ankawa
منتدى الهجرة واللجوء => الهجرة و واللاجئين => الموضوع حرر بواسطة: صحفي عراقي في 09:41 15/11/2010
-
بشاررررةةةةة عيني جماعة فنلندا ...
قبل شوية خابروني المنظمة جاي الوفد الفنلندي لسوريا وانطوني موعد يوم 1/12 والحمد لله رب العالمين ... الله يسهل لجميع أخوانة وأدعولي الله عليكم الله يسهل أمر السفر وميطول ...
أخوتي يرحم والديكم ... الي عندة معلومات عن مقابلة الوفد الفنلندي يبلغنة بيهة ... يعني شنكول منكول وهاي السوالف ... محتاج نصيحتكم ياطيبين ...
-
الفالف الف الف مبروووووووووووك اخوية صحفي وان شاء الله السفر العاجل وباسرع وقت
وهاي شغلة التلفون ديربالك منه بعد مو تسويهه مره ثانية هههههههههههههههه
ان شاء الله يا رب السفر باسرع وقت وتخلص وترتاح يوالاستقرار يا رب
-
الف مبروك اخي صحفي عراقي وان شاء الله بالتوفيق
اخي متى تم تحويلك الى فنلدا وهل هو اول تحويل لك من المفوضية اقصد هل انت مرفوض من دولة وبعد ذلك تحولت الى فنلندا؟؟؟ اعذرني على الاطالة
-
الف مبروككككككك اخوية واحلى بشارة بالعيد لاهلنة بسوريا زين ميجي للاردن ؟؟؟؟؟
-
أشكركم يا طيبين ( أسامة، المسافرة، aa12_zz5 )
أختي المسافرة ...
آني مباشر على فنلندا الحمد لله بدون أي رفض ... تم تحويلي على فنلندا بتاريخ 13 / 10 / 2010 بعد سنة ونص من الإنتظار في سوريا ... وأي سؤال آني ممنون ...
أخوية الورد aa12_zz5 ...
والله ما عندي معلومات على عمان بس حسب ما اعرف مقابلات عمان وسوريا في وقت واحد والله اعلم ...
-
الف الف الف مبروك حبيبي الغالي الصحفي (الوليد )
والله ادعيلك من كل كلبي وانشاء اسمع باخبارك الطيبة دائماً
لان انت تستاهل والله يعلم
احلى عيدية واتمنى من الله ان يعيدني عيدية بموعد السفر الي مابقة منة بس الموافقة الامنية
تقبل مروري
اخوك
علي العزاوي
-
اشكرك علاوي الغالي كلك ذوق ياورد ... الله يعجل بسفرك وسفر كل اخوانة
-
اشكرك جدا على ردك واتمنى لك كل التوفيق في مقابلتك
-
اشكرك جدا على ردك واتمنى لك كل التوفيق في مقابلتك
تأمرين امر أختي المسافرة ... الله يسهل امركم ... ويعجل بسفركم وسفر جميع اخوانة ...
-
الاخ صحفي عراقي
نتمنى ان تكون بخير
كيف كانت مقابلتك مع الوفد الفلندي يوم 1/12 ارجوا كتابة اهم الامور لانها ستفيد بعض اخوانك في عمان في الايام القادمة واتمنى لك السفر العاجل والاستقرار والسلامة والصحة مع التقدير.
-
لى صديقه قابلت الوفد الفلندى فى 29\11 في سوريا بس ماخبرتنى بالتفاصيل بس انو مخبريها انو السفر بعد سنه
-
ندء الى الاخ صحفي عراقي
اذا ممكن شنو صار وياك بمقابلة الوفد الفلندي لان كلنا دننتظر شنو صار وياك
نشالله خير وكلشي تمام وياك
-
ااااااااااااااالف الف مبروووووووووووك
وعل خيررررررر
والله يسهل اموركم
ماكنتوشة
-
السلام عليكم ورحمة الله وبركاته ...
عمي سامحوني آٍسف جداً جداً أتأخرت عليكم ... لكن سامحوني قبل المقابلة تحولت لمنطقة ثانية وتعرفون ظروف الإنتقال من مكان لمكان ...
على كل حال راح أسولفلكم التفاصيل المملة ( وآني الممنون ) وأي أستفسار آني ممنون ...
