ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس السفاح في 17:37 08/11/2010
-
تحية طيبة ,,,,, وبعد
الكل يعرف هذا القسم وما يحتويه على مواضيع في غاية الأهمية والفائدة خصوصا للأخوة
حديثي الوصل إلى أمريكا ,, فكرة فتح القسم على ما اذكر اقترحها بعض الأخوان المتواجدين
في أمريكا لكي يضمنوا بقاء مواضيعهم ضمن نفس المنتدى ( حتى لو كانت بقسم آخر )بدلا
من انتقالها الى منتدى آخر وبالتالي ضياعها او صعوبة الوصول اليها .
بموافقة الكل أو الأغلبية, استجابة أدارة المنتدى للطلب وتم افتتاح القسم وفعلا استفاد الأعضاء
من هذا القسم لان الوصول إلى المواضيع التي تخص الحياة في أمريكا أصبح سهلا بعد الانفصال عن
( ازدحام وخنكَة :o) قسم الهجرة واللاجئين .
ولكن
ألان وبعد مرور مدة ليست بالطويلة على افتتاحه يمكن وصفه بما يلي :-
1) قسم شبه مهجور لايتواجد به سواء عدد قليل جدا وربما لايتجاوز عدد أصابع اليدين في أحسن
حالاته .
2) توجد به مواضيع مهمة جدا ,, تراكم عليها التراب وانحدرت إلى الصفحات الأخيرة لأنه لايوجد
من يتصفحها ويكفي أن أقول لكم انه يوجد مواضيع لأعضاء أصحاب مواضيع مميزة عدد الردود
عليها صفر أو 2 أو 3 رد فقط لاغير.
3) بسببب ماورد في النقطة الثانية بدأ الأخوان الذين يكتبون مواضيع عن الحياة في أمريكا يقومون
بإنزالها في قسم الهجرة واللاجئين تحاشيا للإهمال الذي ممكن قد يصيب هذه المواضيع فيما أذا
انزلت في قسمها المخصص وهم محقين في هذا ,, إذ ليس من المعقول أن يتعب عضو في كتابة
موضوع مهم جدا ( على الأقل من وجهة نضره ) ولايوجد من يرد أو يستفاد منه .
4) بناءا على ماذكر في النقطة الثالثة أصبح أصحاب هذه المواضيع يمتعضون من نقل مواضيعهم
إلى مكانها المخصص ( المقبرة ) مما تسبب بحدوث احراجات بينهم وبين والمشرفين وهذا
واضح للجميع ( مع العلم أن الاثنين محقين ;D ).
وعليه وبناءا على ما تقدم أعلاه اقترح على أدارة المنتدى إلغاء قسم مواضيع الحياة في أمريكا
وإعادة دمجه بقسم الهجرة واللاجئين لأنه فشل فشلا ذريعا ,, إضافة إلى أن إلغاءه سيقضي
على الظاهرة المذكورة في الفقرة الرابعة .
والرأي الأول والأخير ( لغالبية ) الأعضاء والإدارة :)
ودمتم بووووووووود
-
اني وياك بفكرتك ..
ولكن نفس الحاله اذا نزل موضوع خاص بالحياه بامريكا بقسم الهجره اكيد بعد يومين او ثلاثه راح يختفي بالصفحه الثانيه او الثالثه او اخر الصفحه ...
لذلك اقترح ان يبقى الموضوع الخاص بالحياه في امريكا ليومين او على الاقل ثلاثه ايام وبعدها ينقل الى القسم الخاص به لكي يتصفح عليه اغلب الاعضاء ويعطون ارأهم ..
بالاخير اثني على جهدك اخي لورنس وننتضر رأي باقي الاخوه
-
اخي العزيز لورنس رغم انه اني وياك باغلب اللي تكوله بس احنا مثل مايكولون كان اقتراحنا (مـــــــــــــــن لا جارة) وهسه تسألني شنو هذا معناه؟؟؟ اني اكوللك انه هاي المواضيع اللي دتروح بمقبرة مواضيع امريكا مهما يكون اهون من انه بمقبرة منتديات اخرى لانه اللي كتبوا مواضيع عن السيارات راحت مواضيعهم لمنتدى المحركات والسيارات واللي كتبوا عن الستلايت راحت مواضيعهم بمنتدى الكومبيوتر اللي اصلا المشرف مالته ما يدخل الا كل 5 اشهر مرة وحدة فيا مقبرة احسن اخوية العزيز؟؟؟؟؟؟؟؟؟؟؟؟؟؟؟؟؟؟؟؟؟؟
انتو اختاروا
ومع العلم انه الادارة اصلا ما تقبل تبقي مواضيع الحياة في امريكا بقسم الهجرة واللاجئين ومن هنا اجة هذا الاقتراح اللي بوقتها اقترحته اني والاخ غسان الاشقر بنفس الوقت لانه تعبنا ديروح.
