات عملي بالشركة اشوكت داومت وهمين الجامعة اشوكت تحرجت فاحفظوا تواريخ بالفورمة مالت 230 وبعدين تنطيكياها توقع بيها و وبالمناسبة انطتني بعدين رزمة ارواق استنساخ بيهن شكوا مراسلات بيني وبين الان في سي وهمين الاوراق الي دازهن للان في سي ولا تهتموا توكلوا على الله وروحوا وكلش سهلة .
-
اشكرك اخي على هذه المعلومات القيّمة وان شاء الله يوم اللي نسمع منك انه استلمت الفيزا ودتحضر الجنط.
وبالتوفيق ان شاء الله
-
مشكور اخي
وربي يسهلك ويوفقك وانشالله يوم استلام الفيزا والسفر .
-
مبروك اخي عالمقابلة بس سؤالي هو الاسئلة باللغة العربية لو الانكليزية وخلي نفرض انت تكون زين بالانكليزي وتقدر اتجاوبهم شلون بالنسبة للزوجة هل يقبلون انت تكون المترجم مالتها لو لازم مترجم من عدهم؟؟؟
-
اكلك استاذي و التهديد سألوك عليه لو لا اشو ما جبت طاري اذا سألوك عن التهديد
-
السلام عليكم اخواني
مبروك اخوية وانشاء الله يوم الفيزا
اعتقد الاخت سرى بهل موضوع تقصدني اني بالنسبة الي اول شي عراقي مجنس امريكي نادى اسمي راد من عندي المستمسكات بالضبط المستمسكات مالتي ومال عائلتي بدون تحديد وبما انو اني ما خال شي مامحضرة للعائلة كلها والحمد لله كلقانونية ومصدة كاملتا سواء جمعية مترجمين او تصديق داخلية وتصديق خارجية حسب ما المعاملة تتطلب فشلت كلشي انطيتة لاحظت اكثر العوائل ظلوا يسألوهم عن المعاملات او بيها خطأ او احتمال بالفورمات اني الحمد لله ما كان اكو اي سؤال بعد ما انطيتهن كالي ظروف ال دي اج ال وانطاني ورقتين وحدة اكتب اسماء اخوتي والثانية اسماء اخوة زوجتي ورأسا اخذوها ما كالولي اكعد ونصيح عليك
ورة شوية صاحو اسمي على الشباج رحت اني وزوجتي وابني رددنا القسم و اخذت بصمات الاصابع الي ولزوجتي سألتني على شغلي وبعدني بيه لولاء وهل اني بعثي واصلا هية جاوبتسؤال البعثي مو اني يعني جان كلش عادي بحيث المقابلة ما طولت 5 دقايق ونهائي ولا سؤال الوجتي ولا ابني كالتي هاهية اني حنطيك الفيزا وانت تنتظرها بحدود اقل من 4 اسابيع
بعدين احنة وراها اخذنا اني وزوجتي بصمات العين
وصراحة همة كانو كلش لطيفين الى ابعد الحدود الي تصوروها واتمنى انه بينتلكم الامور
ودعائي للجميع بالتوفيق
-
اخواني المقبلين على مقابلة لا تتركون اي مستمســــــــــــــــــــــــك بباب التفتيـــــــــــــــــــــش ابــــــــــــــــــــــــــدا
-
أخي العزيز Kunda المقابلة باللغة الانكليزية واني الي صار وياي كالت انته تصير مترجم لزوجتك وعدهم همه مترجمين.
أخي alaamuneer اني وضحت بموضوعي انه سألوني على انه انته مهدد او لا وجاوبتهم وانته اصلا قبل ما تحصل الكوم ابروف يردون من عندك ان تكتبلهم رسالة تهديد وبيها التفاصيل وهاي نفسها تكدر تكللهم بيها.
أخي عبد الله العلى أشكرك اخوية العزيز على مرورك وانشاء الله يوم الفيزة هم الك.
-
الأخ الفانوس السحري العزيز :
ألف ألف ألف مبرووووووووووووووك على المقابلة وشكرا على كل الشرح الوافي أللي شرحته ألنه.. وأن شاء الله نسمع عن قريب جدا أنه أستلمت الفيزا ويوم اللي يجي دورنه ونقابل.
أخوك ...................... كوكو
-
أخوية العزيز googoo اشكرك أخوية العزيز ويوم الك تقابل وتاخذ الفيزة انشاء الله