ankawa
منتدى الهجرة واللجوء => الهجرة و واللاجئين => الموضوع حرر بواسطة: habazbooz69 في 23:21 06/12/2010
-
اخوان بلا زحمة عليكم اريد اعرف بيها مجال الواحد ينطي عنوان كفيل ثاني او ثالث يعني اكثر من كفيل بغير ولاية اللي هو بالاول نطى عنوان كفيله الاول ؟ علما بان موافقة الولاية بعدها مواصل منها شي وممتصلين بكفيلنا الاولاني فهل اكدر انطي للاي او ام عنوان كفيل اخر بغير ولاية على سبيل الاحتياط لان احتمال الاول يكون مشغول جدا وحسب ما سمعنا منه ان كفل شخص قبلنا والمنظمة مالتهم طالبت الكفيل بايجاد سكن للشخص المكفول وهو مشغول جدا يعني صعب عليه يفترلنا على سكن لهذا احتمال ميوقع على الكفالة مالتنا
ومشكورين مقدما
-
اخوية الي اعرفة تكدر تخلي اكثر من كفيل بس قبل مقابلة المحلف وقبل مقابلة الثانية وان شاء اللعه الاخوان ميقصرون وياك
-
اخي كلش عادي ممكن تدز ايميل للمنظمة وتكتبلهم اسم الكفيل الجديد واللي اعرفة يصير ثلاث كفلاء وهمة يختارون واحد
اني بالنسبة اللي بدلت الكفيل ورة مقابلة المحلفين قبل ما يتصلون بالكفيل ولكني الغيت الكفيل الاول لذلك ما اعرف موضوع اكثر من كفيل بعدة ماشي لو لا
-
صحيح اخي مثل مذكروا الاخوان
كلش تكدر اتغير الكفيل باي وقت قبل صدور الامنيه
واذا عندك اكثر من كفيل هم تكدر اتخليهم بس راح يسالوك على الافضليه
واي واحد منهم اتقدمه على الثاني
واتخليهم بالتسلسل بناءا على رغبتك
والمنظمه هيه المسؤله عن تحضير السكن وايصير اتفاق بين المنظمه والكفيل على المهام الي تقع على كل منهم
-
شكرا لكل الردود وبارك الله بيكم هي الامنية بعدها مواصلة وكلشي ماكو غير بس نتيجة الفحص الطبي على العموم الخير فيما اختاره الله واياريت اذا اكو بعد احد يكدر يفيدنا بتفاصيل اكثر عن الموضوع اكون اله ممنون
والف شكر مرة ثانية للكل
-
نعم تكدر اتخلي ومة راح ياخذون الكفيل الاسرع الك او درجة القرابةوبالتو فيق
-
اشكرك عزيزي ابو غيث نورتنا بوجودك ربي يسهل كل امورك
-
نعم اخي العزيز تكدر تلغي الكفيل اللي حضرتك مبلغ بيه المنظمة او تضيف كفيل ثاني بس راح يسالوك المن الافضلية حتى يتصلون بيه اول واحد وبامكانك تغير او اتضيف كفيل جديد الى قبل صدور موعد السفر واني شخصيا بوقتهة كانت طالعة الامنية وخابرت المنظمة علمود اغير الكفيل والموظفة كالتلي ترة هسة دنحددلك موعد سفر فشتكول تروح ومناك تغير الولاية لو تريد هسة اتغير الكفيل بس تتاخر شهرين فاني اختاريت الخيار الاول لان من سمعت تحديد موعد سفر صار عندي فرمته للجهاز ونسيت حتى شنو اسم الكفيل الجديد ;D..
تحياتي
-
نعم اخي ممكن تغير الكفيل او تنطي كفيل اخر حتى بعد تحديد الولايه وحتى بعد الموافقه الامنيه وحتى قبل السفر
بفتره وعمليه التحويل تاخذ وقت بين 3 اسابيع الى شهرين
-
شكرا للاخ بغدادي وللاخ عكعك التطوي الله يجازيكم بكل خير ويسهل كل اموركم
-
اخى العزيز
انى غيرت الكفيل بس لغيت الكفيل الاول وانى كنت مقابل محلفين ب1-3-2010 وغيرت الكفيل ب24-10-2010 بس بعثت ايميل للاى او ام وانطيت العنوان كامل وردو علية انه راح تتأخر 3 اشهر
وعندى صديقتى انطت عنوانين لولايتين مختلفة وهم اختارو لها ولاية بعد ان خيروها
وانشاء الله امورك تمشى مثل متريد
اختك فطومة
-
مشكورة اختي العزيزة فطومة ويارب تمي كل امورج انت وكل الطيبين والله اسمج حلو وذكرني بايام زمان وبغوار وهذا الرابط هدية لحظرتج
http://www.youtube.com/watch?v=gtVWjlYBxBQ&feature=related
-
شكرا اخوية والله الرابط كلش حلو
رحم الله والديك
اختك فطومة