ankawa
منتدى الهجرة واللجوء => الهجرة و واللاجئين => الموضوع حرر بواسطة: o+r في 21:42 14/11/2010
-
مرحبا كيف الحال؟ ارجو ان تكونوا بخير.... انني رجل مسلم وزوجتي مسيحية نسكن احدى مناطق الرصافة بعد احداث كنيسة سيدة النجاة بدأت التهديدات تتوارد على المسيح من سكنة مناطق الكرخ خصوصا وتصورنا ان الامر لن يتجاوز هذا الحد، ولكنه تجاوز هذا الحد وفوجئت بوجود تهديد على نافذة سيارتي الامامية ومضمون التهديد هوة انه يجب علي الرحيل انا وزوجتي من المنطقة والا مصيرنا هوة القتل، كما وان اغلب جيراني يعلمون بان زوجتي مسيحية ومازالت على دينها... ارجو منكم المساعدة لانني لا اعرف ماذا افعل وانا لدي طفلان وزوجة ولا اعرف ماذا افعل او الى اين اذهب، سمعت ان هناك دول سفاراتها في بغداد تستقبل مثل هذه الحالات خاصة بعد احداث كنيسة سيدة النجاة ولكن لا اعرف كيف واين ومتى وماهي المستمسكات المطلوبة.
ارجو منكم المساعدة بكل معلومة تفيدني وتقبلوا مني فائق التقدير والاحترام
-
اخويه العزيز روح الى احد دول الجوار وقدم طلب الى الامم المتحده
تكدر تدور بالمنتدى على كيفية التقديم لان اكو الكثير الكثير من المواضيع الي راح تفيدك بالتقديم
واذا احتاجيت شي معين اسال الاعضاء الكرام او راسلني على الخاص
تحياتي
-
اعتقد السفاره الفرنسيه حاليا فاتحه طلبات الجوء للمسيحين واعتقد الكنائس همين تساعد بهل شي
وسؤال للي وجهو تهديد الك والغيرك لان مزوج مسيحيه
المطلوب شنو بالضبط يريدون المزوج مسيحيه يطلكها ؟ زين هذا مو حرام انو يفرقون اسره
الله ينتقم من كل واحد يسوي هل افعال
ركضو ورانه المسلمين وفرقونه وخلونه نطلع من العراق وهسه وره المسيحين
مادري العراق المن منو الشخص الي ممستهدف بي ومنو الي مسموح اله يعيش بالعراق
اطونه ديانه او مذهب مسموح اله يعيش بالعراق حتى نكون على صوره ونعرف
اخخخ من كل ضالم
-
اخي احمد عباس
ليش همه اهذوله هم محسوبين على دين او جنس هولاء عباره عن حثاله وتريد تحطيم بلدنا باي وسيله لعد احنا ليش انريد نطلع منا مو من وره هيج عقول فاسده
اما بالنسبه لصاحب الموضوع نرجو كل من لديه اي معلومه بتقديمها له وعسى الله ان يحفظك انت وعائلتك من اي مكروه
-
http://www.migrationexpert.com/australia/visa/visa_application.asp
موقع عالمي للهجرة
International Rescue Committee (IRC)
www.theirc.org
جمعية الإنقاذ العالمية
-
اخويه حاول اتحافظ على عائلتك وتطلع من المنطقه. بس سوال يطرح نفسه الرجل المسلم في العراق لا يزوجوه مسيحيه رسميا بالمحكمه و دينيا عند رجل الدين الا اذا استسلمت الزوجة... فمستحيل شلون هي باقيه على دينه و الجوارين يعرفون بيه هي مسيحية و هي زوجتك ؟؟؟؟؟؟؟
-
تحية للزملاء،
انهم يقتلون الفسيفساء العراقي لكن أفضل ان نحتفظ بجزء منه بالخارج على ان نتركه يتهشم هنا،
عزيزي قبل الخروج من العراق الى احد الدول المجاورة أحصل على كافة المستمسكات التي تبين انتمائك وانتماء زوجتك الديني بما في ذلك صورة القيد من النفوس ،شهادة عماد او تناول من الكنيسة بخصوص زوجتك بالاضافة الى أي شيء اخر يبين انتمائك وانتمائها المختلف وبالتأكيد نسخة اصلية من عقد الزواج و ان تحتفظ بالتهديد الذي وجدته على نافذة السيارة ، لان رحلتك خارج العراق ستكون بدون عودة نهائيا،تفاصيل التقديم والبلد الأمثل اتركه للزملاء الاكثر خبرة بهذا المجال،.
-
عمي دولار ليش ميصير وحتى العكس اعرف ناس عدهم هكذا زيجات
خلونه بمشكله اخونه
اخي العزيز انت اول شي طلعت من المنطقه حتى تأمن حياتك وحياة عائلتك؟
الشي الثاني اللي اعرفه انه السفارة الفرنسيه تنطي اللجوء للجرحى مال حادثه كنيسه سيدة النجاة
وانت اذا محصلت شي بالعراق انصحك تاخذ مستمسكاتك انت وعائلتك وتقدم من اي دوله مجاورة
وانشالله بالتوفيق
-
اي اخونا صاحب الموضوع وصلت للحل لو لا ... وينك ؟؟؟؟؟؟؟؟
-
السلام عليكم الاخوة الاعضاء كافة واخونة صاحب القضية .
