ankawa
منتدى الهجرة واللجوء => الهجرة و واللاجئين => الموضوع حرر بواسطة: مرادمراد في 09:22 30/11/2010
-
اتقدم باسمى ايات الاحترام والتقدير لهذا المنتدى العملاق العظيم الرااااااااااااائع وتحياتي الحارة لكل العاملين والمشاركين فيه ,, وبعد انااخوكم مراد من العراق حبيت اسالكم عن كيفية الحصول على اقامة سنوية لي ولعائلتي المتكونة من زوجة و 3اطفال دون سن السادسة ,,, انا اريد التقديم على منظمة اليو ان طالبا للجوء الى الولايات المتحدة لانني عملت معهم مدة 3 سنوات ولازلت لحد الان وسينتهي عملي معهم بعد 3 اشهر من الان اي في بداية الشهر الثالث القادم ,,, حبيت تفيدوني عن الاقامة واسعار الشقق في الاردن اولا ثم سوريا لكنني سمعت ان مثل حالتي يصعب التقديم من سوريا لان الموظفين هناك في اليون ان يعملون لصالح المخابرات السورية ولا يستقبلون او يرفضون هكذا حالة لشخص تعمال وعمل مع الامريكان ,, ارجوووووكم افيدوني وطمنوني انا انوي واتمنى الذهاب لسوريا لانها ارخص من الاردن لولا هذه المعضلة ( المخابرات السورية المتغلغلة في اليون ان عن طريق موظفيها كما كان صدام يفعل هذا اثناء تواجد اليون في العراق في سنين الحصار ,,, وشكرا لكم
-
حبيبي مراد .... الله يساعدك
عزيزي تكدر تقدم عالأس آي في من داخل العراق .... أسهل ألك و أرخص من سفرك لخارج العراق
أستغل ال 3 أشهر الباقية عندك حته ترتب الكوم أبروفال مالتك عن طريق شغلك قبل ما ينتهي ...
بالموفقية ....
زياد - أبو الحسن - عمان
-
اخي اذا عندك ركومندشنات تثبت انه انت مشتغل اكثر من سنة وياهم قدم ع siv احسنلك من دوخة اليو ان.....
-
اخي العزيز مراد
انت تكدر تقدم من العراق ببرنامج SIV او IOM بدون ما تطلع لدول الجوار تقدم كل المستمسكات الي تثبت عملك معهم والتزكية والباج وايميل مسؤولك المباشر بعدها يرسلون لك رقم IZ نمبر هاي اذا تقدم على اي او ام اعتقد احسن الك واسرع من التقديم على اس اي في اما اذا انت تريد السفر خارج العراق والتقديم الاردن اسرع من سوريا حسب كلام الاخوة وسوريا حسب ما اعرف مابيها اي او ام ولا اس اي في .... بس بيها UN اذا تريد تقدم على يو ان من سوريا تكدر تقدم وترفق كل المستمسكات الي عندك راح تتحول فورا الى اي او ام
-
شكرا للرد اخواني ,,, اريد جواب شافي مكتمل لو سمحتم ,,,بخصوص التقديم من بغداد انا حاليا لا استطيع التحرك والتنقل بسب التهديدات التي تلاحقني من الكلاب القذرة الارهابيين ,,,, اتمنى جواب بالتفصيل عن اسألتي الموضحة واكرر شكري وامتناني للجميع
-
من بغداد قدم على SIV او IOM عن طريق الايميل عندك ايميل مال اي او ام او اس اي في لو تريده
اخي مراد هذة رابطة للاخ عكعك عن طريقة التقديم على IOM اطلع عليها وانشاءلله تستفاد منها
http://www.ankawa.com/forum/index.php/topic,294296.0.html
والرابطة الثانية موضوع اخونا شبح بغداد معلومات عن طريقة التقديم على SIV اختار اي واحد تريد تقدم من داخل العراق
http://www.ankawa.com/forum/index.php/topic,267544.0.html
-
شكرا يا زيدابو الحسن والاخ blood وشكر يا اختي الغالية انجي .. بس اريد واحد يجاوبني على سوريا لو الاردن يمعودين ,, بارك الله فيكم وحقق كل امانيكم ,, يااااااااااااارب ............. اخوكم مراد
-
خويي العزيز سوريا أعتقد بطيئه من ناحية سرعة انجاز معاملات اليو ان
عمان احسن ولو هل ايام هم صايره بطيئة بس طبعا احسن من سوريا بمرات
بس تبقة من ناحية المعيشة فعمان اغلى من سوريا بهواي
-
سوريا ماكو التقدبم على اي او ام ولا اس اي في فقط اكو يوان وهاي حبالها طويل جدا وخصوصا بسوريا وعمان رغم اجراءاتها اسرع من سوريا لكنها اغلى من سوريا من ناحية الايجارات راح هم اخلي الك رابط الجمعية للاخوة الي بعمان وتكدر تسالهم وتشارك وياهم بالجمعية هي ببلاش التسجيل مو بفلوس ;D
http://www.ankawa.com/forum/index.php/topic,454245.0.html
وهاي هم كروب جمعيه للاخوة الي بعمان تكدر تشاركهم وهما ما يقصرون وياك باي سؤالك تحتاجه
http://www.ankawa.com/forum/index.php/topic,417828.0.html
-
حبيبي الله يعينك .... أذا تحس بنفسك مهدد فأنصحك تطلع من العراق اليوم قبل باجر .... وتكدر تقدم مباشرة للآي أو أم ...
