-
طبعا هي اللعبه على شكل مراحل راح اعدها الكم على شكل نقاط كل نقطه مرحلة
1- عد للعشرة واكرص ابنك واذا ما مزوج اكرص روحك
2- عد للسته وحك راسك واذا اكرع حك راس الي بصفك
3- عد للخمسه واطبخ جدر الهريسه
يعني ما اعرف مقتنعين انتو النوب الي دمرك كاموا يرجعون الالعاب القديمه من زمن السندباد
وافتح يا سمسم .
وفد شئ ثاني المواضيع المنقوله زادت عن حدها كولش كام يجيب ويكوم تكول صارت علوة مو دردشة
الي يذب زايد ياخذ زايد يا اخواني هسه انته ما مجبور تنزل يوميه موضوع عود اذا مخلين السكين على رقبتك
ذاك الوكت نكول مجبور جرب نفسك لمدة اسبوع ما تخلي موضوع منقول واني لكيت خوش فكره راح نسوي موضوع موحد نسميه المنقولات الشرعية وغير الشرعيه والعضو الي يريد ينزل موضوع منقول يخلي بيه بس الرابط بعد لويش متعب نفسه وكلنا مرينا بهاي الشغله بس الواحد ينهي عنها الى متى . اني عن نفسي بعد ما ارد على اي موضوع منقول بدون زعل من اي اخ او اخت .
واكو شغله ثانية اكو كم موضوع لمحيسن اشو ترد بيهم ثاني يوم تلكى الوضوع ممسوح ومن دون الخلك محيسن صايحه عليه الصايحه الله يساعدك محيسن
-
;D ;D ;D ;D
والله نيرون اني اريد لعبة عد للمليون وادفر اللي بصفك لو هيج لو ما العب ;D ;D ;D ;D ;D
-
اخ نيرون
شكرا لملاحظاتك
بس المنقول مابي شي نهائيا
واول الناس اني انقل مواضيع وانزل كل يوم موضوع هل هذا يزعج حضراتكم مثلا؟
وشكرا
-
اي والله خالي داشوف هل ايام الدردشة صايرة شورجة
مواضيع مطشرة والعاب وهوسه
عيني اخوان مرحبا عليكم
كل واحد خلي ينزل موضوع واحد ويكون هادف
حتى لو منقول مو مشكلة
بس مو مال باليوم انزل 100 موضوع وياريت دافهم منها شي
والالعاب جوزو منها
متليق بمستواكم
هاي المواضيع جانت الها فترة وراحت
تحياتي
-
سرى تكولي اعد للعشرة للميلون ياهو الي يوصل زين اكو لعبه تريديها عد للخمسه وعض اذن اخوك
ماكنتوشة صح رايك بس مو تكون مواضيع ما بيها داعي اتمنى تكون هادفه مثل ما كال خالو ياسر
ماان مشكور على رايك وحتى الشورجه هسه فرغت حاليا مو مثل الدردشة صايره
-
عد للمليون واكفخ اللي ابصفك ;D ;D ;D ;D مو احسن مع احترامي واعتزازي للصاحب الموضوع
-
ههههههههههههههه
وانوب الموديل الجديد اذا يريد واحد يكول لواحد حجاية
ينزل بيها موضوع
والله نيرون
اني راح اتحفظ ع الموضوع لا راح اوفقك الراي ولا اعارضك
خلين بعد وانا اخوووووووووووووووووووووووووووك
-
نيرون مقترح جميل بس مابيهه شي اذا واحديحط موضوع منقول بس المهم مثل متفضلتو يكون مفيد لان مو الكل عندهه امكانيات كتابه واكيد تحب تشارك على ان ميحط اكثر من موضوع باليوم والله اكثر المواضيع مدا نقراها لان منلحك راسا تشوفهه راحت للصفحه الثانيه
والمشكله الثانيه والظهرت بكثره وبصراحه وظاهره كلش محلوه يصعدون المواضيع القديمه يعني هي مواضيع اخذت حقهه من الردود وراحت فماالهه داعي وحتى اصحابهه مموجودين اللي يريد يقره موضوع قديم يكدر هو يتصفح يعني اجي ارد على موضوع الكا من 2008
امسح الرد واطلع :-\
وهذا رايي وبصراحه واتمنى محد يزعل مني
-
نيرون الرائع الذي احترم .. ملاحضاتك اكيد
فيها شئ من الصحة بالاخص ما يخص ذلك العضو الذي
سميته .. الاهم
اريد ان اعود معك كم شهر الى الوراء اتذكر .. عندما طلبت لجوء هنا
انا في قسم الدردشة ;) :) ...
