ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: زاير كباشي في 09:34 29/11/2010
-
مساكم الله بالخير اولادي وبناتي الصبايا
اليوم جبتلكم موضوع حلو وحسب خبرتي الطويله لان عمكم فريت بلاد كثير وعرفت هواي منهم بس احنا نحجي على اهلنا مال قبل وانت اخاف تمر بيكم هاي المسائل حتى تعرفونها كل تسميه والها التفسير مالها هاااااااااااااااا جا شحسبالكم موش عمكم مثقف وشوفوا الثقافه شلون تره المجالس مدارس مو مدارس هسه الغبره وين كبل بالاميه جنا اذكر امي كبل الله يرحمهه ويحسن الها جنت من اروح لمحو الامية ادرس جانت سويلي سندويج خبزة وتلف بيها تمن اله يرحمج يمه ومرات عالسريع تخلي بالجيس مال الكتب خيارة وكاسة مال لبن وابوي الله يرحمه يشتمها اي والله واحد يحجي البخت جان يشتمها الله يعاقبه اهوووووووو قصدي الله يرحمه يصيح بيها ولج دنودشة جا انتي مخليه للولد خيارة وروبه راح يسكر شنهي وهي تضحك الحجية تكوله يا ابو كباشي استحي شوية شتكول علينا الوادم ابو كباشي يسكر ويطوطح يم النخلات المهم اترككم مع تسميات اهلنه
التوثيه ::: هي عصا غليضة الشكل وتستعمل للضرب يعني الي ينضرب بيها ينتعل ابو جده
الهطار ::: كانوا يستعملونه اهلنا عند بناء البيوت بالكصب بس اخرب بيتي من تمطر ويظل يخرخر الفراشات تصير تشريب
الجدر ::: هو الاناء الذي يستعمل للطبخ عند نسوان اخر وكت هسه يستعملن التيفال والف وصلة اخاف تنجوي
الطشت ::: وهو اناء مستدير الشكل وهسه جماعتنا يسمونه الانجانه هاي الي يغسلون بيها هدومكم وتلبس جفوف عمت
عينهن اي والله
المس ::: هو ما يقصد بيه الجفجير الي يرفعون بيه التمن من الجدر
الجمجة ::: نفس الجفجير بس محفورة مال مرك وتشريب وسوب مال لحم
تريقاجي ::: الي يحب الجاي هواي مثل عمكم يعني المدمن
طاحت ::: يعني سقطت او وكعت
الطابك :: هو التمن المطحون ويعجن ويصب في وعاء كبير جدا مثل الطشت بس مسطح وياكل ويه الزوري والبني والخشني يعني ا نواع السمك
باغه ::: اواني بلاستيكيه
تخته :: خشبة لتقطيع اللحم
جولة ::: مثل الصوبة الي تعرفونها بس صغيره لتسخين الطعام
دثو ::: للشخص الي يمتلك غباء هواي
الدجه : وبمعنى العتبه مال الباب من تكعد العصر عليها وتضرب جكارة واستكان جاي
جرخجي او ناطور ::: الحارس الليلي
زعطوط :: الشخص الي افعاله صبيانية يعني نكول جاهل
سعلوه :: كائن مرعب جدا جنا نخوف بيه الجهال حتى ينامون
صاموط لاموط : الشخص الي يتكلم قليل ويسكت في اكثر الاحيان
طرن :: نوع خاص ومتميز من الهبل يعني اخوث
عتوي : القط الضخم ما شايف مرات يكله عتوي مطابخ لان ضخم
عكروك : الضفدع
قوطية : علبة
كلاوجي : الانسان النصاب والمحتال
كلك: وسيلة للنقل المائي
الشختوره :: البلم او القارب الصغير
لوجه : الانسان اللحوح ونكول مرات لزكه
ليطة:: شظية الخشب مثل النشارة بس اكبر شويه
مرعبل : شخص غير منظم بعملة ومخربط يعني
مزيقه ::: الموسيقى الجميلة
مسحاة :: اله زراعية تستعمل بالحرث اليدوي وايضا يسمونها الكرك
لهنا وانتهت ها بس النه عوده ثانية انشاء الله بس حبيت اذكركم باخر شئ
جانت الله يرحمها ام شلتاغ ابني تسمي التلفزيون تسميه ((( تفلة البزون ))) الله يرحمه اي والله بينا الحجي (( طكت روحها مثل هذا اليوم وكل يوم مرمرتني
اودعناكم عمكم زاير كباشي مراسلكم في التنومه