طبعاً تعرفون آني موعدي هو يوم 1 / 12 فخابروني قبلهة بيوم اكدوا الموعد ساعة 8 صباحاً بكفرسوسة ... دخلنة أربع عوائل بس ... جمعونة بقاعة ودخلوا نساء إثنين وحدة بدت تحجي على فنلندا عموماً والثانية تستعرض صور عن فنلندا خلال الكلام ووياهة مترجمة والحلوة الكلام كلة بالإنكليزي البحت عبالك كاعد تقرة دايلوك صف خامس مو مثل اللغة الأمريكية يبلع حرفين من الكلمة فالي عندة المام فوك الوسط بالإنكليزية شغلتة فوك النخل بفنلندا لأن لغتهم الرسمية ( الفنلندية والسويدية ومعظمهم يتكلمون اللغة الإنكليزية بلكنة تخبل حسب ما بلغتني بيه مسؤولة الوفد ) ...
على كل حال من حسن حظي دخلنة اول عائلة ... ونبدي بتفاصيل المقابلة :
الوفد متكون من رجل ( مسؤول عن الجانب الامني ) ومسؤولة وفد ( تسأل أسألة عامة ) وطبيبة ( تسأل عن الأمراض والوضع الصحي وتسأل أيضاً عن المستوى الدراسي والنشاط الإجتماعي ) ...
بدوا يسألون عن الاسم والمستمسكات وبعدين سألوا عن قصتي وسبب خروجي من العراق والظروف المريت بيهة والوضع الصحي والامراض الي اعاني منهة وشعدكم وثائق قدموهة ( هاي المقابلة عموماً وهاي محاورها الرئيسية ) .
أما بالنسبة للأسئلة المطروحة ...
1- هل انت بعثي أم لا . ( وهذا السؤال ميقدم ولا يأخر لأن يعرفون العراقيين كلهة منتمية ولتشيلون هم أبد ) .
2- مارأيك بدخول الأمريكان للعراق .( الأفضل متسترسل بالكلام ومتتكلم عنهم بسوء ولا تصفهم قوات إحتلال حوال تطلع منة سلامات ) ... ( مهم جداً ) .
3- ما رأيك بالحكومة الحالية والوضع الحالي للبلد .( لا تعطي صورة مأساوية وأربط إستقرار العراق ببقاء القوات الأمريكية ) .
وأمور مهمة جداً:
1- السؤال المتفهمة اطلب منهم يعيدوا ولتجاوب إذا متفهم نص السؤال لأن مرات ينطيك سؤال يحتمل عدة إجابات فأنت كلة وضحلي شتريد وجواب على كد السؤال .
2- جواب على قدر السؤال وابتعد عن التواريخ ولتلف وتدور أنطيهيا عدلة وواضحة وإذا أضطريت على ذكر تاريخ أذكر السنوات فقط .
3- أهم شئ في المقابلة أن تثبت أن رجوعك للعراق مستحيل وبقائك في البلد المضيف مستحيل لعدم توفر العمل في البلد المضيف وصعوبة الإقامة وغيرهة ( بعد كل واحد وشطارتة ) .
4- لا تذكر إنه سبب عدم رجوعك للعراق هو الوضع الأمني بل أذكر بسبب التهديد المباشر .
5- في حال إذا كانت عندك نزلات للعراق أذكر أسباب قوية أضطرتك تروح للعراق ( وإن لم يسألوا هذا السؤال لجميع العوائل إلا لعائلتين لكن للتنبيه ) .
والآن عموماً ... الوفد الفنلندي أسهل الوفود وأرقاهة وانساني جداً ومتفهم وميدوخ بالأسئلة وميتفرع ومتفهم بحد لايتصور والله العظيم ( فلتشيلون هم أبد ) .
في نهاية المقابلة أبلغونة إنه بعد شهرين يبلغونة بنتيجة المقابلة ( وإن شاء الله موافقة ) وبعدهة بسنة يتم السفر وإن شاء الله أقل من سنة .
وأي سؤال تحبون تسألوا آني ممنون وأسف جداً على التأخير ...