اتمنى تكون الفكرة وصلت لجميــــــــــــــــــــــــع الاخوة ليش طالبنا بافتتاح القسم الجديد
واذا الادارة لغت القسم وخلت مواضيعه بالهجرة واللاجئين اني شخصيا ما عنــــــــــــــــــــدي اي مانع واعتقد بقية الاخوة هم يوافقون........
تحياتي لكم جميــــــــــــــــــــعا
-
هلو حبيبي يدكو ,, عيني شنو هالرسميات كله اخي وما اعرف شنو
اووووووو نسيت عبالي احنا بالدردشة هههههه
افتهم قصدك حبيبي
بس صدكني تفرق ( ع الاقل نفسيا) وراح اكلك شلون
قبل فترة المنتدى مكان ينفتح عندي ( مشكلة بالمجهز ) لا بسبب حاسوبي ولا بسبب المنتدى
فكلت خل ادور بالنت ع منتدى اخر ولكيت ورحت سجلت وبنفس الاسم لورنس العرب ههههههه
المهم رديت ع موضوع و ورا ساعة رجعت للموضوع لكيت ماكو اي نقاش ع ردي
باوعت ع مكان الاعضاء المتواجدين والضيووف وانذهلت من شفة العدد
1 عضو و صفر ضيف ههههههه يعني بس اخوووووك
واعيونك بلحضتها طلعت من المنتدى وبعد ما دخلته اطلاقا
القصد شنو
نفسيا من تروح لمكان ومتلكي احد بيه تلقائيا ينقتل عندك الاحساس بالمشاركة
او حتى القراءة لذلك تفررررررق اهواي من ينزل الموضوع بالصفحة 2 او 3 بقسم
امريكا عن قسم المهاجرين ,, اتمنى وصلتك فكرتي
مع كل احترامي وتقديري لرايك حبيبي
-
اهلا اخت سرى
لا لا لا اكيييييييييييد نقل الموضوع لقسم امريكا احسن بكثييييييير من نقله
لمنتدى آخر ( اصلا ماكو وجه مقارنة)
واني اسف لان ماذكرت الدافع الرئيسي لمطالبتكم بفتح القسم وراح اعدل الموضوع
بناءا عليه لانه دافع مهم .
بالنهاية احنا متفقين
اما الدمج وبقاء كل المواضيع داخل قسم الهجرة واللاجئين دون نقلها الى اي مكان اخر
او بقاء الوضع على ماهو عليه
واشكرك على المداخلة والتوضيح المهم / تقبلي تحياتي
-
هلوووووووووو حبيبي ابو علاء الوردة
شووووووووووووف انت جبتها للزبدة ,,, صدكني السبب مو لان جماعة امريكا ما متعاونين
لكن السبب الحقيقي لان همه معظم وقت تواجدهم تلكيهم بالهجرة
اي بمعنى
انه لو سؤالك كان بالهجرة اني متاكد كان حصلت ردود و ردود
هسه ليش انرووووووح بعيد؟؟ اخذ مثلا الاخت سرى او الاخت انجي الاثنين بامريكا
ومتواجدات دائما بالمنتدى لكن 90% من وقت تواجدهما تلكيه بالهجرة
يعني قصدي نسبة انه تحصل ع ردود ع موضوع بالهجرة اكبررررر بهوايه من نسبة
تواجده بقسم امريكا
اكلك ابو علاء
سمعت اخر خبر ؟؟
اكثر من عضو عنده موعد سفر هالايام دا يخابروهم ويكولولهم مسموح لكل شخص حقيبتين
ام ال20 كغم ؟؟ زين انت شراح تسووووووي؟ اذا تاخذ وياك 18 جنطة هههههههه
لازم العشيرة كلها تطلع وياك للمطار موووووووووو؟
منور حبيبي
-
اخ لورنس شكرا على موضوعك واني مجنت مؤيده لهذا التفصيخ لان انحرمنا من تواجد الاعضاء الي بامريكا ويانه
وكذلك انحرمنا من مواضيعهم المهمه الي جانت تنطرح ونستفاد منها في المنتدى العام
واني مداالحك اكلب المواضيع بالصفحه الاولى ولا ديصير عندي مجال اتصفح مواضيع امريكا وهذا ديحرمنا من اهميتها
