ankawa
منتدى الهجرة واللجوء => الهجرة و واللاجئين => الموضوع حرر بواسطة: مرمر75 في 13:16 17/12/2010
-
الاخوة الاعزاء اود الاستفسار عن تقديم لجوء او هجرة الى امريكا عن طريق الامم المتحدة او اي منظمة انسانيه ممكن ان اتساعدني اني قبل 4 سنوات سافرت الى مصر من صارت الاحداث الطائفيه اني وبنتي وسجلت على اليو ان في مقرها في القاهرة وحصلت على الكارت الاصفر بس مثل ما تعرفون اهناك العراقيين ما نطوهم لجوء واعادة توطين في بلدان غربية اخرى ولكن فقط اقامة وقتيه في مصر تجدد كل كم شهر بقيت سنتين على هالوضعيه وبعدين رجعت للعراق بعد ما غلقت ملفي في الامم المتحدة سؤالي هو هل استطيع ان اقدم لجوء مرة اخرى عن طريق سوريا او الاردن او تركيا لو ما اكدر لان عندي ملف سابق ارجو مساعدتي والرد على استفساري
-
اي تكدرين كولي الهم جنت بمصر والموضوع طول اضطريت ارجع للعراق كلت بلكي اكدر اعيش باي مكان امن بس ماكو غير شمال العراق واني ماعندي احد بي واني بحدي اني وبنتي فه نجبرت اسافر لسوريا او للاردن شوفي انتي وين راح تسافرين والافضل الج الاردن وانتي بحدج ان شاء الله توطينج اسرع وضلي كل فتره كتبي الهم مناشده بورقه وخليها بضرف كتبي عليه اسمج الكامل ورقم ملفج وذبيها بصندوق المناشدات باب الامم المتحده
-
اختي العزيزه كلام اخويه احمد مضبوط واذا كالو ليش رجعتي للعراق كليلهم اموري الماديه حيل مو زينه وقررت الرجوع وتصفيه بعض المتعلقات مثلا عندي حصه ورث او شي من هلقبيل..وراههسافرت لان الحياه بلعراق مستحيله والله يسهل الكم