ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي هواي في 10:52 29/12/2010
-
بسم الله الرحمن الرحيم
السلام عليكم ورحمه الله وبركاته
اليوم وبفضل الله تعالى ونعمته تمت المقابله بدون اي عراقيل او صعاب وكل الفضل والشكر لله تعالى اولا واخيرا ولكم اخواني واصدقائي واذكر منهم
الاخ الفاضل ايكو9
العزيزة الغاليه سرى
العزيزة الغاليه انجي
الاخ ماجلان
الاخ سبع صنايع
الاخ شبح بغداد
ولا انسى كروب الصابرين
راين ورامي وبلاك انجل وكوندا وعذرا لاني لا اذكر الاسماء كل الشكر والعرفان لكم احبتي واخواني واصدقائي .ربي يوفقكم ويسهل امركم
المقابله بالتفصيل ستكون في ملحق اخر
-
مبروك اخي وان شاءالله السفر
-
طبعا وصلنا 7صباحا وفتحت البوابه حوالي السابعه والنصف لا اعرف لاني حتى الموبيلات مجبتهم المهم اجراءات التفتيش وبعدين دخلنا للكرفان الخاص بمراجعين السفارة
وعند الساعه 9نقلونا في باص بعد اعطونا باجات وكنت اول من استلم الباج طبعا مع عائلتي
دخلنا السفارة اجراءت تفتيش اخرى
وكبل وعدل سلمت الجوازات الى شباك رقم 2وانتظرت الى ان نادوا باسمي يم شباك 8 ولد شاب عراقي الله يرضى عليه شكد حباب واشكد ابن اوادم
كلي سلمني الاوراق سلمت ملف لكل فرد من العائله ويحوي طبعا المستمسكات المترجمه والفورمات والصور وبده يجيك شغله شغله وثبت الصور على الفورم 230 واثناء ذلك وصل لاستمارة زوجتي وجان تنقسم الصورة الى نصين وفد خجل وظل يتاسف كتله عمي بسيطه اني ماخذ احتياط وبعد ما خله كل اوراق شخص داخل الجواز كلي استريح
ورة ربع الى ثلث ساعه نادوا باسمي من نفس الشباك بصمات عين واصابع وزوجتي فقط بصمات اصابع وكان القنصل يعرف عربي مكسر وبدة يسألني وين جنت تشتغل وليش بطلت وشسمه الشركه وشنو عمله وانت شنو عملك ومن جنت بالجيش وين خدمت والرتبه وشنو صنفك ومن بدة يتعمق بالاسئله كتله اريد مترجم لا ن بصراحه الكلمات كام تروح من يمي وما اذكر وبيني وبينه موشباك عبالك تيوول والسماعه مال الصوت بيه خنه وكلشي مينفهم من الانكليزيه ولو اني هم نص ردن المهم الولد العراقي انطني نسختين علمود اكتب اسماء الاخوة والاخوات والزوجتي نفس الشي وسألني عن الاخوة شنو شغلهم وين ساكنين وهم جنت بعثي وهسه وين تشتغل يوميه شغلك والاخوات هم يشتغلون وازواجهم شنو شغلهم تعرضت الى تهديد كتله مني تايم كلي منين كتله من الجماعه اللي يسمونه عملاء كلي شلون ويمته وحجيته وهو يهز براسه.بعدين كلي انت وزوجتك ارفعوا اديكم واقسموا انه هاي المعلومات كله اللي بالفورمات صحيحه رفعنه ادينه وكلناله وي سوير كال كودلاك وبع 6 اسابيع نرجعلك الجوازات عن طريق الدي اج ال.انتظرنه الى 11 اجه الباص ورجعنه بالباص والبنيه الاسكورت جلبت بعلاوي كوود بوي ما كوود بوي كتله اخذي وياج كالت اتمنى وخلته بحضنه طول الطريق الى ان وصلنه الاى باب الخروج اتمنولنه الحظ الجيد والسلامه وطلعنه الى البيت وهاي كل ما جرى بالمقابله واللي عندة سؤال اني حاضر اخاف اكو شي فاتني ما ذكرته
-
الف مبروك عمي و ان شاء الله اتسلام الفيزا باقرب وقت و بالتوفيق
-
اضرب علاوي هنياله لعلاوي..ههههههههه...عمي الــــــــــــــــــــــــف مبروك وانشا الله يوم استلام الفيز والســـــــــفر يارب
-
مبروك تستاهل الف خير يا ورد
-
الف مبروك اخونا العزيز ربي يسهل امرك وتكمل باقي الجراءات بسرعة
-
repentant
sama83
blood_brothers8
Aiham
Ryan1984
عبادى75
مشكورين والتوفيق والتسهيل للكل
راين وشاربك هذا الصار يمكن السبب قصه التهديد ؟؟؟
-
يابة على الخير والله فرحناك هواية حيل فردنوب
بلكي ربك ويدزلك الفيزا خلال ست اسابيع ويطلع الكلام صحيح
بس محد مستفاد غير بس علاوي ايده بالدهن
-
اخوية عراقي الف مبورك ولو انت نسيت اخوك مذكرتة حبيبي والله هوادي دعيتلك لان احنا كلنا مرينا بهل الظروف
اني اتوقع هاي سالفت من شهرين الى ستة
او من 6 اسابيع هاي شغلة مال امريكان
علمود لحد لح عليهم لالايميلات وهمة براحتهم يشتغلون لان
هذا الجي المدة ديصير متاقض للعلم اني هي كلها نفس الارواق و
انشاء الله التسهيل للجميع بالفيزا بجاه موسى بن جعفر
امين يا رب العالمين
ابن الكاظمية
-
على الخير و البركه اخويه عراقي هواي, يارب يسهل عليك و علينا و انشاء الله الفيزه عن قريب.
