ankawa
منتدى الهجرة واللجوء => الهجرة و واللاجئين => الموضوع حرر بواسطة: لولو1 في 14:48 16/11/2010
-
اخواني السلام عليكم
اريد اسالكم الطيران من العراق غالي مقارنة بدول الجوار انا اعرف انه الرحلة من دوله جارة للعراق لماليزيا 650 دولار من بغداد الرحله لماليزيا بشكد ومواعيد الطيران مضبوطه لو مطاطيه وياهو احسن مطار بغداد لو النجف لو البصرة ارجو الرد
-
طبعا غالي اخنه اغلى بلد من ناحيه الطيران
يعني شنو منا لتركيا 700 دولار >:(
لو لبنان 400$
مااعرف اذا اكو لماليزيا من العراق اعتقد ماكو
-
طبعا غالي اختي الغاليه سافري لو للاردن لو لسوريا ومناك طيري احسن وطيرات نظيفه الطيرن العراقي لو تصعدين بكيه احسن ههههههه
-
عمي الله يساعدهم
احسن حل
تروحون لسوريا
والخطوط الجوية الكويتية من سوريا سعرها افضل سعر
ترانزيت بالكويت كم سويعة
عمي انتو جايين سياحة ؟لو تريدون تقدمون امم ملحدة
ترة امم متحدة هنا درب الصد ما رد ومثل نكرة السلمان
ويلكم تو ماليزيا ترولي اشيا
ابو الحسن - ماليزيا
-
اخي صاحب الموضوع وينك رد
-
السلام عليكم
أخوية العزيز انت بأي بلد حاليا؟
طبعا السفر من دول الجوار الى ماليزيا ارخص .
بس انت اذا بالعراق روح للشمال (اربيل)نفرات (النفر 20000)بالدولفين ومناك طير الى ماليزيا.افضل من ما تروح لاي دولة مجاورة.
من بغداد ما كو طيران مباشر الى ماليزيا.
امانة عليك من توصل الى ماليزيا اول ما تنزل بالمطار .تكسي وبوجهك الى (ابو الحسن) الوردة .انشاء الله ميقصر وياك.
شتكول عمي ابو الحسن؟
خوش كروة.
كافي ظلم-بغداد
-
اشكركم على الردود اخوان وهسه صار عندي علم عن الطيران العراقي
-
لولو
طالما أتجاهك ألى يكون أستخدام طيران ألأمارات أفضل لأن ألرحلات على طول ألأسبوع وفترة ألطيران أقصر من دبي ألى كولالمبور وكما في أللنك ألأسفل
http://www.emirates.com/iq/arabic/destinations_offers/timetables/FlightScheduleResults.aspx?schedule=W&itinerary=O&DepStn=DXB&ArrStn=KUL&FromDate=101117&ToDate=101117&searchType=Schedule&h=92361a3b14bbcba8c631366678670472bf5e220
بما أن هنالك مكتب حجز للخطوط ألأردنية فأذا كان ألسعر أرخص تستطعين ألتعرف على مواعيد ألطيران من أللنك أسفل وسعر بطاقة ألذهاب فقط 272 دينار أردني
وشكرا والباقي حاولي أتحصلينا بالبحث
-
والله اخوانى الطائؤات العراقيه التاتا احسن منها ومن سافرنا 2006 من كثر الناس كانت التاتا مقبطه حتى واكفين المسافرين وكفه....................... ههههههههههههههههههههههههه
موزين اكو طائرات
-
اخوية العزيز
العام اني رحت الى مالزيا ادرس بجامعة يو تي ام وبقيت يمكن اقل من 9 ايام ورجعت اشرحلك طريقة السفر
رحت الى سوريا بعد حصول على تقرير طبي بوقتها كان من مستفى الهلال الاحمر وصدقته من الجان الطبية ومن النقابة ومن الخارجية ورحت للسفارة السوية اخذت فيزة ب50 دولار لمجة شهر سافرت بالباص بسعر 30 الف الى سوريا بعدين رحت افتريت حصلت طيران الى ماليزيا على الاتحاد كان ب7ورقات و95دولار فبقيت افتر لقيت انوب على القطرية ب8اوراق و45 دولار فرجعت على الاتحاد احجز كلي راح المقعد فكبل وعدل رحت على القطرية بس هاي صادف يعني اعياد راس السنة فاكو زخم على الطيران طرنا من سوريا الى قطر طبعا ترانزيت السفرة 3 ساعات بعدين عدل وكبل من قطر الى ماليزيا 7 ساعات وبوقتها صدق الخطوط الكويتية ارخص شي احصل ب600 دولار بس ماكو كان حجز ومقبط طبعا كل الرحلات ذهاب واياب بس الشغلة الي ضوجتني من ردت ارجع من ماليزيا الى سوريا لازم اخذ فيزة مرور على سوريا زين مو كتلهم مو رايح ذهاب واياب وتعال اندل السفارة السورية بماليزيا هاب بهذلة بس الله دبرها
توصلون بالسلامة
ملاحظة من بغداد اكو قبل وعدل الى ماليزيا بس غالية اشوية افضل والله واحسن
-
السلام عليكم
يوجد طيران من بغداد على الاتحاد الاماراتيه من بغداد الى ابو ظبي ترانزيت بحدود 6 ساعات ومن هناك طيران مباشر الى ماليزيا السعر تقريبا 1000 دولار
وايضا يوجد على الاردنيه ترانزيت في عمان لكن السعر اغلى بحدود 1600 دولار
ويوجد على طيران الخليج لكن لا اعرف السعر
-
والله عمي غير قفاصه شركات الطيران العربيه
اشو اني من كالفورينيا الديترويت بس باوعو بالخريطه شوفو كالفورينيا وييييييييين وديترويت ويييييييين
اب 180 دولار للنفر ويا التاكس والجنطه
ومن العراق التركيا والله شبرين ياخذون عالنفر 400
والله خوش شغله خلي انجيب طيارات وانشغلهن همان بغداد النفر 100 دولار والله يوميه انسوي 50 الف دولار هههههههه
تحياتي
-
اكو سفر من مطار البصرة الى ماليزيا وترانزيت بالدوحة قطر والفيزا تاخذها من اي مكتب سفريات بس السعر ما متأكد اعتقد الرحلة وي فيزا لماليزيا ب 11 ورقة...
-
السلام عليكم
سبحان الله منو ابعد من قطر البصرة لو سوريا ومن سوريا طيران 850 دولار على القطرية وفي بعض الاحيان اقل لعد احنا ليش من البصرة طيران ب11 ورقة الله واكبر