ankawa
منتدى الهجرة واللجوء => الهجرة و واللاجئين => الموضوع حرر بواسطة: كيوت في 22:37 07/11/2010
-
أخواني الأعزاء ...
كروب المنتظرين الفيسه بعد مقابلة ال أس أي في , أخواني بالضبط شنو المقصود بالمراجعه الأداريه بعد المقابله , يعني المراجعه أداريه بحته أي مراجعة الأوراق وصحة صدورها أم مراجعه أمنيه المعروف عن المراجعه الأمنيه بالنسبه لبرنامج ال أس أي في بمرحلة الكوم أبروفال وأكو مراجعه أمنيه ثانيه بال أن في سي تخلص يجي أيميل المقابله , لأنه أني وأكيد معظم الأخوان المنتظرين لمن ديدزون أستفسار مباشرة بعد48 ساعه يجي أيميل المعامله بيه مراجعه أداريه أضافيه , هاي شنو الأضافيه , ولكم مني جزيل الشكر .
-
اخي كيوت
المراجعة الادارية بعد مقابلة السفارة هي اجرات تقوم بها السفارة ابتداء من مراجعة اوراقك مرورا بموافقات ال NVC و ماقلته في مقابلتك الاخيرة معهم اضافة الى مراجعة موافقات منحك الفيزا كي تبدأ المرحلة الاخيرة وهي عملية ختم الفيزا على جواز سفرك وارساله اليك. وعندما تستلم جوازك وعليه الفيزا ان شاء الله تبدأ عملية اعداد الجنط وبوجهك للمطار الله وياك.
وووووووتتتتتتتتتدددددددللللللللللللللللللللللللللللللللللللل
-
بالاضافه الى الى ما تفضل به الاخ امين حول مصطلح المراجعه الاداريه فالمقصود به بالدرجه الاساس هو
التجيك الامني (موافقه امنيه )
-
واحب اضيف للي كالوه الاخوة الاعزاء انه مو الكل يمر بيها لانه اكو ناس استلمت الفيزا بدون اي مراجعة ادارية واكو ناس طولوا مثل اخونا (الحافي) طول 10 اشهر وكم يوم الى ان استلمها واختنا الغالية لندا بعدهاتنتظر راح يصيرلها سنة يمكن.
-
مرحبا اخوان،
اذا مقابلة ال SIV صارت خارج العراق هم تتاخر الفيزة؟ اكو واحد SIV ومقابل خارج العراق ياريت يفيدنا.
-
اغلب الظن ومثل ماتفضل بيه الاخ عكعك --- انه المراجعة الادارية هي تجييك امني --- والا ماكو فقرة يجيكون اوراقك او صحة صدورها وتاكل مثلا 10 اشهر !!!
-
نفس التجيك بمرحله الكزم ابروفال ماتقبل غلط
-
مرحبا اخوان،
اذا مقابلة ال SIV صارت خارج العراق هم تتاخر الفيزة؟ اكو واحد SIV ومقابل خارج العراق ياريت يفيدنا.
اخت Nadia2004
سؤالك هذا لاي يعلم اجابته الا الله سبحانه وتعالى والراسخون في العلم، كل اللي نكدر نسويه في هذه المرحلة انه نتفرّع ونندعي بلكي الله سبحانه وتعالى ينهيها على خير. و الله اعلم
-
السلام عليكم اخوان
اخر ما سمعت عن هذا الموضوع مال المراجعات الاداريه انو كل ولايه الهه سياسه معينه وكل قضيه لازم تمر بهل مرحله بس اكو ولايات تخلصهه بيومين واكو بشهور السفاره ادز هذا الجواب لان المراجعه اتم بلولايه (بكل الدوائر يعني الامنيه والماليه والاجتماعيه وحته الصحيه ) والفيزا تصدر من السفاره بعد اتمام الاوراق من قبل الولايه الي انته رايحلهه يعني الموضوع مو بيد السفاره لان السفاره معدهه بس الجواز وهاي الاوراق من ظمنهه الاوراق الي تاخذه وياك من تسافر الظرف ..وهاي شغله كانو يتبعوهه ويه كل المهاجرين وستثنو العراقيين (المترجمين منه قبل لان كانت حياتهم بخطر) بس هسه رجعو يعملون بيهه بعد السنه الماليه 2009_ 2010 لان علئ اساس الوظع تحسن واكو ناس من وصلو هناك صخموهه وطلعو نشاله حشه الزينين وهذا حجي مو من كلبي لان اني هم منتظر فيزا بس اكو يمي ناس من جماعة الشؤن المدنيه وياهم مره عجوز كانت تداوم قبل بمكتب الهجره والاجئين وهي حجت هلحجي الظابط مالتي سالهه على قظيتي ليش متاخره و من عرف بشغلهه القديم وجاوبته بهل كلام وتكول انو الموضوع بس وقت لان اكو ولايات مكاتب للهجره بيهه مشغوله حيل واكو ولايات فارغه
والله اعلم
تقبلو مروري
عمر
-
المراجعه الاداريه مقصود بيها تجيك الامني
زين التجيك الامني ما من المعقول يصير بس بل الولايه الي انته مقدم على انته تسكن بيها
يصير بل امريكا ودوائرها الامنيه لاان انته راح تدخل امريكا
هو كل الي ده يصير بس تغير بمراحل التجيك يعني قبل الكوم ابروفال و بعد المقابله
قبل منتصف 2009 جان التجيك يصير بمرحله nvc و القدامي يعرفون شكد جانت المعامله تنام بل ان في سي
و الله اعلم
-
اخواني الاعزاء
اني مقدم على الاس اي في ومقابل وصار شهر منتظر الفيزة بس اني كنت مقدم على الاي او ام ومرفوض وهسة انتو خوفتوني من كلت المراجعة الاداريه تضمن مراجعة الاوراق من الجيف مشن الى نبراسكا ثم الان في سي زين اني بالمقابلة عرفوا اني مرفوض من الاي او ام وكتلهم اني اصور المحلف ما اقتنع اخاف هاي اتاثر علي الشغلة لان اصور بالنسبة الاي او ام تصدر الموافقة ايضا من نبراسكا اكون ممنون اذا تنورني برايك
مشكور
-
شباب ان كان الكلام صحيح حسب الولاية الي انت راح اتروح الها اني لحد الان ما مقدم على البنفت وثاني شي اني مخلي عنوان شخص بتكساس وسالتني كالت وين اتوح كتلها بعدني ما مكمل كلات اكيد بتكاساس لان انت مخلي عنوان الي يستلم كرين كارت هناك فخلي انسوي جمعية اذا على الولاية هل ولاية تكساس تتاخر بالجيك الامني واني صار الي شهر وخلي انشوف المتاخرين هواية وين ولاياتهم طبعا اذا تذكرون الاخوان بعضهم فيزهم سريعة مثل عبدالله العلي في احدى مداخلاتة انه استلم الفيزا خلال 15 يوم وهو سال عن الاوضاع في سياتل فخلي انسوي جمعية على هالاساس الولاية وين والتاخير لماذا اعتمادا على قول الاخ عمر بان التاخير هو سبب الولاية وشكرا
-
السلام عليكم اخوان زين اني بعد ماطولها وياي كلولة كملت اوراقك رجعوا كالولي انت حاليا بمراجعة ادراية واني مقدم على ولاية فرجينا siv وهذا كلة صار قبل لينطوني موعد مقابلة واني هسة منتظر المقابلة وطولت شهرين المدة زين تصير هاي لو لا
تحياتي