أخوكم
صحفي عراقي
[/size]
-
الاخ العزيز صحفي عراقي
ادعوا الله ان يمن عليك بالصحة والعافية وييسر امرك وان شاء الله القبول والموافقة في اسرع وقت
اخي عندي سؤال لفائدة الجميع في المستقبل
ها انت استلمت فورمات قبل مقابلة الوفد ام لا
ومن خلال طرحك ان الوفد لم يسالك عن العسكرية والدراسة وفقط اكد على القصة والوضع الصحي ؟شاكرا لك الرد مسبقا
اذا كانت هناك اسئلة ارجوا طرحها لان موضوع فلندا لم يغطى بالكامل لغرض فائدة اخوانا اللاجئين وهم بالتالي راح يكونون معك في فلندا مرة اخرى شاكرا لك مع التقدير .
-
أشكرك حبيبي ( صديق المتطوعين ) ...
حبيبي الفورمات ماسوينة لا قبل الوفد ولابعدة أتوقع ورة الموافقة ...
وبالنسبة للأسئلة تعتمد على طبيعة مقدم الطلب ... يعني إذا كنت داخل عسكرية يسألوك وين خدمت وشنو كان صنفك وأنت اهم شي متجيب طاري الكويت وأذكر إنك كنت عالقلم او التموين أو اي شي بسيط وشدربوك كلهم يس يم وبس رشاشة .
وإذا كنت موظف بالدولة هم يسألك وين كنت وشنو درجة قربك من السلطة وغيرة ... عاد انت شكد متكدر أبتعد عن التفاصيل وخلي نفسك دائما من الناس الي وية الحايط بوقت النظام السابق .
وكتلك تعتمد الأسئلة على حسب الملف وطبيعة عمله وما كتب عن نفسه لكن عموماً الشغلة سهلة بإذن الله والوفد الفنلندي متفهم جداً وأأكد على ضرورة الإجابة على قدر السؤال وعدم التفرع في الإجابة ...
وملاحظة مهمة جداً جداً جداً من تكلم الوفد باوع بعينهم لأن يعتبرون الي يباوع بعينهم ويحجي صريح وغيره غير صريح ويخفي شئ ...
وبالمناسبة كلونة راح نوفرلكم بيت كلشي متوفر بي ماعدا الكومبيوتر والتلفزيون والتلفون ...
وآني ممنون لأي سؤال ... ولتنسونة من دعائكم
-
الف مبروك اخي الصحفي على المقابلة وان شاء الله تبشرنا قريبا على استلام الموافقة واشكرك جدا على سرد كل شئ يخص مقابلتك
بالتوفيق
-
أشكركم أختي وهذا واجبي وشتأمرون آني حاضر ...
-
مبروك لجماعه فنلنده وان شاءالله الكل تتسهل اموره وتسافر..
-
مبروك اخ صحفي وانشالله السفر والاستقرار وحياة جديده كلها استقرار وأمان
-
الف مبروك وان شاء الله يوم السفر لكل الاعضاء
-
مبروك على مقابلتك وانشالله يوم اتسافر وتستقر والله يسرلك امورك
-
أشكركم ياطيبين والله ييسر أمركم وتسافرون قريباً إن شاء الله
-
اخي صحفي شكرا الك على هاي الايضاحات حول المقابلة مع الوفد الفنلندي وانا عندي سؤال لو سمحت انه هل الوفد الفنلندي ياخذ بالتقارير الطبية ام لا لان احنة عدنة تقارير طبية ومرفقة مع الملف وشكرا لك ياطيب.
اخوكم:
شكوماكو
-
السلام عليكم اخويه ( صحفي عراقي ) اني قابلت قبلك بيوم ويه والدتي وان شاء الله انظل على تواصل من خلال منتديات موقعنا الحلو عين كاوة ويارب تجينه البشارة بالقبول وممنون منك
-
اخي صحفي شكرا الك على هاي الايضاحات حول المقابلة مع الوفد الفنلندي وانا عندي سؤال لو سمحت انه هل الوفد الفنلندي ياخذ بالتقارير الطبية ام لا لان احنة عدنة تقارير طبية ومرفقة مع الملف وشكرا لك ياطيب.
