ankawa
منتدى الهجرة واللجوء => الهجرة و واللاجئين => الموضوع حرر بواسطة: لابيلاشوشو في 18:42 10/11/2010
-
السلام عليكم
اشلونكم اخواني بالمنتدى بالبداية احب اشكر القائمين على هذا المنتدى الاكثر من رائع والذي كان ومازال ملاذاً للاجئين العراقيين في المهجر.
اخواني اتمنى ان تساعدوني بمشكلتي وان تشيروا علي لاني ماالي غير رب العالمين ثم انتو مشكلتي هي انا وزوجي جئنا على تركيا وقدمنا على اليو ان يوم 27-7 وانطونا موعد على الشهر التاسع يوم 8-9 قابلنا وبعد المقابلة انطونا موعد على 23-11 قبل اسبوعين اتصلوا بينا اليو ان وأكدوا على الموعد وكالولنا مو تنسوه .اليوم المصادف 10-11 خابرتنا وحدة من اليو ان بنهاية الدوام وكالتلنا انو موعدنا تأجل للشهر الواحد من السنة القادمة 2011-1-11 اي تاجل الموعد بعد شهرين ايضا. كما تعلمون الحياة جدا صعبة هنا وانا نفسيتي كلش كاش تعبانة لان مانستطيع نرجع بعد للبغداد لان زوجي تهدد تهديد قوي وانا كذلك ولايوجد احد من العراقيين اللي ممكن نتقربلهم وتصير عندي صداقات وياهم لان مع الاسف جربنا كم عائلة صادقناهم بس خلصت مصلحتهم من يمنا بطلو يتعرفون علينا والحياة هنا جدا صعبة وزوجي يبحث عن عمل والعائق اللغة وهو يتحدث تركي نص ونص .والله والله عيوني صارت تاذيني من كثر البجي وهسة دااكتبلكم واني داابجي من القهر ليش هيج اخروا موعدنا حسب ماكالت الموظفة اللي باليو ان انه ماكو مترجمين زين اكوناس اجو بالشهر التاسع وقابلو ا واخذوا الفسفورة وقابلوا باسطنبول واحنا بعدنا انتضار .ممكن تفيدوني هل هذا التاخير بيه خير لو شنو؟علما احنا ساكنين بانقرة وبعد 3 اشهر راح ترحلنا الامنيات لغير محافظة. وشكرا لسعة صدوركم
-
السلام عليكم
اشكر الاخ ابو علاء والاخت العبير لردودكم الجميلة بس احب اكول الى العبير هي مو مسالة اني مستعجلة او لا لكن هنا طلبات اللجوء تمشي بسرعة بتركيا اكو بالالاف العوائل اللي اجو بعدنا واللي حتى هسة اجو بهذا الشهر قابلو واخذو الفسفورة .بس الحمدلله على كل حال واتمنى ردود اكثر منكم وشكرا
-
والله يااختي امقهرت من قريت الي كاتبته وادعو الله ان يفك ازمتكم يارب انه سميع مجيب وان شاء الله الاخوة في تركيا ما يقصرون وياكم
-
اختي ممكن تتصلون بيهم وان شاءالله يقربون الموعد
وان شاءالله يارب يتسهل امركم قريبا ونسمع عنكم اخبار حلوة
-
اختي لابيلاشوشو ربي يفتحها ابوجهكم ويفرحكم تقابلون وتسافرون بأسرع وقت اصبري يا اختاه ترة الشغلة تسوة بعدين راح اتصير ذكريات انشاء الله توصلون البلد الي ابالكم وكلشي قسمة خلي ايمانج ابرب العالمين قوي ترة الله سبحانه وتعالى مينسى عبده
-
اختي ممكن تتصلون بيهم وان شاءالله يقربون الموعد
وان شاءالله يارب يتسهل امركم قريبا ونسمع عنكم اخبار حلوة
