ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: اسامة الهاشمي في 08:52 05/11/2010
-
السلام عليكم ..
بس بدون زعل وكل شخص واله رأي وهذا واقع حال كاعد انعيشة احنة ارجو ان تنال رضاكم
محاورة شعرية بين الشعب العراقي والحكومة العراقية
(حلم عراقــــــــــــــــــــــــــي )
ام سجين عراقــــــــــي برئ
جلجل الف ليل وليل وطلع ابكدهن صبح - وانه انتظر من ذاك اليوم محد داوالي الجرح
اطمطم على كلبي تفكير العقل خافنه فد يوم وينفضح -لان كلبي رجيج وحسباله ابني عدكم منتظر الصفح
بلايه ذنب بلايه جرم من بين عياله انشال ونسجن كلنه يمكن اشتباه جم يوم ويطلع فدوه الك يا وطن
اليوم انتخبت منكم حكم عادل اريدً
الحكومة العراقيــــــــــــــــة
من هل عينين الاثنين يايمه تامرين امر ندري بيهم هم اخوتنه واكثرهم انوخذو غدر
اول قضايانا السجناء الابرياء وراح نبتر الارهاب بتر لاتضنين بعد ما انتخبتينه ننسه اخوتنه بالاسر
متقاعد عراقـــــــــــــــــــي
عشره منهن ما اذكرهن طاراً اطيور جنهن حمامات وهجن من الاسر والعشرة الثانية شاب ومراهق حلالي العمر
والاربعين الوراهن كد بلايه فكر على العيشة خاف بيوم ياخذني الفقر وبين الحرب وبين الحصار والارهاب كليوم بكتر
ما اذكر بيوم البسمه جلبت بشفاي ساعة على عدد ايام ال 60 العين دامعة
اليوم انتخبت منكم حكم عادل اريده بلكي مثل العشرة الاولى اعيش الاخير
الحكومة العراقيـــــــــــــــــــــــة
تعبكم يا تعبكم ماينسي
انتو البنيتو الوطن وجان عليكم يرتجي
اول قضايانا المتقاعدين ورواتبهم الماتنحجي
بعد ما نستلم السلطة ماكو متقاعد يشتكي
طفل يتيم عراقــــــــــي فقير
يتيم انه ومحروم وعمري 10 سنين ما يأهلني
انتخب انه شلون ومنو القضيتي يسهلي
عمري 4 سنين واذكر البيت من انهد على اهلي خذاهم ملك الموت كلهم بس ان الله سهلي
الحكومة العراقيــــــــــــــــة
هلك احنة شلون تضن ننساك
قضيتك مو قضية قضيتك حبل ينحاك
بالقران اسمك مذكور احنة اليوم نتبناك انته اتيتمت احنه السبب شلون نتبراك
فكر بس بالسعادة من هل يوم من ناكل ما ننساك
شاعـــر عراقـــــــــــــــــــي
جف جف القلم بعد شترجه منه يكتب حلم راودني وصدك حسبالي
حلمت معشر رجعنه وخوه مريودة يا الف هنيالي
حلمت اتحقق حلمنه وتوحدت زلمنة وصرنة لا ابالي
حكم واحد يحكمنة كلنه شعب عزيز ودمنه غالي
حلمت كلشي منهن.. السجين البريء صاير موظف ذو شأن عالي
حلمت بالمتقاعد بعد التقاعد يروح الباريس جي لنهه بيه برج عالي
حلمت باليتيم حسبالي صدك ماعنده قهر مو هاي مذكورة بالقرأن الغالي ؟؟؟
وحلمت بيه يدرس دراسات عليا جي لنه متهني وعنده دعم عالي
حلمت بالارامل ماجايسهن ضيم وحزن لان اتكفلو اطفالهم هـ هـ هـ يا الف هنيالي
حلم ... مدري دعاء ... مدري قـــدر
كالونه وحدو صفوفكم وصيرو شعب واحد قوي وابدي
غير همه الحكام والسياسيين الي منهم كلشي نرتجي ؟؟
ككالونه لاتفرقكم الطائفية ولاتنصاعون وتسمعون اي حجي
غير همة الفاهمين وهمة ينظمون بلدنه ولهم بكلشي نلتجي؟؟
وحدنه الصفوف وطردنه الطائففية الي ما جان الهه موقع عدنة بس الحجي
