ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: مظلومه سوادي في 18:40 29/11/2010
-
ياجماعة الخير
اليعرف شخص يبخر المنتدى يدلينه عليه
الدردشه بيهه شي غريب اليوم
في حدث لم يسبق له مثيل في التاريخ
اختفت خويتي العضوه النشيطه الاماني الضاله
وهاي سابقه غريبه عجيبه
اختفت بدون سابق انذار :o
والله من يوم السجلت بالمنتدى حظورهه كان متواصل بدون انقطاع
حتى اتصور من عدهه روحه للسوك تاخذ اللابتوب وياهه وتكنك من اي مكان قريب ;D
اليعرف عنهه شي يبلغنه
لانه كلنه نختفي يوم يومين عادي
بس الاماني الضاله تختفي كم ساعه
هينوب صعبه :'(
-
يا ساتر
لا خويتي مظلومة موجودة قبل ساعتين كانت موجودة يمكن
الله الي يستر يمكن اليوم اكو شي بالمنتدى
-
خويي موجوده بس ماعدهه ولا مشاركه
صدك عجيب غريب امور قضيه
-
اوووووووووووووووووووووويلي شطلعت هاي
يمعودين تعالووووووووووووووووووووو رجعوووووووووووووووووووو
دخيل الله
-
صدك جذب راح اتخبل ؟؟؟ ؟ ؟ ؟ ؟ ؟
حبي مظلومة كافي حرام عليج كل شوية مفززتني عابت ;D ;D ;D ;D
:'( هسه يرجعون كلهم ويشاركونه فرحه التاهل
-
اي خويتي مظلومة لان هيه هسه بالعراق
وفاتحة نت من بيت اقاربهم ومتكدر تفتح المنتدى لان صعبة شوية اتعرفين مو ابيتهم بس علمود تسحب اوراق مهمةوهم حاولت انه تفتح المنتدى بس كاعد يفتح شوية ويفصل عدهه حتى حاولت تكتب رسالة ما وصلت فاضطرت ادزهه على الياهو وكتبتلي اوفلاين اتكول ما اكدر هسه افتح نت منهم لان استحي بس علمود الاوراق المهمة فتحت ياهو وبالكوة كدرت اكتب الك هاي الرسالة واني تره راح اتأخر فترة طويله ايجوز مشوفوني لان نت ماكو ابمنطقنه والله كريم بس اتكول اني ما بيه شي وبخير الحمد لله
الله يرجعهه بالسلامة ان شاء الله
-
والله ما اعرف شنو الي كاعد يصير جماله المصايب تجي كله مرة وحده
ان شاء الله يكون المانع خير وترجع بأقرب وكت وتنور المنتدى
همزين اخوية اسامة طمنته يارب ترجع بالسلامة
-
انشاء الله ترجع امونة باقرب فرصة
شكرا اخيتنا مظلومة
-
اي خويتي مظلومة لان هيه هسه بالعراق
وفاتحة نت من بيت اقاربهم ومتكدر تفتح المنتدى لان صعبة شوية اتعرفين مو ابيتهم بس علمود تسحب اوراق مهمةوهم حاولت انه تفتح المنتدى بس كاعد يفتح شوية ويفصل عدهه حتى حاولت تكتب رسالة ما وصلت فاضطرت ادزهه على الياهو وكتبتلي اوفلاين اتكول ما اكدر هسه افتح نت منهم لان استحي بس علمود الاوراق المهمة فتحت ياهو وبالكوة كدرت اكتب الك هاي الرسالة واني تره راح اتأخر فترة طويله ايجوز مشوفوني لان نت ماكو ابمنطقنه والله كريم بس اتكول اني ما بيه شي وبخير الحمد لله
الله يرجعهه بالسلامة ان شاء الله
الله ايبشرك بالخير اخويه اسامه لان فعلا ظل بالي على امونه
ومكانهه خالي والله لان تواجدهه متميز و دائما مستمر وبدون انقطاع
