ankawa
منتدى الهجرة واللجوء => الهجرة و واللاجئين => الموضوع حرر بواسطة: Torture Killer في 13:18 23/11/2010
-
السلام عليكم
اخوان حبيت ان اطرح هذا الموضوع لان صدك مدمرني ومحطم اعصابي اني طبعا دزيت اوراقي للسفارة يوم 25\5\2010 واستلمت ال com يوم10\11\2010 وحاليا بالخطوة الثانية وبعدني مستمر بالعمل لحد هسه....
هسه نجي للمهم الي هوه من هم الحاقدين ومن هم المتخاذلين.....
الحاقدين...
هم المترجمين الي يريد يسافرون بس يخافون لان حسب قولهم (يمعود اني عندي بنات شلون اروح لهناك) او لانهم فاشلين والحجة طبعا (هو هنا كوه مدبريها لعد هناك شلون) وطبعا هذولة تأثيرهم النفسي كلش جبير على الي يريد يسافر وقافل على الموضوع بسبب كلامهم او افعالهم المخزية وراح انطيكم امثلة....
1- طبعا هذا الولد صديقي كلش وبعد ما استلمت ال com ركضت لغرفته حتى ابشره وجوابه بالحرف الواحد جان ( انت ما تكلي شخبصتني هو شكو هناك اشو الامريكان نصهم نايمين بالشوارع وجوه الجسور والنص الثاني كاعدين ببيوت خشبات ومطكطكيهن ابسامير ما تكلي شكو رايح)
2- واني راجع من الواجب الساعة خمسة الصبح مريت من يم غرفه احد الاخوان وجان الباب مفتوح فكلت خل اكله بلكت يجي ويايه للديفاك على الريوك فطبيت للغرفة ولكيته يصلي بس هوه ما شافني لان ظهره عليه وجان يدعي لربه بهذا الكلام ( يا رب بحق محمد وال محمد الغي ال siv وخيب امال هذولة المرتدين والمتامركين ) وطبعا اني سكتت وطلعت من الغرفه
3- بيوم الراتب طبعا الكل ملتمين يم gls وجان الموضوع طبعا ال siv فكام واحد وكال (وينه ابو عبد الله الحسين و وكل واحد يروح مقابلة يعتقلوا لو تسحكة سيارة ويموت لو اهله يموتون)
وهوايه امثلة بعد بس ما اكدر احجيها لان ما تنحجي بهيج مكان
المتخاذلين....
همه المترجمين الي ما يريدون يسافرون بس مقدمين على ال siv بسبب الغيرة لا اكثر وطبعا هذولة صدك محيريني لان اوراقهم تمشي بسرعه فضيعة يعني اتخيلوا اكو واحد خلال ست اشهر كمل كلشي واستلم الفيزا واجا موعد سفر بس ما راح ومن سالته ليش ما رحت جان يكول ( والله اني ما امفكر اسافر بس هيج عجبني اشوفها اتصير لو لا) واكو من يجي الكوم ويترك الموضوع وراها واكومن يجي موعد مقابلة وما يروح ......
وبما انه اني كل يوم من الانتظار يمر عليه سنة وفوكاها عايش بنص هاي النماذج الي كل همها ان يجدون طريقة حتى يكسرون جناح كل واحد يفكر بمستقبل احسن فقررت ان اترك العمل واكعد بالبيت واخلص لان ماكو غير حل .....
هسه نجي للسؤال ...
حسب ما شفت بعيني نسبة الي يريد يسافرون من المقدمين على ال siv تطلع تقريبا 20% والباقين كلهم مقدمين لان يعجبهم لا اكثر.... حسب رايكم شنو تاثير هذه الاعداد الهائلة من المتخاذلين على سرعة صدور الموافقات و مواعيد المقابلة والفيزا وما هو الحل لهذه المشكلة
-
بسم الله الرحمن الرحيم
كل نفس بما كسبت رهينه
اخويه العزيز انت شعليك بيهم المهم انت قناعتك شنو وترى اكو ناس ميعجبه العجب وتنتقد كل شي وهذا هو ازدواج الشخصيه اللي عدنه خاصه احنه العراقيين.
