ankawa
منتدى الهجرة واللجوء => الهجرة و واللاجئين => الموضوع حرر بواسطة: ام مصطفى54 في 20:44 04/01/2011
-
السلام عليكم جميعا اخواني واولادي الاعزاء .... اني احب تنطوني رأيكم بموضوع ابني .. ابني يشتغل مع القوات الامريكية صار سنتين واحنا اهلة والده ووالدته واخوانة بامريكا من زمان ومقدم ابني على siv وبعد التقديم اجالة رفض ومقدم ايضا على الiom وكالولة ايضا انت مقفل ملفك لعدم مقدرتنا بالاتصال فيك علما هو مكمل مقابلة المحلفين من يوم 16 بالشهر الفائت وكلولة انتضر منا تلفون وردولة وكالو ملفك مقفل لصعوبة الاتصال هو ممزوج ومهدد ويقفل تلفونة لان ممنوع داخل اوقات العمل بس هم عدهم الايميل .. وهسة اني بصراحة محتارة واكول رفض من siv وقفل الملف من iom ... زين هسة ميصير يسوي شي بعد هذه الامور يعني يستأنف على siv لان اني بصراحة ماعندي اي فكرة عن هيج امور ... واشكركم وارجو اني اكون مدوختكم بموضوعي وتقبلو تحياتي
-
اختي ام مصطفى هاي مال مقفل تلفونة اول مرة اسمع بيها ... هو بيا مرحلة واصل من ال اس اي في لان لحد مرحلة المقابلة ما يحتاجون اي اتصال كل الناس الي قدمت و من ظمنهم المتحدث لا خابروني و لا سمعت يوم احد خابرو و حتى الاي او ام ما يقفلون الملف اذا مو بطلب من صاحب الكيس او تطلعلا فد شغلة بالتجييك الامني .
خلي يراسلني على الخاص و نفتهم شنو موضوعا لان مستحييييييييل يرفضون شخص لان ما حصلو بالتلفون .
-
أختي ام مصطفى,
مرحلة الـ SIV مابيهة شي اسمة تلفون, يعني المعاملات كلهة بلأيميل, والتلفون يُستخدم فقط للتبليغ عن وقت المُقابلة, وياها يدزون نسخة للأيميل بوقت وبتاريخ المُقابلة, يعني لو نفرض واحد اصلاً ماعندة تلفون, فمو موشكلة تكمل مُعاملتة ...
ريفولفر
-
ماتكولنا سبب الرفض شنو اكيد دزوله اتاجمنت لو شنو الفلم
زين مطرود هو من الشغل مسوي مكسوره لو شنو فهمنا حته نساعدك
-
مثل ما كال اخوي ايهم غريبه
اني هم منتظر اقابل ولا يوم سمعت ايخابرون الواحد بال اس اي في
اما ال اي او ام فكدامي صارت اتصلوا باهل صديقي وما موجود هو وكلشي ماصار
ليش ينرفض من الاس اي في اول مرة اسمع واحد انرفض من الاس اي في
-
اخوان احتمال اجاه رفض لان متنطبق عليه المعايير مال ال siv او وحدة من المتطلبات مكدر يوفرهة الهم
بالنسبة لل iom سمعت بهيجي حالة قبل كالولة انت غير جدي بالهجرة لانه منكدر نتواصل وياك وحسب مكالي الولد انه همة ينطون جنص 3 مرات بطريقة يكونون متاكدين بيهة وصلة المعلومة يعني تلفون ايميل من ميجاوبهم يتحيلون غير جدي
طبعا اعتقد ال iom هسة مو مثل قبل بالتعامل
الشي الي يكدر يسويه انه يبقة يرسللهم ايميل لل iom يبلغهم بوضعيته وكلما يرسللهم ايميل ورة فترة يكوللهم اني دزيتلكم ايميل باليوم الفلاني تاريخ كذا ومحصلت جواب منكم
وقد يلجا للتلفون ويخابرهم ويكوللهم انه هو دزلهم ايميلات بالتواريخ الفلانية بدون اي رد
-
بالمناسبة رفض الاي او ام ممكن انو يستانف و يبين اسباب عدم الاتصال و يكدر حتة يراسل ال اس اي في و يكوللهم عن ظروفة و همة راح يتاكدون من هذا الشي بطريقتهم و خصوصا اذا بعدة دا يشتغل وياهم .