كان هناك كم هائل ليس له مثيل من الالعاب حتى يظن الداخل الى قسم الدردشة
انه في مدينة اللاعاب اكيد تذكر ها ... وهنا اتت صيحات من الصديق الراقي الجميل
السيد ذاكر ابو فابيان لانهاء هذه الظاهرة وايدها البعض ...
الان انظر الى قسم الدردشة لقد تغير تغير جذري من تلك الحقبة
وجد اناس رائعين كبيرين بوعيهم وثقافتهم ورائعين انظر اليهم حتى في اختيار نقل الموضوع
هناك انقلابة حصلت نيرون على التافه من الموضوع اعتقد انك اكثر الناس لو قايست تلك
المرحلة باليوم سوف تجد كلامي فيه شئ من الصحة .. انا معك بالشواذ الاتية بأسماء
مستعارة اكثر مما هي عليه في السابق من استعارة وهناك شواذ من الاشياء تحدث
ولكن الان اعتقد ان المنتدى في احسن احواله أذ اصبح هناك هدف
بين من يحملون الفكر الواعي ومنافسة حقيقية وجدت اليوم نلمسها على المواضيع الجادة المفيدة
لا بأس صديقي بتلك الشواذ التي ذكرتها او ببعض الالعاب لمالا الكثير يريد ملء وقته
وتفريغ اشياء وهموم بلعبة او بكلمة طيبة فيها مداعبة وهزل بين اصدقاء شرط
ان يكون فيها براءة مطلقة ..وانت تعرف ما اقصد اكيد لانك سيد الاذكياء
في هكذا مواضيع ..الاهم لاتنزعج اذ اخبرك ان لدينا الكثير من المهمين
في هذا القسم مع ان هناك من الرائعين من ينقصنا اكيد ..
لا اريد ذكر اسم لكي يقولون هشام لم يذكر اسمي ان سهوت عن احدهم
ولكن امنيتي ان يعودوا كل الجميلين الذين انسحبوا اصحاب الاصل المحترمين فقط
وليس الفاشلين الخاسرين الذين اتوا لنفسهم ما اصابهم ...
لك كل الشكر وااسف اذ اطلت عليك ايها الغالي
تحية تقدير واحترام اليك صديقي الرائع
-
أخي العزيز نيرون ...
طبعا (رضا الناس غاية لا تدُرك) ... المنتدى أو قسم الدردشة يتكون من أعضاء مختلفين بالعادات والثقافات والدياناتوالتقاليد
والتعليم الخ ...
منهم من يحب الالعاب ومنهم من يحب المواضيع الترفيهية ومنهم من يحب النقاشية ومنهم من يحب الاشعار والخواطر
والنكت والعكس صحيح الخ ... فلكل عضو يحب موضوع عن موضوع حسب شعوره وتقاربه الفكري مع الموضوع
فمثلا شخص يكون جدي الى درجة كبيرة هل يعجبه موضوه فكاهي وتقليد بالطبع لا والعكس صحيح شخص فكاهي شخصيته تمحي الجدية بصورة كبيره هل يعجبه موضوع جدي ونقاشي الى ابعد الحدود ؟؟ لهذا تتنوع الثقافات والمواضيع لتصل الى رغبات الجميع .