واذا غابت ساعات احنه نفتقدهه
ان شاء الله ترجعنه بالسلامه وتنورنه من جديد الاماني الجميلة والغاليه
وتدرون حته فرحة فوز منتخبنه ناقصة بغياب الحبايب
الاماني الجميلة ??? ان شاء الله ترجع بالسلامه وتنور من جديد
ريوووووومه ??? وينج ريوم مكانج خالي تعالي شاركينه بفرحة الفوز ياغاليه
حمادة ??? يمعود حمادة شنو اللي صار مو البارحة كنت تلعب لحد 4 الصبح ويانه
اني وياك وسرى وغزل وكنت تضحك ومرتاح شنو اللي صار اليوم وشختلف
ياريت خويتي مضلومه تفهمنه شنو اللي صار ويه اخونه حمادة واللي خلاه يترك المنتدى؟
وشكرا الج خويتي مضلومه على تفقدك لاحبتنه الغاليين علينه
وانتي فعلا ملكه على الروح الاخويه اللي حاملتهه
-
والله مااعرف شصار بالمنتدى
للأسف ثلاث اعضاء اعزاء متغيبين اليوم
اتمنى رجوعهم باسرع وقت
مظلومة الغالية والله لازم تشوفين حل للمنتدى يمعودة ينراد كيلو بخور ونبعد العين والحسد
دعوة من القلب ل حمادة الغالي،،ريم الرقيقة الجميلة،، ،والأماني
بالعودة لأحبابهم
-
اين اختفيت ايتها الاخت الرائعة الحنونة
اين صرت انت وريم وحمادة ثلاثة اعزاء علينا وفي يوم واحد اننا نراها صعبة علينا ولانتحمل
امنيتي انقطاعكم اليوم فقط وان شاء الله راجعين الى اخوانكم وخواتكم
رجاءا رجاءا
اشكرك اختي العزيزة مظلومة على تفقدك لاخوانك وخوانك وبارك الله فيك
اختك ام زيد
-
لا اموونة اكيد عدها ضروووووف
ان شاءالله باجر ترجع وتنور المنتدى
شكرا اخت مظلومة
-
هههه
خيتي ظلللوم الحبيبة اشكرك على تفقدك غيابي ...
هذا من نبل اخلاقك ايتها الفاضلة
واشكر كل من اهتم للامر,,
لكني كنت ببغداد فقط ليومين لانه لزم الامر ذهابي لاكمال بعض المعاملات..
وتم الامر والحمد لله..
بعدين شنو السالفة يمعودين
اغيب يومين ارجع اشوفMMSصارت ماكنتوشه من حق وحقيق
ALIUSA صار اسمة ابو تبارك
ياسر صار اسمه مان
ريوم الحبيبة تالمت لها رغم كنت متواصلة معها على المسنجر الا اني لم اتواجد هنا لكي اكون بقربها كما يفعل الاصدقاء..فميت هلا بحبي ريوم ودومك تعرفين صدق شعوري منك حبيبة
اضافة الى ما علمت بغياب الاخ والصديق المحترم حماده جدا ازعجني الخبر لانه من عمالقة المنتدى ومن كرامه انشالله يا اخي الكريم ترتاح كم يوم وترجع لنا بالسلامة فمكانك لن يشغله غيرك لانه يأبى الا ان يكون لك تحياتي ايها المحترم
مظلوم هاي يومين غبت هيج صار لعد لو اغيب اسبوع اكيد اكيد انت يصير اسمك نانسي سوادي
حبيبة الغالية اشكرك من جديد
-
ههههههههههههههههه
حلوه هاي مال نانسي سوادي صدك فيكه ;D
جا شعبالج احنه اليسجل عدنه يسجل مؤبد موكوتره
وموبس هيج لازم يكتب تحركاته وين راح وين اجه
وممنوع يدخل لغير منتديات لانه نلزمه نلزمه >:(
وبعد انتي اللي سويتيه ماينحجي ولاينكتب
شلوووووووووون تسافرييييييييين من بلد لبلد وماتكولين هااااااااا ??? ليش ???
