ankawa
منتدى الهجرة واللجوء => الهجرة و واللاجئين => الموضوع حرر بواسطة: الرفيعى في 01:27 21/12/2010
-
السلام عليكم جميعا اخوانى واخواتى فى منتدانا الجميل اذا اكو واحد دبر لك امورك وقالك بعد عشره ايام يكون عندك جواز ولازم تختار وين تسافر علمود تطلب لجوء شنهو تختار اى دوله هذا ما سيحصل معى بعد كم يوم وانا محتار ما ادرى وين اروح انا عندى عائله من 7 افراد وعراقى وانا بدون ايضا لان عندى اوراق تثبت انى من البدون اللى فى الكويت شنهو احسن اقول عراقى لو بدون حتى انقبل لاجىء واحد يقولى روح لندن واحد ثانى يقول روح بلجيكا واحد ثالث يقول السويد والرابع يقول استراليا احسن انتم شتقولون وين تنصحونى اروح شنهى الدوله الاحسن بالمساعدات وبلم الشمل وعندى بنت عمرها فوق 18 سنه اقدر اسحبها وى اخوانها الاصغر منها انا محتار يااخوانى ارجو تعينونى انصحونى ارشدونى انا الان فى مفترق طرق وما اعرف اى اتجاه اسلك وجزاكم الله خير والله يوفقكم
-
اخي نصيحة مني الك لاتسمع كلام اي انسان اعرف مرات الواحد يوصل مرحلة ييأس ويحاول يسلك مختلف الطرق لكن اذا الطريق غير شرعي او يوصلك للحدود ويكوللك اتلف جوازك نصيحة مني لاتسويها.
-
السلام عليكم
كلام الاخت سرى ذهب ... اخي انت صاحب عائلة مو شقة وقرارك جدآ خطر اذا كان بي مجازفة وانت موضحت الامور
بس فكر وحسبهة كلش زين مو الك .للعائلة اخي احنة اخوتك منريد انخرب عليك بس فكر أخي واذا تكدر توضح للمصلحتك
مو للسبب ثاني واللة معاك وبالتوفيق
تحياتي
علي امون
-
اخوان الجواز اوربى وبيه صورتى ومرتب زين واكو هوايه ناس طلعو بهيج جواز
-
هولندا او النرويج او بلجيكا او السويد
هذوله حسب مسامع افضل الدول بالنسبه للاجئين
-
السلام عليكم جميعآ
طبعآ اني مو ضليع بهاي القضية بس انت وياك عائلة ولازم اتكون حاسب حسابك كلش زين وطبعآ اكيد اكو أخوان بالمنتدى اعرف مني بهاي المسئلة بس اهم شي مو بحر ولا من جانب تركيا ولا اوكرانيا ... لان هذه الدول اذا لزمو واحد ميرحموا واتذكر انت مو وحدك؟؟؟؟؟؟؟؟؟؟؟
ونصيحتي لتسلم فلوس الا بعد الوصول نصيحة وانتظر باقي الاخوة اكيد عدهم وجة نظر واحنة نريد مصلحتك ... ماخاب من استشار
أخوك
علي امون
-
اني اخويه عايش في بلجيكا من 7 سنين ويكول بلجيكا حلوه وقوانينه كلش زينه والمساعدات كافيه ايضا احسن من السويد وهولندا
-
اذا عندك اربع خيارات
فاحسنهن استراليا
بالتوفيق
-
اخي العزيز..طبعا اني ضد الهجره غير الشرعيه يعني (التهريب)لانه مجازفه وخاصه الي وياه عائله.بس اذا كنت مصمم حاليا بلجيكا زينه
-
الله يعطيكم العافيه اخوان يصير لم شمل لاستراليا للى عمره فوق ال 18 سنه لاننى راح اروح لوحدى اول شى وبعدين اسوى لم شمل انشاء الله وجزاكم الله خير لان دوختكم وياى
-
الله ايسهل الك اخي الفيعي
-
استراليا
-
الاخ محيسن اول شى انا عراقى مقيم وماعندى جواز 17 وبعدين جواز 17 مايعطوه فييزه لفرنسا ولا لغيرها من الدول الاوربيه وشكرا اخى وهذا للتوضيح وبعدين لندن معقده ومافيها لم شمل كما سمعت
-
السلام عليكم
هلا بيك الرفيعي وبرفيع كلهم والنعم منك اسم القبيله نور الصفحه
ثانيا يا اخوي العزيز كلام سرى صحيح
لكن انا بعطيك رائيي الشخصي
ان فكر صح وترى ماكو فرق كلهن جيدات الدول وكلهن عيد لكن استراليا انا افضلها لمجتمعها الزين وتعاملهم ويعني اكو عراقين بيها اذا احتجتهم رغم ابتعد عن كل عربي نصيحه هههههههه وو لغتهم الانكليزيه
يعني حلو انك تروح لحالك وتدرس الامور
ثاني شئ
عندك مشكلة انو بنتك عمرها اكبر من 18
تعال ياخي انت خربت خربت صغر عمرها وسوها 16 سنه او نسق وي اعمار اخوانها
ولا تخليها المسكينه وين تروح
تحياتي
عبدالله الغزي
-
حبيبي انته تكول جوازك اوروبي بس كلي اشلون راح تطلب لجوء الى اروبا وجوازك تابعه للاتحاد الاوربي ... فكر زين وفهنه شنو نوع جوازك حته نعرف انجاوبك
تحياتياخوان الجواز اوربى وبيه صورتى ومرتب زين واكو هوايه ناس طلعو بهيج جواز
-
عيني جوازك اوربي ??? ???