أنا اتفق معك بأختناق القسم من المواضيع المكررة والتي يتحملها الاعضاء والادارة سواء . فالعضو يقوم بانزال موضوع مكرر لعدم دراية العضو بتكرار الموضوع وذلك يأتي بسبب عدم تصفح صفحات القسم وهنا يأتي دور الادارة كما يحدث في جميع المنتديات عند تكرار الموضوع ( تم الحذف او اقفل لتكرار الموضوع).
طبعا الموضوع شائك ومعقد كثيرا لاسباب عديدة منها اذا ارادت الادارة تطبيق قوانين المنتدى بصورة صحيحة
سوف يتم نقل الالعاب الى قسم الالعاب ونقل الخواطر الى قسم الخواطر وكذلك الاشعار الى قسم الاشعار
والنقاشات الى قسم النقاشات والقلم الحر ........ الخ سيصبح القسم فارغ من المواضيع لان هذا القسم تم افتتاحه كقسم ثانوي ترفيهي لقسم الهجرة واللاجئين ويعد المتنفس الرئيسي للعضو او الزائر بعد تصفحه لامور الهجرة والاجئين ...
أما بالنسبة لنقل المواضيع أنا احد الاشخاص الذين ينقلون المواضيع لكن ليس في النقل الشئ المعيب خاصة اذا تم نقل المواضيع بعناية وتركيز ليس فقط من اجل زيادة عدد المشاركات ولقد ذكرت لك سابقاً اختلاف الثقافات فمنا من يستطيع كتابة الشعر اوكتابة الخواطر او كتابة المقالات الخ فكل انسان يجتهد بشئ عن الاخر وهكذا تسير الحياة
اشكرك أخي نيرون لسعة صدرك وأنا عبرت عن رأيي فأذا لم اتفق معك بالرأي فهذا لا يعد خلاف (اختلاف الرأي لايفسدُ في الود قضية)
-
طبعا أخوية ضاع حجه كلام منطقي وصحيح واني متفق وياه انه احنا منكدر نفرض ارائنا الخاصة او فكرنا على المنتدى وبالأخص الدردشة لأن الي يكتب الشعر ارح يكولك اريد مواضيع شعر والي يكتب خواطرر او قصاصات من الخواطر راح يكولك اريد مثل كتاباتي والي يحب الألعاب يكول اريد ألعاب وبس والي يريد تهاني وتبريكات يكولك اريد تهاني وتبريكات وهكذا كلمن حسب طريقة وحسب تفكيره وحسب ما يعجبه
فأخوية انت أذا تريد تفرض طريقة وأعذرني أكولك تفرض لأن طريقة كتابتك وسخريتك بطلب التغيير او تصليح الدردشة طريقة غير صحيحة وهذا رأيي يعني اني يمكن كلش قليل أدخل لعبات وتكدر تتاكد من ردودي حشاش اي بس لعبات مرات قليلة ادخللها بس من تقلد او تستهزء من لعبة او صاحب اللعبة أو الي يدخل يلعب اللعبة فهي طريقة تخلي الأنسان الي مقابيلك يتشنج ويتعصب وتضيع ثقافة الحوار بين الاعضاء بقصد أو بدون قصد فمراح يفهم الشخص الي مقابيلك أنت شتريد توصله او فكرتك شنو صائبة خاطئة يتناقش وياك شتريد منها ومع احترامي للجميع طبعا كلمن ورأيه وطريقة كتابة للموضوع وهاي حرية شخصية وهاي مشكلة الألعاب صارت قبل فترة من الأدارة شالت الألعاب أو كالت كلمن يريد يحذف لعبته خلي يحدفها أنقلبت الدنيا عليها واخوية مان الي انت جنت ياسر بوكتها حسب مااعرف ولتزعل مني أنت كنت واحد من الذين زعلوا وضاجوا اذا متخوني الذاكرة وردت بوكتها انه يرجعون الألعاب لأن هاي أهانة للأعضاء وجانوا وياك هوايه اعضاء همين زعلوا علمود انلغت الألعاب ومشاركاتهم وياها
