ankawa
منتدى الهجرة واللجوء => الهجرة و واللاجئين => الموضوع حرر بواسطة: anasbarcelona في 18:25 06/12/2010
-
السلام عليكم
في البداية أود ان أقدم أعتذاري لعدم دخولي الموقع لظروف عائلية يطول شرحها وان شاء الله ماكو أحد يمر بالظروف اللي مريت بيها...واتمنى أن تقبل اعتذاري بالخصوص الاخت انجي اللي ماتبخل علينا بردودها الاكثر من مساعدة لنا...
أتمنى أن يساعدني من الذين قابلوا في السفارة SIV.
اني قابلت الخميس الماضي في السفارة بخصوص الحصول على الفيزا SIV واليوم تلقيت هذا الايميل منهم...أني افهم معناه بس شنو الغرض من العنوان اللي طالبيه...اتمنى أن يوضحلي احد الموضوع....علماً اني لم اقدم على المساعدات لحد الان وسوف أقدم في الايام القادمة فقط منتظر احصل على عنوان كفيلي.....
"Baghdad, IV" <BaghdadIV@state.gov
Dear Sir
You must submit an address in the United States to continue your immigrant visa process in this office.
We cannot further process your case without this information. Please simply reply to this email.
Thank you in advance.
Sincerely,
Immigrant Visa Unite
Consular Section
U.S. Embassy Baghdad
-
خاف عنوان الكفيل
-
يامعودين اريد واحد يجاوبني لان السفارة منتظرة جواب...................
-
يريدون منك عنوان شخص بامريكا حتى يكملون اجراءات الفيزا ولاحظ يقولون يجب تزويدهم بالعنوان ومن غيرها لا يستطيعون اكمال الاجراءات
سوف لك عنوان ودزه لهم سريعا حتى لا تاخر روحك
-
حبيبي الورد
مبروك على المقابلة وان شاء الله تحصل فيزة باسرع وقت
اكو فقرة بالديكومنت 230 بيها عنوان الشخص الي يستلم الكرين كارت مالتك وفقرة وين راح تستقر انت اهم شي تنطيهم عنوان الشخص الي راح يستلم الكرين كارت مالتك واصور انه كان الواجب اثناء المقابلة الشباك الي استلم اوراقك ويشوف بيها نقص لو لا ايخبرك بالموضوع انه لازم عندك عنوان يندز علي الكرين كارت وهاي الحالة صارت بي سابقا ودزيته وايضا صارت بشخص وياي بالمقابلة واصر انه ما ايزودهم بعنوان لانه لا يملك اي عنوان فتصحته بان يراسل اصدقائه في امريكا من اجل اعطاء عنوان احدهم الى السفارة لاصدار الفيزة
اتمنى ما اكون غلطان وهذا على حد علمي
-
الاخ العزيز انس برشلونة
كلام الاخوان جدا صحيح بس اكو اضافة لحضرتك جدا بسيطة !!!!!!
وهية انو حضرتك الظاهر لحد هاية المرحلة ممزودهم بأي عنوان داخل اميركا لاي شخص سواءا كان كفيل او شخص تروح يمة او شخص يستلم الكرين كارت او اقارب لان لحد الان همة ماعدهم اي POINT OF CONTACT لحضرتك في حالة انو لاسامح الله يصير هناك مكروه فلازم تنطيهم عنوان شخص والي هو الشخص الي راح يندزلة الكرين كارت انشاء الله واكو هناك سوال اخر راح يكون من جماعة الواربس نت والي هو راح يكون محل اقامة الكفيل الي انتة منتظر تحصلة والي هو من الممكن يكون نفسة الي راح يستلم الكرين كارت مالتك بس انتة لازم تنطي العنوان الهم هسة ( نصيحة حاول انو تحصل العنوان مال الكفيل باسرع وقت) او دزلهم اي عنوان صديق او معرفة مؤتمن حتى يدزولة الكرين كارت ومو الة يكون نفس الكفيل الي انتة تريد تروح يمة .
اخوك حيدر سليم .
-
كُل الاخوة الي كالوا صحيح وعاشت ايديهُم
اخي مُختصر الكلام السفارة اتريد من حضرتك عنوان في الولايات المتحدة حتى تكمل اجراءات الفيزا باسرع وقت .
انت اليا ولاية راح اتغادر بأذن الله, جيبلهُم عنوان مناكة وارسللهُميا .
ريفولفر