-
اخويه اسألك ياعراق والله موقصدي بس اجيت تعبان وتعرف البارحه نوم ماكو كل شويه اطفر من الفراش واراجع الاوراق خاف بيهن نقص وعلى الهرنه لحد ما صاح الله اكبر صليت وشربنه جاي وتوكلنا على الله وانني ممنون منك على مشاعرك الطيبه يااصيل واعتذر منك ومن كل الاخوة اللي ما كدرت اذكرهم اشكرك على الدعاء وربي ينطيك على نياتك ...
علاوي دومه والنوب لزك بالبنيه حتى ما التفت على امه لو ابوة لو اخوته كاعد بحظنه والنوب انطته نستله اضافيه وبلاخير من نزلنه كتله علاوي بابا يالله بوسه خلي انروح يابه من باسه اتخبلت عليه شبكته شبكه من يمي لو ما النايب ضابط مالتي واكف جان ;D ;D ;D ;D ;D
ابو علي اشكرك يا طيب ممنون منك ياوردة والله يوفق الجميع يارب
-
الف مبروك وهاي عدت على خير وان شاء الله 6 اسابيع وتستلم الفيزا ويوم تفرحنه بهذا الخبرررررر
-
الف مبروك وانشاء الله يوم السفر
-
اخوية عراقي هواي
الف الف الف مبروك ويوم تاخذ الفيزة ان شاء الله
ولو انتة نسيتني بس ميخالف الله يساعدك
ويوم علاوي ياخذ الجنسية الامريكية ويكول كود مورننج
تحياتي
ابن الحلة
-
اخويه ابن الحلة
والله انت الذهب ياطيب اشكرك حبيبي والله منسيت بس من السهر والتعب وتعذرني ياسيدي
ناديه وروى اشكركم عمي واندعيلكم بالخير
يا اروع واطيب ناس
-
السلام عليكم
الف مبروك اخوي الغالي ابو مصطفى وان شاء الله يوم الفيزا
الحمد لله والشكر اللي سهل لكم المقابلة وكفاك شر الاسباني صاحب راين
هسه ان شاء الله انتظار الفيزا وبحيل الله ما تطول
ابو مصطفى متاكد من انه الشخص القابلك قال لكم انتظروا 6 اسابيع
واتمنى انه الفيز تجيكم قبل ال 6 اسابيع باذن الله
اخوك
Echo 9
-
ربي يبارك بيك ويحفظك وينطيك على نياتك يا اصيل
والله المهم اني خلصت من شغله مصطفى وانت تعرف بيه
بعد الفيزة مايهم اني منطيه طرح 6اشهر حتى الحك اصفي اموري والله كريم
ربي يديمك ويخليك علم ياطيب
-
هاي شنوو الف الف الف الف الف الف مبرووووووووووووووووووووووووووووووك
والله فرحتلك
يابه اخوان سؤال من يسألك خلال الشباج يعني الكل تسمع قصتك يعني ماكو اشويه برايفسي
؟؟؟؟
عراقي هواي الف الف مبروك ان شاء الله انت وايكو ورايان تطلع فيزكم هالايام يارب
-
مبروك اخوية ابو مصطفى وان شاء الله يوم الفيزا.
اخوية رامي اي تقريبا الكل يسمع قصتك بس هو الكل ملتهين بشغلاتهم ومن شباك لشباك.
-
مبروك اخوية ابو مصطفى وان شاء الله يوم الفيزا.
اخوية رامي اي تقريبا الكل يسمع قصتك بس هو الكل ملتهين بشغلاتهم ومن شباك لشباك.
شكرا اختي سرى
بالتوفيق للجميع
-
مبروك مقابلتك ... ربي يفرجها عليكم
تحياتي ....
-
(http://)
-
الف مبروك وانشاء الله يوم السفر
-
الا خت العزيزة سرى اشكرك وربي يحفظك والفضل لك ولاخونا ايكو 9 ولكل الاعضاء اللي مقصروا سواء بالنصح او الارشاد ونقل تجاربهم جاهزة وبدون اي تقصير او منيه وانتم تعرفون قصدي
رامي حبيبي هواي اشكرك ما قصرت ياطيب
ابو ارا اشكرك حبيبي وربي يوفقك ويحفظك ممنون منك ياصيل
اخويه عماد مشكور اتمنى لك كل الخير ياربي والصحه والسلامه والتوفيق
ابو تيارك تسلمي والله لا يحرمنه من دعاءك انتم الخير والبركه ربي يفتحه بوجه كل طيب
جزيل الشكر اخواني واخواتي على دعمكم ونصائحكم وبفضل الله عز وجل ونصائحكم انحلت كثير من العقد والصعاب ربيي ايديم هاي الخوة والمحنه ويحفظ الجميع .
-
اخي العزيز ..الف مبروك وربي يسهل امرك ويوم تستلم الفيزه ويرتاح بالك
-
الله يعزك ويطولي عمرك ويسهل امرك اشكرك وممنون حبيبي
-
مبروك الف الف الف الف الف مبروك ونشاء الله يوم السفر
-
ربي يبارك بيك ويحفظك اشكرك وممنزن ياطيب
-
الف مبروك
-
الف مبروك وانشاء الله يوم موعد السفر اخي عراقي ربي يوفقكم
-
اشكرك شموسه والتوفيق للجميع
ربي يبارك بيك انجي وشكرا للدعاء ربي يحفظك دائما وانت من له الفضل
في المساعدة والنصائح شكرا لك كثير وممنون منك ياوردة