ankawa
منتدى الهجرة واللجوء => الهجرة و واللاجئين => الموضوع حرر بواسطة: white heart في 20:04 08/11/2010
-
اخواني الاعزاء اعضاء المنتدى الغالين
ارجو من لديه اجابة ان يجيبني على تساؤلي لان الحاجة ماسة وملحة
انوي ان اسافر الى لبنان مع عائلتي المكونة من زوجتي و 3 اطفال للتقديم على اليو ان والخلاص من قهر وضيم ومشاكل العراق ولكن هناك شيء يقلقني حقا
في حالة التقديم لليو ان والحصول على اللجوء وقبولي واعادة توطيني ولنقل مثلا في امريكا انا وعائلتي هل من الممكن ان ابدىء من جديد ومن الصفر اعيد ترتيب امور حياتي وحاضري ومستقبلي ، علما ان عمري واحد واربعين سنة وانا مهندس في احدى وزارات الدولة وراتبي جيد وزوجتي موظفة وراتبها جيد ايضا ولكني لا املك شبر واحد في العراق وعايش بالأيجار حاليا لانني صراحة لا اخذ رشوة او الغف بالمعنى الصحيح فأموري عادية حالها حال أي موظف شريف , انا احب الحرية ولا احب القيود وأحب ان اعيش في وسط نظيف يقوده القانون ولا اقبل الرشوة واحب النظام والتقيد به فلا يمكنني البقاء في العراق واكمال حياتي فيه علما اني زرت عدة دول اوربية من خلال ايفادات خارج القطر مثل السويد والمانيا وسويسرا وشفت شنو معنى الحياة في ظل قانون وانسانية وتعايش بين الجميع بدون تفرقة على اساس مذهب او عرق او دين.
سؤالي بوضوح هل يمكن ان احصل على عمل اعيل عائلتي به واكمل مسيرة حياتي معهم في امريكا ، هل امريكا هي بلد الاحلام وممكن ان تؤمن حياتي وحياة اطفالي هناك وانا في عمر 41 سنة ، أو انا في طريقي لأن اضيع مستقبلي ومستقبل اولادي بالمجازفة بترك وظيفتي وحياتي هنا علما ان لدي خدمة اكثر من عشر سنوات وزوجتي ام اطفالي كذلك ، هل يمكن البدء من الصفر واكمال مسيرة الحياة في امريكا
شكرا لكل من يساهم بالرد على تساؤلي واحترامي وتقديري لكل الآراء ، جزاكم الله خيرا
اخوكم ابو ميس العراقي
-
اخوية العزيز ابو ميس
غالبيه الناس اللي عافو البلد مو عافو لان ماعندهم وضائف او ماعندهم معيشة الغالبيه عافته لان كانت تحس نفس اللي انت تحس بي واكو ناس تركو البلد وكانت عندههم امكانيات يمكن احسن من اللي عندك
احسبها عدل وتوكل على الله
والله يوفقك
اخوك ابو علا
-
صراحه يا ابو ميس صحيح الوضع تعبان كلش بلعراق وخلاصك هوه السفر بحيث تشوف بلخارج الحياه الحلوه
اني اكولك اتوكل على الله وابدي حياتك وانته عمرك 41 بعدك اصغير مو جبير بس المشكله شنو
المشكله انته متعين وعندك راتب وزوجتك هم عدها راتب وتعرف التعيينات صعبه بس تروح ميصدكون حتى ايعينون واحد
بمكانك وعندك خدمه 10 سنوات فحرامات يعني وانته بكيفك بعد
اتمنالك كل الخير
اخوك اسكندر
-
مرحبا بك اخي العزيز ..
بالبدايه اريد اكلك بان التسجيل بالامم المتحده لشؤون اللاجئيين يرادلها صبر وطول البال يجب ان تاخذ هذا بنضر الاعتبار ..
اني بلبنان واي شيء تريده من ناحيه المعلومات عن كل مايخص التسجيل واللاجوء تدلل وبالخدمه ..
نعم اخي الكريم بامكانك الحصول على العمل بامريكا .. ولكن قد لايكون ضمن اختصاصك بالبدايه ولكن بمرور الزمن اكيد تكدر تشتغل باختصاصك بعد تعرفك على كل الجوانب المنطبقه بالحياه في امريكا واكيد الاخوه بامريكا راح يفيدوك بهذا الشيء ..
نعم اخي امريكا بالنسبه الي بلد الاحلام ... وامريكا حسب معرفتي من اغلبيه الاخوه هناك الي ينطيها تنطي اي الي يريد فعلا يكون حياه جديده ويريد يتعب ويدور شغل يلكى بالتاكيد ..
