ankawa
منتدى الهجرة واللجوء => الهجرة و واللاجئين => الموضوع حرر بواسطة: مالايكي في 21:36 12/12/2010
-
اخوان الكفيل يصير ب 260 ؟ مو؟
لان بال 234 ماخليت شي ....بس بال 260 ...
بلكي ردودكم حتى اصلح الخطأ
-
زين شباب منو الي يحدد الولاية...يعني اني مااريد اروح ع نفس ولاية الكفيل مالتي...اريد ارروح لغير ولايةبس معندي بيها كفيل زين شنو الحل
-
اخوية العزيز رامي ...
يؤسفني انو ابلغك انو الكفيل مو بال DS-260 لان هذه الاستمارة تخص ال NVC وال NVC ميهمهم الكفيل وين ومنو لان الكفيل هو اصلا مو مرتبط بالتسمية نفسهة ككفيل وانما هو شخص يقوم ببعض المهام بالنيابة عن المنظمة ( حتى لو كان كفيل معنوي وحسب التسمية المتداولة )فهوى راح يشيل عبء عن المنظمة فيما يخص الشخص المعني بصيغة او بأخرى اما العنوان الي حضرتك انطيتة بال DS-260 فهذا يخص ال POINT OF CONTACT باميركا لان همة ما عدهم اي وسيلة اتصال بالشخص المعني من يوصل بس هذا الشخص الي ذكرتة بالاستمارة DS-260 (والي هو نفسة في الاستمارة DS-230 سابقاً ) والي هو عندك حالتين اما يكون شخص واحد الي هو انتة تريد تكعد يمة من تروح وهو نفسة الي راح يكون بنفس العنوان الي راح يندزلة الكرين كارت مالتك مستقبلا باعتبارك ما عندك مكان ثابت في بادية وصولك او تريد تغادر مكانك هذا وتروح لغير مكان او يعجبك تغير الولاية والحالة الاخرى انو تذكر معلومات وعنوان الشخص الي راح يندزلة الكرين كارت والي هو مو بالضرورة يكون نفس الشخص الي حضرتك تسكن يمة او بالقرب من عندة او في نفس الولاية.
اكيد راح تكول شنو هذا الحكي يكدرون ياخذون عنواني من المنظمة من اوصل لهناك ووين راح اكعد وكل المعلومات الي تخصني منذ لحظة وصولي هناك راح اجاوبك انو هذا الاجراء رسمي وصحيح لان مو كل المسافرين يطلبون المساعدات باعتبار انو التذاكر هو دافعهة دافعهة ومن باب انو ميريد يتاخر وينتظر المنظمة ( او الواربس نت ) لحد متكمل اجراءات السفر مالتة بالتنسيق مع IOM وبهيكي حالة اي شخص من ياخذ الفيزة يدير وجهة ويطلع شلون راح يتصلون بيه ( وفي حالة انو لا سامح الله صار شي عليه بالطيارة او بالطريق من يوصل واهلة افتقدوه غير لازم اكو شي مؤمن وية شخص يعرفوه ) في حالات الطواريء لاسامح الله ونرجع للاجابة على مسالة الكفيل وين تكتبة هم راح اكلك انو هو ايضا مموجود كمستند رسمي بأستمارة DS-0234 باعتبار انو اكو فقرتين بالاستمارة فيما يخص التوطين من قرب :
اولا - الاقارب الي مقدمين للسفر ومعاملتهم لوحدهم حتى يحطوكم سوية بنفس الولاية وطبعا اذا انتو طلبتوا هذا الشي .
ثانيا- الاقارب المقيمين في الخارج ومعلومات عنهم اذا كنت تريد توطينك يكون بنفس الولاية الي يسكنون بيها.
