ankawa
منتدى الهجرة واللجوء => الهجرة و واللاجئين => الموضوع حرر بواسطة: المهندس_بغداد في 22:14 19/12/2010
-
مرحــبا اخوان واخوات
يمكن موضــوعي جـديد...ومامطروح سابقا...لان حاله خاصـــة....لكن متاكد انو المشاركة تغني وتفيد
اني قابلت قبل شهر...وكان عندي نقص محكومية....كلولي دزهة ودز عنوان شخص بامريكا وعندها حنبدي اجراءات الفيزا
صراحة رغم انو كملتهة الا اني لم ارسلهة حتى الان..
.
بديت اجراءات بعثة دراسية ..لامريكا...وبعدهي مامحسومة بشكل نهائي
لكن الاجراءات تتطلب الجواز مني.....
فما اعرف....بهالحال شنو الشي ممكن يساعدني
يعني ابلغهم بهالشي..يممكن يدزولي الجواز و اكمل اجرائي مثلا
او اوضحلهم الحالة واطلب المساعدة
لو اكمل اوراقي النقص ادزهة للسفارة وانتظر...الفيزا...على حساب البعثة
الخوف .... اثنينهن يروحن لاسامح الله لان اثنينهن مداخلات
فما اعرف والله حيرة..تاذي
..انتظر..رايكم اخوان
ولا يبخل المخضرمون باجاباتهم
انشالله مايقصرون
سلامي
والتوفيق للكل
-
اخي العزيز انت مو اول حالة تمر علينا بالمنتدى اولا ما دامك مقدم على معاملة هجرة فهم يعرفون من تجي تقدم عالبعثة مو اكيد تحصلها لانه انت هسه يعتبروك potential immigrant يعني انت في نيتك الهجرة وعدم العودة للعراق الى ان يثبت العكس وبعدين اكو واحد يترك كرين كارد يجيك ورة مدة بسيطة ويروح بعثة؟ اخي العزيز انت من توصل ادرس وراح تلكة هواية خيارات لانه راح توصل وتصير مقيم دائم يعني حالك حال المواطن.هذا رأيي وانت حر.موفق بإذن الله
-
اخي العزيز انت مو اول حالة تمر علينا بالمنتدى اولا ما دامك مقدم على معاملة هجرة فهم يعرفون من تجي تقدم عالبعثة مو اكيد تحصلها لانه انت هسه يعتبروك potential immigrant يعني انت في نيتك الهجرة وعدم العودة للعراق الى ان يثبت العكس وبعدين اكو واحد يترك كرين كارد يجيك ورة مدة بسيطة ويروح بعثة؟ اخي العزيز انت من توصل ادرس وراح تلكة هواية خيارات لانه راح توصل وتصير مقيم دائم يعني حالك حال المواطن.هذا رأيي وانت حر.موفق بإذن الله
اخي العزيز حتى لو انقبلت بالبعثه فبمقابلة الفيزا الدراسيه القنصل رح يرفض لان عندك فيزة هجره يعني القانون رح يمنعه ينطيك الفيزا الدراسيه
مع تحياتي
الن
-
اختي سرى
اشكرك على مداخلتك لكن الي اعرفهة هناك الدراسة مكلفة وصعبة جدا ....هل توجد تسهيلات دراسة للمهاجر؟
واكو اجراءات يحتاج الشخص يحضرهة او من الافضل البدء فيها فيما يخص الدراسة للمهاجر قبل مايسافر؟
ارجو الاجابـــة
وشكرا
-
اخي المهندس اكو بعض الاجراءات اسهل للمهاجر لانه حاله حال المواطن وتكاليف الدراسة تكون اقل اضافة الى امكانية القرض المالي للدراسة لكن انت فكر اذا رحت تقابل بالسفارة علمود فيزة الدراسة تتصور راح تاخذها؟ اني استبعد هذا الشي اضافة الى انه مراح يحقلك تكمل على الا اي في اذا اخذت فيزة دراسية وانت اختار.