عزيزتي طولي بالج لهي نفسج بالطلعه بره بهالطبيعه الحلوة وبالتلفزيون وبالكومبيوتر هوايه اشياء ممكن ان تفيدج وتضيع الوكت ولاتبجين لان الدنيا متسوة وصدكي كل واحد ياخذ نصيبه بهالدنيا والخطوة الصحيحه هيه اللي اخذتيها يوم مطلعتي من العراق
وهسه تشوفين الايام تمر والمشاكل تنحل واللجوء يجيكم
حطي عينج بعين الله وتوكلي عليه وخلي ايمانج قوي
وانشالله بالتوفيق
-
الله يهون الصعب ويسهلج امورج بس اختي من قبل متجون لتركيا متدرون انه اليو ان مطمطة شغلتهم وطول سنين مو شهور فانت خلي هالشي بالج حتة شيجيج تكدرين تتحمليه ومتنهزين من اول صدمة صح التاجيل لو يوم يضر بس انت توقعي توصلين لمرحلة تستلمين تذاكر والسفر بعد اسبوع ويخابروج ياجلوج شهر وهذة الي صار ويانة يعني التاجيل شي عادي ومتوقع لتنصدمين
-
الله يسهل عليكم ان شاءالله
اني ماعندي معلومات ع التقديم من دول الجوار
زين اذا راجعتوهم ووصفتولهم حالتكم ما تجيب فايدة؟؟؟؟؟
بالتوفيق اختي
-
ماالج يااختي الكريمة غير الصبر والدعاء وخصوصا هاي الايام
-
السلام عليكم
الى الاخوة لورنس العرب دحدودحة عمر خطاب بنت الغربية شوفرليت وزهرة الصبار كاتلوني الى الابداشكر كم على ردودكم وعلى تفاعلكم معي والله فرحت كثير ا عندما قرأت ردودكم لكن نفسيتي جدا تعبانة لانه مااعرف راسي من رجلي يعني احنا مرفوضين او مقبولين والله صعد عندي ضغط اليوم وانقهرت بس شنسوي الحمدلله كلى كل حال والله وصلت لمرحلة اريد اروح لطبيب نفسي لان ماعندي احد احجي وياه والحمدلله اني هسة بهالايام الفضيلة شادة حيلي بالصلاة والدعاء وياالله وارجو منكم الدعاء لي وبارك الله بيكم
-
اختي الله يكون بعونكم صدقيني اي واحد بتركيا الكل مقبولين لانه عددكم قليل وان شاء الله الفرج وصدقني على دقيقة يتصلون بيكم وادعيلي اخوك ابو مازن
-
انشاءلله ربي يفرجها عليكم باقرب وقت ربي يكون معكم اختي ماعندنا غير الدعاء ان يفرجها الله عليكم وتسافرون وتستقرون وتخلصون من هم المقابلات والانتظار بالتوفيق اختي
-
كان الله بالعون، وان شاء الله تنكظي الايام وما تحسون بيها وان شاء الله تجي موافقتكم وهذه الايام اللي دتمرون بيها تصير كلها سوالف. لكن هذا ما يمنع من ان تجربين وتخاطبيهم بلكي عسى ولعل يقربون موعد سفركم. ان شاء الله
-
انشاءلله ربي يفرجها عليكم باقرب وقت ربي يكون معكم اختي ماعندنا غير الدعاء ان يفرجها الله عليكم وتسافرون وتستقرون وتخلصون من هم المقابلات والانتظار بالتوفيق اختي
اشلونج اخت انجي اشكرج على مرورج بس حبيت اسأل كالولي بعض الناس انه لما يأجلون الموعد احتمال نبقى سنة على هالجال واعصابي كلش انهارت انصحوني شنو اسوي اختكم كلش محتارة ؟؟
؟
-
اختي خلي ايمانج قوي وان شاء الله يسهلها عليكم وتقابلون
ولو اختى انتي ان قابلتي هالشهر او بالشهر الواحد ما تفرق لان في كلا الحالتين عطلة العيد وكرسمس حياخرون المعاملات
وان شاء الله يكون التاجيل من مصلحتكم ويجيلكم الفرج عن قريب
بس انتي ادعي وان شاء الله يستجيب منكم
ولا يهمج كلام الناس لان الاشاعات ببلاش