اسمعها مني تعال لبلجيكا اسهل منها ماكو و خطتك بهل ركبه ;D ;D ;D ;D ;D ;D
-
اخي الرفيعي
اذا مايشملك التقديم على لجوء شرعي
وجتك فرصه لجوء تعتقدها مضمونه نوعا ما
السويد والنرويج عوفها لان مقبطه ومدينطون وكلش متشددين
بلجيكا حاليا المكان الامثل لقبول الاجئين ولم الشمل بيها اسهل
وانت هم اتاكد من عدة مصادر يله اتجازف هيجي مجازفه
-
اخي الرفيعي..فيزه شنكن ب3000دولار كلام مضبوط 100/100بس لازم تخلي تامينات 15000الف دولار من ترجع تاخذهه..
-
لاتجيب طاري انك عراقي , كول بدون إذا عندك ادلة
البدون ياخذون إقامة بالأخير لأن مايكدرون يرجعوهم للكويت او للعراق
اكو بدون اخذو الإقامة بـ 3 سنين او اكثر , لأن كلولهم انو احنه انطيناكم إقامة لأن مانكدر نرجعكم
-
اخوان هل صحيح انه بلجيكا لاترغب بالعراقى اذا كان من جنوب العراق وشغلته تتاخر هذا الكلام سمعته من اكثر من واحد
-
اي والله اخوية ابو سالين شنو السالفة يا معود ممكن تفاصيل شنو 3000 وشنو 15 الف
الله يخليك فهمنا التفاصيل ووين وشلون رجااااءا...
-
اخواني اكو فيز الى المانيا بسعر 2700 دولار وما اعرف اذا اكو شنكن في وقتها سألت ابو شركة سياحة والرجل معرفة كالي ماكو شنكن بس ممكن هسة كدروا جماعتنا يرتبون وية شركة سياحية سويدية لان جانت مفاوضات بيناتهم
على العموم هذا ايميل ابو الشركة اسمة وليد الجاف
waleed_aljaff@yahoo.com
والرجال ان شاء الله ميقصر وياكم واذا اكو شي اكيد يكول اكيد واذا مو اكيد يكوللكم مترهم
تحياتي
ابومريومة البغدادي
-
السلام عليكم ورحمة الله وبركاته
اخي الرفيعي انصحك باستراليا هي الافضل من وجهة نظري ونظر الكثير من الاثدقاء الذين ذهبوا اليها
واتمنى عليك انك تروح لحالك بدون عائلة كماتفضل بعض الاخوة خوفا على عائلتك من البهذلة
الاه ابو مريومه شكرا لك على المعلومة وربي يبارك فيك كونك تود لها مساعدة اخوتك
حامدشاكر
-
اخوان هل صحيح انه بلجيكا لاترغب بالعراقى اذا كان من جنوب العراق وشغلته تتاخر هذا الكلام سمعته من اكثر من واحد
لا تكلهم انت عراقي دير بالك
-
كللهم انت بدون تحصل اقامة اضمن من العراقي لان ويا العراقيين شادين بس انت ماعندك جنسية باي بلد فميكدرون يطردوك