-
عزيزي برادو
بالاول اشكرك على مداخلتك
لكن اذا مثل ماتكول هل يعني بهالحالة لازم الغي الهجرة بطلب حتى ابدي بالاخرى؟؟
تحياتي
-
اختي سرى
شنو رأيك اذا ارسل رسالة للسفارة اوضحلهم الخيارات الي عندي
ممكن ينصحوني او يبينولي موقفي من الناحية القانونية بصدد هالتقديم للدراسة رغم انتهائي من مقابلة الفيزا
واكو مشكلة اذا متاخر شهر بعد المقابلة عن ارسال عدم المحكومية للسفارة (لان كلتلهم يمكن اخرهة الفيزا او السفر بعض اشهر فكالولي بالمقابلة يمته ماترسل اوراقك حتبدي البروسس مالتك)
لو ممكن يثيرلي مشاكل....وبالتالي لا البعثة ولا اس اي في لاسامح الله
اشكركم على سعة صدركم..
تحياتي
-
هاي ما اكدر انصحك بيها انت اذا تراسل السفارة هم شهامهم؟ اخوية انت قرر واتخذ الطريق اللي يناسبك ما اعتقد السفارة راح تقرر افضل شي الك ومثل ما كتلك انت اذا POTENTIAL IMMIGRANT منو يكول اصلا راح ينطوك فيزة زيارة؟
-
اخي المهندس
بالنسبه للجواز مو مشكله تكدر تطلبه من السفاره
بس المشكله انه فيزة البعثه الدراسيه لازم بيها اثباتات انه انت رايح للدراسه ومن تخلصها لازم ترجع
وهذا يتنافى مع تقديمك لمعاملة اللجوء
وهمه يمشون على النيه
فاذا كان اكو نيه مبيته انه مناك تطلب لجوء مراح يوافقولك اصلا
لان كل حاله الها تعليماتها الخاصه بيها
فيااخي العصفور الي في اليد خير من العصفور الي طاير بالسمه
وتالي تخسرهم اثنينهم
-
غير انه بتعليمات الاي اي في لازم ما تكون مقدم على فيزا J1 يالله يحقلك التقديم عالاس اي في .
انت كوللنا بصراحة انت رايح بس علمود الدراسة لامريكا؟ لو انت تريد تعيش هناك؟
-
اشكركم اخواني على الاجابة
اختي العزيزة سرى...بخصوص سؤالك شنو هدفي من السفر..دراسة او هجرة
اكيد كملت معاملة الهجرة ....واني هدفي الهجرة...هربا من الوضع الديعيشة كل مواطن هنا
وخاصة اذا عمل وية شركات امريكية..وتعرض لمشاكل بهالسبب
لكن تصور كامل عنه او اقارب او اصدقاء للمكان الي رايحلة ماعندي..بالاضافة الى العمل ضمن الاختصاص
الي بذلت بيه سنوات من العمل والدراسة والخبرة...مامتوفر...لكن مع ذلك فيه حياة جديدة..وتطلع لبداية
وطموح...يمكن يبنيه النجاح والامل...
اثناء هالفترة..حصلت فرصة للتقديم عبر الانترنت لاكمال دراسة عليا في بعض البلدان الاوربية والاجنبية..وبشروط ومتطلبات
لحسن الحظ..نجحت وحققت الشروط..وترشحت للبعثة الدراسية..واصريت على اختيار امريكا بلد الدراسة...رغم وجود بلدان اخرى كبريطانيا متوفرة..
على كل حال...ماكو فيزة..لسة..لكن الجهة المعنية اخذت اوراقي..ونفس اجراء الهجرة..طلبو مني الجواز..