لااستطيع التدخل في حياتك الخاصه من ناحيه ترك وضيفتك انت وزوجتك ولكن القرار يعود الك بالتاكيد بعد ان تتعرف على كل شيء مني ومن الاخوه ومن اقاربك
اخيرا هنيأ لك لاي قرار تتخذه ...بالتوفيق لك
-
عمي لو طلعلي توطين ب اثيوبيا اروح و اعتبرها فرصه ذهبيه ;D
اي واحد عنده فرصه يطلع من العراق خلي يستغلها لاان الوضع من سيء الى اسوء
مع الاسف كمنا نفكر نهج و نعوف العراق بس هذا واقع الحال ما بيدنا شي >:(
-
ماكو فد شي اسمه بلد الاحلام او الفرصه الذهبيه او بلد الخلاص هاي كله مسميات الناس من الضيم تكوله ,, بس اني ممكن اشوف المصطلح الوحيد الي يمشي على امريكا بلد الفرص ,, اكو فرص تجيك مرات حظ مرات تعب فانته و قسمتك ونصيبك .
-
ماكو فد شي اسمه بلد الاحلام او الفرصه الذهبيه او بلد الخلاص هاي كله مسميات الناس من الضيم تكوله ,, بس اني ممكن اشوف المصطلح الوحيد الي يمشي على امريكا بلد الفرص ,, اكو فرص تجيك مرات حظ مرات تعب فانته و قسمتك ونصيبك .
آني أئيد هذا الكلام
-
اخوان بالنسبة الي اني اطلع وين مجان عمري 34 سنة واريد ارتاح لاارتاحيت بزمن صدام ولازمن الطائفية والاحزاب فاحسن شي كلت خلي افلت بجلدي والعراق اذا استقر جم سنة هم تتازم الامور فكلت خلي اشوفلي بلد مستقر اظمن مستقبل جهالي ولو اني ممتزوج بس افكر ليكدام ومشكلة الجواز الي نريد نطلع بية منكدر الف عائق وعائق وهسة حتة لو اني مستقر بالعراق وعندي راتب وعندي مسكن خلي نفكر شوية جد صار انفجار في مكان ما وانتة موجود ياما تتعوق لاسمح الله ياما تموت وتيتم اهلك يااما يعتقلوك وتخيس كم سنة اذا طلعت وطفيت الكهرباء وماكو مي وماكو شغل وامور اخرى اذا اريد احجي بيهة متخلص اخوية صلي استخارة والله يسهلك لانو كبل لااقدم علة فيزا الاردن او تركيا اوسوريا صليت استخارة والله سهلي فيزا الاردن والحمدلله اخذت توطين وباقي بس الاجراءات ولو صارلي سنة واحسب احسابك اقل شي سنتين تظل وحسب قضيتك ولبنان غالية هم يئثر ماديا ولازم تحسب حساب اقل شي مصروف 3 سنين والاختيار الك تمنياتي الك بالتوفيق
-
يايابا أشكد اتكرر هالموضوع بس يبقى حلو واني يعجبني اسمع وأقرا كل الاراء حتى لو ابقى لباجر الصبح اقرا ;D
أموت على هيج مواضيع
-
اخي الكريم
لا تصدق انه هناك شخص يستطيع ان يقرر لك لان القرار لك وحدك لانك الذي ستتحمل تبعاته. فهناك من توفق وهناك من لم يتوفق هناك من هاجر وعمره 60 سنة وتوفق وهناك من هاجر بريعان الشباب ولم يتوفق وهناك من هاجر مع عائلته الكبيرة وتوفق وهناك من هاجر منفردا ولم يتوفق لان التوفيق من رب العزة سبحانه وتعالى. واعلم ان الحال في العراق مؤقت لانه حالة شاذة علينا و من تجارب الحياة فلا يصح الا الصحيح وان كل شئ قابل للتغير عدا قانون التغير نفسه فحال العراق سيتغير بما لا يقبل الجدل الى الاحسن باذن الله اما المدة التي سيستغرقها فلا يعلمها الا الله سبحانه وتعالى. فاحسب الامور بميزان الحكمة و صلي صلاة الاستخارة واترك الامر لصاحب كي يرشدك الى جادة الصواب.
-
هوه الخوف بس لا نوصل امريكا ويصير بيها مثل اللي صار بالعراق . يمكن هذاك الوكت راح نقدم على لجوء للعراق.
