منتدى الهجرة واللجوء => الهجرة و واللاجئين => الموضوع حرر بواسطة: ام مهند في 11:00 05/12/2010
العنوان: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: ام مهند في 11:00 05/12/2010
تعبنه وصبرنه وعانينه واتجهنه بأتجاه بس الله يدري صح او خطأ وما نعرف مصيرنة شنو يا ريت تشتركون وياي الي مسافر وواصل الى امريكا او الي عنده شخص ثقه مسافر تحجونه على الحياة هناك اول ما الواحد يوصل وبعدين من يصير استقرار نسبي حتى نعرف هذا التعب والشوط الطويل الي قطعناه يسوة لو ميسوة حتى على الاقل الواحد يقيس على ضؤ الحجي مالتكم
واني الممنونه وانتظر مشاركتكم ام مهند
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: ĈAŃDŶ في 11:07 05/12/2010
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: ★AbN✰BaGhDaD★ في 11:33 05/12/2010
اختي توكلي على الله وكولي يا الله... الله مينسى عبدة تحياتي
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: ابو غيث في 16:58 05/12/2010
السلام عليكم اختي العزيزة انا في امريكا الان وصارلي ارع اشهر واقول لكي بصراحة متناهية وثقي بقولي ونصيحة الحياة حلوة ولكن كيف تكون حلاتها اللي جاي يريد يشتغل وعندة صحة وعافية خلي يجي ويشتغل ويعيش اما الي جاي مريض وميريد يشتغل لايجي احسلة لان يتبهذل لان المساعدات متكفي تكاليف الحياة امريكا تنفع اللي عمرة من خمسة وستين وفوك لان ينطو تقاعد واذا كان مريض ينخلو نخل ولو ينطو لو ماينطو لان همة يقيسون على مجتمعهم لان ناسهم اكو بيهم مقعدين ويشتغلون فاي شي بيك يكلك انتة ممكن تشتغل ولو اربع ساعات باليوم المهم اللي جاي يتعب ويكون نفسة وعندة قوة خلي يجي والي جاي يتونس عبالة ويعيش على المساعدات لايجي لان همة مراح ايتركو يعيش على المساعدات لازم يشتغل واذا ميريد راح يتعب نفسيا ويكوم ايدور على واحد ايرجعة ويكول امريكا موزينة واني كلت هذا الموضوع في مواضيع سابقةبالمنتدى والاخرى اللي مامتاكد من عائلتة هم لايجي لان راح يشتتون ويمكن مرتة تشتكي علي وتخلي بالسجن مثل مافعلنها بعض العراقيات لو ابنة يشوفلة كم صديق ويلزم درب المخدرات لان اهنا المكسك كارثة اللي يصادقهم مابيهم نضيف ابدا اكيد وصلت الفكرة وافتهمتوني وانتو قررو اخوكم ابو غيث
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: ام مهند في 19:43 05/12/2010
ممنونه منك واشكرك علنصيحة ولالالالالا انشاء الله متوصل اني اشتكي على ابو مهند .... ههههههههه
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: اريد وطن في 20:15 05/12/2010
اختنه ام مهند
اضافه الى كلام اخوانا هي ترى امريكا او كندا او اوربا مو جنه ورايحين تعيشون بيها مثل مكال اخونا ابو غيث الي جاي يعيش على الماعدات لايجي احسن
طبعن اني صارلي واصل تقريبا 6 اشهر بكندا واتصور كلها نفس الشي
يعني اذا تعيش على مساعدات كم سنه يعني فد سنتين وخلالها انته تدرس تسوي خبره بمجال عملك تتعلم للغه وبشكل مكثف فهذا شي عادي ومو غلط بس الغلط تبقى تعيش على المساعدات طول العمر
عمي مختصر مفيد الي يريد مستقبل وركز على المستقبل مو الحاضر يعني بعد 5 سنوات اي تسوى واكيد بيها هوايه تعب
يعني اختي ام مهند كلامج تسوى وهذا الصبر الطويل والخ من الكلام حطي بالج وثقي اول فترى جدا جدا صعبه وانتي بيدج طبعن مع تعاون افراد العائله الكل على ان يجعلون الوضع جيد بس الي يوصل وعباله كلها لعب ونسه وفر وكاعد بيته والحكومه تصرف علي ماكو هيج حجي خلي الواحد مكانه افضل الى ولعائلته اكيد واكول اختي اول فتره صعبه وبيها تحديات كثيره بس والله ياخوان وبالاخص العراقيين مرو بهوايه مصاعب وتحديات واجتازوها يعني مو صعبه علينه والله بس الو احد يكول يالله والله يعينه مع السعي الله كريم واختي انتي عندج عائله حسب مفتهمت يعني اكيد امريكا افضل الهم هو بالعراق او دول الجوار شنو مستقبلهم
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: ام مهند في 20:23 05/12/2010
الله يوفقك وادعيلك انشاء الله واشكر مشاركتك وانشاء الله مخليتهه بنظر الاعتبار
ام مهند
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: niron في 20:56 05/12/2010
اختنا اتركي عينك بعين الله وتسهل جميع امورك واختنا ماكنتوشه رابط وممكن من هناك تعرفين كولشي شئ اذ يعتبر الدليل من تجارب الاخوان والله كريم
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: لورنس السفاح في 21:03 05/12/2010
بالتوفيق اخت ام مهند وان شاءالله شايفين كل الخير يارب
احيي الاخوان ابوغيث و ارييد وطن على الردود الجميلة والواقعية الله يكثر من امثالكم هذه الردود التي تصلح ان نطلق على اصحابها العمالقة لان غايتهم مساعدة الناس فقط لاغير
تحياتي
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: علي النعيمي في 23:54 05/12/2010
اختي ام مهند احنة ماشفنة ضيم اكثرررررررر من ظيم العراق
العنوان: رد: هذا التعب واالصبر كوله , ما اعرف يعني من نطلع نرتاح , يعني تسوة الشغله لو هم بهدلة
أرسل بواسطة: ام مهند في 07:00 06/12/2010
اشكركم ووالله مخلين ببالنه بانو احنه بأمريكا راح نبدي من الصفر يعني لازم تعب وعناء وشغل ومخلين ببالنه انو راح نبحث عن شغل ونشتغل فعلا حتى نكون اسرة جديدة , الشغل والعمل ما عدنه مشكله بي بس هو تخوفنه راح البال لان راحة البال مفتقدينه صارلنه اكثر من 5 سنوات تعبنه والله