ankawa
منتدى الهجرة واللجوء => الهجرة و واللاجئين => الموضوع حرر بواسطة: beckham2010 في 06:21 14/11/2010
-
السلام عليكم اخوان عندي زوجة خالي المرحوم وصاحبة ثلاثه ايتام اتصلوا بيها الاي او ام وحددولها موعد سفر نهاية هذا الشهر واسم المكان هو مانفيس - تنسي وماعدها احد هناك ولاكفيل يعني بس المنظمه فاخواني الي يعرف اي شي عن هاي الولايه يكتبلياه اي معلومة عن الجو المنظمات الموجودة والمساعدات وشلونها هاي الولاية بصورة عامه وشنو الوضعية بيها والف رحمه علة والديكم ولكم جزيل الشكر
-
اخي العزيز بيكهام ان شاء الله اخوتنا بتينيسي ما يقصرون وعندك اختنا ريم عبد هي ولايتهم المستقبلية ان شاء الله فهي جامعة عنها معلومات ممكن تراسلها وهي ما تقصر.تحياتي لك وان شاء الله تحصل على معلومات مفيدة.
-
شكرا جزيلا ورحم الله والديكم اخت سرى وريم وانشاء الله فعلا الاخوان الي عدهم معلومات ميقصرون
-
اخويه العزيز:
اسمهه مدينة ميمفس بولاية تينسي من اهم مدن الولايه واكبرها لكن مو العاصمه
على العموم اني ساكن بتينسي بس ميمفس تبعد عني حوالي ثلاث ساعات فاذا كدرت تقنعهم انه يغيروهه الى مدينة ناشفل Nashville (الي هيه في ولاية تينسي ايضا) راح اكدر اساعدها ان تلكه كفيل واذا ماكو اني اكفلهه واساعدهه معنويا ونوكف وياها اني وزوجتي بالي نكدر عليه
اذا كدرت تحول الى ناشفل راسلني على الخاص
الولايه حلوه وبيهه عرب وعراقيين هوايه ومحلات عربيه ومساعدات ايضا زينه ورخيصه نوعا ما بس همتهه شويه بالشغل والرزق على رب العالمين
تحياتي واحترامي
-
ممنون منك علاوي الشهم وشكرا عالجواب الراقي والف رحمه على والديك بس انت اخويه مثل متعرف انه همه الي حددولها المكان فمااعتقد رح تكدر اتغيره وخصوصا انه سفرهم نهاية هالشهر يعني مبقى شي عليه فالمساعدات كلت زينه بس لناشفيل او ممفيس همين اذا عندك علم واما اذا وصوا لهاي المدينه وطلعت لاسامح الله موزينه وتبهذلوا بيها فانشاء الله رح ابلغك وانشاء الله انت متقصر والف رحمة على والديك ياطيب
-
اخويه ميمفس وناشفل في ولايه وحده يعني نفس المساعدات
بس اني ردتها تروح لناشفل لان بيهه عرب وعراقيين هوايه وحتى نكدر نكون قريبين من عدهم
على العموم خلي مجرد تطلب منهم هذا الشي انه يغيرون المدينه يعني اتوقع ما يعارضون لان هيه نفس الولايه ما راح تغيير ولايتهه... خل نشوف شلون تصير الامور واني بالخدمه انشاء الله
-
زين اخوية ابو حسين همه هسه اكيد ماجريلهم شقه او سكن بممفيس فشلون رح يغيروه من هسه لو من توصل اتكلهم اريد اغير العنوان وبالنسبه للمساعدات ممكن تنطيني توضيح عنها لان صاحبة الكيس ام الايتام متكدر تعمل لان جان بيها شلل نصفي وهسه الحمد لله تحسن وضعها بس متكدر تعمل فشلون رح يكون المساعدات الهم والاطفال كلهم بعمر المدارس وضوجتك باسئلتي ياطيب
-
بارك الله بيك أخي علي وهذه الشهامة والأخلاق العالية مو غريبة على العراقيين .
الله يفتحهه بوجهك وينطيك على كد نياتك ياطيب .
أختك كوكي .
-
اخويه العزيز
هيه عدهه كفيل لو لا؟ يعني اذا ماعدهه كفيل شلون مأجريلهه من هسه؟ خلي تكلهم لكيت كفيل بمدينة ناشفل ؟ خلي تكولولهم اليوم قبل باجر يا عيني لا تتاخرون
على العموم اكو آر سي اي جيك اول ما تجي لمده 8 اشهر وفود ستام اذا هيه اربع افراد فيمون بين 650-700 بالشهر وتأمين صحي كامل اله و للاطفال و ايضا للاطفال اكو برنامج الوك وقابل للتجديد... بس كلي شلونهه بالانكليزي؟
-
اخي العزيز
ليضل بالك عليها لان الولايه الي رايحتلها ان شاء الله من الولايات الحلوه وتصلح لسكن العوائل لهدوئها
واكيد هسه متكدر اتغير مكانها لان اتحدد موعد السفر والمنظمه هي الي راح تتكفلها
وهذا رابط موضوع تنيسي يوضح الاشخاص الي موجودين حاليا بيها وشرح لكل ما جاد بها الاعضاء عن الولايه
http://www.ankawa.com/forum/index.php/topic,375538.0.html
-
اخواني الله يحفظكم ويجعله بميزان حسناتكم والف شكر الكم اخويه ابو حسين الورده الشهم كلش ممنون منك على وكفتك الطيبه بس تدري يااخويه هي مبقى على سفرهم شي واكيد المنظمه هي الي كافلتهم فاني الحمد لله والشكر هسه اطمانيت عليهم والله بوجودكم فاني اكول خل اتروح هسه لممفيس واني ابقى على اتصال بيهم واذا الاوضاع صعبه يمهم انشاء الله اتصل بيك على هذا الموقع او اتحب تنطيني فد شي اتصل بيه عليك حتى انحاول شلون انغير المدينه وتجي يمكم لناشفيل علما انه هي الانكليزيه مالتها موزينه واشكرك اخويه على شهامتك مره ثانيه وبارك الله بيك والف رحمه على والديك وكثر الله من امثالك
-
عاشت ايدك اخوية ابو حسين ,, بارك الله بيك
فقط حبيت ااكد انه هم اذا هسه كالوا لكينا كفيل وانريد
نغير المدينة ,, هذا كله لازم يصير بالايميلات واول شيء
طبعا لازم يأجلون السفر يعني شيء ع شيء اقل شيء
3 اشهر ياله تفض ,, فمثل مكال الاخ بيكهام يسافرون بالاول
ويشوفون المدينة عجبتهم هم باقين بيها لا سامح الله مكدروا
يتعايشون بيها ينتقلون للمدينة اللخ وانت والطيبين متقصرون
تحياتي
-
انشاء الله بالتسهيل انشاء الله
وقبل لا تسافر راسلني على الخاص حتى انطيك رقمي و رقم زوجتي حتى من تجي هنا اذا تحتاج شي تخابرنه واني بالخدمة انشاء الله
-
الف رحمة على والديك ياابو حسين الذهب ممنون منك كلش وانشاء الله من يسافرون ويوصلون وينطوني عنوانهم هناك اراسلك واخذ تليفونك والف شكر الك اخويه ابو حسين وكثر الله من امثالك الطيبين