منتدى الهجرة واللجوء => الهجرة و واللاجئين => الموضوع حرر بواسطة: amy44 في 16:08 11/01/2011
العنوان: مشكله بل الجواز ...اريد اقتراحاتكم
أرسل بواسطة: amy44 في 16:08 11/01/2011
ابني شخبط بقلم الالوان الماجك بل الجواز مالته بل الصفحه الاولى والصفحه الي يم الصوره بلون جوزي وما اعرف شنو اسوي ؟؟؟؟ اخاف اروح للجوازت ويعتبر تالف ويطول حتى يطلعولي جديد واخاف ابقي وبل المقابل يكلولي طلعي جديد شنو اسوي ؟؟
العنوان: رد: مشكله بل الجواز ...اريد اقتراحاتكم
أرسل بواسطة: ــــ{{{ABADY}}}ـــــ في 16:11 11/01/2011
طلعى جديد وبالفلوس مافى لا يطول ولا شى
تقبلى مرورى
العنوان: رد: مشكله بل الجواز ...اريد اقتراحاتكم
أرسل بواسطة: Kin في 17:40 11/01/2011
و الله ما اعرف شكول هسة ما لكه اله الجواز يشخبط عليه... اعتقد لازم يتبدل لان اذا تريدون تقدمون على لجوء لامريكا فلازم تعرفون انو الامريكان كلش نحسين بشغلة الجواز و يجوز يعتبروه مزور.
العنوان: رد: مشكله بل الجواز ...اريد اقتراحاتكم
أرسل بواسطة: بغداد بقلبي في 17:44 11/01/2011
يعني السؤال غريب جدا خاف اتروحين للجوازات وايكلولج تالف ولازم واحد جديد وخاف اتقدمين على واحد ويتاخر شنو هاي ليش امحيرة نفسك روحي للجوازات وامرك لله ما راح يتاخر ان شاء الله وهاي الوثائق المفروض يتم الاحتفاظ بها بمكان امين وبعيد عن متناول الاطفال والناس الغرباء
العنوان: رد: مشكله بل الجواز ...اريد اقتراحاتكم
أرسل بواسطة: echo 9 في 17:50 11/01/2011
مع الاخوان كلهم ونفس الراي اخذي الجواز للجوازات خللي يشوفوه وبلكي الحل عدهم او تطلعين بدل تالف
العنوان: رد: مشكله بل الجواز ...اريد اقتراحاتكم
أرسل بواسطة: رورو1978 في 18:05 11/01/2011
اويد راى الاخوان والله يعينج
العنوان: رد: مشكله بل الجواز ...اريد اقتراحاتكم
أرسل بواسطة: yasir fakhri في 20:48 11/01/2011
الأخ AMY44 السلام عليكم .. أولا هذا يعتمد على قدر تلف الجواز ام من عدمه لكن الحل الوحيد لهذي المشكلة انه تراجع الجوازات باسرع وقت ويفضل تاخذ جميع المستحبات الأربعة ومع الصور وياك وهناك ضابط الجوازات هو اللي راح يقيم صلاحية من عدم صلاحية الجواز وخلي في بالك انه فترة التبديل متطول اكثر من 10 ايام واحتمال اقل( وهذا يعتمد على المنطقة اللي انت تابع اليها اداريا ).. وبالتوفيق وانشاء الله تسهل امورك اخوك ياسر الحلي
العنوان: رد: مشكله بل الجواز ...اريد اقتراحاتكم
أرسل بواسطة: amy44 في 21:01 11/01/2011
ياربي يحفظكم ان شاء واني اشكركم وان شاء الله اروح باجر الصبح والله كريم بس اني جنت خايفه لا يعتبروا اهمال وهنوب يحكموم علي سنه يله يطلع ؛ صديقتي كالت هذا الحجي اليه بس الله كريم
العنوان: رد: مشكله بل الجواز ...اريد اقتراحاتكم
أرسل بواسطة: Aiham_ في 21:05 11/01/2011
اختنا ترا هسة الجوازات ب بغداد كلش سريعة يعني ب 5 ايام تستلمين جواز و حتى خارج بغداد
العنوان: رد: مشكله بل الجواز ...اريد اقتراحاتكم
أرسل بواسطة: yasir fakhri في 21:18 11/01/2011
ماكو مشكلة تكدرون قبل متدخلون على الجوازات تسالون وتستفسرون من الناس اللي خارج بناية الجوازات وهم اللي يسموهم (العرضحالجية) بس شوفوا واحد شوية كبير بالعمر يعني صاحب خبرة بهاي الشغلة وسألوه قبل متدخلون على الجوازات اذا كنتوا خايفين وابوك الله يرحمة.