هذا اسمه تسيب واهمال لبقية الاعضاء ;D
لاخويتي لااتشاقه
بس خويتي جا غير تكولين تحجين
يبووووووووووووووه
عاللي صار والله عين وصابت المنتدى
خويتي بصباحيه ظلمه مسودنه انسحب خويي حماده وخويتي ريم :'(
يبوووووووه انكلبت الدنيا خويتي وانه اكولن وين خويتي الاماني الضاله تجي
تشوف شصار بينه
هاي كلهه من وراج لان سافرتي وماكلتي ;D
-
ياجماعة الخير
اكو عضوين مختفين من قسم الدردشه
اول واحد خويي نيرون
ثاني واحد خويي ياسر
وهم نعتب على خويي مراد علمدار لانه دخوله للمنتدى قليل
بس خوينه مراد عذره وياه لان اكيد مشغول
وخويتي بتيته هم مختفيه بس هم اكيد مشغوله بالشغل
بس خواني نيرون وياسر ماكو ابدا ابدا
والله ضال بالي عليهم
وخاصة خويي ياسر لانه بالاونه الاخيره صحته جانت تعبانه هينوب
فاللي يعرف شي عنهم ياريت يكول :'( :'(
-
هههههه
عيني نانسي أ أ اقصد مظلومة
هااي شنو رجلي خضره عليكم
مو صوج احد صوجج انتي لعد ليش سويناج ملكة هااا
غير تشددين الحراسة الليلية
وتسوين للمنتدى باب مثل باب الحااارة
ونكعد سعد خليفة ناطور يم الباب لان يااادوب التفكه اللي يكمشهه بطوله
-
عيني مظلومة بنت اخو زاير كباشي
ههههه
مو اني اللي كنت مسافره عرفت وانت بنص البيت مدريتي مو ياسر صار اسمه ماااااااان
بس فعلا الاخ المحترم نيرون مموجود لاحظت هذا الشي انشالله مانعه خير
-
اختي مظلومه اني هم لاحظ غيابهم وان شاءالله يرجعون باقرب وقت امين
-
انشاء الله يرجعون باقرب وقت يارب
شكرا مظلومة
-
ياسر سوه اسمه مان :o
جاشبيه اسم ياسر والله اسم حلو وفيكه
هسه عليش هالاسماء الاجنبيه
يبوووووووووه
يالله ميخالف بس حته باسم مان مجاي اشوفنه
جا خويتي اذا عليه اسوي باب حديد واصكنهه بمية مفتاح
بس شاسوي
ماكو امكانات فلوسيه ;D
-
ههههه صدك حجيج خويتي
مو احنه فلسنه من كثر التبرعات يوميه الادارة مسويه حملة للتبرعات
شوفي حالنه ندخل بلعبة المكناسة نشوفهه مال سعف حتى مو مكنسة كهربائية
ترحين للعبة اكسر مزهريه تلكيهه مزهريه فولاذ مو فخار حتى ينكسر راسي ومتنكسر هي علمود ميخسرون هوايه تُونكَات
ترحين للعبة الوردة تشوفيهه هي نفس الورة البلاستيكية يفرفروه علينه كوولنه
حتى الاسد بلعبة الاسد طلع بزونه بس مربربه من العلللس مال الاعضاء
جااا خويتي شسولفلج
بس صدقا صدقا نيرون ماكو فعلا يا رب يكون مانعه خير
-
ههههههههههههههههههههه
رهيبه
حلوه هاي الاسد بزون بس مربرب من علس الاعضاء
خويتي هسه شفت خويي ياسر اسمه كاتبه بالعربي مان
حرامات اسم ياسر 2011 جان رهيب :'(
-
اني ارحب بمان ;)
بس صدقا لو مسوي استفتاء اني ابد ما اخليه يغير ياسر :'( :'( :'( بس اخليه يسحب الارقام
لان كان مع اسمه مجموعة ارقام لو بس هاي ماسحهه :'(
على العموم مصار شي هو القالب والجوهر الاساس ;) ;)
