ankawa
منتدى الهجرة واللجوء => الهجرة و واللاجئين => الموضوع حرر بواسطة: كشكول لايكول ولا يصول في 09:51 05/12/2010
-
اخواني الاعزاء طال الانتظار بنا والعمل هنا ليس بساهل لعدم وجود اوليات لنا الا عن طريق المنظمه بتزكيه في اماكن العمل ولاكن هناك اشخاص يمارسون العنصريه وينقلون صورة غير جيده عن العراقيين من داخل المنظمه ولا يقدمون فرص عمل للعراقيين مع العلم انهم عراقيين مثلنا بحجج واهيه وكثيرة وينقلون صورة الى العاملين الاجانب معهم اننا كلا نصلح الى العمل النيباليين والصومالين احسن من العراقيين بكثير ولا اعرف سبب ذلك وزاد الوضع سوء بعد انظمام اخت عراقيه الى فريق العمل المكون من روز امريكي وعلاوي من نيجيرا وعزيز من السودان هذه الاخت العراقيه تنقل لهم صور غير مشرفه لنا وتقل عن العراقيين بانهم لايصلحون لشيء لماذا كل هذا ياختنا العزيزه انتي عراقيه مثلنا نحن هنا لانفرق بين مترجم كان يعمل مع الجيش الامريكي او شخص مريض جاء للعلاج او عائله شردت من بلدها لاسباب مختلفه ارجووو منكم فهم هذا الموضوع بصورة صحيحه هناك شي مخفي وعلامات استفهام عن موضوع عدم رغبه قبول عمل العراقيين من قبل عراقيين في المنظمه والله شيء مخزي ولاكن لانقول الا حسبي الله ونعم الوكيل تقبلوا تحياتي
-
هذا حال الدنيا واحد راح ياكل الثاني من ورة المصلحه
لو جان عدها ثقه بنفسها مجان كالت هيجي لان تخاف ليجون عراقيين اشطر منها وياخذون مكانها ;)
-
والله يااخي شئ مخجل وشلون نريد الله يوفقنا واحنه واحد ينافق علثاني لاحول ولاقوة الا بالله
-
يعني لو تعرف اكو شغل وديشغلون ناس بشكل كبير بس مو توصل يمنه تشتغل الحجج اولها عندك سيارة زين السيارة بياه جي بي اس زين تكدر تاخذ ناس وياك زين روح واحنا انخابرك هاي كل الموضوع او شتشتغل بالعراق جنت وترى منكدر انوفرك الي انته اتريده وبعدين تخصمها بكلمه ( يمعود قابل انته ازغير روح شوفلك شغل بنفسك شنصير احنا اهنا الشغل كله سرادله لغه وضاهر انته شغلتك تعبانه ) ومن اتخلص المقابله اتكوم تتصل بيهم وشوف من الي ايرد عليك ولا تكدر اتشوفم لان من توصل للمنظمه بالاستعلامات ياخذون اسمك واسم الشخص الي جاي عليه اكيد يتصلون بيها اذا الاسم مار عليها اكيد مشغوله ومر في وقت اخر واذا جديد اتسويلك مقابله ويندرج اسمك على مود من اتراجع تتكنسل بسرعه هههههههه والله امر مضحك
-
المشكله انو المنظمات صارت حكر لمجموعه من العراقيين ومحد ديكدر يتعين من وراهم
ابسط شي يكلك ها يريدون واسطه
???
