ankawa
منتدى الهجرة واللجوء => الهجرة و واللاجئين => الموضوع حرر بواسطة: sami949 في 09:17 15/11/2010
-
ابني حاليا يحمل اقامه مؤقته نوع D في هولندا منذ اكثر من سنتين
انا مع عائلتي الان في امريكا منذ 4 اشهر لجوء على IOM
ارجو من الاخوه ابدا المساعده لغرض بيان الطريقه التي بالامكان
سحب ابني الوحيد المتبقى حاليا في هولندا مع العلم ان السلطات
الهولنديه ممكن ان تعيده الى العراق في اي لحظه كون اقامته مؤقته
وسبق ان اعادت الكثيرين من امثاله ولو عاد الى العراق لن يجد احد من
عائلتهه ولا يجد ماوى. بالاضافه الى التهديد الذي دفعه الى الهجره سابقا
مع شكري لكل من يفيدني بموضوع لم الشمل في حاله ابني هذه
اخوكم سامي من دنفر--كولورادو
-
الاخوه اعضاء المنتدى والذين سبقو ان مروا او سمعوا بهذه الحاله
الاجابه رجاء لكون الحاله حسب ما عرفت من المنظمه هنا في امريكا
لازم نحصل على الكرين كارت حتا يحقنا سحب ولدنا وهذا يتوجب
الانتظار سنه ويمكن القوانين تتغير. فهل توجد وسيله اخرى
مع شكري لجميع المشاركين بالاجابه
اخوكم سامي من دنفر-كولولرادو
-
اختي العزيزة ليش ميسوبلج لم شمل هوة احسن
-
اخي العزيز سامي ابنك شكد عمره ومتزوج لو لا؟ لانه ممكن لك كلاجئ انه تسوي لم شمل للابناء بس بيها شروط.وبدون كرين كارد.
-
السلام عليكم اخي سامي انت ابنك ميكدر ايسويلك لم شمل لهولندا طبعا هولندا افضل بلد لكن واويلي من هالكلمة لانه اصعب بلد بالاقامات وهسة اكلك ليش ميكدر ايسويلك لم شمل اولا اصلا الابن ميكدر ايسوي لم شبل لاهلة فقط في حالة العمر متجاوز 65 سنة وبعد ميقدم عدة اثباتات انه محد ايعيلهم ودوخة من دوخة وية الاي ان دي وهي وزارة العدل الهولندية وثانيا وهو الاهم اقامات نوع دي سحبت بالكامل من كل العراقيين يعني ماكو شي اسمه اقامة دي اصلا حتى الناس الذين كانو عدهم دي خضعوا لمقابلة جديدة يعني انترفيو جديد واذا مقتنعوا الاخوان في الاي ان دي يسحبون الاقامة منه ويطلعوا للشخص المسحوبة اقامته من حتى البيت الي انطوهيا وبعض العراقيين كانت عدهم اقامات دي وسحبت منهم والان همة بالسجن اذن افضل طريقة هو انه لازم يعود الشخص الى دول الجوار ويقدم عن طريق اليو ان ويكللهم انه اقامته سحبت وهو ايريد لم شمل وية اهله طبعا هاي في حالة هو اعزب واذا متزوج هاي مشكلة لان اليو ان متسمي المتزوج لم شمل وانما كيس منفصل وبعائلة منفصلة ..... هسة نجي اذا ابنك عندة اقامة اي او بي لان هاي اذا نجح بالانترفيو الي سولهيا بعد سحب اقامة الدي فهذا وفي هالحالة انتو ابقوا في اميركا وهو في هولندا الى ان ياخذ الجنسية في هولندا ويروحلكم الى اميركا وهذ الكلام المفروض هو كلة يعرفة . اويلي من هولندا اشسوت بية ورجعتني بعد سنتين ونص لعمان وهسة رجعت لازم سرة وية اليو ان ونكول الله ارحم الراحمين هو يلطف بحال كل عراقي يارب
-
شكرا للاخت سرى والاخ حيدر
ابني اعزب وعمره 24 سنه اريد اسحبه الى امريكا لان كل العائله
في امريكا عداه هوه. وهسه صارله قريب ال3 سنوات بطرك الاقامه d
ممكن يقدم من اليو ان الموجوده في هولندا؟ او اي حل اخر؟
اخوكم سامي من دنفر
-
عيوني اخ سامي اليو ان الموجودة بهولندا اتكلك روح قدم من دول الجوار بس مكتلي هو ابنك الله يحفظه اشصار على موضوع اقامته ؟؟ لان هو اهنا بيت القصيد اذا انسحبت تكدر اتسويلة لم شمل ويجيك من هولندا الى امريكا واذا تحولت دائمية يعني الاي او البي هذي الحالة تسال يمك باميركا على موضوع لم الشمل هسة خلي انطيك مثال عندي صديق انرفض بالسويد وكانت زوجته تنتظر بعمان بس هية حولت الكيس باسمها قبل ميطلع زوجهة للسويد من ارفض زوجهة قبل ميرجع لعمان بكم يوم هية سافرت لاميركا وسوت لم شمل لزوجها بس بعده بحدود 7 او 9 اشهر يلله سافر لاميركا زوجها
-
اني عندي والدي واخويه عمره 12 سنه مقيمين في هولندا ، وحاولت ان اقدملهم معامله اسحبهم يمي بامريكا بس مكتب الهجرة كلي ميحقلج تسحبيهم الى ان تستلمين الجنسية فكلت انتضر والله كريم ، وهذا موقع مكتب الهجرة وشارحيلك التفاصيل ، ومنضمة IOM كالت لازم يكونون بالعراق ، سوريا، عمان ، بيروت او مصر ياله تكدرين تقدميلهم معامله اللجوء ، فهم راح يصيرلهم خمس سنين بهولندا فكلت انتضر الى ان احصل الجنسية واقدملهم لامريكا مدام مستقرين
تحياتي
http://www.uscis.gov/portal/site/uscis/menuitem.eb1d4c2a3e5b9ac89243c6a7543f6d1a/?vgnextoid=3ea83e4d77d73210VgnVCM100000082ca60aRCRD&vgnextchannel=3ea83e4d77d73210VgnVCM100000082ca60aRCRD
-
اختي نبراس اكيد ما تكدرين تقدمين لوالدك او اخوج لانه قرابتهم تختلف عن قرابة الزوج والابناء يعني ما يعتبرون درجة اولى للاجئ.
اخي الكريم سامي هذا اللي موجود بموقع دائرة الهجرة
If you have been admitted to the United States as a refugee or if you were granted status in the United States as an asylee within the previous two years, you may request follow-to-join benefits for your spouse and/or unmarried children under 21 years of age.
ومعناه انه اللاجئ يكدر يقدم الفورم المذكور للم الشمل مع الزوج/الزوجة /الابناء غير المتزوجين تحت سن ال21 سنة
بس اكو شغلة ثانية تكدر تسويله فيزة زيارة ومن يجي يطلب لجوء من داخل امريكا؟ اتصور هاي افضل طريقة ممكن يجيكم بيها.بس ينرادلك محامي يمشي بيها.