ankawa
منتدى الهجرة واللجوء => الهجرة و واللاجئين => الموضوع حرر بواسطة: alprince1980 في 23:03 06/12/2010
-
مرحبا اصدقائي قبل ايام كنت اسأل عن طريقة عمل العدم محكومية او لا حكم عليه حسب التسميه السورية
وحسب ما كانت سابقا تكون بالذهاب الى الجنائية في باب مصلىء وبعدها للخارجية الى الخ
لكن الان قد اصبح تغير
وساكتب لكم بالتفصيل
1- الذهاب الى المالكي للسفارة العراقية الباب الاول وتاخذ استمارة اسمها اخراج قيد من الموظف الي واكف بالباب
ثم تقوم بملىء الاستمارة وتحتاج الى صورة شخصية واحدة لمقدم الطلب ( يمكن ملىء الاستمارة من قبل الشخص او من قبل المكتبة مقابل السفارة ) ثم يتم تقديم الطلب مع الجواز بداخل السفارة ولمدة نص ساعة يكون الطلب كامل
2- ثم الى وزراة الخارجية السورية في كفر سوسة وعند الدخول التوجه الي شمال الدائرة نحو الشباك ودفع الرسوم ولصق الطوابع ( وهي عبارة عن ختم احمر )
ثم بنفس المكان والتوجه الى الشباك التالي ويتم تصديقها
3- التوجه الى الجنائية قرب الكمارك حصرا
(1)ويتم دفع مبلغ 55 ليرة عن كل طلب والانتظار لبعض الوقت وحين اكملها
(2) تسلمها مرة ثانية لنفس الموظف لكن بعد التاكد من الاسم والموليد لان هواية ديغلطون بالاسماء
تكلوله انو احنا نريد تصديق هذه الوثيقة وهي عبارة عن ختم في ظهر الطلب (وسبب تصديقها هو انك حتقدمها لسفارة يعني مو انك تحتاجها كسيرة حسن سلوك بنفس البلد كوظيفة مثلا لكن الغرض منها السفر لذلك تصدق بتوقيع وختم رئيس الامن الجنائي)
4- بعد الانتهاء من تصديق الوثيقة الذهاب مباشرة الى شارع رامي في المرجه لترجمة كتاب عدم المحكومية ولا تتجاوز الترجمة اكثر من 10 دقائق ( قيمة الترجمة مو اكثر من 100 ليرة بس طبعا هما يكولون 150 واكثر) وهنانه انصحكم بقراءة الاسم ومقارنته بالجواز مع المواليد ايضا لتفادي وجود اي خطأ قبل الذهاب للتصديق
5- بعد اكمال الترجمه الذهاب الى القصر العدلي نهاية شارع رامي عل يسار ودفع عن كل طلب 115 ليرة ولزك طوابع وبعدها توقيع الموظف وختمه للترجمه
6- الرجوع مرة ثانية للخارجيه في كفر سوسة ودفع رسوم 60 ليرة عن كل طلب وتصديقها وهذه هي اخر خطوة بعدها تكون خالصة
اني بلشة بيها من ساعة 8 ونص وكنت مخلصها ب 2 ونص في نفس اليوم كظيتها كلها تكاسي حتى اخلصها بسرعة
هذا كلشي بالتفصيل حتى بس احد يروح ما يحتار ابد
اتمنى ان يكون الموضع ذو فائدة
تحياتي للجميع
اخوكم AL.prince
-
بارك الله بيك اخي ان شاءالله يستفاد اخوانة الي يسكنون بسوريا ..
ريفولفر
-
بارك الله بيك اخي ان شاءالله يستفاد اخوانة الي يسكنون بسوريا ..