الأردن أسرع بأنجاز المعاملات بس أغله من سوريا .... حدد أولا هدفك ... و بعدين هوايه من أعضاء المنتدى مستعدين يساعدوك بكل المعلومات اللي تحتاجهه و حسب الدولة اللي راح تروحلهه ....
بالموفقية ...
أخوكم ........ زياد - أبو الحسن - عمان
-
اخي العزيز..لازم تحسب حساب انو الشغله تطول سوء في الاردن او سوريه بعد اكثر..وهل عندك عذر ثاني مهدد مثلا اذا لا فمثل ماكالو الاخوان والاخوات قدم من بغداد احسن من دوخه الراس..والله يسهل للجميع
-
اخي الكريم
بالنسبة الى الاردن حتى يكون الحساب مضبوط يجب ان تعلم انه ( 1 $ = 0.708 دينار اردني ) يعني ( 100$ = 70.8 JD )
في حالة عومك على القدوم الى الاردن يجب ان تكون عندك فيزة دخول ويجب ان تكون لغرض العلاج كي تكون الاجراءات سريعة وهي نفس الحجة التي ستذكرها لضابط الجوازات فيما لو سألك عن سبب الزيارة. سيترتب عليك دفع مبلغ ( 10 دينار ) عن كل جواز كرسم دخول. عند وصولك الى عمان سيكون عليك ان تسكن في شقق فندقية لمدة بسيطة الى ان تجد السكن الملائم لك وللعائلة. حاول ان يكون وصولك الى عمان خلال اشهر الشتاء كي تكون الاسعار في حدها الادنى. اسعار الشقق الفندقية حوالي ( +/ - ) 50 دينار لليلة الواحدة. منطقة الكاردنز في عمان هي منطقة معتدلة الاسعار ويكثر فيها العراقيون بالنسبة للشقق ويتراوح ايجار الشقة بين ( 400- 480 ) لشقة 3 غرفة نوم شهريا. طبعا الاسعر قابلة للتفاوض مع المالك خصوصا اذا كان الايجار لمدة سنة لان المالك سيضمن ان الشقة مؤجرة لعام كامل. كما يجب عليك تصديق العقد في الدئرة البلدية لقاء مبلغ ( +/- ) 50 دينار لضمان حقوقك. اسعار الكهرباء حوالي 20 دينار شهريا، الماء 25 دينار كل ثلاثة اشهر، اجرة بواب العمارة 17 دينار شهريا. قنينة الغاز 6.5 دينار وتكفيك لمدة شهر. سعر وقود التدفئة ( 0.48 ) دينار للتر الواحد. واذا تريد اي شئ ثاني اني بالخدمة
-
اسف هذه الصوره بلغلط كنت اخابر والضاهر بنتي لعبت بلكمبيوتر...تقبلو اعتذاري
-
اخ امين عبد الله هاي كلش خوش معلومات فادتني
زين اللي يقدم عاليو ان شنو المساعدات اللي يحصلها بعمان ؟؟؟
واللي عنده اقامة بعمان يكدر يقدم عاليو ان لو مالها علاقه
-
اخ امين عبد الله هاي كلش خوش معلومات فادتني
زين اللي يقدم عاليو ان شنو المساعدات اللي يحصلها بعمان ؟؟؟
واللي عنده اقامة بعمان يكدر يقدم عاليو ان لو مالها علاقه
شي اكيد انت تقدر تقدم على ال UN, بالنسبة للمساعدات فاعتذر لان ما عندي فكرة عنها
-
اتقدم بكل الحب والاحترام والتقدير لكل من ساهم في الرد على موضوعي ,,,, اخوكم مراد