على كولة اهلنه كل لشه تتعلك من اكراعها .امشي بطريقك والله الموفق
متأمريكين لعد ليش يابه تشتغل وياهم
-
السلام عليكم اخي ارجو من الله ان يسدد خطاك نحو الطريق الصحيح ولاتعتقد انه الانسان له القدرة على استباق الامور وان كانت قريبة فلي دعوة اعتدت ان ادعو بها في مثل هكذا مواقف قصدي المواقف التي يتحدد فيها مصير انسان لوحده فكيف بها ان كانت قي بعض الاحيان تحدد مصير ومستقبل عائلة فنصيحتي لك ان لاتستمع لكل الكلام الذي يرد عليك واجعل عينك في عين الله وادعو ((يارب ان كان لي في هذا خيرا فاجعله من نصيبي وان كان شرا فانت اولى بابعاده عني انك سميع مجيب))
yasir fakhri
-
لا حول ولا قوة الا بالله............الله كريم اخوي
-
متأمريكين لعد ليش يابه تشتغل وياهم
صدك اني هم حيرتني هذي النقطة .. ما دام اخونا اللي ديصلي ضايج من المرتدين والمتأمركين شكو يشتغل مع المحتلين ؟؟
روح اخوية الله وياك وشوف طريقك .. احنا ما رجعنا لي وره غير هالافكار الهدامة والغيرة و الحسد
تحياتي .. اختك لازوردي
-
هههههههههههههههههههههههههههه
والله هاي عجبتني اهووووواية
( يا رب بحق محمد وال محمد الغي ال siv وخيب امال هذولة المرتدين والمتامركين ) ;D ;D
لو كايله بدربك اندعيلنا بلكت ناخذ كاس الخليج هههههههههه
يمعووووووووووووود انت شعليك بغيرك ,, اكو هواي ناس تتعيقل وبس تحب تحشر خشمها بكلشي
اما من ناحية التاثيررررررر اكيد ياثرون لان عدد المتقدمين راح يزيد
وبالتالي تتاخر الاجراءات
تحياتي
-
السلام عليكم
اخي العزيز صاحب الموضوع
كل انسان مسؤول عن قراراتة و انت متخذ قرار .
الموضوع كلة جملة و تفصيلا doesn't make sense
كل واحد بكيفة و انت عليك بنفسك ليش امكبر الموضوع و حارك اعصابك كل واحد بكيفة و هاي حرية ايريد ايسافر او لا ابكيفة
ركز على موضوعك و اصبر و لا اتدير بال و ما اتحس الا الفيزة يمك انشاء الله
-
السلام عليكم اخي ارجو من الله ان يسدد خطاك نحو الطريق الصحيح ولاتعتقد انه الانسان له القدرة على استباق الامور وان كانت قريبة فلي دعوة اعتدت ان ادعو بها في مثل هكذا مواقف قصدي المواقف التي يتحدد فيها مصير انسان لوحده فكيف بها ان كانت قي بعض الاحيان تحدد مصير ومستقبل عائلة فنصيحتي لك ان لاتستمع لكل الكلام الذي يرد عليك واجعل عينك في عين الله وادعو ((يارب ان كان لي في هذا خيرا فاجعله من نصيبي وان كان شرا فانت اولى بابعاده عني انك سميع مجيب))
yasir fakhri
هذا الدعاء مال صلاه الاستخاره
-
موضوع حقيقي صدك اني شايف هواي هيج نماذج
طبعاً ما حبيت اقرا الموضوع وما ارد بس احترك كلبي عليك من هيج نماذج
الله يكون بعون بعونك اخوية ( قل لن يصيبنا لا ما كتب الله لنا )
الناسك
-
اخى العزيز كل واحد وقناعته انت ايش عليك بيهم ..لك هدف شخصى فاستمر لا تنظر الى الخلف وانا صديقى ما كان يعرف بهاى الشغلة وكملت ليه كل الاوراق وعلى السريع كملت اوراقه 2007 وسافر وبقى سنه ورجع كال ايه هوم سيك وانى بعدنى منتظر وما هزنى قول او دعاء او شماتة والبقول المتامركيين هذا اصلا منفصم شخصيا وهاى الميزة ننفرد بها نحن العراقيين تجدهم يتوسلون الشركة للعمل وداخل المواقع يبدا النفاق وتحس احيانا انهم مع المقاومة ضد من يوفر لهم عيش كزيم صديقى الذى ذكرته خريج هندسة لم يفكر ان يكمل دراسته وكال طيلة السنة عايش على المساعدات وما فكر يخطو خطوة بالاتجاه الصحيح ورجع تانى يوقف سرة بباب الوزارة العراقية يدور تعيين وما حصل وكل ما يخابرنى ايريديرجع يعمل مترجم مستر هرنان يكول .............كلام ما ينكتب فى هذا الموقع المحترم وانت قيس فالموضوع قناعتك الشخصية اولا والتخطيط السليم لحياتك واتمنى لك التوفيق
-
اخي الكريم
مثل هذه النماذج التعباعة وتفكيرها العقيم و حبها لزوال نعمة الغير ومثلها كثير في محتمعنا هي من اوصلت حال العراق الى ماهو عليه الان.