ولذلك اني ابد مجنت اطالب انه تتثبت مواضيعي لان راح اتروح الى مقبرة النسيان ومحد راح يستفاد منها
ومع ذلك برغم تاييدي الشديد لهذا الموضوع لكن اكلك محد راح يقره ولا احد راح يكتب
ويبقى الحال كما هوه عليه
وعلى المتضرر اللجوء للقضاء
-
اخي العزيز لورنس
ان قسم مواضيع الحياة في امريكا تم استحداثه مؤاخرا من قبل الادارة تلبية للاعضاء الذي تم التصويت عليه بالاغلبية
فيااخي لورنس الادارة تشدد دائما يكون قسم الهجرة العام خاص بمواضيع الهجرة ما قبل اللجوء فقط لذالك انشاءت قسم خاص للمواضيع ما بعد اللجوء ولا اعتقد توافق ان تندمج المواضيع بقسم واحد او قسم العام للهجرة والمواضيع الموجدة بقسم الحياة بامريكا الكل يرد عليها من قبل اخوانا الاعضاء المتواجدين بامريكا ولا يوجد موضوع خالي من الرد ان كانت بالمواضيع ما قبل اللجوء او بعده وانشاءلله الجميع يسافر ويستقر واتمنى ان اكون قد وفقت بتوضيح الامر لك
-
اهلا اخت ريم
اني الصراحة بوقتها اصلا مشاركت بالاستفتاء لان واكولها بكل صراحة كنت ادخل فقط على
كد اللي يفيدني فقط ,, لكن حاليا اختلف الوضع والمنتدى اختلفت نضرتنا اله لان صار تقريبا
جزء مهم من حياتنا وشفت هذه الظاهرة كدامي فكلت اشير الها .
واضح ياريم انت موافقتني الراي ,, لذلك نطرح الموضوع انقبل كان بها ما انقبل على الاقل
احنا شخصنا حالة معينة وسوينا اللي علينا وماخسرنا شيء.
اشكرك اخت ريم
-
اخي العزيز لورنس
هلا وغلا بالاخت انجي
ان قسم مواضيع الحياة في امريكا تم استحداثه مؤاخرا من قبل الادارة تلبية للاعضاء الذي تم التصويت عليه بالاغلبية
صحيح اخت انجي لكن خلينا متفقين انه الطلب والتصويت حصلوا ,, لكي يضمنوا الاعضاء بقاء المواضيع ضمن نفس المنتدى بدلا من انتقالها الى منتدى اخر[/size]
فيااخي لورنس الادارة تشدد دائما يكون قسم الهجرة العام خاص بمواضيع الهجرة ما قبل اللجوء فقط لذالك انشاءت قسم خاص للمواضيع ما بعد اللجوء ولا اعتقد توافق ان تندمج المواضيع بقسم واحد او قسم العام للهجرة [/size]
هو هناية مربط الفرس اخت انجي,, ماهيه المواضيع كلها متداخلة مع بعضها وكلها تصب في مصلحة نفس الشخص ( اللاجىء),, 50% اذا مو اكثر من استفسارات رواد قسم الهجرة واللاجئين هي بخصوص امور مستقبلية تخص امور حياتهم فيما لو تم قبول لجوءهم ,, لذلك اعتقد انه المطالبة بالدمج له مايبرره .
والمواضيع الموجدة بقسم الحياة بامريكا الكل يرد عليها من قبل اخوانا الاعضاء المتواجدين بامريكا ولا يوجد موضوع خالي من الرد ان كانت بالمواضيع ما قبل اللجوء او بعده وانشاءلله الجميع يسافر ويستقر واتمنى ان اكون قد وفقت بتوضيح الامر لك
لا هناية اسمحيلي اختلف وياك بفقرة ( انه الكل يرد ) لان الردود عددها قليل جدا وصدقيني ما ابلغ اذا كتلك انه اي موضوع استفسار عادي بالهجرة ردوده قد تكون اكثر من موضوع مهم بقسم امريكا.