اخوكم:
شكوماكو
عمري شكو ماكو ومن بعد أذن اخويه صحفي عراقي بالنسبه النه اخذو التقرير الورقي فقط الصغير الحجم( ورقه بحجم A 4 ) وتركو الاثباتات الاخرى مثل الاشعات او سي دي مال قلب و الدماغ
-
يابه اني اعتذر عن هذا الداخله بس اني حبيت اسال سوال انت مقدم على اليو ان في سوريا؟؟؟؟
وصارلك سنه ونص؟؟؟؟
ارجو الاجابه شكر جزيلا الك
-
يابه اني اعتذر عن هذا الداخله بس اني حبيت اسال سوال انت مقدم على اليو ان في سوريا؟؟؟؟
وصارلك سنه ونص؟؟؟؟
ارجو الاجابه شكر جزيلا الك
لا عمري احنه صارلنه حوالي اربع سنين بسوريا مرجعنه ابد
-
الله يسهل للي عندهم مقابلات فنلنده وان شاءالله الكل تمشي اموره وتتسهل
-
شكرا الك حبيبي زيودي لردك على سؤالي متمنيا من الباري عزوجل ان ايسر امرك ويحقق كل امنياتك انشاءالله.
-
شكرا الك حبيبي زيودي لردك على سؤالي متمنيا من الباري عزوجل ان ايسر امرك ويحقق كل امنياتك انشاءالله.
اشكرك عمري وآني بالخدمه
-
السلام عليكم ياطيبين وآسف على التأخير بس والله صحتي تعبانة وعندي كسور بجسمي وبالبرد حيل توجعني واليوم نزلت للنت وأشكر أخوية زيد الي ما قصر بالجواب وعلى كل حال راح أضيف بعض الي أأعرفة على إجابات أخوية زيد الورد ...
اخي صحفي شكرا الك على هاي الايضاحات حول المقابلة مع الوفد الفنلندي وانا عندي سؤال لو سمحت انه هل الوفد الفنلندي ياخذ بالتقارير الطبية ام لا لان احنة عدنة تقارير طبية ومرفقة مع الملف وشكرا لك ياطيب.
أخوية الغالي وحبيبي شكو ماكو التقارير مفيدة جداً خاصة إذا كانت لصاحب الكيس لإنها قد تؤثر على تحديد الولاية لإنهم بعد الموافقة إن شاء الله سيأخذون الملف ويعرضوه على البلديات فبالنسبة للمرضى يجب أن يتوفر مركز العلاج بمكان قريب عن السكن أي مرض القلب يختلف عن الربو والسكر يختلف عن المفاصل وهكذا فكل ولاية فيها مركز متخصص في مرض معين لايوجد في ولاية أخرى... فأنت قدم جميع ما في جعبتك من تقارير في مقابلة التوطين الاولى ومقابلة الوفد وحاول أن تجمع التقارير في تقرير واحد أي تذهب إلى مستشفى وتجعلهم يعملولك تقرير كامل عن حالتك الصحية وهذا يحبو الفنلندين وجميع غالوفود لأن تختصر الوقت عليهم وإذا ترجمتة يم ترجمان محلف بعد شيسوولك يركصولك جوبي ويبوسك من راسك هههههه وللمعلومة في بعض الأحيان لا يأخذ منك الوفد بعض التقارير التي سلمتها في مقابلة التوطين الأولى لإنه يعتبرها مكررة ... وللمعلومة أيضاً لتحاول تبين إنه سبب الخروج من العراق الحالة الصحية فقط بل أربط الحالة الصحية بالوضع الأمني ولا تجعلها السبب الرئيسي ... وشتأمر ممنون ...
يابه اني اعتذر عن هذا الداخله بس اني حبيت اسال سوال انت مقدم على اليو ان في سوريا؟؟؟؟
وصارلك سنه ونص؟؟؟؟
ارجو الاجابه شكر جزيلا الك
حبيبي الغالي سيف العباسي نعم صارلي سنة ونص من التقديم وخلال هاي المدة ماشفت حدود أي دولة أي ما طلعت من سوريا أبد ولتستغرب الشغلة تحب صبر وليريد شي يترك شي والله يسهل أمرك بس أحب أوضحلك معلومة إنه السنة ونص تسوة الصبر لأن من نوصل فنلندا بإذن الله منتعب بالكمات وندوخ مباشرة إن شاء الله نحصل إقامة أربع سنوات وضمان إجتماعي وصحي ...
وآني ممنون وحاضر لأي شي تأمرون بي والله يسهل أمرنة ونسافر بالقريب العاجل ... وبالله عليكم لا تنسونا من الدعاء .[/b]