ankawa
منتدى الهجرة واللجوء => الهجرة و واللاجئين => الموضوع حرر بواسطة: moon1984 في 08:46 30/12/2010
-
السلام عليكم....
اني ناوي اطلع الى تركيا لكي اقدم لجوء سوالي الى اخواني واخواتي الاعزاء ماهي الطريقه الصحيحه للجوء في تركيا بدون اي مشاكل في المستقبل تعيق عمليه اللجوء
انا سمعت انه المنظمه هي الي تحدد المسكن والمحافظه سوالي هو ايضا اذا اني رفضت السكن والمحافظه مال يو ان واكلهم اني اريد اسكن باسطبنول يصير مشكله في المستقبل لو لا
سوال اخير من اين ابدء بخطوات اللجوء عندما انزل من الطياره تحياتي لكم
واتمنه من ذوي الخبره مساعدتي ولكم جزيل الشكر
اخوكم
moon1984
-
اخي العزيز صح اني بعدني بالعراق انتظر فترة وبعدين اطلع الى تركيا ان شاء الله وربي يسهل امري وامرك وامر الكل يارب بس عندي ان شاء الله معلومات جيدة عن تركيا ان شاء الله اقدر افيدك بيها وكما يلي وحسب اسئلتك
1- سؤالك الاول ماهي الطريقه الصحيحه للجوء في تركيا بدون اي مشاكل في المستقبل تعيق عمليه اللجوء
الطريقة الصحيحة ان تتوجه باذن الله الى انقرة - جادة تفليس- وتكللهم بالتركي Berlishmish melatler يعني الامم المتحدة وتدخل هناك وتاخذ سرا الى ان يجي دورك اتطب بعدها جوا يسجلون اسمك ولو يقابلوك بنفس اليوم مقابلة اولى لو ينطوك موعد غير يوم للمقابلة الاولى ومن اتفوت اتقابل ويارب مقبول مقدما تحجيلهم على قصتك واللي صار وياك وخلاك تطلع من البلد ومن تنقبل باذن الله راح اتروح ويكلولك احنا نتصل بيك على مود مقابلة ثانية ويوجهوك الى احدى المدن التركية تكعد بيها طيلة فترة اقامتك في تركيا الى ان تسافر باذن الله الى اي دولة راح تقبل بيك وحاليا حسب معلوماتي امريكا هي البلد الاول
2- سؤالك الثاني انا سمعت انه المنظمه هي الي تحدد المسكن والمحافظه سوالي هو ايضا اذا اني رفضت السكن والمحافظه مال يو ان واكلهم اني اريد اسكن باسطبنول يصير مشكله في المستقبل لو لا
اعتقد انه الاستجابة لطلبهم يكون افضل اللهم الا اذا اقنعتهم بانه عندك اقارب او اصدقاء تكعد وياهم فاذا قبلوا بهالسبب اعتقد يوافقون
3- سؤالك الثالث سوال اخير من اين ابدء بخطوات اللجوء عندما انزل من الطياره
انتا راح تنزل بخير وسلامة في اسطنبول لان المطار هناك راسا تتوجه الى انقرة وتقدم هناك وبيها الخير يارب الك والي
مع تحياتي اخوك النورس جوناثان
-
اشكرك اخويه النورس جوناثان
وعاشت ايديك على هاي المعلومات الحلوه تسلم وسوال اخر اذا بيه زحمه الك وهسه اذا اريد اروح اشتري تكت من مكتب الخطوط الجويه وراسا اركب طياره والفيزه بالمطار تندك هذا الي اعرفه لو لازم احصل فيزه او موافقه قبل مااروح
تحياتي الك واذا احد من الاخوه او الاخوات عندك ايضا معلومات اضافيه عن طريقه اللجوء عن طريق تركيا وطريقه السفر
اتمنه يساعدني ويوصلني الي الطريق الصحيح
تحياتي الكم
اخوكم moon1984
-
اخي العزيز
حسب علمي انه اذا راح اتسافر بالطائرة فالفيزا راح اتكون من داخل المطار من توصل
اما اذا السفر برا فممكن ان تجي للموصل اذا انتا مو من اهل الموصل وتاخذ الفيزا مباشرة من القنصلية التركية الموجودة في حي الطيران بالموصل وبوجهك روح اطلع لتركيا ويارب بالتوفيق
-
السلام عليكم اخوان تعذروني ولو دخلت على الخط وياكم اخي زين اذا الواحد سكن ابتركيا لفترة اشلون اكو شغلة مؤقتة على الاقل بس ايطلع الايجار والمأكل الى ان الله يفرجها
-
الاخ كامل بقبق المحترم