-
اكو هواي نرفضوا من اس اي في ليش ماكو
ثاني شي اس اي في لو يموت ما يكولوك شنو السبب ما عدهم غير بس هاي بورقه الرفض
derogatory information
بس هاي عده اس اي في و السبب الحقيقي مايكولوه
-
عيوني ام مصطفى كيس اي او ام ينغلو اله اذا هو طلب يغلقه او اذا ما راح للمقابلات
افتهمي منه حته نساعدج اما اس اي في ف شغله السفاره تعبانه رفض يعيني رفض بدون نقاش
و هاي فوكاها بعد يشتغل و ياهم عيش و شوف
-
تحياتي،
هل المقصود عدم مقدرة الاتصال به... ام هو عدم استجابة من المشرف المباشر أو الموارد البشرية؟
هناك تفاصيل مبهمة ؟...
هل الرفض بالهجرة الخاصة بسبب انه لم يحصل على موافقة رئيس البعثة او رفض اثناء أو بعد المقابلة في السفارة؟ فقط السفارة في بغداد لها علاقة بهذه المرحلتين
التعليقات من الزملاء شاملة و وافيه للموضوع
-
اخواني اعتقد الحجي لا يودي ولايجيب بمسالة رفض الاخ من الsiv ليش؟ لانه الاخت ما تعرف اصلا ظروف المعاملة ولا تعرف الكوم ابروفال من الnvc
نجي عالاخت ، انتو من طلعتوا لامريكا شلون طلعتوا اختي العزيزة؟ومن العراق لو رحتوا لدولة ثانية وقدمتوا؟
وابنك شكد عمره؟
-
زين ام مصطفى
اذا انتوا كلكم بامريكا وهو وحده باقي بالعراق ومامتزوج ومهدد
ليش ميطلع للاردن ويقدم مناك هم تخلصون من شغلة التهديد
وقبوله مناك اتصور اسرع واسهل
تحياتي
-
مثل ما قالو ألأعضاء ما كو شي ضروري أكثر من ألأيميل وأذا هو ما عنده وقت أو ما متوفر له ألأنترنت أنتم أفتحو ألأيميل وتابعو ألشغلة بس يبدو هناك أهمال كبير من عنده أو من عندكم . وحتى رقم ألهاتف أعطو تليفونكم بأمريكا أعتقد يكون أفضل بالأتصال
أفتحو موقع ألسفارة في بغداد راح تحصلون شنو ألطربقة ألأقصر بعرض مشكلتكم وأكيد راح تحصلون ألحل بقوة ألله . لأن صديقي أستأنف شغلته بعد أكثر من سنة وهو كان مقدم على ألآي أو أن وبذلك تكون ألأس آي في من باب أولا والله ألموفق
-
يعني ام مصطفى اكرر طلب الاخوان
واحنه منكدر نساعدة اذا مو هو ينطينه معلومات اكثر وما شالله الاخوان اكثرهم صارو خبراء بالبرنامجين
بس نريدة هو يحجينه اشصار مصار وياه حتى نعرف الخلل وين وهو مدام بعد يشتغل وي الجيش لاتخافين واخذيه مني لو عند اي شي موزين لا سامح الله ميبقو دقيقه وحدة .
-
أنا أشوف حتى لو ما يشتغل مو مشكلة ما دام عنده أكثر من سنة
-
ام مصطفى مع احترامي الج ولموضوعج من خلال طرحج لموضوعج الي افتهمته انو تريدين تثيرين الشكوك عند الناس واقلاق راحتهم بالتفكير رجاء اخوي اذا اكو اصلا هيج موضوع وهو صحيح المفروض تكتبين التفاصيل كامله لان من خلال طرحج للموضوع مدا اعرف انتي تطلبين مساعده من المنتدى او تطرحين مشكله ممفهومه ....الرجاء الرجاء التأكد من هيج مواضيع قبل طرحها مع الشرح الكامل لان مثل هيج مواضيع حساسه وتهم القارئ وشكرا ...
-
تحياتي،
صديقي آرمي هل لاحظت أنه مرفوض و لا يزال يعمل .....أنصحك بزيادة جرعة الأسبرين و مضادات التجلط. مثل ما فعلت انا !!.
