ankawa

منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: زاير كباشي في 07:28 24/12/2010

العنوان: مذكرات عمكم زاير كباشي
أرسل بواسطة: زاير كباشي في 07:28 24/12/2010
بسم الله الرحمن الرحيم

شلونكم عمي عساك بخير اليوم حبيت اشارككم ذكرياتي وسفراتي الي فريت بيهه العالم وها بالصور طبعا ويعز على فحبيت اول شئ اعرفكم باصدقائي الاعزاز كولش على كلبي والي وياه ذكريات حلوة جدا ومواقف جدا هم هذول اصدقائي بس فاحب اعرفكم عليهم واترككم ويه الصور


اولا  هذا صديقي المفضل جيمي من ولاية كنتاكي سافرت هناك اكضي مصلحة وكعدت بمنطقة بوكتها بنفس الولاية اسمها الشوملي وذاك اليوم جنت طالع بالليل اجيب تتن ودعمني واحد ابو ماطور بس واحد يحجي البخت كاملي بالواجب اخذني للمستشفى وداووني وهم قامولي بالواجب وبقيت شهر بالمستشفى هو مداريني عيونه ما تغمض نهائيا ومن وكتها صار هو ماي فريند العزيز وهاي صورته
(http://www.l22l.com/uploads/312ced72e8.jpg) (http://www.l22l.com)



هههههههههههههه لا ماكو شئ
هذ صويحبي العزيز حجي مصقول من الشرقية بالسعودية من كنت اتاجر بالطليان وبعدها كمنا نهرب لان كاموا ياخذون على الطليان ضريبه فساعدني هواي بس اني ضحكت بالبداية لان هو شكله مو قانوني الصراحة ودوم امي الله يرحمهه تكلي صاحبك وينه هذا ابو وجه المصنهر
(http://www.l22l.com/uploads/d871f2936c.jpg) (http://www.l22l.com)

وهاي من كنت بالهند تعرفت عله شلة تعبانه روحهم بالاقمار واللعب كاضين وكتهم باللهو دوم كنت انصح بيهم وهاي تاليتهه يلعبون بالشوارع يا ما الغسل اي والله دوم عمركم فاشلين
طبعا الظاهر بالصورة اصدقائي كابور وناروجي هذا الي جنه سلبوح سيان ووراهم شاكوري وسركاي ونهاوند هذا الي وجهه مقلم لا تستغربون من اسمه لان امه اتوحمت على مدينة نهاوند من كانوا يدرسون تاريخ المعاصر وسمته نهاوند
(http://www.l22l.com/uploads/cd40061801.jpg) (http://www.l22l.com)




Ini jantung cukup baik ini
هاي كلمة ترحيبية باللغه الماليزية للي يعرفها لصديقتي حاني لا تستغربون من اسمها لان عدهم يسمون الاسامي الميلاونيه
يعني مركبه وطويله ويختصرونها بكم كلمة هاي كضت عمرها ترفع اثقال لحد نا صار طولها 90 سنتم وتركتها لان من اطلع وياها نسهر تكول امشي ويه بنتي شلون فد يوم طالعين جرحتها بكلمه هي كعدت تبجي  فات وليد من يمنا حجا وياي بالميزي جان يكولي مو عيب عليك تبجي بنتك اشتريلها والله منها حزت بنفسي وعفتها
(http://www.l22l.com/uploads/2ac20ba910.jpg) (http://www.l22l.com)




وهاي عائلة اردوكان هو ومرته والنعم منهم والله خوش اوادم طيبين بس توفوا السنه الي راحت شلون حادثه صارت بيهم زاير اردوكان عنده قاعه مال اكس بوكس فهو بيها كاعد وبوقتها جان يلعب حرب الشوارع تيكن اوكي من كد ما صار عصبي طكت بوجهه اليده مال الاتاري ومات وصل الخبر لزوجته سمعت وهم ماتت وراه حب جميل مو مثل هسه وبوكتهه كتبو على كبره شهيد الاكس بوكس وهاي اكل لاردوكان بالكبر
Ruhunu Ardukan üzerine bir binde merhamet
(http://www.l22l.com/uploads/b8024fbf70.jpg) (http://www.l22l.com)  