انشاءالله ياربي الكل يسافر ويستقر ويحقق امنياته ,, اكيد ماقصرتي بالتوضيح اخت انجي ربي يبارك بيك
لكن يبقى عندي استفسار اخير لو تكرمت :-
هل اعادة دمج القسمين بقسم الهجرة واللاجئين على ان يشمل القسم مواضيع ما قبل وما بعد اللجوء يعتبر خط احمر
بالنسبة للادارة لايمكن تجاوزه ام ممكن يسمحون بيه ؟؟
تقبلي تحياتي
-
لالالالا أخوان هيجي مواضيع تكون ذات فائدة أنية ولفئة معينة
بمعنى اخر انه مامعقولة ادور على موضوع اجازة السوق بامريكا واني بعدني مقدم صارلي شهرين على الهجرة,, وأيضا مو من المعقول ان ادور بموضوع الاخ راهب الحب (اذا مو ناسي) عن مدن ومناطق سان دياكو واني مامححصل كوم ابروفال بعد.
أذن هذا القسم حيوي ومهم جدا وليس للمواضيع المهملة لكن الحاجة الى هذه المواضيع تكون اقل من الحاجة الى مواضيع ماقبل السفر .كما تعلمون ان المتقدم للسفر سواء هجرة او لجوء لديه غالبا وقت فراغ اكثر من (الواصل)ويرغب في متابعة المواضيع التي تتعلق بمليء الاستمارات والمقابلات ووو وسير المعاملات له ولاقرانه حتى على الاقل ليهون عن نفسه الانتظار المقيت .
لذا عليكم الانتباه ان الحاجة لقسم مواضيع امريكا هي اقل من الحاجة لقسم الهجرة العام والاسباب معروفة
-
اخ كوندا
اكيد اذا اختزلنا مواضيع قسم الحياة بامريكا باجازة السوق ومدن سان دييغو راح يكون
مو بتلك الاهمية للاعضاء اللي بعدهم ما مسافرين.
لكن ماذا بخصوص مواضيع الدراسة للاطفال والدراسة في الجامعة والدراسات العليا
والمساعدات و و و غيرها فهل من المعقول ان لايعرف عنها اللاجىء شيئا الا بعد
وصوله لامريكا ؟؟؟
-
لا اخويه لورنس مو خط احمر بس الادارة مثل ما كتلك انشاءت قسم المواضيع الخاصة بامريكا بعد ما تم التصويت على الطلب من الاغلبية لانه القسم العام بالهجرة هو خاص فقط للمواضيع ما قبل اللجوء وهو مو بغير اقسام موجود هنا نفس قسمنا الهجرة وللجوء وكلنا الي بامريكا مدنقصر بالرد على المواضيع
-
اوكي اخت انجي وصلت الفكرة
ربي يبارك بيك ,, وشكرا ع توضيحك
الله يسهل ع الجميع / تقبلي تحياتي
-
والله يا لورنس بوقتها بينت سلبيات فصل المواضيع ولكن ........الاغلبيه تغلب الاقليه
http://www.ankawa.com/forum/index.php/topic,414195.msg4617112.html#msg4617112
http://www.ankawa.com/forum/index.php/topic,411306.msg4617115.html#msg4617115
-
اهلا اخ عكعك
والله وحتى اكون صريح وياك بالنسبة لي ماعندي اشكال كبير بالتصفح مابين الاقسام
خصوصا وانه اني اصلا بعدني بالعراق والله يعلم اذا اسافر لو لا ,, لكن للامانة
نقل المواضيع دا احس بيه يعمل احراج لصاحب الموضوع والمشرف .