-
بس اخي خلي ابالك اللجوء ممضمون مية بالمية انه تحصلة عن طريق الامم المتحدة...احتمال تنتضر فترة طويلة...الله يوفقك
-
خوي صاحب الموضوع
وخلي اببالك خويي ممكن تروح لاميركا وميوظفوك كمهندس يعني نفس وظيفتك
لان بامريكه مايعترفون باي شهاده اذا مو من امريكا خويي
جيرانه بالعراق جانت رئيسة مشاريع وطلعت لامريكه
تالي اشتغلت كاشيره بسوبر ماركت
وكالت هذا الشغل الكدرت احصل عليه لان لازم اذا اريد اشتغل بشهادتي ارجع ادرس وامتحن من جديد
بشكل عام خويي اذا انت حاس بحياتك بخطر واكيد كل عراقي طبعا حياته بخطر
قدم والله كريم
-
اخى القرار اولا واخيرا بايدك لان ممكن ان تاتى الى امريكا او اى بلد اخر ولكن لا تجد شغل باختصاصك لان لازم تعادل شهادة وتدرس وشغله طويله انى احب احكى لك عن حالى انا كنت محاسبه بالعراق ولكنى تركت خدمه 24 سنه وهاجرت بعد ان فقدت كثيرا من افراد عائلتى وقلت خلى احافظ اقل شى على اولادى ولهذا تركت عملى واملاكى وهاجرت ولكننى لم اجد شغل سوى شغله بسيطه وهى ان ارتب ملابس بسوبر ماركت ولكن خليت اولادى على مقاعد الدراسه وهذا هو المهم .
تشاور بقرارك انت وزوجتك لان هذا قرار مصيري وقد تبدا من الصفر !
لان اكثر اللذين يوصلون هنا ومن يشوفون الحياه هنا بالبدايه صعبه يتفاجئون وقد يرجعون ولهذا يجب ان تفكر انت وزجتك مليا قبل اتخاذ قراركم وتقبل مرورى
-
اخواني واخواتي الاعزاء والعزيزات
اشكركم جميعا لتواصلكم وردودكم الرائعة
أنا أميل الى ترجيح كفة السفر على البقاء في العراق ، وكذلك انا على استعداد لان أعمل في اي وظيفة أكسب بها عيشي واستطبع ان اكمل مشواري في حالة الوصول الى امريكا ، كذلك انا على استعداد للانتظار والصبر حتى لحظة النهاية لان ما اصادفه وما احسه في العراق يوميا لا يوصف من مرارة والم وقهر وخوف من مستقبل مجهول وحاضر عنيف دموي ومجتمع قاسي لا يمكن معه للانسان العاقل ان يستمر بالعيش فيه ،
ان ما يقلقني في امريكا مسألة انه الدولة تتكفل بالمصاريف لغاية أربعة أشهر كما فهمت فهل بعد الأربعة اشهر المشوار سيكون صعبا جدا وانه فرص العمل معدومة او قليلة لكي يمكن معها العيش بأستقرار ، هل يمكن ترتيب الامور خلال هذه الفترة القصيرة؟؟
شكرا لكم جميعا لتواصلكم وتحياتي القلبية لكم
ابو ميس
-
اخي الكريم
لا تصدق انه هناك شخص يستطيع ان يقرر لك لان القرار لك وحدك لانك الذي ستتحمل تبعاته. فهناك من توفق وهناك من لم يتوفق هناك من هاجر وعمره 60 سنة وتوفق وهناك من هاجر بريعان الشباب ولم يتوفق وهناك من هاجر مع عائلته الكبيرة وتوفق وهناك من هاجر منفردا ولم يتوفق
اخي الكريم
هل ممكن ان توضح لنا ولفائدة الجميع ماذا تقصد ان الانسان المهاجر يتوفق وكيف لا يتوفق
شكرا لردك وتواصلك
ابو ميس
-
اخى المساعدات تستمر اذا انت اطفالك دون 18 والعنايه الصحيه الهم مستمرة ............. وصحيح فرص العمل قليله بس انت وشطارتك وبحثك اذا اتريد تشتغل وادور وتسال تلكى والشاطر يقبل باى شغله بسيطة بالبدايه حتى من خلالها ومن خلال علاقات العمل قد يحصل على شغل احسن.
-
اخي الكريم
لا تصدق انه هناك شخص يستطيع ان يقرر لك لان القرار لك وحدك لانك الذي ستتحمل تبعاته. فهناك من توفق وهناك من لم يتوفق هناك من هاجر وعمره 60 سنة وتوفق وهناك من هاجر بريعان الشباب ولم يتوفق وهناك من هاجر مع عائلته الكبيرة وتوفق وهناك من هاجر منفردا ولم يتوفق
اخي الكريم
هل ممكن ان توضح لنا ولفائدة الجميع ماذا تقصد ان الانسان المهاجر يتوفق وكيف لا يتوفق
شكرا لردك وتواصلك
ابو ميس
اخي العزيز ابو ميس المحترم
قصدت بها، بان هناك من ياخذ الامور بجدية ويرجح كفة العقل ويستغل الفرص المناسبة من خلال المثابرة وعدم اضاعة الوقت والتبذير، وهناك نرى من ينصرف لمباهج الحياة وملذاتها متكأ على المعونات القليلة التي يستلمها ظنا منه بان المجال كبير و ان الوقت والعمر لازال طويلا امامه . باختصار هناك من يعرف من اين تؤكل الكتف وهناك من لا يعلم.