وهذا كلامي مو معناها اني مع الألعاب أو حابها وميت عليها بالعكس اني ماعندي مشكلة موجودة او مموجودة لأن ميولي وان كانت متعجب البعض تحشيشية فكاهية نكدر نكول وعندي جم موضوع يجوز غير التحشيش يعني بعيد عن الألعاب فأتصور حل الموضوع أنه قفل كم لعبة مو حذفها لأن راح تزعج العضو صاحب اللعبة والاعضاء المشتركين بيها لأن مشاركاتهم راح تقل ونجماتهم اطير واللون الأحمر راح يروح وهذا من حقهم انه يفكرون بالنجمات والمشاركات طبعا هذا رأيهم وأحترمه حتى لو جنت ضده او معه
اما بالنسبة لموضوع المنقول فتريد الصدك اتحدى اي منتدى موجود الا قلة نادرة جدا" جدا" جدا" أذا مو معتمد على مواضيع منقولة وقلة قليلة من الاعضاء بكل منتديات العالم وعن خبرة اخوية مو حجي بس مواضيعهم لو منقولة لو مجمعه شغل تفصيخ من مواضيع منقولة عديدة وهذا مو عيب طبعا" لأن تبادل المعلومات والأفكار المفيدة ظاهرة حلوة بس مو معناه تلغي فكرك وتوكف عقلك عن الأبداع وتصير كوبي وبيست بس واكو ناس هوايه مبدعة اهنا بالكتابة والشعر والخواطر بس اني كلت رأيي بتكرار المواضيع المنقولة من ابو فابي فتح الموضوع انه اي عضو ينزل موضوع منقول مكرر العضو الي منزل موضوع مثله ينبه ويكوله يبه ترى اني منزل نفس الموضوع وكلتهم ابدوا ويايه اي موضوع تشوفوني نزلته منقول ونازل قبلي من عضو بلغوني حتى احذفه أو اقفله أحتراما" لردود الاعضاء عليه وهاي همين تخفف عن الأدراة لأن الأدراة يمنا شوية مو قوية او ممتواجد اداريين هوايه يسيطرون على هذا الموضوع وهذا شي واضح ميحتاجله شرح فبيناتنه نتعاون والكوم الي تعاونت ما ذلت
اسف طولتها عليكم وهذا رايي ومثل مكال خويي ابو الضياع اختلاف الراي لايفسد في الود قضية
-
أخوية لورانس بالنسبة لموضوع انه العضو ينزل موضوع لعضو حتى يريد يحجي وياه موجوده هاي السالفة صح وهي همين مرات تزعج الواحد بس مثل مكال اخوية ضاع كلمن وثقافته وتعليمه وحبه وميوله لنوع المواضيع وهوايه أمور واحنا لو نريد نحجي على مواضيع هوايه تنزل بالدردشة مالها علاقة بيها مثل ولتزعل مني مال اخبار المنتخب لأن اكو قسم خاص بالرياضة والمواضيع الدينيه لأن مو مكانها بالدردشة والحمد لله ترى اني اصلي وأصوم واخاف الله يعني مو ماعندي دين او مااحب الدين استغفر الله بس همين اي موضوع ديني المفروض مينزل بالدردشة أحتراما" للموضوع