هاي عائله زاير بهبير  من جماعة صقليه هذا من رحت هناك اكضي الصيفيه خوش اوادم تعرفون بحر ويوميه جنا نطلع نجيب
الصنارات ونروح نصيد هناك ببحر صقليه ومن نرجع محملين شنو يوميه جنا نصيد 30 سمجه هيج وكله كطان وبني وحمري
بس واحد يكول البخت الخشني والزوري جنا نذبه لبزازين المنطقة وهاي صورته هو وزوجته هسه دز صورة صغيرة جنك ما شايف
(http://www.l22l.com/uploads/2aa41ea181.jpg) (http://www.l22l.com)



هاي فد وحده وصخه لازكه واني لابسهه تعرفت عليها بالهند هم جانت حلوة بس ريحتها تكتل تكول تسبح بماي مال جواريب
هسه حتى انطيتها اكنور بالياهو لزكت وهاي صورتها  ها اسمها شكراده
(http://www.l22l.com/uploads/b6b26fbd15.jpg) (http://www.l22l.com)



هذا حجي كفوري المسكين اي والله تعرفت عليه ببيروت بلبنان من رحت هناك بس جان شاب يكطع والله سالفته سالفه هذا بس شنو صاحب الصاحب جان هذا مرته راحت زلعانه لاهلها وراح يرجعها واخذ وادم بوكتها دز على لهنا ورحت بس ابو مرته جان ما ينجرع جبتله امثال اهلنا وحجايات وربطت السالفه اله وما فاد اخر شئ ضربوا جيلات على كفوري وطكوه برجله المسكين وطلكوه من مرته وبقى حتى صارت بيه حاله نفسيه جبته وياي للعراق وخليته فتره بمستشفى الشماعيه وبعده مسكين اي والله
حجي كفوري تئبر البي على هايده الصفنا
(http://www.l22l.com/uploads/9166db9c52.jpg) (http://www.l22l.com)



وهاي صديقتي منيجر من اهل كندا مقاطعة اوتاوا شارع المشجر على ايدك اليمنى .
جماعه كندا بالمنتدى مو تفضحون المره تشوفونها بالشارع وتكللوها ها ها شعندك ويه كباشي لا كنت بنت اوادم اخرب بيتي عليها وما تخليني اطلع اله تكوي العكال مالي وتكولي كباشي انته وسيم وانيق . ورده منيجر
(http://www.l22l.com/uploads/b129c73359.jpg) (http://www.l22l.com)


اياباه شكد كلاوجي هذا صديقي من رحت لكينيا اسمه زاير نمبابا بس لوتي وابو درب تعرفت بيه على السكايبي ودزلي دعوه ورحت هناك لكينيا واستقبلني خوش ايتقبال بس طلع كلاوجي جان نايم براسي فترة شهر على ابو اراويك المناطق السياحية وهي كينيا كلها بس فلكه ودربونه صغيرونه اخرب بيتي بس الغابات رهيبه بيها
اني اللك نامبابا
(http://www.l22l.com/uploads/7214a13078.jpg) (http://www.l22l.com)



وهذا صديق تعرفت عليه بالحرب العالمية الثانية رحت اشتركت بمعركة برلين وهو الماني اسمه حجي شوماخر هذا جان ويانا يجدي جكاير وبقى وعاش عمره كله يجدي لان عجوزي بشكل حتى من يريد يتعشى احنا نطبخ دجاج وتمن وتشريب وهو الي يزود من عدنه ياكله ورانا وهسه عايش بحديقه الفحامه ببرلين هم بعده عايش على التسول
مال سليمه
(http://www.l22l.com/uploads/f4ebc4ad3b.jpg) (http://www.l22l.com)



هاي هاي ورده هاي زايرة صوفي من اوكرانيا ورده هاي كانت الموزه مالتي والله كضينها وصلت للزواج بينا بس ابوي ما قبل يكلي تزوج وحده معرينه اربعه وعشرين ساعه ما ساتره روحهه كتله بويه من نطلع اني وياها اغطيها بعبايتي يكلي وانته تبقى مصلخ اقتنعت بالموضوع وعفتها شوفو حتى عيونها ورمت من وراي من البجي كامت تركع روحا بالحايط من عفتها
او ماي هارت صوفي اموت على رب ربك
(http://www.l22l.com/uploads/b40b44ff25.jpg) (http://www.l22l.com)



وهذا حجي كوتسومو من اهل اليابان بجبل فوجي عايش رحت هناك كضيت الشتا لان بوكتها ماكو نفط جان نخلي بالصوبة وندفى فرحت يم جبل فوجي كولها براكين ودافيه واني اجيب فراشي وااخليه يم البركان ومن اريد اورث جكارة اشعلها من البركان وادخن حلوة ايام كبل شتكولون
(http://www.l22l.com/uploads/7543874a74.jpg) (http://www.l22l.com)