ع العموم وبما انه كان راي الاغلبية لازم نقبل بيه ,, ومثل مكالت الاخت سرى
الاحتفاظ بالموضوع بقسم امريكا احسن بكثير من انتقاله الى منتدى اخر
اشكرك اخي العزيز
-
يعني المشكلة وين هسه اني ماعرفت بالضبط الاخ صاحب الموضوع شيريد؟؟؟ هل تطالبون بغلق القسم بعد ما شيبنا وتعبنا كثيرا وطالبنا مرارا باستحداثة وفرز المواضيع قبل امريكا وبعدها او قبل السفر وبعده
لكن يااخوان هي مو قصة اختزال للمواضيع مجرد ترتيب لكي يسهل على الباحث ايجاد مايصبو اليه او مايفتش عنه
ومثل ماكتلكم انه مواضيع مابعد الوصول يكون لها جمهور اقل من مواضيع ماقبل الوصول وهذا شي منطقي ومعرووووف
-
والله يا اخ لورنس كلامك مضبوط وللعلم انت بموضوعك هذا حرقت قسم الحياة في امريكا حرق لان الكل عرفت محد يطب بيه يعني بعد ما كان بالانعاش اتوفى على ايدك هههه ;D
اني اقترح على الادارة ان تعيد تقسيم الصفحة الخاصة بمواضيع الهجرة بحيث تكون مقسومة الى قسمين الجزء العلوي لقسم الهجرة واللجوء والجزء السفلي للحياة في امريكا يعني بحيث يبين منها فد اول خمس مواضيع مثلا .
يعني نلزم العصا من النص وبكيفكم بعد
تحياتي للكل
-
اني أشد على ايد لورنس واايد كلامة وبشدة
اخواني القسم الي تم استحداثة بيه مواضيع جدا مفيدة ... عكس ما دنشوفه هالايام بالهجرة .. يومية طافرلنا واحد يكول امريكا دير بالكم توصلولها .. وتشوف الردود توصل للمئات
وبما انه قاعدة بيانات المنتدى ترفع الموضوع الي يتم الرد عليه .. فمن الافضل ان يكون المنتدى العام للهجرة تتصدرة المواضيع المفيدة للاخوان اصحاب التجارب ..
اني اطالب باستفتاء .. يتضمن امكانية دمج القسم المستحدث وارجاعه للمنتدى العام
وتعقيبا على كلام اخوية كوندا .. اني اشوف انه الشخص الي هو بطور التقديم هم بحاجة الى ان يعرف تفاصيل الحياة الي بأمريكا وبالتالي اكيد راح يتفاعل وراح يسأل وبالنتيجة راح الكل يستفاد .. صاحب الموضوع وصاحب الرد وحتى الزائرين
تحياتي
ROCK
-
والله خويي لورنس العرب اصلا
قسم الحياة العامه
في امريكا موبس ميت متسووووووودن :'(
كلمااروحن عليه الاكي صور جميله في امريكا مدموجه ويه مواضيع بغاية الاهميه
اما الزوار الكرام فمااعرف ولااخ بيهم
يعني صدك احسن بلفحة رياح الغربه والتجرد :'( :'( :'( :'(
انه اقترح شي لاخ
شنو رايكم يكون قسم الحجره واللاجئين مخصص فقط لاستفسارات الاخوه
في مرحلة ماقبل السفر موبس الى امريكا الى امريكا وبقية الدول
مثل كندا وغيرها يعني كلما يخص الاسئله مال التقديم عاليوان
والاي اوام والاس اي في
الى موعد السفر
ومن يسافرون الاخوه عود تنقل المواضيع مابعد السفر الى الحياة العامه في امريكا اوكندا
اما عن المواضيع اللي تخص شراء السيارات في امريكا اوغيرها
فهي اصلا مواضيع تخص اللاجئين باميركا اهميتها مثل اهمية التامين الصحي والفود ستامب
قسم السيارات في عينكاوا هو قسم ترفيهي
لمن يرغب
وهاي هيه
اتمنى اكون اضفت شي
:)
-
كل اللي تفضلتوا بيه اواني واخواتي سليم وصحيح وارجع واكول اني مــــــــــــــــــع انه ترجع المواضيع للهجرة واللجوء لكـــــــــــــــــــــــــــــن هذا حلــــــــــــــــــم بسبب قوانين القسم اللي تعتبر انه الدراسة والتلفزيون والستلايت والسيارة والتليفونات والموبايلات والاسواق ....................الخ تعتبرها مواضيع لاتنتمي لقسم الهجرة واللجوء!!!!!!
اني والاخ غسان بوقتها من طرحنا الموضوع طرحناه لانه ماكو حل غيره احنا يومية منزلين مواضيع للي عايشين او يريدون يجون لامريكا والموضوع ينقل وما يرجع بعد ومن طالبنا الادارة ما قبلت ولامسموحلنا نعترض عالنقل لانه المشف يعرف شغله وهو مقيد بقوانين القسم
اني مثلا موضوعي الخاص بالستلايت ذاك يسمع حسكم بمنتدى الاليكترونات
موضوع للاخ بغدادي عالسيارات وموضوع للاخ ابو اندرو هم عن السيارات بعده لحد الان بقسم السيارات والمحركات
موضوع للاخ صفاء عن برنامج اليكتروني لتعليم السياقة ايضا في منتدى اخر
وهكذا.........