-
اخواني واولادي .... اني اشكركم جزيل الشكر وماقصرتو ... بس ابني مثل مكتلكم هيجي فهمني ومدا اعرف الشغلة ويا ويمكن قلقتكم بس اني من يمي جدا اسفة واعتذر بس الي ردت افهمة منكم هو يكدر يستانف لو لا اذا اجالة رفض من siv لان هو راسلهم وميكولون سبب الرفض ومنطيهم كل الاوراق اما الiom ايضا يراسلهم ودينتضر ... وشكرا الكم مرة اخرى وماريد ازعجكم بموضوعي وتقبلو تحياتي
-
تحياتي،
صديقي آرمي هل لاحظت أنه مرفوض و لا يزال يعمل .....أنصحك بزيادة جرعة الأسبرين و مضادات التجلط. مثل ما فعلت انا !!.
هو اكو هيج يس شويه سالفه واكفه مال يشتغل و يجيه رفض ;D
عيوني ام مصطفى يعني ابنج صاخ سليم ما مسوي شي بل شغل ;)
siv مابيها استئتاف رفض يعيني رفض خلاص و لو تطلع نخله براسه ما يكولوله ليش ;D
-
بس خلينه نفتهم امي هوة مسوي مقابلة وية جماعة الا SIV و اجاه رفض لو بالبداية من ارسل الاوراق .. لانه هاية شغله مهمه كلنه نريد نعرفهه \
لانه نادرا ما نسمع واحد انرفض من الاس اي في اله بالبداية تكون اوراقة مو كاملة او يكون مو منطبقة عليه شروط الاس اي في
اما مال بعد المقابلة فهذا شي يرفع الضغط
-
ام مصطفى عيني انتي دتسالين على شغلة وانتي ما عندج اي اوليات عن القضية ولا جاوبتي على استفسارات الاعضاء الي ديريدون يساعدوج. شلون تردين جواب شافي للحاله؟
-
انى صارت وياى ارسلوا لى ايميل واول شى قالوا ان طلبك انرفض ليش ما قايلين !!!وراها ارسلوا تانى قالوا هنالك نقص فى الاوراق وعددوها وطلبوا ارسالها وارسلتها !!! بعدين رقض تانى تحت بند رقم هم كاتبيه بعدين ارسلوا لى رسالة موعد مقابلة وبعدها رسالة من عندهم مراجعة ادارية ......وين يلا خلصت وانطونى التاشبرة .يعنى سبب الرفض موجود نقص بالاوراق ..عدم الحضور فى موعد المقابلة ..امنية لكن فى النهاية وبعد شلعان القلب وطلعان الروح يكملوا ليك ويقولون مرحبا بك يا من خدمة ابناؤنا وكنت عونا لهم فى اصعب الاوقات...يعنى المشتغل وياهم يحطموه اولا ثم يعيدوا بناؤه من جديد .الاخ ام مصطفى ما دام هو لازال يداوم فما كو داعى للقلق خلى يستعين بمسئوله الامريكى ويخاطبهم وفى النهاية راح اتصير والله يجمع شملكم
-
اخوان هم تعرفون واحد انرفض بعد اكماله المقابلة مال الهجرة لان اني مقابلتي شهر الجاي بالسفارة الامريكية ابغداد و اني مكمل كلشي يعني حصلت كوم ابروفال و دزيت الاوراق لنبراسكا و الان في سي حددولي موعد مقابلة شهر الجاي بس المشكلة انو اني فشلوني بالسكريينك مال جي ال اس بسنة 2008 فرحت اشتغلت بغير شركة و كملت سنة و قدمت على SIV بس بقت هاي الطمغة مال جي ال اس مكتوبة عليه بالسستم مال السكريننك و المشكلة كاتبين عليه Hiring issue and denied according to GLS records .. بحيث قبل فترة كنت اعمل مع شركة امريكية في موقع عسكري فسويت سكريننك و عبرته بنجاح و لكن بعد مرور ستة اشهر بلغوني انو لازم اعيد السكريننك مالتي و هذا كان اجباري لكل العاملين العراقيين بالمعسكر فحددولي موعد و رحت طبيت على السكريينك و مكيف لان كلت ما عندي شي بعد و المشكلة مال الجي ال اس راحت و صارت من الماضي و لكن خلال كان المحقق ابو السكريننك يقرة بالحاسبة مالتة و جان يسالني هل انت عندك مشكلة وية الجي ال اس؟ فشرحتلة الموضوع و كتلة انو اني كنت كل ما يعينوني بمكان ابطل ورة فترة لان جنت اخاف اطلع دوريات وياهم و الكل يعرفون شلون جانت الوضعية بسنة 2007 و 2008 و انو اني كنت ابحث عن مكان بحيث ما اطلع بيه دوريات و اعتقد انو الاخوة المترجمين يفتهمون الحجي مالتي.. فجاوبته للمحقق جواب مقنع و حسيت بيه اقتنع بحجيي و عبرت المقابلة و اجة السبونسر مالتي و اخذ جنسيتي و رحت للعمل مالتي و بقيت ترة 13 يوم اني طاب طالع على المعسكر و بعدها بلغوني انو اني ممنوع ادخل المعسكر بعد لان جماعة السكريننك رفضوني و انطو اسمي للجنود اللي بالباب حتى يمنعوني ادخل للمعسكر.