وهاي الشله التعبانه اذا دققون النظر كانوا بمجلس الشيوخ الامريكي هذول جماعة الكونغرس  كولهم قدامى سوولي دعوه كالوا نريد نشتق قوانين من قوانين العشاير وانته بصفتك خبير رحت اني  شوفوا هاي الواكفه اسمها كاثي اخرب بيتي والله تسوي تشريب باكلاء اويلي على الحمزه
(http://www.l22l.com/uploads/66b1de417e.jpg) (http://www.l22l.com)



وطبعا انتم راح تستغربون هسه تكولون حجي كباشي جماعته كولها بره اشو ما عنده اصدقاء بالعراق اني اكولكم لا بويه قبل كم يوم تعرفت على صديق هو صح اصغر مني بهواي بس ورده والله وتعرفت عليه هنا بعينكاوا وما يرفضلي طلب نهائيا وابن اوادم هو هذا صديقي بالعراق هنا كولكم عرفتوه يمكن وهذا صديقي دائما مواضيعه حلوة دايما يكتب على الموز والخيار  هو صديقي محيسن ملك المواضيع بعينكاوا وهاي صورته هو حلفني بالعباس ما انشرها بس اعتزازا بيه وحبا اله واكوله اموت عليك محيسن
ما تخليني انتفك بعكال
(http://www.l22l.com/uploads/cf841ae792.jpg) (http://www.l22l.com)




العنوان: رد: مذكرات عمكم زاير كباشي
أرسل بواسطة: محيسن في 09:21 24/12/2010
زاير  كباشي   حرقته  الفلم  مالي  مو قتلك  لاتنزل  الصوره  هسه  حتا  مواضيعي  محد  ايدشها  بعد هاي الصوره 

انزين  مو اكو  صوره  ثانيه  دزيتها الك  الي  امحلق  شعري  احلا  من  هاي  الصوره 

بس  زعلتني  منك  حط  الثاني كباشي  خل انبلع  شويه 

فلمك  احترق  محيسن  اخ  لو  اكضك الا اربط  وخلي العجل 
العنوان: رد: مذكرات عمكم زاير كباشي
أرسل بواسطة: Black Angel في 09:38 24/12/2010
عاشت ايد على الموضوع خصوصا موضوع الموزة مالتي  ;D
العنوان: رد: مذكرات عمكم زاير كباشي
أرسل بواسطة: داليا الوردة الوردة في 11:30 24/12/2010
زاير موضوع روعة

وخصوصا عجبني الزاير صديقك الي يمشي يتسول بحديقة الفحامة ببرلين هاي شلون رهمتهة خخخخخخخخخخ

بس كلها حلوة عشت عمي عشت
العنوان: رد: مذكرات عمكم زاير كباشي
أرسل بواسطة: مظلومه سوادي في 12:22 24/12/2010
حجي زاير هاي شنووووووووووووو
شكد عندك اصدقاء
كلهم حلوين  :o

جا حجي ماعندك صويحب ينشاف كلهم هيج يقهرون

على اساس انه شلوني اتفلس عالباكله بالدهن  ;D
العنوان: رد: مذكرات عمكم زاير كباشي
أرسل بواسطة: niron في 18:34 24/12/2010

شكرا على الموضوع الجميل والفكرة الاجمل
تقبل تحياتي
العنوان: رد: مذكرات عمكم زاير كباشي
أرسل بواسطة: لورنس السفاح في 19:40 24/12/2010
هههههههههههههههههههههههههههههههههه
ههههههههههههههههههههههههههههههه
والله موضوع ومواقف تخرررررررررب ضحك
عاشت الايادي
العنوان: رد: مذكرات عمكم زاير كباشي
أرسل بواسطة: زاير كباشي في 20:21 25/12/2010
اهلا وسهلا بيك                   Black Angel
واهلا بالوياك                        داليا الورده
الكلب كبل العين صدك وتلكاك

طش الورد والهيل من تمر مظلومه
نايرون خوش وليد وطيبه علومه   

رحت اني للدلال بعتله روحي
ولورنس صد وجاي وشربته نومي


بشرفكم شلون ردود مو روعه حتى تكولون كباشي مو مثقف ؟
عليش هيج يا بويه مسوين الموضوع مثل باب الشرجي وعالم طابه وعالم طالعه وماكو بس 6 ردود نحمد الله اي والله
العنوان: رد: مذكرات عمكم زاير كباشي
أرسل بواسطة: داليا الوردة الوردة في 20:35 25/12/2010
عاشت ايدك على هالابوذية