اخي الكريم
ثق ان هؤلاء نماذج لا تستحق ان تعير لها اهتماما وامضي على بركة الله في الطريق الذي اخترته لنفسك. فالله سبحانه وتعالى قال في كتابه الكريم (( واذا خاطبهم الجاهلون قالوا سلاما ))
وهناك مثل انكليزي يقول (( Empty cans are the most noisy ))
وهناك مثل بالعربية (( القافلة تسير والكلاب تنبح ))
وبالعراقي (( حجيه مثل الض.اط الما ينفه ))
-
مع احترامي الشديد الك كان المفروض متترك العمل لان هذا مصدر رزقك
او حرام اتخلي واحد من ذولة الكاربج ياخذ مكانك
او اعتقد احنا كلنا من خلال شغلنا او يومية ابمكان شفنا اشكال هواية
صحيح هذولة يأثرون على معاملاتنا بس شسوي الله كريم
هيج اشكال واحد يمبذهم او انتهت
-
مشكورررررررررررين اخوان على هذه الردود وما قصرتوا
-
صدكني هذوله بس حجي من جوه لي جوه يشتغلون
تلكاهم مقدمين قبلك
هيج نماذج معاشره و اعرفها
هذا الي يكلك عندي بنيه اخاف عليها و مااروح و هو يطلع مقدم و مقابل و خلصانه شغلته
كل واحد يكلك مااروح جذاب
-
السلام عليكم,
تحية طيبة الك اول شى واكلك لا تسمع كلام هذولي الناس لان هذا الوقت الي انمربي محد يحب الخير الى الاخر (مع احترامي الى الناس الشرفاء والطيبين الي بهذا الوطن الجريح) اني انصحك بان تواصل اكمال الطلب السفر مالك لان انت راح اتروح الى بلد الاحلام الي بيه الناس الي اتقدر الانسان بمختلف جنسياته وتضمن مستقبل اولادك من جميع النواحي واوله الثقافه الاجتماعية والدراسيه.
:) :) :)
تحياتي الى الجميع
-
اخي العزبز
كل شخص يشوف الحياة يطريقة مختلفة ويعمل على الي يصرفلة ويختار الي يناسبة. بس المهم لا يسبب اذى وضرر للاخرين المهم خليك ورة امورك وماعليك بغيرك والي مكتوبلك ما يصير الغيرك .
تحياتي
-
اتوكل اخويا او روح بس الخاطر الله لاتشتغلون شغلات دون المستوى مثل غسل مواعين اوهاي الشغلات بيضو وجهونا اشويا يمعودين
اوعلمو الامريكان منو هما العراقيين لان مع الاسف اللي عيروحون ديشتغلون شغلات مع الاسف لاتليق بهم والمشكلة انو اللي ديروحون لو اينجمون مايصيرون مواطنين من الدرجة الاولى يعني مثل الامريكي يعني العراقي خطية ديشتغل 15 ساعة باليوم اوتالي متالي ايحصل على 15 الف الى 20 الف دولار بالسنة والمعروف انو اللي يحصل على هيج مبلغ ابأمريكا يعتبر فاشل لان اقل شي لزم 30 الف اوفوق
-
السلام عليكم
بالنسبة لموضوع السفر هذا اني منتهي منه لان اني اصلا اشتغلت مترجم حتى اسافر وما اعتقد راح يأثر عليه اي شي اما بالنسبة لشغلي فبعدني اداوم حاليا ومقرر بس تخلص الاجازة وارجع لهناك راسا اخذ رليس و هذا طبعا نهاية الشهر
واشكركم مرة ثانية على هاي الردود الحلوة الي كلش ساعدتني و رفعت من معنوياتي
واحب اكله للاخ كامل بقبق هاي اول مرة اسمع اكو بامريكا مواطن درجة اولى وثانية و هذا منو الي يخليك تشتغل 15 ساعة باليوم بعدين شلون ابيض وجهك والامريكان شافوا العجب هنا وراح ينقلون هاي الصورة لشعبهم و اكيد الاخوة المترجمين يعرفون على شنو احجي
-
تحياتي للزملاء،
طرح ممتاز و نقل صورة واقعية واسمح لي ان اوضح جانب سلبي لمثل هولاء وهو انهم بعد توقيع الاتفاقية الأمنية والتقليص ، قام مجملهم بالتقديم على البرنامج مما ادى الى زخم كبير و تأخير بالطلبات و مثل ما ذكر الزميل الكل غير مقتنع لكنه يعتبرها حق او عنادا او خباثة ,و اود ان أضيف ان هناك نماذج يحاولون تأخير معاملتهم لأطول وقت او في العام الماضي البعض استلم الفيزا وكانت 6 أشهر وبقى حتى الشهر الاخير بالخدمة وحتى عندما طلبنا منهم التخلي عن العمل لان كان هناك اجتماع للتقليص وقلنا لهم لدينا مترجمين لم تصل خدمتهم الى سنة و اخرين لم يكملوا معاملاتهم ،بينما انتم اكملتم كل شيء ،اذا امكن افسحوا لهم المجال و قوموا بطلب الرليز قبل الاجتماع لكنهم رفضوا ذلك وكانت النتيجة ضحايا من المترجمين الجدد وبعد اجتماع الرليز بايام اخذوا يطلبون هم الرليز واحد بعد الاخر و سافروا ولكن بعد ترك بصماتهم الخبيثة على رليز زملائهم ،اما موضوع العمل هناك وهنا اقول لك شيء مهم ان الذي يعمل بالعراق كمترجم و يعتقد انه نهاية المطاف وافضل مستوى يحلم به و يخشى السفر الى أمريكا لهذا السبب توقع منه السيء و الدنيء دوما.
