ankawa
منتدى الهجرة واللجوء => الهجرة و واللاجئين => الموضوع حرر بواسطة: السندبادي في 21:51 05/01/2011
-
السلام عليكم اشلونكم اخوانة الي بالمنتدى اليوم جاي انقل الكم عن اخر الاخبار الي سمعتهة والي حاليا تداول بيناتنة احنة اللاجئين يكولون على اساس انو اللجوء راح يقللو اشوية ويركزون على بغداد اشوية وباقي المحافظات راح يقللون القبول منهم جدا وعلى اساس انو امريكا راح تلغي اللجوء للعراقيين وتركز على الايرانيين والافغان وحاليا اليوان دتنطي مواعيد بعيدة فاي شخص يريد يجي على تركيا خلي يستعجل اشوية وما على الرسول الا البلاغ المبين واني اسف اذا كانت هاي الدعاية غير صحيحة
اخوكم السندبادي
تـــركـــيـــا
-
اخوية العزيز بس حبيت اوضح شي انه اليوم رحت ويه الاهل الى انقرة حتى يتم تسجيلهم واخذ موعد وبالفعل اسجلنا واخذنا موعد ونطونا موعد للمقابلة بعد يومين يعني على عكس كلامك مسرعيه بشكل اكثر من قبل واسف للمداخلة
-
شكرا اخوية اني كلت الي سمعتة وهذا شي مو اكيد واني اصلا كنت رايد الفائدة لاخوانة بس تعرف دعايات
.............. واني اسف واطلب من اخوانة المشرفين حذف هذا الموضوع
اخوكم السندبادي
تـــــركـــيــا
-
شكرا على ردك وبارك الله بيك هذا من اخلاقك وذوقك
-
فعلا بوق دعايات .. لا ويكول اللي يجي على تركيا خلى يستعجل
اولا مو بس تركيا اللي بيها يو ان
ثاني شي اذا واحد عنده ضرف شخصي ومايكدر يجي هسه شلون ينتحر مثلا لو شيسوي
رجاءا انقلوا معلومات بيها امل شويه انقلوا اخبار مريحة
مو انت تنعل ابو السالفة وبعدين تكول (( اسف اذا كانت المعلومة غير صحيحة ))
لعد اذا تشك بيها غير صحيحة شكو صرت اخو خيتك ونقلتها لو بس تريد تسوي بلبلة بالوضع
اخوكم ليث
-
مع الاسف وكل الاسف عليكم انتم مصدكون سالفة وتجلبون بيهة وحتة ردودكم غير مقبولة اني كل قصدي انبه وبس وشنوومصلحتي من الدعاية وشنو البلبلة الي اسويهة رجاء خلو عندكم ذوق في ردودكم لان اني هذا الحجي الي سمعتة وجاي انقلة مثل ماسمعتة وبامانة وتكولون عدوكم وجاي تحجون وياه . ورجاء اني مااحب اسمع احد كلام مو لايق وخلي واحد يرد رد باخلاق مو تجريح الاخرين لحد الان ماحب اجرح احد لان هذا مو من اخلاقي ومع الاسف احنة االعراقيين نحب النكرة وتجريح الاخرين بالذات مع اخوه .فياخون خلي نكون اخوة في هذا المنتدى فقط حتة نحس بلمة العائلة مو نجرح بعضنة ونسمع كلام مامقبول مثل الدجل والبوق هاي مامقبولة وغير لائقة لان راح تولد الحقد والكراهية بيناتنة صحيح ماكو تفاهم برة بس اشوية خلي نتفاهم اهنا .
اخوكم السندباد
تــــركــــيـــا