عمي زاير والله مبدع

بعد منا وغاد تلكاني اول وحدة بمواضيعك


صدك مبدع عشت

واحلى شي لورنس شربتة نومي ههههههههههه هسة يكيف عليهة لورنس
العنوان: رد: مذكرات عمكم زاير كباشي
أرسل بواسطة: زاير كباشي في 20:44 25/12/2010

شميت خوش وورد والورده هيه
دالي ردها اثنين يسواله ميه
العنوان: رد: مذكرات عمكم زاير كباشي
أرسل بواسطة: داليا الوردة الوردة في 20:51 25/12/2010
ههههههههههههه

على راسي عمي زاير  :D :D :D

تحياتي القلبية لك وكل عام وانت بالف خير  ::)

والله يحفظلك الزايرة اللي بالصورة  ;D

العنوان: رد: مذكرات عمكم زاير كباشي
أرسل بواسطة: محيسن في 20:53 25/12/2010
كباشي  شلونك  توني  دخلت من امس  اني  مادخلت  وهسه  بيني عركه اريد  اتعارك
العنوان: رد: مذكرات عمكم زاير كباشي
أرسل بواسطة: زاير كباشي في 20:56 25/12/2010
لا عمي دالي هاي الموزه مالتي من كنت بايران حبابه بس فطيرة هواي تضحك بعد عمك
اربعه وعشرين ساعه فاتحه حلكها ؟
يابه تعاي اكلي فاتحه حلكها
يابه تعاي اشربي فاتحه حلكها
ابتليت بلوه بعد عمك حتى عمامي طلعوا علي  سونك يكول

ابتلى بلوه كباشي تتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتي

لا تستغربين هاي التتتتي الموسيقى مال السونك
العنوان: رد: مذكرات عمكم زاير كباشي
أرسل بواسطة: زاير كباشي في 21:01 25/12/2010
اني بعد عمك العبير صرت مثل هذا المثل الي يكول لا حظت برجيلها ولا اخذت سيد علي

لا حظيت بالماعونه ولا بقت خاجيه يمي ترد علي الوحشه
باقي بس محيسن يفتر علي راسه جنه برص حب
العنوان: رد: مذكرات عمكم زاير كباشي
أرسل بواسطة: محيسن في 21:07 25/12/2010
كباشي اني  هسه بس  اخلص   من  تدقيق  على المواضيع وشوف  مابي  شي  يزعل  ورجعلك  واذا اكو موضوع بي  هيجي  حجي   اقلبه  عللى راسه وجي
العنوان: رد: مذكرات عمكم زاير كباشي
أرسل بواسطة: niron في 01:04 01/01/2011

شكرا عمي على بيت الشعر بحقي
العنوان: رد: مذكرات عمكم زاير كباشي
أرسل بواسطة: زاير كباشي في 23:42 01/01/2011

محيسن وينك الموضوع مهجور مال عمك كباشي عليش
العنوان: رد: مذكرات عمكم زاير كباشي
أرسل بواسطة: ابو خالد في 08:28 02/01/2011
والله موضوع روووعه وعاشت ايدك زايرنا الورد كباشي
نشكرك على الموضوع وعلى مجهودك الرائع والممتع  
العنوان: رد: مذكرات عمكم زاير كباشي
أرسل بواسطة: ĈAŃDŶ في 08:33 02/01/2011
الله يساعد كلبك هاي شكد عندك مذكرات


 ;D
العنوان: رد: مذكرات عمكم زاير كباشي
أرسل بواسطة: الامانـــــي في 17:54 02/01/2011
;D ;D ;D ;D ;D
عمو الحجي زاير كباشي ابو ((مايكي ;)))
عيني  ميؤمر عليك ظالم
بدون زحمة من هذا اليوم اي سفرة تروح بيهه
اني تحسب حسابي 
تره اسافر وياااك
بس من هسه اكووولك  مو بالحصان
نحجز ربل  احسن
حتى اشوف  كل اصدقاءك
بسرعة قبل مينقرضون
جدا رائع صديقي زاير بمواضيعك وبروحك اللطيفة الفكاهية
اسعدني المرور وليس التعرف على اصدقاءك  ;D ;D
العنوان: رد: مذكرات عمكم زاير كباشي
أرسل بواسطة: محيسن في 16:17 09/02/2011
احلا  الايام  يا  زاير كباشي   
العنوان: رد: مذكرات عمكم زاير كباشي
أرسل بواسطة: الامانـــــي في 23:44 09/02/2011
 :'( :'( :'( :'( :'(

