ankawa
منتدى الهجرة واللجوء => الهجرة و واللاجئين => الموضوع حرر بواسطة: angel88 في 04:11 14/11/2010
-
السلام عليكم
شلونكم؟
اني اريد اسأل علمود جماعة علة لم الشمل عن طريق الكرين كارت للزوجة
يعني مثلا الزوج يكون بامريكا ومحصل الكرين كارت قبل سنة ونص
بس البنية قدمت علة فيزا دراسية منانة ابغداد وانرفضت يكلولها ماعندج روابط للوطن وبسبب قانون الهجرة وممتأكدين انه ترجع للوطن
فكالو اخر حل اسوي لم الشمل ولو سمعو تطول عن طريق الكرين كارت
بس هسة سمعو انه لا .. واحد ديسويها وكايليله انه تطول من 6 اشهر الى سنة
اني هية عدها دخول مسبق لامريكا سنة 2009 عن طريق برنامج ثقافي
وهلشهر علة اساس يتزوجون ابغداد
فاذا رجع وقدملها لم الشمل .. شكد تتوقعون تطول؟
وهل رفض الفيزا حيأثر علة هاي المعاملة علما انه كلولها انه طلب الفيزا انرفض يعني مو هية الي انرفضت
وهل يكدر يقدم المعاملة ويرجع للعراق خلال مدة سيران المعاملة؟
لو اجباري يظل بامريكا بخلالها
علما انه شغله بسيط يامريكا ومو راتب قوي .. هاي رح تأثر علمعاملة؟
بس عنده واحد راتبه قوي رح يخلي بلكفالة
ياريت الي متأكد من المعلومات ويجاوبني شكرا جزيلا
-
كنت اتمنى اجوابك بس مع الاسف كل سؤال محتاج 4 اسطر اجابة هههه
وسؤال ببطن سؤال .. وتشبه الفوازير ...
انا اعتذر عن الاجابة ولكن ...اهلا وسهلا بك كعضوة جديدة
-
عزيزتي انجل ممكن تحصلين ان شاء الله على جواب بس انتي الاسئلة على رأي اخونا ابو محمد صايرة ناس ببطن ناس حبة حبة ياعلام.....
اهلا وسهلا بيج بالمنتدى وان شاء الله تكونين صورة واضحة عن طبيعة معاملتج.
اول شي انتي جاوبينا هو الشخص اللي حصل الكرين كارد شوكت دخل لامريكا؟ بالضبط يعني صارله سنتين لو بعد؟
وشنو كان نوع الدخول هل عمل وية الامريكان وطلع على برنامج هجرة او لجوء لو شنو؟
حتى نكدر نفيدج عزيزتي
-
اذا عندك معلومات ليش تبخل علينة بيها ??? ??? ??? :-\ :-\ >:( :( :( :( :( :( :(
اذا ماكو وراك شي حباب جاوب اي سؤال حته لو تسوي ترك لواحد هههه
واهلا وسهلا بيك وشكرا علةردك
-
شكرا علة الرد حبي
الشخص صارله سنتين ونص بأمريكا
واجة عن طريق برنامج لجوء
اني اسفة انه صايرة الاسئلة ابطن اسئلة بس اني لانه داحجي القصة مثل ما هية وحسب الترتيب الزمني هههه ..
-
اوكي اذا متعدي السنتين هاي مراح يسوي لم الشمل للاجئين لانه لازم اللاجئ يسويه من دخوله لامريكا وخلال سنتين فقط فهاي الطريقة هسه انتهينا منها
نجي على لجوءه هو مشتغل وية الامريكان؟ يعني من طلب اللجوء كان عن طريق اليو ان un؟ لو مباشرة عالiom لانه عمل وية الامريكان؟
اذا كان عن طريق اليو ان تبقى عدكم طريقة وحدة انه يسويلج لم شمل (وهو بالحقيقة هجرة) عن طريق تقديم الفورم i-130 وتكون معاملتج عن طريق منظمة الهجرة ببغداد الiom وشكد تطول محد يكدر ينطيج مدة مضبوطة ولكن على الاقل ستة اشهر وفي الغالب اكثر وتدخلين امريكا كلاجئة.افضل من شغلة الكفيل المادي اذا قدملج على طلب هجرة فقط باعتباره حامل للكرين كارد.
