ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: ابو الحسن في 19:09 04/12/2010
-
عمي الله يساعدهم
شلون الطيبين
اكول بوية عندي سؤال
اليوم وليد كالي اكو فلم امريكي جديد اسمه سولت ( ملح معناه مو )
نزلته والله
وصارت بوكسات وانفجارات
خصم الكلام صارت حرب طروادة
الفلم رهيب
بس سؤالي شنني
تصير هيجي سوالف بالشوارع الامريكية ؟
شرطة تلخك عصابة وسيارات الاوادم تتدمر ؟زين منو يعوضهم ؟
زين اكو بالافلام الامريكية مثلا ظابط الشرطة يوكف سيارة من الشارع ويكوله بوية انه بوليس اوفسر
ويعت الزلمة وياخذ السيارة ويكمل ملاحقة للعصابة
زين هذا الزلمة منو راح يرجع اله سيارته لو يعوضه ؟
هسة تكولون ماليزيا وانتظارها خلاني اتسودن مو ؟
لا والله عمي بس صدك سؤال ببالي واحب اعرفه جوابه
الف شكر خلي ارجع اكمل الفلم
وانتظر سوالفكم
ابو الحسن - ماليزيا
-
ههههههههههههههههههههه
حلوة هاي عمو ابو الحسن
والله اني ما ادري بس اصور لالالالالالا ماكو هيج حجي مال افلام
اكو تعويض صح بس مال انه يجر واحد من ياخت لالالالا
والله اني من اشوف هاي الافلام مال رعب والعركات والزلازل وما ادري شنو اكول الزوجي يمعوووود وين اتريد اتودينه
خلينه هنا ابسوريا احسن خاف اول مروح ايصير زلزال لو وحش لو من الفضاء يجونة
كلشي ايصير
يضحك عليه ويكلي بابا انتي بطرانه اصدكين بالافلام مو كلهه صح
بعد ما ادري
-
عمووووووووووو دخيلك همه لويش يسموها افلام
لان الحجايه يسووها كباية
اكيد ماكو هذا الشي نهائيا في امريكا
عيني بردا وسلاما خلونه نوصل بلسلامة لترعبونه :D
-
ههههههههههه والله عمي ابو الحسن ضحكتني ..صدكني ماكو هيج بامريكا هاي بس بالافلام
ويارب تتسهل امورك وتجي يمي واخليك حتى تلعب دومنه وكأنك عايش بالعراق ايام الخير
وهلا بيك عمي وبمواضيعك الجميله
-
هله عمي ابو الحسسسسسسسسن
والله منو الدردشة
لالالالالالالا اني اكول وجهة نضر ابو الحسن صحيحة
رغم انه اني مو بامريكا
لكن مو مثل مااتصورها الافلام
يعني مثلا اذا الشرطة لحكت موزع مخدرات بالسيارة او حتى ركض
ولو فرضنا هبدوه بطلقة وجتي بسيارة او اثناء مايطاردوه بسياراتهم
دعمولهم سيارة ,, اكيد 100 عدهم فد قسم خاص بشكاوي المواطنين
اللي عدهم مشاكل من هذا النوع
يعني قصدي اكو تعويض
تحياتي للجميع
منور عمي ابو الحسن
-
اي والله عمي ابو الحسن
هناك ويفوت ضابط شرطة بيتي يدفر الباب ويكسر الجامة
والله شنو دالحك حرامي
غير اكمشة ابطحه ههههههههههههه
تحياتي
-
اي والله عمي ابو الحسن
هناك ويفوت ضابط شرطة بيتي يدفر الباب ويكسر الجامة
والله شنو دالحك حرامي
غير اكمشة ابطحه ههههههههههههه
تحياتي
اي حتى ثاني يوم طيارتك تهف وترف وكَبببببببببببل لقاهرة المعز
خخخخخخخخخخخخخخخخخخخخخخخخخ ;D ;D ;D ;D ;D ;D ;D
-
تحية طيبة للعم ابو الحسن
والله ياابو الحسن اكثر شي كان مخوفني قبل لا أجي لامريكا ،هي حرب الشوارع الي نشوفها بالافلام
ومن وصلت شفت العكس تماما ،اكيد اكو مناطق خطرة بس اصلا الواحد يكدر يتجنب الوصول الها وهاي الاماكن بعد العاشرة مساءا تصير خطرة وتشوف حتى سيارات الشرطة بذيج الاماكن غير شكل تشبه المصفحة والشرطي لو تعدمه مينزل وحده من السيارة الا اكو وراه فد سيارتين تعزيز
ومثل ماكال لورنس هنا اكو تعويض للخسائر الي تلحق بالمواطن
عمي ترة ماكو شرطي يجرك من ياختك وياخذ السيارة حتى يكمل مطاردة المجرم
ولو اعرف كلش زين انت تعرف التفاصيل اكثر مني اني الي عايشة هنا بامريكا
بس روحك الحلوة دائما تخلينا بجو من الفرح والفكاهة
ربي يسعدك ويحفظك
-
الف شكر عمي على المرور والاجوبة وعاشت الايادي
هسة انه خلصت الفلم وكاعد انبش على الجزء الثاني من مسلسل مذكرات مصاص دماء مترجم
بس لحد الان بس لكيت حلقتين والله كريم
ابو الحسن
-
ههههه عمي ابو الحسن كلت اترككم اكمل الفلم هسه شنو صار بالاحداث ??? ??? ;D ;D
جميل ما اتيت به اخرجتنا من الرتابه والملل اشكرك
-
عمي الاماني المتحققة ان شاء الله
عمي والله انحولت من سرعة الفلم والبوكسات والجقلمبات وظليت اكول
الله يساعد المصور يمكن صار بي حولة حيسن من التصوير وسرعة المشاهد
ابو الحسن
-
;D ;D ;D ;D
اي ادري هسه انت ميحلالك بس البوكسيات والشرطة وحراميه
مو ميت فلم اكو ;) ;)
دشوف مال رعب هم احسن من المكافش :o :o :o
-
عمي اتصور محد راح يعوضه
واذا راح للشرطه يكلوله
اخذ فلوسك من دبش ;D