هسة راح تكول لعد شنو هاية مال الكومنت الي نذكر بيهة الكفيل راح اكلك من حقك لان هية كومنت يعني بكيفك يعني اي شي مالة مكان مخصص بالاستمارة وتريد تطرحة وين فابل تذكرة ماكو غير الكومنت وبما انو الفورم DS-0234 هو اخر فورم رسمي حضرتك راح تملة بيه بيانات تخصك وبغض النظر عن كونك دزيتة وية المتطلبات للNVC او انتظرت تستلم الفيزة ودزيتة وية نسخة من الفيزة عند استلامه فهو بكل الاحوال اخر مستند رسمي حضرتك مليتة ومن هنا اتت فقرة انو الكفيل تكتبة بالكومنت لان :
(عندك شغلة مذكرتهة ومالهة مكان ولازم تذكرهة لان تريد تروح لهاية الولاية واخاف محد يسألني ويذبوني بولاية بكيفهم واني ما اريد هاية الولاية)شنو رأيك بهاية العبارة ؟؟؟!!!!! مو لو اني غلطان ؟؟.
وبالفعل بدأو يعتمدون على هذا العنوان الي بالكومنت بالرغم من انو في بهض الاحيان يطلبون منك الكفيل وبشكل رسمي انو تزلهم اسماء الاشخاص الي انتة تعرفهم وتفضل انو توطن بالقرب منهم واسبقية التفضيل واهم شي انو الكفيل يكون عندة استعداد انو يناقش امر توطينك بالقرب منة مع المنظمة . لذا اعتقد واني مغلطان انشاء الله انو انتة راح يتم سوألك من قبل المنظمة عن امر الكفيل فيما بعد لان الجهة التي تعنى بأمر سفرك ( وين رايح وشلون ويمن ) هي الواربس نت بالتنسيق مع ال اي او ام والي استمارة DS-0234 هي من اهتماماتها اما مسالة انو تروح لغير ولاية الكفيل غير ممكن لان الحالات الي حضرتك تكدر بيه تحدد الولاية الي تريد تروحلها هية :
1- انو متختار المساعدات وحضرتك تحجر وتروح اي ولاية تعجبك وانتة من تستقر تقدم على المساعدات مناك( من الولاية الي راح تستقر بيهة ).
2- انو تقدم اسم وعنوان ورقم تلفون ( وسيلة اتصال ) بشخص الي احنا ندعوه الكفيل ويكون عندة استعداد يناقش مسألة توطينك بنفس الولاية الي يسكنها او بالقرب منة وية المنظمة الي راح تتكفلك .
( وماعدى هاية الحالات ما بأمكانك انو تختار الولاية الي ترغب تسكن بيها وتكون مسالة الاختيار هي مسألة امر واقع من قبل المنظمة ).
اخوان للمعلومات هاية المعلومات هية حصيلة معلومات قريتهة وسمعتهة وعرفت بيها وفيها الكثير الكثير من هذا المنتدى العظيم بس الحمد لله ما اتناقلتهة وانما طرحتهة بتعبير اخر وتسلسل زمني اخر للوقائع والتي تخص استفساركم الكريم واتمنى انو اكون ساعدت بالموضوع واتمنى انو ما اطلت عليكم بالسرد ومع هذا كلنا بشر مو انبياء يعني الي نكولة من وحي تجاربنا ومعرفتنا وتقدرينا للامور بحكمة ودراية وليس كتاب مقدس لايمكن التلاعب والتغير والاجتهاد في محتواهة , وفقكم الله
اخوكم حيدر سليم
-
مثل ما ذكر الاخ حيدر الكفيل هاي مسألة تخص جماعة الiom ولذلك الاستمارة 260 مالها علاقة بالكفيل.
-
الاخ حيدر ,,,
احييك على روح المساعده و المعلومات القيمة والدقيقة اللي قدمتها لاخوتك في المنتدى ,,, بارك الله بيك و كل كلمة قلتها بالرد هي طابو للاخوة الاعضاء ,,,,
-
الاخ BaghdadGhost
شكرا جزيلاً على هذه الكلمات الطيبة بحقي والي الحقيقة اعتز بيهة من شخص مخضرم بالمنتدى مثل حضرتك وكان الرد مالي يتعلق بمسألة جدا مهمة لكل شخص مقدم على برنامج الهجرة الخاصة كون الموضوع حساس ويتعلق بمسألة مصيرية لايجوز بها الاجتهاد وانما نقل الوقائع والاحداث المهمة التي تقع على عاتق المتكلم في ايصالها بشكل سليم و بسلاسة الى المتلقي وانشاء الله ما اقصر بأي شي اعرفة والحمد لله ما كو احد مقصر بهذا المنتدى الرائع الي تعلمنا من اعضاءه سرعة الرد والمساعدة المستمرة والانية حتى وان كانت في بعض الاحيان بسيطة وبدون معلومة وانما تطيب للخواطر والتهوين على السائل في مسألة محيرة تخص سؤال يتمنى من احد الاجابة عليه , وفقكم الله.