والمحتوى الي بي لأن أخوان الدين ميدردش لتزعلون مني الدين يتعلم ويتفهم وما اريد اصير شيخ أو سيد أو قس براسكم أنتوا أحسن مني بالدين يجوز بس هذا همين رأيي الخاص مو افرضه عليكم أكيد بس احنا دنتناقش نقاش يفيد المنتدى والدردشة بشكل خاص واكو هواية مواضيع المفروض مكانها مو بالدردشة بس هي كلمن وطبيعته وميوله للمواضيع وابو الضياع كال اذا راح نحذف كلشي راح تظل فارغة الدردشة يعني يجوز هسه انت وغيرك من الأخوان يكولك شنو مواضيع تحشيش ميعجبكم ليش ينزلها أبن زيونة وغيرك يكول انريدها تعجبنه وتنسينه همومنا وتضحكنه والخ يكول مااحب الشعر والخ يكول اريد مواضيع دينية والخ يكول اريد رياضة وهكذا فهاذا الموضوع برأيي مراح ينحل بسهولة أو يجوز مينحل لأن صعوبة ترضي الكل حسب ميوله وفكره وتعليمه والكل خير وبركة طبعا"بس يجوز بعض الحلول السريعة من الأدراة بقفل بعض الألعاب وتعاون الأعضاء بينهم على شغلة المواضيع المنقولة واحد ينبه الخ يقفل الموضوع وخلص حتى مو يلغي وتضيع مشاركات وردود الاعضاء فنكدر نرتب الدردشة اذا تعاونه حتى لو الأدراة متساعدنه والكل بالنهاية راح ترتاح وتشترك بترتيب بيتها الثاني وسوونه يوميه فد مجموعة تطلع دورية ليلية صباحية ;D ;D ;D ;D عراقي مو بيدي :-\ :-\ :-\ الا بيها دوريات حسب وكتها وحسب فراغها تصير تقلب بالدردشة على المواضيع المنقولة وتنبه العضوين من اول مرة نزله الثاني يقفل الموضوع مالته هسه تشوفوها تصفى والأدراة همين تساعد بالألعاب بقفل الألعاب مو كلها بعض الألعاب وقبلها يتم تبليغ العضو اذا تكدر الأدراة مكدرت عمي انسوي استفتاء على اي الألعاب المحبوبة يعني نكول نخلي 5او 4العاب والكل تشارك والاعضاء أصحاب اللعبات يشوفون الاستفتاء ويقفلون الألعاب الي ماكول غير مرغوبة بس الي شبعوا منها الاعضاء بالمشاركة وسهلة بهاي العمليةس بلشوا وكولوا يارب كلشي يصفى
وسلامي للطيبين والطيبات
-
اخوية ابن زيونة
يعني انت عفت المواضيع كلها وجلبت بموضوع رياضة واحد ويخص المنتخب ؟؟
ثم انه هسه المنتخب من بعد 2007 صار يهم كل العراقيين الرياضي وغير الرياضي
وخصوصا من تصير بطولة يصير هو حديث الناس كلها يعني .
همزين لعد ما كل ربع ساعة منزل مواضيع مثل غيرنا وتلكي الموضوع مابيه غير سطر واحد
الصراحة اني مستغرب من ردك ,, يعني عفت الامة كلها وجلبت بموضوع واحد رياضي
ويخص المنتخب وبيه سبب مبرر لنزوله .
ثم اني ما اعرف يعني اني مااتطيت راي بالموضوع ووكفت بالنص
شمعنى اني اللي وكفت ع ردي واني لاذاكرك ولاذاكر مواضيعك بردي
مو موجودة اهواي ردود تنتقد الالعاب والنقل اتصور هم اولى ان تقنعهم
بوجهة نضرك .