وبدات اجراءات تحديد الجامعة...وبعد ذلك تبدي مرحلة الاستمارات ومن ثم السفارة
اني دا افكر اشرح هالوضع للسفارة...ومن ثم ..ايقاف/تجميد/او الغاء..طلب الهجرة رغم لم يتم اصدار فيزة هجرة لي او البدء بها كون عندي نقص بالمتطلبات لم اكمله رغم المقابلة وابلغوني ان الاجراء سيبدا حالما ارسل النقص
خوفي...وسؤالي...اذا اوقفت او الغيت معاملة الهجرة
ومن ثم اذا شاء الله واكملت معاملة البعثة..هل يمكن ان يكون اعتراض او مايمنع عند السفارة من اصدار الفيزا الخاصة بي كطالب بعثة علما انه توجدضمانات..بالغة تضمن رجوعي بعداكمال الدراسة
وتوجدجهة خاصة..تتكفل اجراءات البعثة..
تحياتي...
-
اشكركم اخواني على الاجابة
اختي العزيزة سرى...بخصوص سؤالك شنو هدفي من السفر..دراسة او هجرة
اكيد كملت معاملة الهجرة ....واني هدفي الهجرة...هربا من الوضع الديعيشة كل مواطن هنا
وخاصة اذا عمل وية شركات امريكية..وتعرض لمشاكل بهالسبب
لكن تصور كامل عنه او اقارب او اصدقاء للمكان الي رايحلة ماعندي..بالاضافة الى العمل ضمن الاختصاص
الي بذلت بيه سنوات من العمل والدراسة والخبرة...مامتوفر...لكن مع ذلك فيه حياة جديدة..وتطلع لبداية
وطموح...يمكن يبنيه النجاح والامل...
اثناء هالفترة..حصلت فرصة للتقديم عبر الانترنت لاكمال دراسة عليا في بعض البلدان الاوربية والاجنبية..وبشروط ومتطلبات
لحسن الحظ..نجحت وحققت الشروط..وترشحت للبعثة الدراسية..واصريت على اختيار امريكا بلد الدراسة...رغم وجود بلدان اخرى كبريطانيا متوفرة..
على كل حال...ماكو فيزة..لسة..لكن الجهة المعنية اخذت اوراقي..ونفس اجراء الهجرة..طلبو مني الجواز..
وبدات اجراءات تحديد الجامعة...وبعد ذلك تبدي مرحلة الاستمارات ومن ثم السفارة
اني دا افكر اشرح هالوضع للسفارة...ومن ثم ..ايقاف/تجميد/او الغاء..طلب الهجرة رغم لم يتم اصدار فيزة هجرة لي او البدء بها كون عندي نقص بالمتطلبات لم اكمله رغم المقابلة وابلغوني ان الاجراء سيبدا حالما ارسل النقص
خوفي...وسؤالي...اذا اوقفت او الغيت معاملة الهجرة
ومن ثم اذا شاء الله واكملت معاملة البعثة..هل يمكن ان يكون اعتراض او مايمنع عند السفارة من اصدار الفيزا الخاصة بي كطالب بعثة علما انه توجدضمانات..بالغة تضمن رجوعي بعداكمال الدراسة
وتوجدجهة خاصة..تتكفل اجراءات البعثة..
تحياتي...
