ankawa

المنوعات => استراحة المنتديات => الموضوع حرر بواسطة: hewy في 18:03 20/12/2010

العنوان: قصة مثل شريف روما
أرسل بواسطة: hewy في 18:03 20/12/2010


من منا لم يسمع المثل المشهور (( شريف روما )) أتوقع أن أغلبيتنا يتوقع أن المثل عن شخصية من روما ذاع صيتها وإستغل منصبه وأخرتها طلع نصاب.. لكن تفاجأت أن المثل أصله بغدادي وصدر بالثلاثينيات !! وبعيدآ عن كل هذا

القصه عجيبه وسأنقلها لكم كما قرأتها وباللهجه العراقية

قصة شريف روما
في الثلاثينيات من القرن الماضي ما كان ببغداد مسارح او حركة مسرحية مثل اللي بمصر , وكان من اكبر رواد المسرح المصري آنذاك الفنان جورج ابيض .. اللي قرر ان يجيب فرقته ويجي لبغداد حتى يعرض مسرحيته الناجحة جدآ في وقتها ( يوليوس قيصر ) طبعآ من أجه جاب وياه بس الممثلين الأساسيين وما جاب الكومبارس حتى يوفر نفقات السفر والتكاليف الأقامة ,, وبما انه ماكو مسارح ببغداد , اختار اكبر قهوة بمنطقة الميدان وسواها مسرح .. بقت مشكلة منين يجيب كومبارس عراقيين .. محد يقبل يقوم بالدور .. جماعة نصحوه انه منطقة الميدان وهي مشهورة عند البغداديين , كانت تعج بحثالة المجتمع من السكيرين (مدمني الخمور) والنشالة والحرامية والمطيرجية والشاذين وجميع فئات اللي عدهم مكسرات , وهذولة ماعدهم عيب ولا شي .. انطيه خمس فلوس يقوم لك بأي دور مسرحي .. وفعلآ جابهم ولبسهم دشاديش الرومان البيضا وخلى على روسهم اطواق الياس على اساس اطواق الغار .. ودربهم

يوم العرض المسرحي مشت الامور على مايرام والكهوة اللي سووها مسرح كانت مليانة بالجمهور .. الى ان وصلت للمشهد اللي بيه ينادي حاجب الملك بأعلى صوته : والآن يتقدم أشراف روما للسلام على جلالة القيصر

 

الجمهور كاعد حباب يتفرج على المسرحية الى ان ظهر الأشراف .. وبدأ الهرج والضحك والعفاط وكل ما يخطر على البال
- لك هذا منو ؟ هذا عبود النشال ... ههههههه
- لأ لأ .. دشوف هذا ؟ رزوقي ابن شكرية الـ .......
- هلللللو يااااب .. وهذا.... علوان الـ.... لك انزل , صايرلي شريف روما ؟ ههههههه
ومن هذه الحادثة تولد المثل المشهور
 
 
 

 فلا جانا المثل من روما ولا هم يحزنون

 








منقول
العنوان: رد: قصة مثل شريف روما
أرسل بواسطة: bsmaa_bghdad في 20:24 20/12/2010
 ;D ;D ;D عاشت ايدج هيوي عرفنا اصل المثل من وين وشلون اجة يسلمو  :-*
العنوان: رد: قصة مثل شريف روما
أرسل بواسطة: ღ♥ღ LoVely__87ღ♥ღ في 12:55 22/12/2010
ههههههههه

يســلموو عزيزتي  اكول  ليش امجلبين ابــ هل  كلمه لووووول
العنوان: رد: قصة مثل شريف روما
أرسل بواسطة: haigo في 14:55 22/12/2010
تسلمين حب هيوي


تحيتي واحترامي
العنوان: رد: قصة مثل شريف روما
أرسل بواسطة: hewy في 17:32 22/12/2010
شكرا لمروركم الغالي
عزيزي لوفلي  الكلمة ( لووووول ) ترمز للضحك بصوت عالي فلهذا صارت متداولة بالدردشة والمنتديات
العنوان: رد: قصة مثل شريف روما
أرسل بواسطة: chaldian prince في 23:20 25/12/2010
تسلمين يااغلى الخوات بوركت سيدتي .


العنوان: رد: قصة مثل شريف روما
أرسل بواسطة: ღ♥ღ LoVely__87ღ♥ღ في 08:30 26/12/2010
هع هع هع

اي
لووول
العنوان: رد: قصة مثل شريف روما
أرسل بواسطة: shakar في 10:05 26/12/2010
ههههه :) شكرا على المعلومة عزيزتي هيوي وبالفعل مجنا نعرف قصتها وردة :)
العنوان: رد: قصة مثل شريف روما
أرسل بواسطة: ريكاني في 07:43 29/12/2010
موضوع رائع عاشت الايادي
العنوان: رد: قصة مثل شريف روما
أرسل بواسطة: وردة الربيع في 15:45 30/12/2010
شكرا على المعلومات
عاشت الايادي
العنوان: رد: قصة مثل شريف روما
أرسل بواسطة: alwarda في 17:29 30/12/2010
شكرا لكي عزيزتي اني اعرف المثل بس ما جنت اعرف من وين اصلة
وتاليتها طلع عراقي