-
هوة لا مو عن طريق امريكان دخل .. ولا مشتغل وية الامريكان
دخل عن طريق ال un
واني شفتها هاي الفورم الي كلتي عليها بلنت .. وهية الي رح يمشي عليها
بس هل ممكن انه يقدمها اهناكة بأمريكا ورة الزواج ويقدم المعاملة وتمشي عادي .. بس بخلال متطلع يجي للعراق؟
يعني خلال مدة سيران المعاملة ممكن انه يكون يبقة بلعراق؟
ويعني هلمدة صدك؟ لعد ليش سمعت قبل انه هية 3 سنين وماعرف شكد؟
وهوة اني كتلج انه رح يقدم علة هاي الطريقة وعلة هاي الفورم .. بس من يسألوه هل عدها كفيل ثاني .. رح يخلي شخص ثاني راتبه قوي.. لانه هوة راتبه مو قوي
بس هية المعاملة بالاساس عادي مال لم الشمل الزوجة عن طريق هاي الفورم
بس هوة اصلا شغله اذا جان قوي او مو قوي رح يأثر علة معاملة لم الشمل لو ملة علاقة؟
شكرا حبي علرد واسفة رح اتعبكم
-
اي حبيبتي صحيح هو الفورم نفسه بس اذا قدملج عالاي او ام iom مباشر ما تحتاجون لاكفيل مادي ولا انه راتبه يكون قوي يعني تدخلين امريكا كلاجئة ويكون التقديم بالايميل لمنظمة الهجرة الدولية iom وتقابلين مثل بقية الاخوة مقابلات وفحص وتسافرين على حساب المنظمة وتسددين فلوس التذاكر.
زوجج ممكن طبعا يجي للعراق ويكدر بالكرين كارد يبقى من يوم الة سنة الا يوم خارج امريكا ولازم يرجع هناك فترة ويرجع بعدين للعراق حتى لايتجاوز المدة القانونية المسموحة اله للبقاء.
عزيزتي اتصلي بالاخ hassan w وهو عضو بالمنتدى لانه قصتكم تشبه قصته بس هو مواطن امريكي وديسوي لجوء لزوجته وابنه عن هذا الطريق وهو مايقصر.
-
ها يعني اكو لم شمل عادي واكو عن طريق ال اي او ام؟
بشرتيني شكرا حبي ماعرف شلون اشكرج لانه اني صارلي شكد دايخة واتصووري مرتين قدمت علة درب فيزا الدراسة
شكرا مرة لخ
-
اي حبيبتي هاي معلوماتي عن الموضوع بس مثل ماكتلج اسألي الاخ حسن عن الخطوات الصحيحة.
-
اختي انجل شرحتلج بموضوع اخ حسن كيفية التقديم
اتدزين ايميل الى ال اي او ام
وترفقين بي رقم الفيزا او الكرين كارت مالت زوجك
والبايوغرافي داتا مالتج
والجنسيه
واتكونين انتي البرينسبل اوف ابلكيشن
ومع ملخص سطرين بانه انتي اتعرضتي للتهديد في العراق بسبب عمل زوجك
واتدزيه وتنتضرين ينطوج الكيس نمبر
-
تسلمين ريومة عالشرح اوكي يعني هاي الخطوات اللي تسويها اختنا ما عدا انه زوجها ما مشتغل وية الامريكان فماكو فقرة التهديد.وردة ريوم.
-
اختي ريم انتي يمكن منتبهتي علة شغلة انه زوجي ماحصل لجوء علة ال اي او ام ولا هوة مشتغل وية الامريكان
هوة حصل لجوء عن طريق ال un
فهل الخطوات الي ذكرتيها هية نفسها؟؟؟
شكرا للمساعدة
-
حبيبتي اذا ممشتغل ويه الامريكان ومقدم عل اليو ان
المهم حاليا هوه حاصل على الكرين كارت وانتي تنشملين لكونج زوجة لاجئ حاصل على اقامه دائميه
وتذكرين انه اتعرضتي للتهديد بدون انه يعمل مع الامريكان
لان قضايا الرفض دتصير على الي ممتعرضين لتهديد مباشر
والخطوات نفسها اتقومين بيها
-
اني هستوني رح اتزوج فبهيج حالة لازم اكول انه اني المتعرضة للتهديد مثلا .. واني اخوية شهيد قبل سنتين.. هاي تفيد؟