ريفولفر
شكرا الك يا صديقي
اكيد هو هذا الهدف لان اني من طلبوها مني جنت كلش محتار وما ادري من وين ابلش
تحياتي
-
أشكر جهودك وبارك الله بك،بالنسبه لي فقد سلكت طريق مختصر وسهل وهو بحصولي على العدم المحكوميه من الجنائيه اللي باب المصلى وترجمتها عند مترجم محلف وهاي هيه،ووافقوا عليها سواء ال nvc وكذلك عند مقابلتي بالسفاره الأمريكيه ولم أجد أي تساؤل من كليهما،وأشكرك أخي العزيز مرة أخرى
-
أشكر جهودك وبارك الله بك،بالنسبه لي فقد سلكت طريق مختصر وسهل وهو بحصولي على العدم المحكوميه من الجنائيه اللي باب المصلى وترجمتها عند مترجم محلف وهاي هيه،ووافقوا عليها سواء ال nvc وكذلك عند مقابلتي بالسفاره الأمريكيه ولم أجد أي تساؤل من كليهما،وأشكرك أخي العزيز مرة أخرى
نعم اخي بالفعل هذه كانت الطريقة القديمة والي كانوا يسمحون بيها لكن اسع صار تغير وما يمنحون عدم المحكومية غير بالخطوات الجديدة
تحياتي الك
-
مرحبا اخواني هذا الموضوع الي كنت ادور علي بصراحة اني احد المتقدمين لبرنامج الا اس اي في وبعد ما اجت الموافقة من السفارة ودزيت اوراقي عن طريق البريد اجاني ايميل من NVC ويحتاجون املي الفورم 260 وايضا يحتاجون عدم محكومية اذا كنت مسافر خارج البلد لاكثر من 6 اشهر واني كنت مسافر مع العائلة 2007 لسوريا وبقينا 7 اشهر فهسة شلون هل اروح لسوريا اني والعائلة حتى اسوي عدم محكومية من هناك لو عدم محكومية من العراق كافية لأنه هما يردون من البلد الي كنت بيه يعني (سوريا) او هل اكدر اطلعها من السفارة او القنصلية السورية اذا اكو هنا بالعراق ارجو الرد.. وشكرا
-
اخ سمير نفس مشكلتك واجهتها بس اني الي سويتة بعد تصفح مواضيع الاعضاء لكيت احد الاعضاء واسمة nen000 مسويها من بغداد وكتبتلة علخاص وشرحلي وهي انه تروح تطلع عدم محكومية عراقية وراها تصدقها من الخارجية ورة ماتصدق تاخذها للسفارة السورية يصدقوكلياها ب 7 دولارات وتطول 3 ايام علمود تستلمها وبقت انت وحظك بالسفارة يقبلون بيها لو لا بس الي شغلة الي بصالحنا انه كاتبين بالموقع مال عدم المحكوميات ومطلوبة من يادولة لو لا انه سوريا تصدرها من سفاراتها ايضا لكن طلع ماكو هيج حجي فتكدر تحاججهم بانه انت قريت عالموقع وطلعت العراقية وصدقتها من السفارة السورية وتكولهم ظروفي ماتسمح من ناحية المادة او ظروف العمل ....... الخ
-
مرحبا اخواني هذا الموضوع الي كنت ادور علي بصراحة اني احد المتقدمين لبرنامج الا اس اي في وبعد ما اجت الموافقة من السفارة ودزيت اوراقي عن طريق البريد اجاني ايميل من NVC ويحتاجون املي الفورم 260 وايضا يحتاجون عدم محكومية اذا كنت مسافر خارج البلد لاكثر من 6 اشهر واني كنت مسافر مع العائلة 2007 لسوريا وبقينا 7 اشهر فهسة شلون هل اروح لسوريا اني والعائلة حتى اسوي عدم محكومية من هناك لو عدم محكومية من العراق كافية لأنه هما يردون من البلد الي كنت بيه يعني (سوريا) او هل اكدر اطلعها من السفارة او القنصلية السورية اذا اكو هنا بالعراق ارجو الرد.. وشكرا
اخي اذا انت كايل انو كنت ذاهب من قبل الى سوريا او انت مقدم بنفس الجواز الي داخل من خلاله لسوريا فانهم بهذه الحالة يعلمون انك رايح سوريا واذا انت مو كايل او مو نفس الجواز فالاكيد انهم ما يعلمون وما تحتاج تسوي عدم محكومية من سوريا
لكن اعتقد بامكانك اذا مضطر جدا تسوي وكالة لاحد الاشخاص وهو يقدر يسوي عدم المحكومية بسوريا مثل ما سوا بعض الاشخاص الي كانوا بعمان مثلا فترة ورجعوا على سوريا ومن طلبوها منهم وكلوا اكد الاشخاص بعمان
اذا تستطيع ان تسال في السفارة السورية ببغداد اعتقد يكون يمهم الرد الشافي
تحياتي