-
اخي العزيز اذا عندك اطفال ولم يصلو الى سن البلوغ راح تأخذ مساعدات لمده خمسه سنوات مو اربعه اشهر وهاي الاربعه اشهر
بالبدايه تاخذها وبعدين تتحول على احد البرنامجيين الموجوديين في الولايات الامريكيه وتستمر ل8 اشهر هذا اذا لم يكن لديك الاطفال .. تحياتي
-
اخي خلي بالك تره جماعة اليو ان يطولووون كلش اهواي تابع مواضيع المنتدى وستعرف ما هي المعاناة حتى يتم السفر الى امريكا فانا انصحك اذا ناوي تطلع الى اي بلد تقدم على ال يو ان خلي بالك مصاريف اهوي تحتاج حد متطلع اذا عندك امكانيه توكل على الله بس اذا ما كو امكانيه ماديه فانصحك بالتروي قليلا
-
اخي العزيز بالبداية التوفيق بالسفر و التقديم على اللجوء و الحصول على الموافقة تحتاج وقت مو اقل من سنة و ثلاثة اشهر و قد توصل سنتين لازم اتقلم نفسك و امورك المالية على هذا الشي مع الاخذ بعين الاعتبار انو تكدر اتحصل على بعض المساعدات و الخدمات الطبية في بلدان الجوار ام الشي الاهم و هو بلد الاستقرار و لو فرضنة امريكا اذا تذهب للولايات الجنوبية احتمال فرص العمل اكثر و اكيد فرص عمل اتكون لاعمال بسيط يعني اذا اشتغلة فول تايم انكول معدل 1400 ال 1500 دولار و اذا زوجتك هم اشتغلة و حصلة على شغل بارت تام برات انكول فد 750 دولار راح تكدر اتعيش عيشة معقولة و حلوة اذا قارنة بالعراق بس التطور والعمل بمهنة احسن عندك حلين لو تتوجة للدراسة و هي ام معادلة الشهادة او اخذ كورسات باختصاص معين واكو كورسات متنوعة ومدتة متنوعة من 3 شهور الى سنتين و اطور نفسك بالعمل اشوية اشوية و التجاة الثاني اذا عندك كم فلس تكدر بعد فهم قوانين البلد و اللغة تنظبط اتسويلك شغلة على كدك و حسب المبلغ الي عندك بس خلي ابالك اكون مو اقل من فد 40000 او 50000 الف بس الاهم من هذا الشي الاطفال اذا درسو و عاشو بمجتمع منظم اكيد هو بحد ذاتة ربح اهم من المادة و انت اذا ماعجبك الوضع تكدر بعد فترة تعود للعراق و انت عندك اكرين كارت او جنسية اذا جان عند صبر و هذا اخر الشغلات الي الواحد مايتمناها و انت اخي تعرف ماكو شي سهل والي اريد شي اعوف شي بس شغلة مهم بامريكا نسيت اكولة و مو بس امريكا اوربا هم محد اقلل من شئنك لان انت تشتغل شغل معينة و حد اذا متعرف تحجي لغة مضبوط يستهزء بيك بالعكس اعلموك طبعا اذا استثنينة قسم من اخوتنة العراقين و العرب و العنصرين و اللة اوفقك انشاللة و نصيحة اخيرة انت خلي ابالك من توصل لازم عندك كم فلس للبداية لان واحد مايعرف اشلون الوضع و راح الك شغل لو لا بصورة سريعة
-
شكرا لكم اخواني وأخواتي جميعا على اهتمامكم وتواصلكم
انا مخلي في بالي وأحاول ارتب اموري على اساس انه ابقى سنتين على الاقل في لبنان لحين صدور الاقامة فهل هذه الفترة كافية برأيكم علما انه ممكن ان ادبر مبلغ عشرين الف دولار فهل تكفي لحين الخلاص والسفر علما انا على استعداد للعمل في لبنان بأي وظيفة او عمل شريف ومفيد ، المهم هو تأمين حياتي وضمان مستقبل مشرق لاطفالي
اخوكم أبو ميس
-
ها اخوان اشلون صفت بباي احسن لو ساسوكي؟؟؟؟
-
اخوان شفتوا هذا الموضوع انصحكم تقروه وتنطون ردودكم لان موضوع كلش مهم وكل الاخوان طالبي اللجوء يهمهم
http://www.ankawa.com/forum/index.php/topic,455943.0.html