-
هههههههههههههههه
والله عمي عاشت ايدك خوش حجي
بس تدري هذا الكلام حلو ويسوي واهس
هسه جماعت هذه الوكت صارو نوازيك هههههههههههههههههههههه
-
عمو هاي شنو انته ههههههههههههههههههههه
عاشت ايدك
;D هاي شكد عمرك الف زائد واحد ;D
-
هههههه هو هذا الحجي الصحيح مو مال هسا ...يسلمو
-
اني اشكر الطبه مالتكم والطلعه وعلى راسي
بس يا بعد عمكم شنو منو كلج عمري 101 شنو قابل سبحة اني
-
ههههههههههههههه
هذا الحجي المضبوط
عاشت ايدك
-
حجي زاير كباشي
تحياتنا الك ،موضوعك جدا حلو عاشت ايدك
زين انت متأكد انت كبير بالعمر ،الشخصية الي واضحة خلف كتاباتك واسلوبك اللطيف والممتع
تكول انك شاب مو حجي
تحياتي حجي كباشي واحترامي
-
ههههههههههههههههههههههههههه
كلام روووووووعة عمي زاير
عاشت الايادي
-
((حجي زاير كباشي
تحياتنا الك ،موضوعك جدا حلو عاشت ايدك
زين انت متأكد انت كبير بالعمر ،الشخصية الي واضحة خلف كتاباتك واسلوبك اللطيف والممتع
تكول انك شاب مو حجي
تحياتي حجي كباشي واحترامي))
اتفق وية العزيزة ام محمد ما مبين عليك كبير بالعمر وشكرا عالموضوع.
-
عمي الحجي زاير بن كباشي
من فدوه اروحن لزوجتك المحروسه ..ليش متفتح مدرسة هنا بالمنتدى وتدرس بيهه هااي السوالف
جااا مو انه اخافن تنسي هاااي الجلمات الحلوة
واني حسجل بمدرسة محو الامية مالتك
وبصف الاول بعد شتريد
اهم شي هسه تغديت شربوك جااي مو انه عمو الحجي جنت مسافره
-
مساك الله بالخير اغاتي الحجي اكعد استريح جاي حامض
اتعصرة يمنة خوش اكليجة امسوين السماور علفحم
حول اعيوني ....
لك ستورييييييييييي اخذ الرسن من ايد عمك واربط الفرس واعلفهة
وافتر علة محلة عنكاوة العصرية يمنة اليوم علشط
----------------------------------------------------------------
الدعوة عامة للجميع ;)
-
اي والله اسعد ختيه عمو الحجي زاير ولد كباشي القريشي
جااي تعبان وهذا حصانه ربطنااه بالشجرة وحطيناله مااي
هسه اجيبلكم كليجة ((صنعه ايديه وحياة عينيه)) ههههه مو تصدكون
وياااهه احلى استكان جااي ابو الهيل
والمثل يكوول ((جااي العصر بيه السعاده والنصر))
-
هاي شنو السالفة فهوني اشو الجو مشتعل ومكلوبة كلاب هنا شوفو هذا بختي عثركم موش اني دايما اهلي وعمامي يكولولي انته مبخوت المهم
ايام كمنك ان هير عن قريب انشاء الله
-
هاي شنو السالفة فهوني اشو الجو مشتعل ومكلوبة كلاب هنا شوفو هذا بختي عثركم موش اني دايما اهلي وعمامي يكولولي انته مبخوت المهم
ايام كمنك ان هير عن قريب انشاء الله
جااا عمي مووووش انته رجليك خضره على الوااادم
هااا عاااين
من يوم دخلت علينه بحصانك اني كلت اللهم اجعله خير
ههه
عمي زاير وينك اشو انت تغط تغط وبعدين تطلع تره تعلمنه على سوالفك الحلوة
هااا اليوم اريدك يا بعد بنيتك
تتذكرلنه قصص مال ايام زمان وتسولفلنه
-
ثانكيو بعد عمك بس تعرفين الطلايب بالسلف والوادم تعرفني واروح افضها الهم / ايام بزي فري كولش بعد عمك والله
-
عمي الحجي
هااي اليوم سويناها الزرررده والف عافيه
-
انتي ليش ممصوغه اكلها عندي سكر تكلي زرده
اذا عندك كرشه او كوارع هاي الملوحة من غبشة ووياها فد راس بصل واقرا الفاتحة لاهلك
-
مو تدلل عمي الحجي
هنمررررررررررري
-
خوش باجه امون عاشت ايدج اتسودن عليهه :P :P
-
