ankawa
منتدى الهجرة واللجوء => الهجرة و واللاجئين => الموضوع حرر بواسطة: ankawa_2010 في 13:38 10/11/2010
-
اقترح للسادة ممثلين الشعب المسيحي من الاحزاب والمنظمات ورجال الدين
ان يقوموا بتسجيل اسماء العوائل الراغبة بالهجرة والتنسيق مع كنائسنا بالخارخ
واعلام الدول الغربية بان هؤلاء لا يرغبون بالبقاء بالعراق خوفا على مستقبل عوائلهم
هذا ابسط ما يقومون به المعنيون لابناء شعبهم لانهم خيروهم بذلك
ارجو من لديه القدرة ان يرفع هذا المقترح للمعنيين ولكم الشكر
-
خويي ولو مويمي الشغله
بس خويي انت تتصور العوائل المسيحيه بالعراق ميكدرون يطلعون لغير دوله
ويقدمون لجوء عالاقل موكلهم خل نكول نصهم
بس خويي منو كال هذوله العوائل اصلا يردون يطلعون من العراق
انه صاحبتي مسيحيه الله يذكرها بالف خير اذا عايشه
اخر مره اهلي شافوهه بالسوك بالصدفه
كالولهه انتي مووالدج انقتل واخوج الجبير
ليش متقدمون لجوء وتطلعون حفاظا عالبقيه
كالت العراق بلدنا ومانعوفه خلي يكتلونه
يعني هاي بنيه وحده نعرفها
فمابالك بالباقين خويي
-
اخويه السادة ممثلين الشعب المسيحي من الاحزاب والمنظمات ورجال الدين بحكم مناصبهم السياسية والرسمية لدى الدولة و ايظا لوجود الخطوط الحمراء التي لا يستطيعون اجتيازها لا يستطيعون عمل اي شي ولا خطو اي خطوه من هذا القبيل. خاصة موضوع العمل على هجرة المسيحيين من البلد رسميا. و اكو هوايه اعتبارات اخرى تخليهم لا يستطيعون حتى مجرد التفكير بهذا الشي .
-
عيني مظلومه سوادي
الحجي مو يم صاحبتك بس اكو هواية ما يكدرون يطلعون لظروفهم المعاشية
وهذا اني كلت الي يريد يطلع يعني هم مخيرون
-
صحيح خويي انه وياك بهذا الشي
بس بشكل عام الاخوه المسيحيين عدهم افضليه بالهجره واللجوء
بسبب الديصير بيهم مو بس هسه من سنين طويله
واني وياك خويي بشغله مهمه
الناس الباقيه اغلبيتها وضعها المادي ميساعدها للخروج من العراق
شفت ابو الشهيد عدي شكال كال اني مهندس ومحد يقبل يشغلني لان مسيحي
زين اذا محد يشغلهم اذن ماكو امكانيه ماديه للطلعه خارج العراق
وبهاي عندك حق خويي
والله يحمي كل العراقيين بكافة اديانهم وطوائفهم من كل شر امين
-
اقترح للسادة ممثلين الشعب المسيحي من الاحزاب والمنظمات ورجال الدين
ان يقوموا بتسجيل اسماء العوائل الراغبة بالهجرة والتنسيق مع كنائسنا بالخارخ
واعلام الدول الغربية بان هؤلاء لا يرغبون بالبقاء بالعراق خوفا على مستقبل عوائلهم
هذا ابسط ما يقومون به المعنيون لابناء شعبهم لانهم خيروهم بذلك
ارجو من لديه القدرة ان يرفع هذا المقترح للمعنيين ولكم الشكر
بارك الله فيك
-
حسب اعتقادي انو راح يجلبون بالمسيحيين بالعراق وما راح يخلون واحد يهاجر لأن المالكي طلب من البابا ما يلي
( قداسة البابا ارجو منكم عدم تشجيع المسيحيين على الهجرة من العراق حتى لا يخلو الشرق من المسيحيين ولا يخلو الغرب من المسلمين ) انتهت القصة ؟؟؟؟؟؟؟؟؟؟؟؟؟؟
كان الله بالعون اخي
-
اخوان تره شغلة اللجوء للاخوة المسحيين مو سهلة لان اكو جهات عليا والكل تعرف منو ؟؟ دتحاول بكل الطرق ان تمنع هجرتهم
ولان هذي الجهات ما متضررة بأي شكل من الاشكال فأكيد مامهتمة لاي عراقي سواء مسلم او مسيحي ومعاناته ..
وهواي عوائل مسيحية حالها حال اي عراقي امكانيتهم المادية ما تساعد انه يطلعون حتى لو للشمال ..
فما اعرف شنو تالية مخططات الارهابية وحكومتنا المبجلة وين حتوصل الشعب العراقي ؟؟