بويه انتي منين من يا عمام من يا ملة
والله صدك الخلف ما مات ها الاولاد هنا ....
عوفيها وره الغداء بس اخرب بيتي السمجات مالتج جنهن ملايجة صغار
وهذه الدهونات شيليها لان اخاف من الكوليسترول
وسوي وياج جاي مهيل مال فوااتح من هذا المعدل
والف والف رحمه على بطن الي نكلتك يا بويه يا اماني
والثلث تنعام منك
ها ولج بت كمبوش جا انتي لحكتيني لهنا اااااان نحمد الله اي والله شجابك هنا بويه اهلج شلونهم انشاء بخير
اني سالت عليك قبل فترة هذااااااا... نسيته نعتله عالشيطان يابو اهله اي تذكريني بيه ااااي بيت حجي كاصد الاعور تعرفينه لو نسيته
كالوا بت كمبوش سافرت لبلاد بره شلونج والله مشتاقين يا بويه لذيج الايام اي والله مرتاحة هناك لا وبعلك شلونه والجهال شلونهم
اكولج حبوبتك نوفه توفت دريتي لا والله والنعم منها ربت خوش زلام سوادي وهاتو وعبادي خوش زلم والله بس هي اخرب بيتي عليهه جانت فطيرة من اهل كبل خل اسولفلك هاي السالفه تعالي اكعدي يم ابوك هنا تعاي ظ
فد يوم اول ما نزل الراديون الي هسه يسمونه المذياع كبل اول ما نزل الي يشتري ردايون يحجون عليه مو يحجي المذيع بعد عمك يكولون عيب زلمه بالبيت بس بعدين شويه شويه تعودوا عليه والناس كامت جيبه بس جدك الله يرحمه كمبوش الصغير ابو حثل جاب واحد من الميزره هاي انتي ما ملحكه عليها المهم جاب راديون وحبوبتك الله يرحمها كللته وك ابو حثل المن جايبلنه غريب للبيت واول ما شغله حبوبتك مباشره تكبعت بالعباية حسبالها واحد غريب بس بعدين تعودت بس بقت ومن يكولون زار الرئيس الفلاني الدولة الفلانية حبوبتك جانت تكول (( يمه عليك بالعافيه نسالك الدعاء ))) نحمده ونشكره اي والله
يله بويه جاي تعبان اني باجر اكملك من ارتاح بعد ابوك بس والله مشتاكين هوايه الج اي والله هيج كلش كلش مشتاكين فري ماج يا بويه يا مظلومه يله علكي عبايتي هنا بالبسمار وانطيني اللوله خلي انخمد ساعه
اودعناكم