زملائي مثل هولاء النماذج هم دافع لنا لما فعلناه و سنفعله حتى لا تقضي الباقي مع العمر نشاركهم الوطن و نتحمل تصرفات بربرية لا منطقية من هذه النماذج والمفارقة انهم يعملون مع الامريكان ، اخشى ان افكر بما يضمره غير العاملين،
الى أمام زملائي رغم الصعاب .تمنياتي بالتوفيق للجميع.
-
بقبق يا بقبق هل قراءت الدستور الامريكى ؟ اذا لم يكن اطلعت عليه فحاول تمرعليه ..العمل شرف ايا كان نوعه ومقدمة البرامج ذائعة الصيت اوبرا فى سيرتها الشخصية ذكرت انها اول ما قدمت لامريكا كانت عايشة على الولفر واشتغلت عاملة تنظيف فى شركة عرض ازياء الى ان وجدت فرصة فى تلك الشركة لتبداء اولى خطوات النجاح والشهرة...لم نسمع بان هنالك مواطن اول وثالث فى امريكا ولا تنص قوانينها بذلك فقط الهنود الحمر لديهم حقوق خاصة يستفردون بها دون الاخرين ..وجه كلامك لاخوتك بان يرفعوا راءس العراقيين بان يتزودوا بالعمل فى بلدهم الجديد ويثابروا ويكافحوا ليصل العديد منهم الى مناصب رفيعة وسمعة دولية ترفع الراس وذلك بالتسلح بالعلم والعمل والصبر اولا ولك التقدير
-
والله يا اخي هذا الكلام مو من جيبي جايابا بس عندي اقارب اهناك واحد طلع بال 1991 ولحد هسا اشو وظعا امضعضع او واحد صارلا سنتين هم ما ادري شغلاتا داجة مخلص الكلام اذا الواحد ماعندا ظهر قوي ابأمريكا ايضيع لان عندي صديق اخر عما ابأمريكا صارلا اسنين واعواد من راح ماشاء الله رأسن اشتغل شغل توب براتب شهرب مقدارة 5000$ اومرتاح اتزوج اوقضى شهر العسل ابجزر الهاواي
امريكا صعبة جدا لان وظعهم الاقتصادي متدهور بينما العايشين ابمكانات اخرى مرتاحين عندي ايضا قريب لي امحصل على الجنسية النوزلندية اول ماوصل رأسن سكنو مع عائلة نوزلندية حتا يتعلم اللغة اوصرفولا راتب كلش كلش قوي اوراح يعادل الشهادة مالتا اوهذا طبعن ملك زمانا والعايش ابأستراليا ايضا مرتاح ابشكل اوبعدين يابا الحجي بيني اوبينكم يعني ازيدكم اشتغلو ويا الامريكان يعني ماسألتوهم يابا ليش اجيتو للعراق مع العلم انو الامريكان لايعرفون حتا اين يقع العراق او منو هما العرقيين بس حتا ايصلون على فلوس حتا ايكملون دراسة جامعية اوحتا ينعفون من الضرائب او حتا يرجع يشتغل ابسلك الشرطة لان الخدمة هاي تشفعلا وألا ليش ديجي من خلف المحيط اوديجازف ابحياتا لسواد عيون العراقيين طبعن لا مو صحيح الرجاء انقلو الصورة واضحة للعالم حتا يعرفون وين طريقهم
-
يابه ...... بقبق أفندي أحجي على وضعك .... ترة أهواية راحو الى أمريكا تلكاهم بأحسن وضائف وراتب مايحلم بيه مدير عام بالعراق ... زين عيني وهم أكو عراقيين تعبانيين هذول التعبانيين لمن نسألة ليش وضعك تعبان يكللك والله المساعدات أنكطعت عني وماكو وضائف .... لعد لمن سافرت أشتعرف أكل ونوم لو تعب وعمل من الصبح لليل وعندي صديق هذا نموذج واحد والله يشتغل أبمطعم ( يغسل أماعين ) زين عيني ويدرس ... وهسة هو كمل الدراسة وراح يقدم على وظيفة محترمة .... عيني العمل مو عيب والله العمل شرف مو أحسن ماأنتظر أحد يحسن علية ويقدملي أكل وأني تمبل ابو رطبة
-
الشي الذي لفت نظري في الموضوع انه الاخ صاحب الموضوع يكول انه 20 بالمية من المتقدمين للاس اي في فقط يرغبون بالسفر الفعلي ؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!