اخوتي الاعزاء نرجو عدم اخراج الموضوع من حالته الطبيعية (الرجل دا يطلب المساعدة وذكر الحالة اليمر بيهة) .لان الاعمال بالنيات واحنة نيتنة نقدم المساعدة لكل من يطلبها.(يعني ما كو داعي لعلامات الاستفهام والتشكيك في اي قضية يطرحها اي شخص).
اخوية العزيز صاحب القضية.
هل لك نية تغادر العراق (يعني العراق بعد ما بي اي مكان امين بالنسبة الك و زوجتك)؟
اذا ناوي تغادر العراق الموضوع مو بالسهل وكلهة (اتوكل على الله ,لم غراضك وطلع,اطلع الى اي دولة من دول الجوار ,.......) لا عيني الموضوع مو بهل سهولة مثل ما ايصوروه بعض اعضاء المنتدى الاعزاء وبدون مبالغة.
1-هل انت موظف في اي دائرة من دوائر الدولة؟هل اختنة(زوجتك) موظفة (يعني هل امورك المادية جيدة اومتوسطة)؟
2-هل بيتك اجار ام ملك ؟
3-هل لديك عائلة كبيرة(اخوان او خوات ام او اب)؟
4-هل تستطيع ان تتحول في منطقة ثانية(يعني عندك شارع الصناعة او حي الوحدة او الغدير او بغداد الجديدة حي سومر او حي الخليج او كرادة داخل او خارخ او حي بابل )هذه كلها مناطق يقطنها المسيح وهي هادئة وناسها كلش طيبين.
كل ما اريد اوصلكياه انو لتتصور الهجرة سهلة والموضوع كلش ايطول واحتمالات الرفض مو بعيدة ويرادلهة فلوس وبهذلة والنتيجة ما مضمونة مثل ما ايصوروهة بعض الاخوة الاعزاء.
اذا بس على موضوع التهديد بيهة مجال تغير سكنك يم اخوانك او يم اهل زوجتك وهي مجرد زوبعة من الكلاب السائبة موجهة ضد اخوتنة المسيح .يعني مو علمود التهديد ادمر عائلتك بالهجرة للخارج وخصوصا انت عندك بدائل بتغير سكنك الى منطقة هادئة بالنسبة لاخوانة المسيح.......................
وبالنهاية القرار يرجع الك.ذا اصريت على موضوع الهجرة عليك بالتالي
حاول مع السفارة الفرنسية الواقعة بالقرب من تقاطع المسبح خلف مصرف البلاد الاسلامي .وهي تجربت حظ مو اكثر لان جماعة مسيحين راجعوا ما انطوهم نتيجة وكالولهم ننتظر التعليمات ولهذا يومك ما كو شي.
او
1-الحفاظ بورقة التهديد.
2-جلب عقد الزواج
3- جلب ما يثبت بان زوجتك مسيحية وانت مسلم وحصول الزواج بينكما رسميا
4-جلب كافة المستمسكات الاخرى
5- جلب توصية من الكنيسة لانها سوف تفيدك(اذا امكن)
6-السفر الى الاردن والتقديم على منظمة ال UN. ويجي ليل وجر عتابة. لانها انسب اليك من تركيا.
اسف للاطالة...تقبل مروري
كافي ظلم-بغداد-العراق
-
اذا هو مسلم شلون ينطو توصيه من الكنيسه الله يخليك
-
اخي الكريم
اول شئ تسوية تروح زوجتك الى الكنيسة مالتها و توثق التهديد وتاخذ منهم تأييد انه انتوا تعرضتوا الى تهديد استنادا على الورقة اللي ارسلوها لك لأن تأييد الكنيسة مهم الى درجة ما تتصورها في قضيتك. بعيدن تغيرون مكان سكنكم الى مكان آمن. اذا ناوين تروحون الى فرنسا فلازم ان تتصلوا بالسفارة الفرنسية والطلب يجب ان يكون باسم زوجتك مدعوم بتأييد الكنيسة. اضافة الى ذلك هنا احدى الاخوات في هذا المنتدى عندها طريقة لمساعدة الاخوة المسيحين فيما يتعلق باللجوء فباستطاعتك المراسلة لايجاد الحلول المتاحة
http://www.ankawa.com/forum/index.php/topic,457682.0.html
وعندك ال UN في الاردن للتقديم على لجوء في احدى دول العالم المتاحة. وانا و اخوانك من اعضاء هذا المنتدى حاضرين لاي سؤال قد يخطر على بالك.