اخوان مقابلتي بعد شهر بالسفارة و اكيد راح ياخذون بصمات الاصابع و القزحية و يطابقوها بالسستم مالتهم واني هسة صارلي شهرين من طلعوني من العمل كاعد بالبيت بس جكاير و تفكير و ما اعرف شسوي.. فارجو من الناس اصحاب الخبرة بهالموضوع ان يفيدوني.
-
اختي ام مصطفى احنا نريد نساعدج بس محد يكدر يحكم او يساعدج بقضية ابنج بدون تفاصيل
اختي احتاج تجاوبيني على اسئلتي فوك
ابنك شكد عمره؟
انتو هسه بامريكا شلون طلعتوا عن اي طريق ومن اي بلد قدمتوا؟
حتى بلكي اكو شي اكدر اساعدج بيه
-
أختنا ام مصطفى ساعدينا حتى نساعدج , ترة هيجي بدون تفاصيل ماراح نفتهم شي
-
السلام عليكم جميعا
والله اني دوختكم بموضوعي واني اكرر اعتذاري مرة اخرى ... عيني انتو ابني عمرة 30 سنة ومقدم من بغداد غلى siv وعلى iom هو مقدم على البرنامجين وحسب مكلي كل اوراقة كاملة علة البرنامجين وكل المقابلات مكملهة بس مث مكتلكم اجا رفض من siv على الايميل ومذكرو سبب الرفض اما iom ليحد الان ماكو رفض بس دزو ايميل وكالولة انت ملفك مقفل لصعوبة الاتصال فيك واحد الاخوة كال مستحيل يجي رفض من siv وخاصة اذا مشتغل وياهم وما ادر ري بالضبط شنو تالتفاصيل خابرني وكالي اجل رفض كلما اريد افهم منة يكول مذاكرين السبب واحنا طلعنا من عمان عن طريق ال iom من ثلاث سنوات تقريبا وهاي بعد حجيتلكم يا يمة كلشي وماندي غير هي المعلومات يا اولادي بس والله اني اعرف ضوجتكم بس اني هسة عرفت من ناس كالولي انو ملف ابنج ان شاء الله بعدة بال iom بي امل لانممغلق بس مقفل وان شاء الله خير وشكر الكم
-
شباب على كيفكم وية ام مصطفى هاي شبيكم هسة اني يالة افتهمت الفلم الي صار وية ام مصطفى و ان شاء الحل موجوووود
ام مصطفى عيني ركزي وية الي راح اكتبا الج بالظبط
اختي العزيزة بما انو ابنج قدم على البرنامجين الي صار ويا كالاتي
الاي او ام يمشون معاملات بشكل بسيط و بنفس الوقت الاس اي في يمشون اسرع و الي اعتقدا انو ابنج من اجا الكوم ابروفل و قابل جماعة ال اي او ام سوو هولد اون على معاملتة باعتبار انو هو محصل على الكوم ابروفل فا يوقفون معاملتة .