ماكو طائفية عدنة بالعراق يلي تسمع تره هذا كله تصفيط دبلجي
وستونة يمكن عشنة سنة راحة بال صح الضرف صعب المهم راح يجيك الحجي
كالونه حنــــو اديكم بالبنفسجي
وختارو انتم بسرعة قبل لا يحكم الهمجــــــــــــــي
غير الصدك تردون الصدك خفنه حسبالنه تبلعنه الكاع اذا ما نجي
حنينه ادينه وفرحتنه ماتنوصف ذاك اليوم حسبالك عاكر وهسه ولد منهه راح يجي
شو توني حتى جكليتة واهليه امي بعدني ما فاتحهه
خبر تزوير سمعت بالتلفزيون ونتخاباتي الي رحت الهه مو ناجحة
وبين الاي واللا ضليت انتظر منهو هيه الجفة الراجحة
ماهمني منهو ايفوز من رحت حنيت ادية بس المهم اتكون عندي قضية صالحـــــــة
وجم يوم بيوم وننتظر بس للاسف اتعسرت هل ولادة الفاضحة
والمهد انكسر وتراب الوكت غطاه والقصة صارت واضحة
الخلل مو بالشعب سوة طائفية
الشعب من زمان عنده هاي التكولوهة وحدوية
الشعب ضمدة جراحة بيدة وبدل الهوية
الشعب دفن موتاه وكال احنة كلنة سوية
الشعب حر وحليم وماتصده التفرقة العنصرية
الشعب حكم ايام مابيه لادفاع ولا داخلية
الشعـــــــــــــــــــب يطالب القوائم بترك العنصرية والتعددية والمحاصصة الطائفية
الشعــب ابن خير لو ماتدرون يلي ماعدكم حنية
ولو عدكم شوية حنية اتوحدو اليوم تره احنه خطية
خطية ما رايدين رحمتكم انريدكم تتركونة انعيش وهاي هية
الحكومة العراقيــــــــــــة
الله كريم
بقلمي الذي ملأته بدمي اسامة الهاشمي
-
الله الله على روعة الكلام وعمق فكرة المحاورة جدا راقي التعبير والاسلوب وقريب للنفس العراقية المملؤة بالقهر والالم والحزن الذي ربما بان انه ابدي
اشكرك وعاااش الف عاااش قلمك يا مبدع حقا عاااش
-
موضوع جميل ولا اروع
ابداع في ابداع
عاشت ايدك اخي اسامة
الى المزيد من الابداع والتالق
تقبل مروري
-
موضوووووووووووع ممتاز عاشت الايادي
-
الاماني الضالة .. لورنس العرب... غزالة البصرة
اشكركم على هذه الردود الجميلة واذا دلت على شي فانها تدل على ذوقكم الرفيع وحبكم للعراق والعراقيين
-
عاشت الايادي يا مبدع كلام في محله
-
اذا كان هناك ابداع فله مبدعين ولاارى غيرك يا سيدتي اوتافيا مبدعة سلمتي
-
تشرفت بدخولك صفحتي وزادت نور على ما كانت عليه بدخول المشاركين يا اخت اسودة الغالية
-
جميل موضوعك اخي العزيز ومبدع كعادتك
تقبل مروري
-
مرورك الاجمل يا غالي نيرون ربي يخليك
-
عاشت الايادي ويسلموووووووووو
وصدك شخبار المديرهههههههههههه
-
يدللووووو ويسلمو على المرور الكريم
المدير ايسلم عليكم هههههههههههههههههه
ومكن راح يفصلني من وراكم ههههههههههه
-
خويه اسامه ..
هاي وين جنت ضام علينه مواهبك الشعريه والحواريه ؟؟؟ طلعن كولهن ليش دافنهن بالبستوكه ويا الفلوس ؟؟ ;D ;D
خويه اريدك تكتب على الضيم والقهر ويا ال IOM ... يمكن يحنون علينه ويفكون جبستنه ;D
تقبل تحياتي
اخوكم شمعة
-
اخي وعزيزي وصديقي شمعـــــــــــــــــــــــة الغالي
نورت صفحتي المتواضعة هذه بدوخلك الكريم الموقر واضفت اليها من نور شموعك البهية الطلة
طمعي بكرمك ان تبقى دائماً متابعا واخاً عزيزاً وصديقاً لايعوض
اشكر مرورك العزيز عليه يا غالي