ankawa

منتدى الهجرة واللجوء => الهجرة و واللاجئين => الموضوع حرر بواسطة: مستر ركس في 23:08 07/01/2011

العنوان: ممكن المساعدة ؟
أرسل بواسطة: مستر ركس في 23:08 07/01/2011
السلام عليكم اخواني


انا اهنا ( بسـوريـا ) ويا اهلي مقدمين عن طريق اليو ان
صارلنة تقريبا شهر ونص

بس اني والدي مترجم ويا القوات الامريكية  ومكدر يقدم عن طريق الــ S.I.V لأن هو بطل من الشغل وجنة مهددين

اللي صارلي باول مقابلة ( شي مختلف اعتقد حسب الي سمعته ) البنية الي اخذت المعلومات و ورقة الحماية كلشي مسئلتنه عن القصة واني سمعت انو هي المفروض تسئل هواية

كلشي مسوت بس اخذت الباجات و ورقة التهديد من عدنة وانطتنه ورقة الحماية وكالتلنا خالصين !

وكلتلنة سؤال واحد بس هو انتوا تردون شنو ؟ كلنالها توطين

هل هالشي بصالحنا ضدنا ؟؟؟ ... يعني انو والدي ويا الامريكان جان يشتغل وكلشي؟؟؟
ياريت المساعده اخواني اكون كلش ممنون

لأن الكل عايش الوضع بالغربة وممستقر حالته النفسية والمادية
اكون مشكر الكم شباب ياريت تساعدوني

اخوكم ركس :)
[/color][/size]
العنوان: رد: ممكن المساعدة ؟
أرسل بواسطة: alialrobe3e في 23:32 07/01/2011
اهلا بك اخي العزيز مستر ركس
اخي اذا كان سؤالك حول انكم ترغبون بالتوطين وخائف من هذا الكلام ؟؟
انا اقول لك اخي كل الذين قدموا على الاي او ام او اليوان يريدون  التوطين لا غير وانا واحد من الذين شملني التوطين
فلا تخاف وهذا حقك انت مهدد او خائف وتريد ان تعيش بأمان كباقي الناس
واما حول عدم تقديم لكم اسئله كثيرة من قبل الموظفه , لا تستعجل اخي الكريم فالطريق طويل وامامكم اسئله ممله .
اتمنى لك ولعائلتك التوفيق والنجاح وتخطي جميع الموانع والحواجز وانشاء الله تعبرون الى بر الآمان
اخوك علي الربيعي
العنوان: رد: ممكن المساعدة ؟
أرسل بواسطة: echo 9 في 02:41 08/01/2011
لسلام عليكم
اولا اخي العزيز ارحب بحضرتك بين اهلك واخوانك بالمنتدى
ثانيا تحية خاصة جدا من القلب الى الاخ علي الربيعي - بارك الله بيه
اخي العزيزفيما يخص والدك الله يحفظه حضرتك تكول مشتغل ويا الامريكان فله الخق بالتقديم على برنامجين ال SIV اذا مكمل 12 شهر عمل مع الامريكان ويكون لديه الباج وريكونديشن من الشخص الامريكي المسؤول المباشر عليه وايضا كتبا او رسالة من الشركة  اللي كان يعمل لديها مترجم مع القوات الامريكية مثل تايتن او L3 او الجي ال اس والرسالة هاي يسموها HR letter في حال وجود هاي الوثائق مع والدك يكدر يقدم على ال siv هو وعائلته فقط اولاده اللي اقل من 21 سنة وغير متزوجين .
اما البنامج الثاني وهو التقديم المباشر على برنامج ال IOM فلا يحتاج به الى ال HR letter وانما يكفي وجود ريكومنديشن من الضابط المسؤول عنه وبها عنوانه الرسمي ورقم تلفونه وصورة من الباج مال الشركة والمشمولين معه على ال IOM العائلة جميعها بما فيها الابناء المتزوجون وزوجاتهم وابناؤهم اللي اقل من 21 سنة والبنات المتزوجات وازواجهن وابنائهن اقل من 21 سنة والوالدين ان كانوا احياء والاخوة وزوجاتهم وابناؤهم الاقل من 21 سنة والاخوات وازواجهن وابنائهن الاقل من 21 سنة
والتقديم عن طريق عمل والدكم افضل من التقديم عن طريق ال يو ان من حيث الوقت والافراد المرافقون له
هاي في حالة انه والدك عنده الوثائق اعلاه اللي تثبت عمله مع القوات الامريكية كمترجم
لذلك انصح بان يقوم والدك وبالطرق المتاحة له الحصول على هاي الاوراق والتقديم على البرنامجين اعلاه معا .
اما اذا والدك وجد صعوبة او استجالة حصوله على اقل تقديلا على باج العمل والريكومنديشن فليس لكم الا طريقين
1- توكيل محام خاص بالهجرة ويكون لديه القدرة على اثبات عمل والدك مع الجيش الامريكي كمترجم
2- التقديم على اليو ان واتحمل الانتظار مع شرح لطبيعة عمل الوالد مع الجيش ويفضل ان يكون مدعوما بصور تثبت ذلك والله ولي التوفيق
بانتظار مزيد من الردود من الاخوة والاخوات
العنوان: رد: ممكن المساعدة ؟
أرسل بواسطة: ابو سالين في 16:20 08/01/2011
اخي العزيز لا تخاف اني اول ما قدمت عليو ان بسوريه اتذكر بس اخذو اوراقنه ونسخ من الجوازات وانطونه ورقه حمايه وما سالوني اي شي..وراهه طلعلي لجوء امريكا طبعا وراهه بقرن
العنوان: رد: ممكن المساعدة ؟
أرسل بواسطة: مستر ركس في 17:14 09/01/2011
@ Ali Al Robaey : حبيبي مفتهمتني هو احنا اكيد نريد توطين وليش خايف هههههه
بس دا اكلك انو اني سامع المقابلة الاولى دائما تكون يكولون صعبه ويسئلوك مليون سؤال هذا الي مستغربله اني

@ ابن سالين : الله يبشرك بخير ( بالنسبة للقرن ) هههههههههه

@ ايكو : حبيبي وبيك اكثر

سؤال لاخ ولو سويت عليك زحمة بس اني اخوكم الصغير وامون عليكم :D


اذا عدنا كفيل باميركا يكون احسن النة؟؟ وصدك اني سمعت انو تحط محامي باميركا يمشيلك شغلتك اسرع اكو هيج شي؟؟؟

ياريت اخواني تردون عليه اريد افتهم شنو سالفة اليو ان :)

تسلمولي شباب
العنوان: رد: ممكن المساعدة ؟
أرسل بواسطة: ريم عبد في 17:58 09/01/2011
اخي مستر ريكس
مثل مشرحلك عمنا ايكو 9 اذا عندك اوراق وباجات الوالد ليش مقدمت مباشرة على ال اي او ام واختصرت الطريق
لان اليو ان حبالهم طويله وخصوصا بسوريا راح يبزعوكم

اما عن الكفيل هوه فقط لتحديد ولايتكم المستقبليه لايقدم ولا ياخر بالمعامله

اما انه اكو محامي يشمي شغلاتكم بسرعه
 ببرنامج اليو ان او ال اي او ام متحتاج محامي بامريكا
المحامي لتمشيه معاملات لم الشمل من امريكا