لاحبي مااعتقد هيجي نسبة صحيحة اني اكول ان الذي يقدم وهو غير راغب بالسفر والخلاص من جحيم العراق لايتعدى 1 بالمية فقط بينما ال99 الباقين مستقتلين على ريحة تايرات الطيارة المشعوطة واني اولهم طبعا
-
السلام عليكم
اخوتي الاعزاء
ما نريد نخلي الموضوع يخرج عن ما تم طرحه من قبل صاحب الموضوع (ما هو تأثير الحاقدين والمتخاذلين على ال siv حسب تجربتي الشخصية).
وخليكم حبابين ولسون مشاكل لان الوضع ميساعد. هههههههههههههه
اخوية العزيز صاحب الموضوع (Torture Killer) الله يوفقك ولادير بال لهؤلاء لان ابو المثل كال عليهم (القافلة .......................و......تعوي). والحر تكفيه الاشارة
كافي ظلم _ العراق
-
زملائي الاعزاء،
يرجى عدم الخروج عن الموضوع وتبادل الاتهامات على الصفحة الرئيسية موضوعنا جميل و سلس ، يرجى تجنب التجريح و النقاشات الضمنية ،ولاداعي للرد على كل شيء اذا كنت تعتقد انه يسيء للنقاش و يحرفه ،انا اقوم بهذا الشيء فتجنب الرد على موضوع جانبي يتضخم و يقزم الموضوع الرئيسي ،
الزميل صاحب الموضوع جميل جدا طرحك وهي حالة واقعية جدا ، لقد اضفت على تعقيبي السابق بعض الاضافات . تقبلوا تحياتي و تقديري.
-
السلام عليكم
اخوان بس احب اوضح شغلة اني كلت بالبداية هذه تجربتي الشخصية ولذلك نسبة ال 20% هذه حسب الي موجودين بنفس مكان عملي اما بالنسبة للباقين فما اعرف
اما شغلة ليش اكو ناس يشتغلون مترجمين بس همه يكرهون الامريكان واربعة وعشرين ساعة يحجون عليهم وايسبوهم هاي هم ما اعرف
وليش اكو مترجمين متدينين ويصلون ويصومون ويفطرون بورك وهام من الديفاك ومن اتكله مو لحم الخنزير حرام يكلك لا اني مضطر هاي هم ما اعرف
وليش اكو مترجمين يعتبرون كل مترجم لغته زينة ولهجته قوية (يعني ما يحجي مثل الهنود) خائن ومتأمرك وحسب حجاية واحد منهم (هاي السوالف مال تعوج حلكك مثلهم وتلبس مثلهم وتسمع اغانيهم كلها راح تطلع من جلدك ورا ما ينسحبون وترجع لاهلك)
وليش اكو مترجمين بالتحقيق يطلع عدهم اتصالات بافراد بالقاعدة او جيش المهدي وتصل الامور الى كون احد اهم المطلوبين اخو مترجم ويانه ويعرفون بي وبعدة يشتغل مترجم الكابتن المفضل
وهواية امور وشغلات اتدوخ وتخليك تصفن على شعب العراق العظيم الي ما عنده شغل وعمل بس يحجي على الناس ويقلل من مقدار الاشخاص المحيطين بي باي طريقة حتى يحس بنفسة احسن من الباقين
-
ألف رحمة على والديك ...... وألله صحيح مية بالمية ألله يوفقك ياطيب