-
السلام عليكم اخواني واخواتي
يمكن اني اكثر واحد اشتغل وية الامريكان من الشهر الخامس 2003 ولحد الامن مابين مقاتل معهم الى محلل
معلومات الى مدير مصادر المنطقة الوسطى الى مترجم الى منسق بين القوات العراقية وقوات التحالف خلال
عملي لاحظت الي ديكولون الاخوة علية وصلت الى نتيجة واحدة فقط انو الي جانو بامريكا قبلنا يعني جماعة عام 1991
فمافوق لايرغبون باي عراقي يذهب الى امريكا لعلمهم علم اليقين اننا سننجح بشكل باهر وراح انكون افضل منهم بالنسبة
للشهادات والخبرة وقوة الارادة لذلك يحاولوا بابرازنا كفاشلين وللاسف احيانا اكو قلة منا الذين لايستطيع التاقلم مع المجتمع
الامريكي فيضن انه الي بلعراق ينجح بامريكا يعني نفاق جذب تملق مثلث برمودا العراقي فلهسبب راح تشوفوهم هذولة ميدبروها
ويكدرون يشتغلون وذلك لعلمهم اننا افضل منهم واتصور انو منتدى عنكاوا قدمنا خدمة من افضل الخدمات الي تقدمت النا (مع
العلم هنة هواية ) انو توحدنا يعني اذا كل واحد يروح لامريكا يضر الاجواء لاخيه الذي لم يذهب فاتصور راح نستطيع تغير هذه النظرة وراح نثبت اننا الافضل من بين الكل
-
اخوية بلدروز همه مو الامريكان مديقبلون
اخوتنه العراقيين مديقبلون
-
اختي واني قصدي العراقيين وابو المثل يكو ل خل تخلص من عيد متجي من بعيد
-
والله ياخوان تعبنه من هاي النماذج المريجه نفسيا وتعكس مشاكل ابيوتها علينه ومثل ميكول ابو المثل الحمى ماتجي الا من الرجلين وسونه مضحكه بين العالم على مود اشويه مناصب وظائف خايفين اطير منهم مع العلم ما انريد وظايفهم مجرد اريد انعيش ونعيش واطفالنه وتستر نفسك وعائلتك من التشرد اهنا
-
اخي بلدوزر كلامك صحيح واشكرك على التعليق وياريت ايكون حد وكشف الهاي الناس من غرور وطمع وهنا المنظمه اكيد الها صداره بشيء السيء للعراقيين وحازت على المرتبه الاولى بين المنظمات بقيادت السيد هشام السوداني وهسه هاي اختنه العراقيه اتصور هي تعكس حاله نفسيه اتمر بيها علينه وحنا الماكليها ارجو الافاده اذا اكو طريق الغير منظمه اهنا بسان انتونيو ممكن اتقدم شيء بعيد عن ايدي العراقيين الي يتصورون مناصبهم رمز قوتهم
-
شكرا للتعليق
-
خويي كل الدتسويه هاي العراقيه واريد اكول عليهه المريضه
لان لوما مريضه نفسيا متسوي هيج بخوانها وابناء بلدهه
فوك ظيم الواحد وقهره وعلى كولتك الحمى ماتجي الا من الرجلين
ميخالف خويي حاول توضح للجميع انو احنه مو هالشكل اكيد انت راح تعكس صوره زينه
عن العراقيين
خويي حاول تلاكي شغل ولو شي بسيط لانه الشغل الشريف موعيب
وبهيج تتسجل عدهم خبره يعني بس تشتغل اول مره بقية الشغل يصير سهل
همه شويونه خايفين لانه اللي صار ببلدنه موهين
يكولك هذا طالع من بلد كوله ارهاب
يعني هم على كيفك وياهم خويي
وان شاء الله الله يسهل امرك وهاي كم دعوه من خوانك وخواتك بالمنتدى
بلكي الله يفتح ابواب الرزق والقبول بوجهك امين
خويتك مظلومه سوادي فلك
-