المشكلة انه ادارتنا الموقرة لحد الان ما عدهم تصور عن اهمية قسم الهجرة واللاجئين واللي اصبح ملجأ العراقيين لمعرفة اخبار اللجوء والامور المعاشية والحياتية بامريكا وغيرها من دول المهجر..........
اني اكوللكم اني وياكم اذا ترجع المواضيع للهجرة واللجوء (وهذا مراح يصير) بس وجود قسم الحياة افضل بالنسبة لي وللي يكتبون مواضيع تفيد المهاجر واللاجئ بعد وصوله احسن مما ما الكة موضوعي اللي تعبانة بيه وصارفة من وقتي وجهدي بمنتدى محد يعرفه ولا اكو شخص يستفيد منه وبهاي الحالة تنعدم الحاجة اله وهاي بعض الروابط للمواضيع اللي ما رجعت وبقت في منتديات اخرى
موضوعي عن الستلايت
http://www.ankawa.com/forum/index.php/topic,397539.0.html
موضوع الاخ دع شيبك يسفر ايضا عن الستلايت في منتدى (مقالات قرأتها لك)
http://www.ankawa.com/forum/index.php/topic,377976.0.html
موضوع الاخ صفاء الكرخي تعلم السياقة في منزلك
http://www.ankawa.com/forum/index.php/topic,405911.0.html
موضوع الاخ الكبيــــــــــــــر ابو دجلة عن الحصول على اجازة السياقة في امريكا (في منتدى السيارات والمحركات)
http://www.ankawa.com/forum/index.php/topic,364889.0.html
موضوع الاستاذ الغالي سلاما للعراق شراء السيارة وتصليحها في امريكا (في منتدى السيارات والمحركات)
http://www.ankawa.com/forum/index.php/topic,317744.0.html
وغيرهــــــــــــــــــــا كثير واتمنى ما يزعلون عليه الاخوة اللي ما ذكرت مواضيعهم بس هذه نماذج من اللي دورت عنها هسه ولكيتها حتى تكون الفكرة واضحة يمكم ليش طالبنا بافتتاح قسم الحياة العامة
وندائي للادارة انه يقدرون اهمية هذه المواضيع وعلى الاقل خلي ترجع المواضيع اللي انقلت وخلوها بقسم الحياة العامة.
اسفة عالاطالة اخي لورنس وتقبلوا خالص تحياتي
-
شكرا على مجهودك نتمنى ان تكون هذه المواضيع تنقل على اقل هو الى قسم الحياه العامه في امريكا حتى يستفاد منها الاهل في امريكا ونحن القادميين الى امريكا
-
اخوية كوندا
اني كل شيء ما اريد غير سلامتك
اني شخصت ظاهرة وخليتها كدام الاعضاء والمشرف والادارة
وهمه اللي يقررون مو اني.
الاخوان habazbooz69 و ROCK والاخت مظلومة سوادي
اشكر مروركم وارائكم
الفكرة انه قسم امريكا وكأنه اشبه بالارشيف وهذا واضح لكل الاعضاء
اني فكرتي انه يرجع المنتدى الى ماكان عليه مع السماح لاي موضوع
يخص اي فقرة من مفاصل دول اللجوء ( امريكا كندا الخ) بالبقاء في المنتدى
وتلقائيا راح انشوف انه المواضيع المهمة تبقى في ذاكرة كل الاعضاء
وستجدونها تضهر للساحة بين فترة واخرى ,, اما المواضيع الاخرى
راح تنزل للاسفل لانعدام او انتهاء الفائدة منها
تقبلوا تحياتي
الاخت سرى
اتفق معاك ومثل ماذكرت سابقا ,, احنا شخصنا الوضعية وبينا السبب الرئيسي
لفتح القسم والموضوع كله امام الادارة ,, اما الدمج مع بقاء كل المواضيع
في نفس القسم او يبقى الحال على ماهو عليه
وبكل الاحوال احنا ماخسرنا شيء
ع الاقل شفنا وجوهكم اقصد ردودكم الطيبة ههههههه
تحياتي للجميع