عمي الحجي زاير ولد كباشي ابو مايكي وينك وين صفه بيك الدهر
صدك ظليمة وهظيمه وموووت قهر
خاف حصانك تحوووسم
لو خاف  خاجية الله يرحمهه  شالعه كلللبك ههههه
تحياتي لك واحترامي ايها الطيب وربي يكون مانعك خير
العنوان: رد: مذكرات عمكم زاير كباشي
أرسل بواسطة: محيسن في 07:32 10/02/2011
اي  والله  يا الاماني الضالة ابن  عمي  مختفي   وقاعد  ادور  علي
العنوان: رد: مذكرات عمكم زاير كباشي
أرسل بواسطة: lamia rehani في 19:11 10/02/2011
تحية طيبة
الكل كتبولك عاشت ايدك وموضوع يخبل يجنن ؟؟؟!!!
اني راح أكلك موضوعك غريب !!!
انت متناول صور حقيقة لناس مختلفة ونازل تصنيف عليهم ؟؟؟
تحياتي واتمنى متزعل من النقد
العنوان: رد: مذكرات عمكم زاير كباشي
أرسل بواسطة: الامانـــــي في 21:05 11/02/2011
عمي الحجي زاير ولد اكباشي  ابو مااايكي

متكولي وين صفه بيك الدهر
عمي الحجي مكانك خالي وتره هوايه مشتاقين لسوالفك الحلوة
انت من يوم حطيت هااي الصورة الفرعونيه هههههههههه
اللي بيهه اصدقائك الكدعااان واني كلت الله يستر
بس لا تسولوا بيك وسووولك وااهس ورحت للصعيد يمهم هههه
خاااف تطلع انت اللي فجرت الشرارة الاولى للانقلاب على حسوني مبارك
والله ايامك عمي الحجي متتعوظ 
العنوان: رد: مذكرات عمكم زاير كباشي
أرسل بواسطة: محيسن في 07:13 14/02/2011
مشتاقيين 
العنوان: رد: مذكرات عمكم زاير كباشي
أرسل بواسطة: زاير كباشي في 02:41 25/02/2011
يكلك الغريب غريب
لو يركب سيارة جيب
ولو يموت بواجي على الحبيب
وحصاني يا اماني راح بالتسليب

بعد ابوكم انه من اروحلكم فدوه ولحلككم من تروح خاجية واهلها كلهم فدوه الكم ن تسالون علي ترد روحي من جده وجديد ويا بويه الدنيا خلصانه ان شاء الله ارجعلكم عن قريب ونلتم باحلى المواضيع

عمكم كباشي ابو مايكي من قره تبه في الاسكيمو
العنوان: رد: مذكرات عمكم زاير كباشي
أرسل بواسطة: ابو سالين في 14:21 25/02/2011
عاشت ايدك اخويه خوش موضوع..وخوش شله عندك الله يساعدك عليهم
العنوان: رد: مذكرات عمكم زاير كباشي
أرسل بواسطة: الامانـــــي في 21:33 25/02/2011
مقتبس من: زاير كباشي في 02:41 25/02/2011
يكلك الغريب غريب
لو يركب سيارة جيب
ولو يموت بواجي على الحبيب
وحصاني يا اماني راح بالتسليب

بعد ابوكم انه من اروحلكم فدوه ولحلككم من تروح خاجية واهلها كلهم فدوه الكم ن تسالون علي ترد روحي من جده وجديد ويا بويه الدنيا خلصانه ان شاء الله ارجعلكم عن قريب ونلتم باحلى المواضيع

عمكم كباشي ابو مايكي من قره تبه في الاسكيمو


عمي الحجي زاير بن كباشي ابو مايكي  ههههه
 حجيك والله ذهب
صدك الغريب يبقه غريب بس شغلة تسليب حصانك قهرتني  :'( :'(
تتصور ليش اتسلب  خطية حصانك بس لا راح  يركبون بيه عربانه نفط لو عربانه عتيك للبيع 
ههههه  تحياتي عمي الحجي   
العنوان: رد: مذكرات عمكم زاير كباشي
أرسل بواسطة: السندبادي في 22:35 26/02/2011
تحياتي الك عمي الغالي زاير كباشي وانشاالله نشوفك بدولة جديدة ومغامرة جديدة واصدقاء يتباوع بو جوهم


اخوكم السندبادي