العنوان: رد: مشكله بل الجواز ...اريد اقتراحاتكم
أرسل بواسطة: عراقي هواي في 14:21 12/01/2011
يالله
عمي بنيتي العزيزة الله يخليلج الزغير بس هذا حيل وكح
عمي تاخذين كل مستمسكاتكم طبعا مالتك ومالته الزغير ومال والده وصور
للجوازات يعتبروا تالف شلون اليه غلط بالاسم او اي غلط اخي اذا مو بنفس اليوم تستلميه ثاني يوم
ليش لان هو عندة جواز فلذلك عندة قاعده بيانات
صارت وياي جوازي وجواز زوجتي خطأء كان بحرف وتاريخ الميلاد ثاني يوم استلمته
بالتوفيق انشالله
العنوان: رد: مشكله بل الجواز ...اريد اقتراحاتكم
أرسل بواسطة: amy44 في 15:42 12/01/2011
اخويه العزيره اليوم رحت للجوازات وكالي الضابط تروحين للمحكمه والقاضي هو الي يقرر واني اخاف اروح وبعدين يحكمه منع وحايره شنو اسوي والله الي صار مو اهمال مني بس اني كلش حريصه بس بعد تريد تصير
العنوان: رد: مشكله بل الجواز ...اريد اقتراحاتكم
أرسل بواسطة: عراقي هواي في 16:07 12/01/2011
معقوله للمحكمه بس هو مو ضايع حتى محكمه
شوكت مقابلتكم خلي اسأل بلكي الله يسهله !!!
العنوان: رد: مشكله بل الجواز ...اريد اقتراحاتكم
أرسل بواسطة: amy44 في 16:29 12/01/2011
اخي العزير الضابط الي بجوازات كلي هيج واني هسه بمرحله nvc يعني وراها يحددولي موعد مقابله
العنوان: رد: مشكله بل الجواز ...اريد اقتراحاتكم
أرسل بواسطة: عراقي هواي في 17:42 12/01/2011
هسه دخلت على موقع الحنسيه والسفر
وصحيح لازم محكمه
انا ادري بس الضايع بسبب الاهمال يحكمه القاضي منع سنه يعني هاي هاي اقصى عقوبه بس التالف اعتقد غرامه وانشالله غرامه واكيد القاضي ياخذ بالحسبان انه طفل
والله كريم يس انت لو سأله هناك شنو الحكم ؟؟
العنوان: رد: مشكله بل الجواز ...اريد اقتراحاتكم
أرسل بواسطة: amy44 في 22:45 12/01/2011
هوايه اشكرك وان شاء الله غرامه والله كريم
العنوان: رد: مشكله بل الجواز ...اريد اقتراحاتكم
أرسل بواسطة: الغريب في الوطن في 22:59 12/01/2011
امامج حلين: اولا_ تروحين بشكل رسمي للجوازات ورح يسوون واحد جديد بدل تالف واقل شي رح تستلميه ورة شهر ثانيا_ تروحين للجوازات وتنطين فلوس رشوة( اكراميه) وتطلعين جواز بيومين مقابل $300 لكن اني عندي سؤال..يرحم والديج هو الجواز يصير يخلوه بيد الاطفال؟؟يمعودة اني كنت دافنه للجواز مالتي قبل ما اجي لامريكا
العنوان: رد: مشكله بل الجواز ...اريد اقتراحاتكم
أرسل بواسطة: amy44 في 00:26 13/01/2011
والله هذا الشي صار غصبن عني مو همال والله الي يعلم شنو الظرف الي جنت بي وغفلت عن ابني لمده 5 دقايق ,ابويه اتخربط وجنت حايره بي وشلون اخذا للمستشفى وبهاي الخبصه ابني انتهزه فرصه .