-
كلام لورنس جميل وكلام ابن زيونه جميل وكل الاعضاء هنا كلامهم جميل لانه ينصب لخدمة المنتدى
ممكن بعد اذن الجميع ان اقول راي لي
جدا كلام ابن زيونه منطقي بخصوص الالعاب انا ارجح فكرة تقليل الالعاب ليس حذفها بل قفلها
اما بخصوص المواضيع المنقوله المسالة بها جوانب عديدة لابد ان يكون هناك بعض الاعضاء ينقلون لنا مواضيع من عدة اماكن لا عيب ولا ضرر خاصة ان اضافو لمسة منهم بل بالعكس انا انسانه اقولها بصراحة مرات اتثاقل واتعاجز اروح ابحث عن فائدة علمية او طبية او حتى تسلية او شعر او حكمة وجدا جدا افرح من اجد ما اريده هنا
حتى من يعرفني من الاعضاء يعرف جيدا انني احتفظ باجمل المواضيع بملف يحمل اسم صاحبها
فهو يشكر لانه تحمل عناء البحث وتهيئة الموضوع ليبهجنا
اما بالنسبة للمواضيع الرياضية فجدا احترم رأي ابن زيونه ..لكن انا دوما ألقب لورنس برياضي المنتدى
لانه بصراحة دوما يمدنا بالمعلومات الرياضية
ومعك حق ابن زيونه ان هناك قسم رياضي هنا بالمنتدى واعرف انا انت لم توجه كلامك لمواضيع لورنس
بس صدقا لا استسيغ ان اذهب هناك لا اعرف السبب بقدر ما اعتقد ان الدردشة يجب ان تحوي كل المواضيع
والله امس دخل اخي ضيف للدردشة ليشاهد صور المنتخب العراقي اللي لورنس واضعهن بموضوعه واثنى على لورنس
ومن راح للسليمانية ايضا اخي شاف الصور كلهن وجدا راقت له
حتى مبارات العراق مع الكويت كنت اني نزلت موضوع ولورنس ايضا صدقا مدخل اخي على موضوعي لكن دخل على موضوع لورنس
اسفة على الاطالة واشكر حسن القراءة ورحابة صدر الجميع
وهو مجرد راي مني لا اكثر مع احترامي الكبير لكل الاخوة هنا بهذا الموضوع وتقديري لهم
-
اخوية ابن زيونة
يعني انت عفت المواضيع كلها وجلبت بموضوع رياضة واحد ويخص المنتخب ؟؟
ثم انه هسه المنتخب من بعد 2007 صار يهم كل العراقيين الرياضي وغير الرياضي
وخصوصا من تصير بطولة يصير هو حديث الناس كلها يعني .
همزين لعد ما كل ربع ساعة منزل مواضيع مثل غيرنا وتلكي الموضوع مابيه غير سطر واحد
الصراحة اني مستغرب من ردك ,, يعني عفت الامة كلها وجلبت بموضوع واحد رياضي
ويخص المنتخب وبيه سبب مبرر لنزوله .
ثم اني ما اعرف يعني اني مااتطيت راي بالموضوع ووكفت بالنص
شمعنى اني اللي وكفت ع ردي واني لاذاكرك ولاذاكر مواضيعك بردي
مو موجودة اهواي ردود تنتقد الالعاب والنقل اتصور هم اولى ان تقنعهم
بوجهة نضرك .