بهاي الحالة اخي العزيز معرفتك باللغة التركية مهمة جدا لكي تلكي شغل لان حسب علمي الاتراك يشغلون اللي يعرف لغتهم بس
-
مشكور اخي النورس ماقصرت تسلم عاشت ايديك
زين اخي النورس الطريق من اسطنبول الى انقره عندك معرفه بيه واحد شنو يكول حتى يوصل انقره بعد المطار من اسطبنول ولو كثرت اسئلتي عليك وداسويه زحمه عليك ؟
اذا اكو احد من الاصدقاء عنده معرفه اتمنه يساعد
تحياتي لكم
-
اخي صاحب الموظوع من تطلع من المطار اذا انت واصل الى اسطنبول قبل المساء تأجر تكسي كولة وديني للاوتوكار Autogar فيه باصات حديثة توديك لانقرة واعتقد اخر باص ينطلق في الساعة العاشرة او الحادية عشر مساءا اي ليلا لان الطريق يستغرق 6 ساعة يعني توصل انقرة الفجر ومثل مشرحولك الاخوان تاخذ تكسي وتذهب الى مقر الامم المتحدة
اذا قررت ا اضطريت اتبات في اي فندق ثاني يوم تسلك نفس المسلك
اتمنى اكون قدمتلك معلومة مفيدة واعذرني على التقصير
-
اني برائي انه تحجز الطيارة على انقرة مباشرة ليش تنزل باسطنبول وتدوخ وترجع رجوع لانقرة
انقرة بيها مطار
-
اخي العزيز بالنسبه للسكن انته تكدر تسكن وين ماتريد يعني انت الي تحدد المحافظه الي تريد تعيش بيها ومن ضمنها اسطنبول
بس المشكله من تسكن اسطنبول لازم بعد ذلك تترحل لمحافظه وهم انته تطلبها حتى تكمل امنياتك وتدفع الاقامه والافضل حاليا تسكن محافظه لان المعاملات جاي تمشي بسرعه لان اذا سكنت اسطنبول راح تدوخ حتا يجي الترحيل مالتك من الداخليه
وبالنسبه للتسجيل اكو عندك احتمالين
1- تكدر تسجل باسطنبول او اي محافظه تروح الها لان كلها بيها مكاتب امم متحده وبعدين يحددولك موعد تروح تقابل بانقره
2-تكدر تروح مباشر لانقره وتسجل واحتمال يقابلوك مباشره وعليه لازم ترتب القصه مالتك واوراقك قبل لاتروح
3- بالنسبه للطريق البري يطول 24 ساعه وتصل اسطنبول
4- بالنسبه للشغل موجود ببعض المحافظات بس مايدفعون زين بس باسطنبول موجود شغل بس العيشه والايجار اغلى
-
مشكور حبي بهورا وعاشت ايديك على هاي المعلومات القيمه بس حبي سوالي الك وماذا يعني لازم اترحل محافظه ثانيه ليش هي اسطنبول مو تعتبر محافظه وساكن بيه وشنو هاي معناه الامنيات والترحيل من الداخليه راح ادوخني يعني اذا سكنت محافظه ثانيه الترحيل مراح يدوخني اتمنه تشرح لي لان الصدك مااعرف عليه شي هاي و ودوختك حبي واسف اذا داطول الاسئله عليك عمري واذا احد معلومه هي يفيدنا تحياتي الكم
اخوكم moon1984
-
اخي اسطنبول ميسمحولك بالبقاء بيهة اكثر من 6اشهر بعدهة لازم اتغادر اسطنبول وتروح لاي محافظة يعني اسطنبول ما اتصور راح تخدمك اني هم لاجي اجيت واختاريت محافظة حتة ما اتبهذل بعد 6 اشهر هذا رايي والك الخيا رموفق بعونه تعالى
-
السلام عليكم
اخوية العزيز
احب افيدك واني صاحب تجربة
اول شي تسوي تروح لانقرة لااسطنبول ماعليك باسطنبول ترة اذا قدمت باسطنبول تاخر نفسك مو اقل من4 اشهر لان المقر الرئيسي هو انقرة وبعدين ماكو طيارة من العراق الى انقرة
من تنزل بالمطار مال اتاتورك اللي باسطنبول تركب بالمترو وانزل اقرا القطعة مكتوب اوتو كار انزل واركب الى انقرة عدل وكبل تنزل من الباص بانقرة اركب بالمترو مرة ثانية الى مركز المدينة ومناك اركب تكسي الى الامم المتحدة واسمها بالتركي بير لش مش ملة وهناك عاد انت والتساهيل وربي يوفقك واي شي اني حاضر
اخوك ابو علا
-
مشكورين اخواني الاعزاء ماقصرتوا وان شاء الله الكل مقبوله وتخلص وتستقر
تحياتي الكم
اخوكم moon1984