والله اخوية كشكول ما اعرف شكلك هوة كلامك صح العراقيين الي يشتغلون بالمنظمة اكثرهم تعبانيين ومضرة مو منفعة بس هم اكو كم واحد زين هسة اني يمي ابدلاس ارحم عمي والله اليوم خابروني عل شغلتين وصار 3 شغلات حصلت بشهر واحد والموظف العراقي نصحني بشغلة منهن وهسة عندي اختبارات العمل والله ايسهل وكلي راح اسجلك بخط علمود الروحة والجية عمي اني الحمد الله والشكر مليون مرة والله ايسهل للجميع يارب والله ايوفقك
هااا بالمناسبة الشغل الي راح اشتغلة اذا انقبلت ان شاء الله الساعة 8.5 دولار وتامين صحي فقط للمعلومة والله كريم
تحياتي للجميع اخوكم امير الطائي الكتالوني
تكساس دالاس
للتواصل ameer_t2007@yahoo.com
-
الف مبروكاخويه وموفق ان شاء الله
-
عمي الله يساعدهم والله يوفقك اخويه امير ماطول طيب تستاهل كل خير واحب اكول على هاي الموضفه العراقيه عاشت ايدج ياشريفه !!!!!!!!!!!!!!!!!!!!!!!!!!!!!!!!!! والعاقل يفتهم
-
اخي كشكول الله اعينك على المصيبه الي انته بيها ان شاء الله تفرج عليك زين اخي انته هاي العراقيه متاكد انها كاعد اتسوي هيج بس مع العراقيين اذا متاكد اتقدم بشكوى ضدها عند مدير المنظمه او اتصل بالشرطه واشتكي يعني لازم اتوصل صوتك اخويه باي طريقه الغايه تبرر الوسيله خلي قلبك قوي وفكر بطريقه تكشفها لهاي الانسانه المريضه حسبي الله ونعم الكيل بكل شخص متلها
كلام الاخ البلدوزر صحيح و100%100 وهذا الشيء اني شفته ولمسته بيدي والله على ما اقول شهيد اكو ناس اصلا اتحاول اتورطك بمصيبه كبيره علمود لاتتقدم بحياتك تعرف ليش علمود لاايبين فشلهم بحياتهم المهم هيج ناس احسن طريقه لهم هو ان تلبسهم ومتدير بال لهم وتبتعد عن كل شخص اتحس بيه انه لئيم والله موجود اخويه ادعيه فيستجيب اصبر تفرج بالموفقيه لك اخي
-
اشكركم على هذه الردود الطيبه والحمد لله على اي حال بس هي سان انتونيو مدينه تعبانه وشغلها قليل واكيد من تلكي شغل المنظمه ايكون للحبايب فقط الي جايين من بغداد يعني بين قوسين المترجمين الي اشتغلو وياهم مثل هيج ناس لاتترجا منهم عافيه واني التقيت بهم عده مرات ناس تحمل العنصريه في التعامل ولا اريد اطول الحديث غير طالب تعبير عن اصواتكم لان هذا منبر حر وصوتكم تقريبا وصل الى هذه العراقيه لان اتصور مشتركه هنا باسم مستعار لتدارك اي موقف حسب كلام الناس هنا مع السيد هشام السوداني لاي موفق ولا اظن الشكوى مجديه بدون كتب رسميه او ادله وهؤلاء لايتركون اثر لتصرفاتهم وشكرا لكم ارجو التصويت لان صوت الجميع يصل الى المنظمه
-
السلام عليكم اخي كشكول
اولا :
مو كل اصابعك سوة و الناس اشكال لا تحكم على الجميع بهذة الطريقة
ثانيا :
بغض النظر ان كانت عراقية هذة الشخصية او لا تكدر بكل بساطة اتخليهة حترم نفسهة و هو انو من تتجاوز او تتكلم وياك باسلوب قليل الاحترام اتكلهة انت انسانة ما اتعرفين اتادين واجبج اريد السوبر فايسر و اذا ما اتجيبينة اروح اسوي ريبور عليكم بالكاونتي و ثقي حتى مستعد اوكل محامي و اعزل المنظمة الكم
طبعا هذا الشي من حقك و انطيك مثال والد صديق عزل منظمة كاملة بكاليفورنيا بمجرد سوة عليهم ريبور بالكاونتي وكان السبب انو الدايركتر مال المنظمة صيحت علية و راح سوة عليهم شكوة و ما احجيلك اشلون صارة احوالهم
