ankawa
منتدى الهجرة واللجوء => الهجرة و واللاجئين => الموضوع حرر بواسطة: amury في 20:13 02/12/2010
-
السلام عليكم
اخواني واخواتي الغالين
ارجو من الاعزاء الذين لديهم معلومات عن وضع اللاجئين العراقين في ولاية مينيسوتا ,, من حيث المساعدات و المعيشة و الدراسة وفرص العمل ,, علما باني قد نويت وبعد الاتكال على الله اختيار هذه الولاية ,
وبالمناسبه فنحن عائلة تتكون من 6 نفرات .
ملاحظة قبل فترة لكيت مثل هذا الموضوع بالمنتدى ,, وصارلي يومين ادور عليه مدا الكاه ,,
رحمه على والديكم الي يعرف شي عن الموضوع او الرابط خلي يتكرم علينا ويدليني عليه
وجزاكم الله خير الجزاء]
عمو اموري . عمان
-
اخي اذا تقصد هذا الموضوع مال منيسوتا
فهذا الرابط
http://www.ankawa.com/forum/index.php/topic,392789.msg4611579.html#msg4611579
-
وهذا الموضوع بالشرح الوافي عن ولاية منيسوتا
http://www.ankawa.com/forum/index.php/topic,419986.msg4844589.html#msg4844589
-
الف رحمة على والديج اختي العزيزة ريم
وجزاج الله الف خير
والله يابة احنه بلياكم انديح....
سؤال اذا ماكو ازعاج؟؟
مادري هو الاخ حمادة بعده بولاية مينيسوتا لو لا ؟ لاني اذكر انو راح الى غير ولاية.
والف شكرا وتحياتي الكم بالموفقية
عمكم اموري.عمان :'
-
اخي الكريم انا الان في مينيسوتا واي شيء انا بالخدمة
اليك رابط كل مايخص ماينيسوتا
**كل مايخص ولاية مينيسوتا minnesota _ minneapolis **
http://www.ankawa.com/forum/index.php/topic,407227.0.html
-
اخي العزيز حمادة
حمد لله على السلامة ,,
تابعت موضوعك وافتهمت منه انو انته اتحولت الى غير ولاية والان رجعت الى مينيسوتا,,
اخي الكريم رحمة على اهلك والله يحفظلك الوالدة ,, كولي اني ترهملي الولاية هاي لو لا
ومثل ما تعرف اني باول الطريق على الاي او ام وعندي عائلة من6 نفرات واحب اشتغل واخلي اطفالي يعيشون بكرامة ويحققون امانيهم .
وجزاكم الله الف خير
عمو اموري . عمان
-
السلام عليكم .... والله هو الاخ حمادة2 سوالنه خوش واهس على ولاية منيسوتا ....ارجو من الله التوفيق للجميع
-
السلام عليكم عمو اموري
ان عندي معلومات خطيرة عن هاي المدينة او رح تفيدك كلش اسم مدينة مينوسوتا جاي من كلمتين الكلمة الاولى
المينو يعني هذا مثل الحامض حلو بس بطعم لكاكاو و سوتا يعني مصاصه بلغة السكان الاصليين يعني اللي يروح
الهاي المدينة رح يشبع مصاص او حامض حلو بالعافيه اموري مثل ماصوروها النه بعض الاعضاء او دكو صدرهم بانهم
رح يستقبلون كل العراقيين اللي ينتضرون التوطين والناس ادز رسائل عل الخاص او محد ايرد بالعافيه امووووووووري.
بس اني رح اسوي اتفاقية وياك ياهو اللي يوصل كبل يتكفل الثاني شنو رايك بس مو توصل كبلي او تلتهي بالمصاص او تضربني
بووووووووري امووووووووووووري.
ابو صابر
-
[ والله يا اخوان اشو مثل ما كال الاخ العزيز ابو صابر الوردة ,,
اندز على الخاص ونكتب على العام ولحد الان ماكو واحد كال يابة اشبيكم , مابيكم تسودنتتوا اشوا كلبتوا على منيسوتا قابل ديوزعون حامض حلو على كولت الاخ ابو صابر ,, بس هم ميخالف احنه شبيدنا على ولد الناس غير المروءة,,
حبيبي ابو صابر اني موافق على الاتفاق الي يوصل كبل الاخر يصير كفيل لاخوة واني بخدمة الطيبين ,, ولو ماحب المصاص , اذا اكو من السمى ايكون احسن,,,,
عمو اموري