أخوية لورانس يمعود لدفع ;D ;D ;D ;D ;D
لاحبيبي اني مو قصدي على موضوع الرياضة بس ومجلبت بي واني كلت اني ضد الألعاب الهوايه واكيد متفق وياكم انه اكو هوايه العاب ومواضيع متفيد بس أني كلت رايي وكتبت رأيي الخاص بموضوع الرياضة ومواضيع الدين همين ذكرتها واكو غيرها هوايه مواضيع مذكرتها حتى ليزعل احد منا مثل مزعلت مني وكلت مستغرب بردك واني مااذكرك ولا اذكر مواضيعك بردودي وسويتها شغلة اني معليه بيك ولا انت عليك بيه بس اني لأن أمون عليك واعرفك تتقبل الرأي الأخر وتتناقش بدون عصبية ذكرت هذا الشي فيمكن جنت غلطان بتقديري أو يجوز تجاوزت عليك ومحسيت ولو اشك أخوية وتكدر تعيد قراءة ردي بس صدكني مجان قصدي اتقصدك انت لأن اكل او الأغلبية تعرف أن زيونة شنو بس اني كلت هو نقاش مفتوح للكل وننطي وجهة نظرنا واذا تحب اخوية عادي امسح الرد عليك حتى نبقى حبايب لا انت تذكرني ولاتذكر مواضيعي بردك واني همين لاأذكرك ولا اذكر مواضيعك بردي ونطلع خلصانين وللعمل أخوية أني دخلت لهذا الموضوع ويمكن أني مداخل بهيجي مواضيع لن لتزعل مني راح تنقلب لعركات وسجالات بالحجي وانت عليه واني عليهم وهو علينه حاله حال معظم المواضيع الي تكون نهايتها الحذف او التخاصم
واخوية ترى هوايه اكو ناس متحب الرياضة مو كل أصابعك سوا
اخوية لتضوج مني ولا تستغرب من ردي ردي كان عادي ترى وممقصود منه شي واذا تحب ارجع اكولك تريد امسحه ماعندي مشكلة
سلامي
-
بلعكس لورنس موضوعك مال نقل اخبار الرياضه كلش حلوو ومفيد مع احترامي لاخونه ابن زيونه وماكو احد دينزل مواضيع رياضيه فقط انت وهذا شي حلوو يعني المواضيع الرياضيه مو هوسه
اني من رأيي ينزل موضوع واحد للالعاب واليحب يشارك بيه ومواضيع الشعر والخواطر ومواضيع للمناقشات ونسوي تشكيله من المواضيع لكي لا يتسلل الملل الى قلوب الاعضاء
وسلامت قلوب الاخوه الغوالي
أختي العبير أني منتقدته لورانس على تنزيله لموضوع الرياضة لأن أساسا" أني أنسان رياضي بس أني متأكد الي ميلوه لأي موضوع بالمنتدى الألعاب الشعر اي ميول راح يكولون ليش حاطين لعد مواضيع الرياضة عمي خلي بعدين اذكرها هسه لورانس يزعل ويكول متعجب من ردك راح يكولون مواضيع الدين مو مكانها اهنا والشعر الخواطر مو هنا والألعاب بالألعاب والرياضة بالرياضة وهكذا راح يبقى منو بالدردشة ولا واحد او الدردشة تقل عليها دخول الاعضاء لأن كلمن راح يفوت على المكان الي يحبه وعلى ميريد يرجع للدردشة لو ينعس لو عنده دوام لو كطعت الكهرباء
واني ردت انطي نصيحة وكلكم احسن مني بس مثل ما انتقدوا الألعاب والموضيع المنقولة كلها بالبداية بدون استثناء بعدين صار الاستثناء على المواضيع المنقولة الجيدة والمفيدة بالردود انه راح يجيهم عضو أو عضوة وهو مو اني طبعا للعلم راح يدافع على الألعاب ويدافع على موضوعه المنقول أو اللعبة ويكلهم يابه اكو هيجي موضوع ميفيد وهذا الموضوع مكانه مو هنا وتكب العيطة مثل نهاية كل موضوع نحب نتاقش بي ويضيع تعبنا
واني كتله لورانس يحب امسح ردي اني جاهز وعادي الشغلة يمي واني راح اشوف الردود اذا صدقا" بيها تشنج لو عدم الرغبة بدخول نقاش يفيد الكل بس عتب وزعل اني امسح ردودي كلها واعتبروني مدخلت ولا ضوجتكم