بعدين خلي يفرح باسمة فترة :) :) :D ومو مشكلة يكدر يغيره شوكت ما عجبه اسم ثاني 8) 8)
تحياتي لك مان :)
فعلا انت مان ونعم المان صديقي المحترم
هسه يبقة بس نيرون صدك اني قلقت عليه :'( :'( :'(
بس ظلوم اكول خاف لان نهاية اسبوع وراح مع اصدقاءة او اهله لسياحة اسكندريه شرم الشيخ
مو تعرفين هاي ام الدنيه :-* :-*
-
خويتي خويي ياسر شرحلي اسباب تغيير الاسم
وعلى كولتج يبقى الجوهر واحد خوينه الغالي مهما تغيرت اسماءه
عيني تره خويي نيرون مايسويهه ويسافر وميكول جاحسبالج يسوي مثلج
لاع خويتي لاع
انه بس اخافن واحد من الكدعان كلبه يعني خسع منه يعني خنصل منه يعني حوسمه
هيه هاي لانه ام الدنيا موامان
-
ههههههههه هو لو اني ادري انتي عندج خفارة ليلية بالمنتدى ما اروح الا احجي
اي مو كلت هي كللهه يومين وارجع
محد يحس بشي
اني لو ادري اكو مايكريفون جوي وبحري وارضي
جان مورطت روحي وحجيت
جااا انه بغداد واسامة يكووولي يمعوده وينج مظلومة كتبت مطلوبة اماني حيه او ميته على من يجدها له مكافئة
حتى اهل بغداد خبصتهم بس اريد ارجع
والحجي بيناتنه همه مصدكو شوكت يخلصون مني بس كلت زحمتكم اريد ارجع للاردن
ما اشوف الا التذكرة انحجزت والتكسي يم الباب و7 احجارات بيدهم تكولين حيموتون من القهر لان حيفارقوني
-
ههههههههههههههه
جا طبعا الله يعلم شسويتي بيهم
اكيد كعدتي يبوه شو انطفت الكهرباء بعمان متنطفي
اهووووووو ماكو مي بعمان مينكطع المي
اهووووووو الجو تراب عمان جوهه صافي
يبووووووه شوكت ارجع لعبت نفسي
خويتي هي عمان تخلي كل العالم نوازيك
ولاعبالك جنه طالعين من ظيم العراق :'(
-
هههه
لا يظهر رجلي حيل خضرة على الوااادم
صارت بالمنتدى الحرب العالمية الثالثة
شنو شمرتلكم إعزيزه اني
لا ومن وصلت للاردن جبتلهم الخير ههههه انطفت الكهرباء ساعتين ماما كالت شنو جبتي الفكر مال العراق وياج
اشو صار المغرب اشوف الدنيه كلهه عدهه كهرباء بس احنه
ههههه
طلعت اني ام رجل الخير من دا افتح السخان صاار فيوز
وحرامات مشفت لالولا((المسلسلة ))كولش احبهه
-
ههههههههههه
عيني تره موبس انتي رجلج خضره والله بس
اجتي موحه لماليزيا انطفت الكهرباء وبس بعمارتنه ال ايه تصليحات
ههههههه
وعلى هالحال ظلينه اسبوع كل يوم ساعتين وبالليل
اي والله هي عزيزه السبب :'(
-
انشاء الله يكون المانع خير ويرجع بالسلامة الاخ نيرون
مشكورة مظلومة لتفقدج الاعضاء
-
خيتووووو مزززززلومه
الكلام بيه إن واخواتهه
اني اطالب المنتدى يسوي تحقيق معااي
لان من سافرت بطلت ريم وحمادة ....وعلكت باقي المشاكل
ومن رجعت هم اختفى نيرون ومان
لا لا الشغلة مينسكت عليهه هسه تحيلوني لمحكمة جنائية والمفتي الشرعي يجيني بسرعة بسرعة
مو لازم يعدمني هسه لان اذا اتاخر الواحد مظامن روحه ((الموت من الحياة))
-
ايييييييييييييييه
همزين قولتش حاجه انا ???