هاي تبقى هم وقناعتهم اخي العزيز بس خلي في بالك انه تخسر معاملة الهجرة
-
اخي العزيز فيزة الدراسه رح تجيك رفض على السريع و بدون مناقشه او تفكير ما اريد اهبط معنوياتك بس اكو نقطه بملفك الا و هي فيزة الهجره
الن
-
اخي العزيز المهندس انت موضوعك غريب وسوالك اغرب بصراحة او اصرارك على السوال هو الاغرب انت سالت اكثر من 3 مرات نفس السوال والجواب من الاخوان واضح وصريح وبعدك تفكر نبنفس السوال
مع انه الجواب واضح وصريح بس ما ادري شبيك دتضل مصر على كلامك
الاخوان ديكلولك انه انت potential imigrant يعني عندك نية سفر intention و النية هية الي يمشون عليه مثل مكال الاخ يعني انت حتة لو تسحب قضيتك او تلغيهة او تجمدهة انت تضل عندك النية بنظرهم وبنظر الكل لان انت بكلامك كلت اني اصريت على امريكا رغم وجود دول اخرى زين همة من راح يقابلك القنصل ميعرف هالحجي وميدري بيك عندك معاملة هجرة (ملغية/مجمدة/او مأجلة) وهذا الشي راح سيبب الك رفض سريع لمعاملة الدراسة واكيد القنصل راح يكولك اذا مكالهة بينة وبين نفسة اذا هو يريد يدرس مو يهاجر الا امريكا يختار وراح ترنفض 100 بالمليون اذا سويت معاملة الدراسة بغض النظر عن اجرائك لمعاملة الهجرة وان كان الغائها لان انت بمجرد انه بدأت ووصلت الى مرحلة المقابلة بمعاملة الهجرة اذا النية موجودة وهذا راح يسبب خسارتك او رفض الفيزة الك واكيد راح تخسر المشيتين
بعدين بس سوال هية انت اذا تعوف شغلة الدراسة وتتوكل على الله وتكمل بالهجرة متخسر شي لان حتة وان انرفضت معاملة الهجرة مالتك تكدر ان تدور مرة ثانية بالانترنيت وتلكا مكانات تقدم بيهة على فيزا دراسية سواء بامريكا او بغير امريكا اعتبرهة SECOND CHANCE مو تعوف المعاملة الاساسية الي انت واصل الى مراحلهة النهاية وتروح على الفرصة الثانية مالتك كمل هاي وذيج ممهزومة مو باميركا بغير امريكا المهم لاتخسر نفسك كل شي بسبب التفكير الغير محسوب
اتمنى اكون افدت بكلامي واتمنى تكون فهمت القصد واتمنى انه تكمل باجرائات المعاملة مال الهجرة هسة وتسوي تجميداو تأجيل لموضوع الدراسية وهذا بمصلحتك يعني مو بكيفك وبقناعتك مثل مكالو الاخوان ههههههههههههههه اذا تريد مصلحتك كمل الهجرة وشوف شنو الي يصير واتصرف على ضوئة ولا تخسر المشيتين
-
اخــواني الاعـــزاء
اشكــرـكم على اجابتكم وسعة صدركم
اتحملني واقبل اسفي عزيزي يزر لتكراري السؤال مو لازعاجك لكن لان الموضوع بالغ الاهمية بالنسبة لي
لذا دا بحث عن بين الاجوبة..عن فرصة امل...اكمل دراستي..علما اني لم احصل على فيزا حتى الان..وان كنت اكملت المقابلة
اتمنى من لديه مقترح بهذا الاتجاه ان يبديه للمساعدة...واثق من رغبتكم للمساعدة وهذا ماوجدته في تعاونكم وحبكم الخير لاعضاء المنتدى وهو ماجعل هذا المنتدى ملاذ كل ...من يبحث عن نصيحة او مساعدة
وفقكم الله..لما هو خير
تحــياتي
-
اتمنى من لديه مقترح بهذا الاتجاه ان يبديه للمساعدة..
امريكا عارضه انواع الفيز ولكل وحده شروطها
على ان متتقاطع
ومن تنطي فيزة دراسه متريد احد يروح هناك ويطلب لجوء
وخلت فيزة اللجوء الها شروط للي تتوفر بي
وبما انه انت متوفره بيك شروط الاولى ليش دتطلب الثانيه
اخي العزيز هنا ماكو اقتراحات بهذا الموضوع
هو عندك خطين لا ثالث لهما
الخط الاول الهجره والكل نصحك بيها
وانت حاب الخط الثاني الي هوه فيزة الدراسه وانت اصلا مقدم عليها
وتريد من عدنا تأيد للفكره الي انت راغب بيها
والحقيقه احنا اذا ايادنا او رفضنا مو احنا اصحاب القرار
فانت قدم وخلي يجييك الرفض يهلهل وبعدين راح ترجع على معاملتك الاولى
احنا الي علينا نبين لك من خلال تجارب الاخرين
وبعد انت تاخذ القرار الي يناسب وضعك
ونتمنالك التوفيق بمسعاك