ankawa
منتدى الهجرة واللجوء => الهجرة و واللاجئين => الموضوع حرر بواسطة: looking for peace في 13:25 26/11/2010
-
سلام عليكم حبايبي
سؤالي/اذا اسم ابوية بجواز اطفالي يختلف عن جوازاي بالاحرف تعرفون ملي الاستمارات بالجوازت هم يؤثر على التقديم بالاس اي في والاي اوم ام لا .
اريد مساعدتكم حبايبي والف شكر
-
السلام عليكم
لا ما يأثر بالنسبه الي آي او أم وما سألوا عنهن واعتمدوا الاسماء اللي عدهم بالكيس
موفق ان شاء الله
-
السلام عليكم بارك الله بيك اخويه Haider Naem خوش موضوع لان اني اسم ابويه بجوازي يختلف اختلاف بسيط بحرف واحد عن جوازات اولادي... اخواني اعضاء المنتدى وكل من مر بهيج موضوع يشرحلنه تجربته مشكورا. تقبل مروري اخويه حيدر
-
اي والله هذا خوش موضوع يا جماعه احنا هم بنتي يختلف اسمها عن اسم ابوها بحرف واحد اكو مشكله بهذا الموضوع ؟؟؟؟
-
thanks alot haider . appreciate that. God bless u
-
اخوان بالنسبة للا اي او ام ... تجربة شخصيا ومو كل المكتوب ادناه ممكن ان يكون موجود في كل الولايات:
احنا هم عدنا اختلاف بالاسماء ومختصر مفيد انه هي الشغلة ما تاثر لان المنظمة تعتمد على الاسماء الموجودة عدهم وفقا للمعلومات الي انت منطيها في بداية التقديم او بالمقابلة الاولى ...
الاسماء في امريكا هي الاسم الاول والاسم الاخير يعني اسم الجد .. واكثر الاعتماد على الاسم الاخير يعني حتى بالوايت كارد اسمك راح يكون مثل ما ذكرت.
بالنسبة للجواز ما تحتاجه في امريكا فقط من تريد تسوي حساب بالبنك بالبداية يريدون هوية بيها صورة والي هي الجواز بالبداية لان بالنسبة الك بالبداية بعدك بلا اجازة سوق او هوية العمل ومحد راح يطابق الاسماء المكتوبة بالجواز على الوايت كارد لان هذا الي كان في بالي قبل ما اوصل الى امريكا ولكن هذا مو صحيح.
وبعدين لا تقلقون هواي بهذا الموضوع لان شوية اكو نوع من السهولة بهذا الموضوع وبالنهاية انت تكدر تغير اسمك مثل متريد عند التقديم على الجنسية وبعض العراقيين غيروا حتى اسماءهم جذريا الى اسماء اجنبية يعني هو اسمه معاجبه او صعب اللفظ من قبل الامريكان فغير اسمه.
زيوس
-
السلام عليكم واذا اختلاف بمواليد انا بناتي اثنينهن ولاده خارج العراق وفي بيان ولاده بمواليد الصحيحه ومن طلعت الجناسي بالعراق غيروا مواليدهن بكيفهم يعني هذا نضامهم اي واحد مولود برا يغيرون اليوم والشهر بكيفهم بس السنه نفسه اشلون بهذه الحاله انا اول مره قدمت بيان ولاده بتاريخ وهسه راح اقدم جناسيهن بتاريخ ثاني ياثر هذا الشي
ثانيا \ قدمت شهادتي الجنيسه والجنسيه مزوره ل اي اوام بس والله ماكنت ادري بيهن مزورات لان دزيت فلوس للعراق وطلعوهن هل ياثر على المعامله وانا هسه طلعت جنسيه اصليه اقدمه الهم وشهاده جنسيه ماعندي لو لا اسكت ومراح تبين عندهم
-
السلام عليكم واذا اختلاف بمواليد انا بناتي اثنينهن ولاده خارج العراق وفي بيان ولاده بمواليد الصحيحه ومن طلعت الجناسي بالعراق غيروا مواليدهن بكيفهم يعني هذا نضامهم اي واحد مولود برا يغيرون اليوم والشهر بكيفهم بس السنه نفسه اشلون بهذه الحاله انا اول مره قدمت بيان ولاده بتاريخ وهسه راح اقدم جناسيهن بتاريخ ثاني ياثر هذا الشي
ثانيا \ قدمت شهادتي الجنيسه والجنسيه مزوره ل اي اوام بس والله ماكنت ادري بيهن مزورات لان دزيت فلوس للعراق وطلعوهن هل ياثر على المعامله وانا هسه طلعت جنسيه اصليه اقدمه الهم وشهاده جنسيه ماعندي لو لا اسكت ومراح تبين عندهم
عزيزي الامل2 بالنسبة للجنسية تغير تاريخ الولادة بالعراق عن الدولة الاصلية صارت وياية تجربة شخصية قدمت بيان ولادة بنتي ولادتها بالسويد بتاريخ 2/12/2009 ومن دزيت الجنسية وشهادة الجنسية صارت 2/1/2010 يعني صغروها شهر بس لاصوا الدنيا بيها وتوقعت راح تصير مشكلة والحمد لله شي جدا طبيعي كان بالنسبة للاي او ام حتى بالنسبة لدائرة الهجرة السويدية كان شي جدا طبيعي حتى بالسفارة العراقية مالتنا بالسويد اللي صدرت البيان من يمهم شي طبيعي كان تغير التاريخ
اما بالنسبة للجناسي وشهادة الجناسي المزورة الافضل تبعثلهم ايميل تكتبلهم انك ضيعت المستمسكات اللي بعثتها اول مرة (المزورة) وتدزلهم نسخ من المستمسكات الاصلية تكوللهم بيها هاي بمكانها طلعتها لان راح تكون معرضة للتجييك الامني ومتعرف شنو يصير بعدين
تقبل تحياتي
ابومريومة البغدادي