ثالثا :
اتخابر على هذة المريضة (العراقية الي بالمنظمة ) قبل ما اتروح اتقابله اذا كالتك تعال و من توصل اتكلك مشغوالة مباشرة كلهة اريد احجي وية المسؤول مالتج لان اريد اشتكي عليج
صدكني حقك مضمون انت بامريكا مو بالعراق و اذا تحتاج اي شي اخوك بالخدمة
-
اخوية العزيز المترجمين هم مجتمع جبير واحنا اللي بالعراق حاليآ اكثر من اللي طلعو وبالاخص شغلتنا لمت كل من هب ودب مع احتراماتي للطيبين انطيك مثل احنا جنا مجموعةمن المترجمين ونشتغل بنفس الوحدة بالمطار وجان ويانةواحد سوداني من جماعة باب الشرجي وكنا نحرص على سلامة هذا الشخص وكأنه واحدمن عدنا وهوةفعلا واحد من عدنا ونطلع وياه لحدما نوصلة لمنطقتة ونتأكد انو هوة صار بأمان وطبعآ هاي بوقت الاختيالات 2006 وحتى ننقل اله غراضه بسياراتنة بس احنا جنا خوش رجال واكو مترجمين والعياذ بالله اول ميطب المقر ينزع الحياء والمستحة واكو شغلات ما اكدر اذكرها والحليم تكفيه الاشارة واقصد ان اكو ناس زينة واكو ناس مو زينة بس انت حاول تكون اقوى منهم كلهم وتجمع اخوتك العراقيين هناك واتذكر شغلة هذا السوداني اللي كنا نخاطر بحياتنا علمود سلامته لان العراقيين خوش زلم وحاول تلكى شغل انت بنفسك من غير مساعدة المنظمة او اي جهة يمعود احنا هنا دنقاتل علمود نعيش وبنص بلدنا وبنص اهلنا
شكرآ
-
شكر وتقدير الى اخي المحترم وموقفه الاصيل مع اي شخص حتى لو كان سوداني او اي جنسيه اخرى
اخي العزيزzozk ان شاء الله سوف اعمل بنصيحتك واشكر تواصلكم معي في هذا الموضوع وسوف ابلغكم بنتائج المقابله ولاكن ليس غدا لكي لاتعرف شخصيتي الى هاي الناس وتتخذ خطوات ضدي غير جيده نحن نتوقع اي شيء من هذه الناس يعني انطيكم مثل مرة كتبو على شخص من هاي المنظمه انه الهميول ارهابيه بمجرد الاحتكاك بهم بشكل قوي للمطالبه بحقوقهم في بلد يقال انها بلد الحريه
-
حبيبي كشكول انت اخوية العزيز وعلى فكرة اخوية موجود بهيوستن اذا تريد ادزلك رقمة وعندي صديق وياك بسان انتونيو هم جان مترجم ويانا اسمه براندو اكيد انت تعرفة بس هذا مترجم تحطة عالجرح يطيب مو مثل هاي المترجمة اللي تحجي عليهة الله يسامحه واكو هواي مثلهة جانو ويانة بس وداعتك جنا لاعبين بيهم طوبة وبسبب تصرفاتهم الموزينة وكأنهم ما مصدكين مترجمين ويا الامريكان واحد مرة انت كشكول خليتني احجي واطلع المضموم واحد مرة دندخل للجاو يعني المطعم فهوة الولد جان لابس بدلة عسكرية يسموهةاي سي يوز ومعلك العلم الامريكي على جتفه فالحرس اللي بباب المطعم شكلة لصاحبنة؟ كلة انت امريكي صاحبنة كلة لا , كله لعد شيل العلم الامريكي او ما اخليك اطب وقيس انت بعد طبعآ هذا الولد اني ياما كتلة لا تخلي العلم لان انت بعدك عراقي وجنسيتك مو امريكي بالاضافة الى انو جانو ويانة امريكان مترجمين من اصل عراقي يحطون العلم بس صاحبنة ما سمع الحجي واجتة اهانة بسبب تصرف هوة ما جان مجبور عليه لمجرد الفيكة وسلامي الك ولكل اخوتنة العراقيين
المحترم
-
مشكور اخويه العزيز بس والله ما اعرف هذا المترجم مع الاسف