اخوكم حيدر سليم
-
حيدر سليم
الف شكر الك
سرى مشكورة
اني اللي راح اسويه راح ادز عنوان الكفيل للرابسنت وابلغهم بيه شتكولون ؟؟؟
مشكورين مرة ثانيه ولمرورك BaghdadGhost
بالتوفيق
-
السلام عليكم
- عمي رامي اعتقد بعد الشرح الوافي من اخونا حيدر سلمي ماكو بعد شي ينذكر .
- الاخ حيدر سليم بارك الله بيك على اجاباتك الواضحة والصريحة وصدك اخونا شبح بغداد ( كل كلمة قلتها بالرد هي طابو للاخوة الاعضاء ,,,,) بارك الله بيك اخوية الغالي حيدر
-
الاخوة الاعزاء
- رامي البابلي تدلل حبيبي واني ممنون
- الاخ ابو خالد echo 9 الله يبارك بيك وهذا من فضل الله علينة انشاء الله لان مساعدة الناس هي دين بأعناقنا .
اخوكم حيدر سليم
-
مشكورين اني دزيت ايميل الهم وكلتلهم على اللي صار وياي كار ارجع املي ال 234 وحط الكفيل ودزها
وهذا اللي سويته اليوم
مشكورريييين
-
شباب يعني اني هسااريد اغير الكفيل السابق الي جنت مخلي بالفورم 234 ولكيت كفيل جديد بنيويورك....زين شنو المفروض اسوي هسا..ارجع اغير الفورم لو شنو...؟
-
اخي بلد بروذر
اي ارجع املي 234 جديدة وخلي بيها معلومات الكفيل الجديد و دزها باقرب وقت ممكن لجماعه اعاده التوطين ,,, خلي يكون عنوان الايميل مالتك هو الكيس نمبر و يمه كلمة ابديت
-
اخي بلد بروذر
اي ارجع املي 234 جديدة وخلي بيها معلومات الكفيل الجديد و دزها باقرب وقت ممكن لجماعه اعاده التوطين ,,, خلي يكون عنوان الايميل مالتك هو الكيس نمبر و يمه كلمة ابديت
تسلم اخي الشبح بس جماعة اعادة توطين قصدك iom...بس اهم شي ترى اني من جماعة siv
-
اخي بلد بروذر
اي ارجع املي 234 جديدة وخلي بيها معلومات الكفيل الجديد و دزها باقرب وقت ممكن لجماعه اعاده التوطين ,,, خلي يكون عنوان الايميل مالتك هو الكيس نمبر و يمه كلمة ابديت
تسلم اخي الشبح بس جماعة اعادة توطين قصدك iom...بس اهم شي ترى اني من جماعة siv
اي حبي هم ذوله اللي مسؤلين عن اعادة توطينك IOM
-
اخوية blood brothers مثل ما كلك اخونا العزيز الشبح جماعة الاي او ام هم اللي تروحلهم نسخة من ال234 لانه انت مقدم عالبنفتس وهاي خاصة بحالتك يعني انت اس اي في ومقدم على البنفتس.
-
مشكورين اختى سرى....واخي العزيز شبح بغداد
-
مشكوريين اخوان
-
السلام عليكم لكل الاعضاء الموجودين .... بس سؤال حول هل هناك اي شي قانوني يثبت ما هي مهمة الكفيل وواجباته ...والخاص بجماعة IOM ...مع الشكر