سلامي
-
:'( :'( :'( :'( :'(
العبير حبيبة
ابن زيونه اخونه
لورنس اخونه
الله يخليكم لتمسحون ردودكم لان هسه قريتهن وتره مابيهن اي مشكلة جميع ردودكم بأطار المناقشة
مثل برنامج الاتجاه والاتجاه المعاكس يعني مابيهن كلام جارح او مسيئ بس وجهات نظر لا اكثر
تحياتي لكم ايها الرائعين
-
بنت خالتي االوردة اني مزعلت منج والله العظيم بس مااريد برد لورانس انه يحسس الناس اني متقصده او عندي شي وياه أني انطيتي رأيي وبس ومو بس على موضوعه على موضوع الدين وعلى موضوع الألعاب اني انتقدتها وحتى امونة قرتها زين وانطت رأيها اما انه الواحد بس ضرب مثال على موضوع الرياضة انكلبت الدنيا واني ذاكر بدون قصد بس مثال ومذكرته وحده وموجود ردي ومدافعت على الألعاب بس هو لورانس اخذها شغلة شخصية ورده واضح فاني كلت اذا الواحد ميتقبل نقاش او يضوج من رأيي يجوز ميتقبل مني الرأي عادي اني متفرق عندي أحترمه كعضو عادي موجود بالمنتدى ونبقى حبايب
فانتي أختي ماكو داعي تتعتذرين لأن انتي مغلطتي اني من رديت عليج بهاي الطريقة بس حبيت اوضحلج انه اني ممتقصد انه انتقد لورانس أو موضوع الرياضة
وأشون ازعل منكي وانت من غيحة الخوال ;) ;) ;) ;)
تحياتي
-
:'( :'( :'( :'( :'(
العبير حبيبة
ابن زيونه اخونه
لورنس اخونه
الله يخليكم لتمسحون ردودكم لان هسه قريتهن وتره مابيهن اي مشكلة جميع ردودكم بأطار المناقشة
مثل برنامج الاتجاه والاتجاه المعاكس يعني مابيهن كلام جارح او مسيئ بس وجهات نظر لا اكثر
تحياتي لكم ايها الرائعين
أمونة الغالية الرقيقة
أشكر مشاعرج الحلوة والراقية واحنا اهنا ماعدنا شي ان شاء الله
بس حتى لتكبر الشغلة ويدخلون ناس منا ومنا وتعلكها فكلت اذا يريد لورانس امسح ردي امسحه حتى نسد الباب على كلمن ميريد يتناقش بحرية او بجدية وهذا قصدي من المسح
واشكرج مرة الخ على ردج الي وتفهمج لفكرتي
تحياتي
-
سلامي الى ابن زيونه وضاع والعبير ولورنس والاماني يمهودين بالعكي ا بيها مسالة انتقاد لا اكثر ولا اقل واخي ضاع وابن زيونه مهما اختلفنا بالراي بس ما راح نشنج زين اذا احنا اشنجنا برددونا وما اتفقنا منو راح يتفق متكلولي اني افرح من واحد ينتقدني باحترام هذا يزيدني فخر حتى اصحح افكاري ومواضيعي بس اخونا لورنس ماكو احد انتقده وابن زيون راي عادي ما بيها اي تجريح....
لورنس خالي مع الاسف عليك اهم شئ ما نريد تشنج وانته ورده وضيوعي وابن زيونه كولكم ورود ان شاء الله ....
-
سلامي الى ابن زيونه وضاع والعبير ولورنس والاماني يمهودين بالعكي ا بيها مسالة انتقاد لا اكثر ولا اقل واخي ضاع وابن زيونه مهما اختلفنا بالراي بس ما راح نشنج زين اذا احنا اشنجنا برددونا وما اتفقنا منو راح يتفق متكلولي اني افرح من واحد ينتقدني باحترام هذا يزيدني فخر حتى اصحح افكاري ومواضيعي بس اخونا لورنس ماكو احد انتقده وابن زيون راي عادي ما بيها اي تجريح....
لورنس خالي مع الاسف عليك اهم شئ ما نريد تشنج وانته ورده وضيوعي وابن زيونه كولكم ورود ان شاء الله ....
مشكور نيرون وانت الوردة عمي وان شاء الله ماكو تشنج والكل حبايب
سلامي الك