الي يسوي كالاتي :
يدزلهم رسالة اقصد لجماعة ال اي او ام يكولهم اني قررت اكمل معاملتي وياكم لان ما توفقت بالحصول على الهجرة بواسطة برنامج اس اي في لعدم استيفائي لكافة الشروط لذلك ارجو ان ترفعون الهولد اون عن معاملتي و تمشوها بشكل طبيعي .
و اتمنى يكون تحليلي منطقي بالنسبة للي صار لابنج
-
لان اختي العزيزة مثل ما هو معروف انو الي مقدم على البرنامجين عند حصولة على الكوم ابروفل و هية وحدة من مراحل ال اس اي في , لازم يبلغ جماعة الاي او ام باعتبار انو الكوم ابروفل تحل محلف موافقة المحل , بعد ذلك جماعة الاي او ام راح يلزمون بريك بمعاملة ابنج لحد ما يشوفون وين تصفا كملت خير على خير ما كملت يرجعلهم و يمشي معاملتة .
ها شلوني مو محلل عينكاوي مظبوط ;D :o
-
اخوية ايهم مااتفق وياك
مااعتقد الاخ ( ولو هو فرضي ) محصل الكوم ابروفل لو محصل كان اختلفت الامور اخي العزيز وبالمناسبة ال اي او ام ميقفلون قضية حتى لو ابو ال اس اي في عنده كوم ابروفال صحيح هو لازم بس ميقفلوهة الا طلب من صاحب الكيس بدليل هواية ناس سافروا لامريكا بال اس اي في ووراهة ال اي او ام حددتلهم موعد سفر
ام مصطفى عيني هسة كالاتي :
اسالي ابنج كوليلة ال اس اي في جاوبوه شنو كالولة انت مرفوض ؟ لو غير موهل لان اكو فرق اذا مرفوض معناته بدوة بمعاملته وشافوا عليه شي وكفهم اما اذا كالولة غير موهل او غير مستوفي الشروط معناته عنده نقص قد يكون بالمستمسكات لان انتي تكولين مكمل كل المقابلات وال اس اي في بيه مقابلة وحدة فاذا هو واصل هيجي مرحلة معناته ال اي او ام مالته هم خلصانة
يرسل ايميل لل اي او ام باستمرار فد مرتين بالاسبوع يكوللهم اني دانتظر منكم جواب ومحد ردلي خبر من طرفكم ويتصل ورة فترة بالتليفون ويكوللهم اني دزين ايميل بالوقت الفلاني ومحد جاوبني علما ان مسديت قضيتي واريد اعرف وين وصلت قضيتي لان انتوا تكولون القضية انقفلت لصعوبة الاتصال واني الايميل متواجد ومستلمت منكم شي ( هاي اذا هو ممستلم )
بعد كل هذا ام مصطفى اكو اكثر من حلقة مفقودة ميفيدنه بيه الا ابو الموضوع نفسه فكولي لابنج يدخل على الموقع بنفسه في يوم واحنا والاخوة موجودين ان شاء الله حتى نكدر نساعده ويكون التواصل مباشر ونفهم منه ويفهمنا لان هو عنده حيثيات وتفاصيل قد متعرفينهة وهذا الي يسبب ارباك بالموضوع
-
شكرا الكم جميعا وماقصرتو واني اتواصل وية ابني وراح افهمة بهاي الامور وان شاء الله افتهم منة اكثر لان تعرفون اني مرة كبيرة وكاعدة بامريكا ما اعرف بهاي التفاصيل اعرف انو ابني مقدم وبس لكن التفاصيل هاي ما اعرف بيهة بس اني هسة اخلي يفتهم الموضوع بالضبط وشكر شكرا شكرا الكم يا اولادي ويارب الله يسهل امركم وتوصلون الى المكان الي تريدو ويفتحهة بوجهكم ان شاء الله .... تحياتي للجميع بدون استثناء
-
من تحصلين الاخبار من عنده اكتبيهه من جديد بالموقع امي علمود نفتهم بلكي نساعد بشي و خاصة شغلة الاس اي في
اسأليه انه هوة كمل و قابل و بعدهه اجاه رفض لو قبل ميقابل و انشالله بالتوفيق
-
خلي يتصل بالآي او ام ويبدل رقم تلفونه برقم تلفونج, صديقي هيج مسوي.