هيه اللي ئالت
هذا الاريدن اكولنه من الصبح
رحتي منا وكبت الانسحابات والبروبلمز بالمنتدى
وموبس هيج شورجعتي اختفوا مان ونيرون وبتيته
واليسا هماتينه
خويتي امونه مواكولنلج عوفي هذوله الدجالين وبعد لاترحيلهم
صحيح انه دليتج عالعنوان مال عمي صلبوخ وخالتي كشايه
وعمتي نمله سوادي
بس جاموهيج ;D
-
مظلومه خويتي شكرا لك وشكرا للاماني وكل الاعضاء المحترمين الذين سالوا عني شكرا لكم جميعا احبائي
وانشاء الله عدت والحمد لله وكان السبب بسيط بوجود الله ودعواتكم شكرا لكم اعزائي من جديدج وتاكدوا ان لا يوجد شئ يفرقكم عني رغم ان هناك من يتهمني وبالرسائل ايضا اني لي علاقة هنا بالمنتدى ويلقبني القاب لا اعرف ما هي ولكني سوف اقول له وابصواتكم انتم انا الخيانه لا يعرفها الا الخائن والاحترام واجب ولكني اكبر من ارد عليك لانك تتهمني باشياء باطلة والحمد لله ممكن ان يمتعه غيابي عنكم وعن المنتدى لكن اقول له شكرا لك وربي يسامحك
شكرا اعزائي لكم
-
خويي الغالي نيرون
يمعود لاتدير بال ولاتنقهر ولايضل اببالك
والمسامح كريم مثل مايكلون خوانه الكدعان
وان شاء الله محد يغيب بعد عن عينكاوا
-
:) :)
جدا جدا اسعدني هذا الصباح وهو متكرم علي بهذه الفرحة لسماعي ومعرفتي برجعة نيرون المحترم
جدا صديقي افتقدناك لان الانسان النبيل الخلوق دوما يترك أثره وفعلا حيزك الكبير بقى فارغ بغيابك لم يشغله احد لانه لايليق الا بك
اخي وصديقي المحترم
-
الاماني مشاعرك وكلماتك التي نبهتي يصداقتك العظيمة هي اسمى شئ عندي بالمنتدى فشكرا لك يا اختي العزيزة وربي كل صباح يكون جميل عليك
-
اشكرك نيرون مع تحياتي واحترامي
هسه يمعووده مظلومة لازم تغيرين عنوان موضوعج وتكتبين يا هلا بالغوالي
بعدين هااي خالتج كشايه وعمج صلبوح شنهي قصتهم >:( >:(
واكعين للوااادم
لازم تدفعين بالعملة الصعبة . :'( :'(.وتلزمين سرررره فد شهر عود يجيج الدووور
بعدين هااي عمتج نملة سوادي >:(
مرضت ولا قبلت ادخل الا لمن ورقتلهه يعني ضرب بطرح بقسمة بجمع قفصو عليه وخمطووو فليساتي :'( :'( :'( هههه
بس الإعزيزة اللي شمرتهه بالمنتدى سوت نتيجة زينه ;) ;) ;
-
اهلا وسهلا اخي نيرون وين هالغيبه يامعود الك وحشه ان شاءالله اتكون بخير يارب
-
الوحشة بدونكم اخت سوسن وشكرا على تفقدك اختي العزيزة
ويا رب السلامه في كل الاحوال
-
يمعوده موزين
انه اخر شي سمعته عنهم ياخذون كلية الوادم ;D