-
لا حول ولاقوة الا بالله العلي العظيم الله يعينكم ويحفظكم يارب
-
تحية للزملاء،
الاخ السائل لديه نية السفر والا لماذا يرغب بالاستفسار حول موضوع السفارات،هذا استناج منطقي اما التفاصيل بالحقيقة لا احد كان يتصور عندما غادر العراق ان نتيجة السفر و الانتظار ستكون وردية . ولكن انه الاضطرار رفيقنا الدائم في الحياة العراقية.
-
اخويه حته افيدك بعيدا عن المشاعر و الخواطر . خلي اوضحلك شي.
في حال زواج البنت المسيحية من رجل مسلم لا يتم الزواج الا اذا استسلمت البنت. هذا قانون ومعروف... اذا حضرتك عندك مخاوف او اي تهديدات لازم اتكون مقنعه و منطقية ...مثلا . انت اتكول (وفوجئت بوجود تهديد على نافذة سيارتي الامامية ومضمون التهديد هوة انه يجب علي الرحيل انا وزوجتي من المنطقة والا مصيرنا هوة القتل، ) هذا كلام مو مقنع...ليش؟ . لان اهنا التهديد مبني على اساس استهداف المسيحيين .مو؟ زين انته اصلا مسلم ليش هددوك؟؟؟ راح اتكول لان زوجتي مسيحيه مو؟ خوش اذا التهديد فقط الزوجتك مو الك همينه لان انت مثل ما كلت مسلم الديانه. فالتهديد بي خلل و ضعيف المصداقية للمقابل طبعا مع احتراماتي الك.
لازم تدرس الموضوع زين ولا اتخلي اي نقاط ضعف بالسرد. فانت اولا. ابني الموضوع و القصة على اساس قوي و رصين ومنطقي خالي من الاستفهامات و بعدين عود الخطوه الي لازم تعرف شنو من الوثائق الي لازم تمتلكه.
تحياتي
Willpower
-
اخي عندك دول الجوار تكدر تقدم بيها لجوء وتكول الهم التهديد الي انكتب بورقه على سيارتك وان شاء الله خير لان اني اعرف ولد هم كان مقدم على الامم المتحده بس عكس شغلتك هو مسيحي ومتزوج بنيه مسلمه ماطولت الشغله مالتهم وهسه هما ب امريكا ف قدم على اللجوء وربك كريم
-
مرحبا شلون الصحة؟ ان شاء الله تكونوا بخير جميعا طبعا اشكر ردودكم الجميلة منها وغير الجميلة (اسف على اللهجة) واني مازلت انظر الى موضوعي بشكل دوري ومستمر منتظرا منكم حل يرشدني الى الصواب وان شاء الله الاخوان الي يشككون بقضيتي راح اثبتلهم انه كلامي صحيح ومابيه اي ذرة كذب
-
واحد من جوارينه تقريبا نفس الشي. بس العكس... هو مسيحي و اتزوج مسلمه و سافر التركيا ومناك قدم
-
اخي العزيز ... معليك ببعض الردود الي متوكل خبز . اني أمي مسيحيه وابويا مسلم وصارلهم 33 سنه متزوجين وامي لا استسلمت ولا ابويا صار مسيحي كل من على دينه ومحد طلب من عدهم تغيير الديانه وتزوجو رسمي وجايو 6 اولاد واني بنتهم الوسطى واني وبصراحه احسد ابويا وامي عل الحب والاحترام الي بيناتهم وموجودين حاليا بسوريا وراح يسافرون لامريكا عن طريق الامم المتحده لان اهل امي كلهم بامريكا .. فلا دوخ عزيزي المسلم وزوجتك مسيحيه ماكو اي مشكله بالموضوع تعال الى سوريا وقدم لجوء واتوكل على الله .....
-
اخت ايه ممكن اتوضحين ابوج و امج وين اتزوجو ؟؟؟ بالكنيسة لو وين ؟ طبعا عقد الزواج همينه يوضح كل شي.
وهي امج بالاحوال المدنية بعد ما تم الزواج فقرة الديانة اشكتبو بيه ؟؟؟ ديانته ؟
اذا جاوبتي فجوابج يوضح كل شي. ويساعد الاخ السائل على ترتيب اوراقه الرسمية بالثبوتيات المطلوبة
-
ابويا وامي تزوجو بمحكمه البياع وامي لحد الان بالجنسيه مكتوب الديانه مسيحيه وبالفعل ماما تروح دائما للكنيسه وابويا يصلي بالجامع واحنا الاولاد مكيفين ومرتاحين لان عدنا 4 أعياد بالسنه ويا المسيح ويا الاسلام...
-
عجيب هسه اليطلب مساعدة يتورط , تعرف اتجاوب عليه كان بها متعرف إقرأ الموضوع واطلع
اشلون مصيبة فوك مصيبة الرجال نشكك بيه
عجيب امر غريب
-
روح قدم وتوكل على الله
-
اخوية العزيز الله يكون بعونك اني سمعت فرنسا تاخذ لاجئيين مسيح بس مااعرف عنوان السفارة بس اظن قريب ساحة كهرمانة والاخوان ميقصرون وياك اذا عرفو عنوانهة