:D ;D ;) ;) ;)
اي ظللوم بس باااين عمو الحجي زاير مراح يبقي ولا فتفوته
صدك عمي الحجي وينك اشو ماكو بس لا الحصان اللي انت راكبه إتحووووسم
-
خويتي الاماني
تره حجي زاير من التراث
يعني رجل تراثي هينوب
يعني واعي عالحرب العالميه الثانيه
ودكة الكيلاني
يعني تره الامريكان يدورون عليه مثل مادوروا على اثار بابل
وشلون مااشوفه تحوسم هو والحصان :'(
-
انا غلام ابوي
اشتميت ريحة غدر اشتميت ريحة هيل
اماني جنها كمر ومظلومه تهده الحيل
ها ولج مظلومه اشو انتي رجعتي لسوالفك القديمه مو فلتي المرة المضت بسيطة اني الج بنت سوادي
اله اسودنك بسيطة
اماني بويه جا انتي خوش بنيه مو هاي تخربج تره وفد اعذر من انذر وانتي بكيفك وبكيف الله بعد
-
ههههههههههههههه
عمي زاير جا لاتتكاون وياي
موانه بنيتك بالغربه جا لوما طلعت عليك هيج اشاعه جان مابينت وظلت خويتي الاماني تفر براسهه
خوش ;D
-
بويه اني اكدرلك برد حيلك اي والله انتي ليش ممصوخه اكلج بويه انتي ما كتلي انتي وين هسه بعد ابوك ماكو فيزا يمك هجره بس موش لوحدي اني والحصان بعد ابوك وطوايفه
لان الحصان خطيه صارله وياي 40 سنة مستحيل اعوفه خطيه يموت من الضيم لوحده وتعرفين بطولاتي اني وياه بس انتي اذا حصلتي فيزا انطيني علم بعد عمك المهم حصاني وياي حتى لو بس اخليه بالاسطبل مال كوالامبور كافي المهم اتكحل بشوفته كدامي
-
;D ;D ;D ;D ;D
اشلون ما اشووووف هو عمي الحجي زاير
جان مقهور بزماناته من سوالف ابو جهل وقوافل ابو سفيان تزاحم رزقه
فختيه عمي الحجي طلع بطررك البارودة والحصان وهج من قريش
-
يا بعد عمك يا اماني شلون عرفتي لا بس الشغله وما بيها علمود عمتك خاجية جان رايها اميه يخطبها
واني شردت بيها بس اياباه لو تعرفين قصة حبي بعمتك خاجية راح انطيك بس نبذه عنها شعر لان عمتك جانت ملايه
يم هند مرت ابو سفيان يلطمن قبل على عمها واخوها وابوها من انكتل بحرب بدر المهم شوف الشعر مالتي وعمتك خاجية
كباشي
:يتعارك الدلال وي روحي والعين ... كلمن يريدك بيه ترغب تحط وين
خاجية :
خاف احط بالدلال والجم جروحك ... تزعل عليه العين وياهه روحك
كباشي :
تزعل عليج العين وياهه روحي ... بيدي لكض الموس وازيد جروحي
خاجية
بيدك تكض الموس واتزيد الجروح ... جا شنهي نفع الطيب لو راحت الروح
كباشي
حكه وتهيج الروح من عندي وتروح ... لن مالكت محبوب ويخيط الجروح
خاجية
لشلع هدوب العين واخيط جروحك ... واتبادل انه وياك روحي وي روحك
عمت عيني عليك خاجية اي والله ذكرتيني بالاهات والماضي :'( :'( :'( :'( :'(
-
ههههههههه
عمي الحجي زاير
بروح ابوك بعد لتغيب هوايه وعمي اذا حصانك كبر وتعب اني اشتريلك سياره ((العكروكه..فوكسواكن))
مشي نفسك بيهه
بس مو تغيب علينه عمنه تره حجياتك مال الاول من جان السلام الجمهوري ينعزف بالربابه
-
بويه انتي جديده عود جاي تكسرنا اني وبنت سوادي هاي الي تكولين عليها مال السلام الجمهوري هي مو اقدم
من جانت الزفه ركض جان ماكو سيارات مثل هسه
والثانية تكولين من جان الدرهم حياكه
عرفتي بعد عمك والله يا بنيتي ما اغيب اني بس مشاغل تعرفين ورادوا مني عدم محكومية وتعرفين ما اكدر اجيبها لان اني مطلوب عد قريش كلها ومحتار هسه شلون ادبر امري يا بعد عمك
-
انته تغط تغط وترجع شنو سالفتك ما اعرف صاير مثل هلال العيد