ankawa
منتدى الهجرة واللجوء => الهجرة و واللاجئين => الموضوع حرر بواسطة: مسك في 16:57 12/12/2010
-
السلام عليكم
ارجو الاستفسار حول الفلسطيني المولود في العرق وليش له جنسيه عراقيه هل يعامل معامله العراقي عند اللجوء الى اوربا
علما اني لدي هويه الاجئين الفلسطينين في العراق هل الهويه المذكوره تساعدني عند تقديم اللجوء واي دوله افظل في اوربا
عند تقديم اللجوء
ارجو المساعده الله ايخليكم
-
عمي الله يساعدهم
عمي لو تسال جماعتك الفلسطينن يدلوك على الدرب افضل
لان شفت كم طيب فلسطيني عراقي طلع من العراق بجواز عراقي وراح لسفارة فلسطين بسوريا واستلم جوازسلطة
وصار عنده دليلين يساعدوه على اللجوء
كونه فلسطيني اولا وثاني كونه من فلسطينين العراق
والله واعلم
ابو الحسن
-
اخي الكريم .. وعليكم السلام ورحمة الله وبركاته
بالنسبة لسوال حضرتك فبما انك لا تحمل الجنسية العراقية فستعامل بمسائل الهجرة واللجوء على كونك فلسطيني اضافة الى ذلك اخي الكريم حاليا مسالة تقديم اللجوء من داخل العراق مقتصر على بعض البرامج الخاصة للعاملين مع القوات او الشركات الامريكية او المتعاقدين معهم اما غير ذلك فلازم تقدم من خارج العراق دول الجوار او غيرها ( هذا جوابي بشكل عام )
تقبل مروري
اخوكم حبزبوز
-
اخوي العزيز مسك
اعرف ولد صديقي فلسطيني مولود بالعراق من اجى للاردن دخلو مخيم الرويشد
ومن دخل الاردن راح علمود يقدم على UN كالوله انت فلسطيني ميحقلك تسجل
اتزوج عراقية وهمين ما قبلو يظيفو على ملف زوجته المهم بالتواسيل وبالشافعات
الى ان قبلو يظيفو وقبل فترة طلعلهم توطين .
ملخص الكلام انه الفلسطيني يوصل اوروبا ويقدم لجوء احسن لانه ياخذ الاقامة بسرعة
ملاحظة : قبل فترة سولفلي انه التقديم على UN للفلسطينين من سوريا صار مفتوح بشرط تجي من العراق
الى سوريا مباشرة
-
شوف اخوية العزيز مسك
الفلسطيني من العراق لا يعامل معاملة العراقي عند اللجوء بل يعامل كمواطن من لا دولة لانه ببساطة لا توجد دولة اسمها فلسطين بحسب اجراءات دائرة الهجرة في اوربا ، وياخذ اقامة بسهولة جدا من يوصل لاوربا ويقدم على اللجوء بس بشرط تقديم ما يثبت انه فلسطيني من العراق مع قصة عن تعرضه للتهديد بسبب ذلك معززة بصور او اوراق اثبات حته لو مو حقيقية وحته لو يحصل رفض فما راح يكدرون يرحلوه لانه ولا دولة راح تقبل تستلمه وتستقبله على اراضيها.
اني عشت وية جماعة من فلسطيني العراق وكلهم اخذوا اقامة بالسويد والي كانوا بالهند بقو سنتين هناك وجابتهم السويد على حصة الامم المتحدة معنى هذا انهم مفضلين وياخذون الاقامة مجرد الوصول الى اوربا والتقديم
اتوكل واطلع واخلص من قهر العراق وامنياتي لك بالموفقية
بالمناسبة يا ريت تصحح عنوان الموضوع لانه بيه خطأ املائي
-
اول شي خويتي ديري بالج علينه
تره احنه خواتج وخوانج يعني مثلا السين ليش كالبتهه شين والعكس صحيح
تره عيوننه عوت والله ;D
خويتي شغلتك حلهه هينوب سهل
عندك هنانه الحكومه الماليزيه تدخل الفلسطينيين الماعدكم جواز
يعني مثلا اكو عائله فلسطينيه اجتي قبل سنتين لماليزيا اللي عدهم فقط وثيقه مصريه مهترئه واكل عليها الدهر وشرب
يعني ماعدهم جواز سفر هاي المره حلفتلي
كالت والله بدون جوازات اجينه كتلهه شلون حجزتوا من مطار بغداد شلون سويتوا ترانزيت
كالت عادي مدام متوجهين لماليزيا ???واولادهم مولودين بالعراق يعني نفس حالتك
حجزوا من مطار بغداد الى ماليزيا
بس تفاصيل الرحله ماعندي للاسف
المهم دخلوا لماليزيا وره اسبوع قدموا عالامم المتحده
وطبعا هنانه التوطين للفلسطينيين مفتوح
وسافروا بعد اول مقابله بسنتين لكندا
يوم الالك
-
احسنتي اخت مظلومة ربي يحفظج ذخر للمنتدى
الرسام ابو علاوي