العنوان: رد: مشكله بل الجواز ...اريد اقتراحاتكم
أرسل بواسطة: ساحر بغداد في 02:11 13/01/2011
عيني عادي اذا شخبط على الجواز مايأثر بالتحديد على جهة الصورة لأن يوجد نايلون عازل عن الورق وهذا النايلون موجود بكل فئات الجوازات S .....G ....A يعني تكدرين تبللين فد وصلة او قطنة افضل وتمسحين الماجك او تضعين شوية مادة سبيرتو على قطنة وتمسحين برفق وراح يروح الماجك.... واذا كان جوازك تحديدآ فئة A فشغلتة سهلة لأن بي قاعدة بيانات ويقرأ الكترونيآ يعني يكدرون الأمريكان يقرئون معلوماته من خلال شريط المعلومات الموجود اسفل الصورة. بس مثل ماكلت امسحي مكان الماجك يالسبرتو وخطيتج بركبتي لأن اكو نايلون عازل على ورقة الصورة وتحديدآ جهة الصورة. بس ملاحظة لاتستخدمين نفط او بانزين لأن هذه المواد تذيب النايلون
واخرررررر الحلول هو استخدمي مادة الأسيتون هذه المادة التي تستخدم عادتآ في مسح صبغ الأضافر.
والله يسهل عليكم وبعد لا تخلين هذه الوثائق المهمة في متناول ايدي الأطفال.
العنوان: رد: مشكله بل الجواز ...اريد اقتراحاتكم
أرسل بواسطة: niron في 02:21 13/01/2011
اختي العزيزة السلام عليكم الله لا يحير عبده اذا تريدين وبالسرعه الي تريديها راسليني على الخاص حتى افتهم منك انتي بيا دائره وبسيطة ولا تشيلين هم ان شاء الله
العنوان: رد: مشكله بل الجواز ...اريد اقتراحاتكم
أرسل بواسطة: amy44 في 14:19 13/01/2011
اخي العزيز ساحر بغداد هو مشخبط على الصفحه الي بصف الصورة مو صفحه الصوره
العنوان: رد: مشكله بل الجواز ...اريد اقتراحاتكم
أرسل بواسطة: عبد العولمه في 15:11 13/01/2011
تحياتي،، اصدار جواز بدل تالف: مطالعة بها وصف الحادثة واهمية الجواز لك لمرافقة والدك للعلاج ترفع للسيد للقاضي ويقرر على اثرها شمولك بالأيقاف سنة ام لا ...وبعد كلمتين منك للمعاون القضائي و القاضي مع ظهورك بوجه بائس والذهاب بملابس دون العادية و لا بأس بالحجاب وبعض البكاء و الدعاء على أشخاص مجهولين ...ثم يتبعها شرح حول حاجتك للجواز للسفر مع والدك المريض للخارج لغرض العلاج ..بعدها قد تسمعين كلمتين عن الاهمال من قبل القاضي تجاوزيها..وبعدها يصدر لك حكم بالتبديل المباشر...يرسل بالبريد الرسمي عن طريق المعتمد الى المديرية العامة للسفر والجنسية/ الجوازات ..وبعد وصوله يصدر لك جواز نوع A ،، ويتلف جوازك القديم ...أي تحتاجين ارسال النسخة الجديدة بالمعاملة وقومي باخذ نسخة من قرار القاضي وترجميه خوفا من يحدث التبديل مشكلة بالمقابلة.. هذه الطريقة افضل من دفع رشوة أو المغامرة بالذهاب واحتمال الحصول على حكم تاخير سنة.. التشديدات سببها منع اصدار الجوازات بدون اوليات او باوليات مزورة..و لتخفيف الزخم ومحاولات البعض الحصول دوما على اخر نسخة من الجواز الصادر...وذلك عن طريق الاتلاف العمدي للجواز..
العنوان: رد: مشكله بل الجواز ...اريد اقتراحاتكم
أرسل بواسطة: amy44 في 15:26 13/01/2011
اخي العزيره هسه اني دا ادور على احد يطلعلي جواز جديد بفلوس مو احسن ما اروح للقاضي لو بيه اشكال ؟؟؟
العنوان: رد: مشكله بل الجواز ...اريد اقتراحاتكم
أرسل بواسطة: عبد العولمه في 20:52 13/01/2011
اخي العزيره هسه اني دا ادور على احد يطلعلي جواز جديد بفلوس مو احسن ما اروح للقاضي لو بيه اشكال ؟؟؟
معنى هذا من وجهة نظر قانونية اننا أصحاب الردود اصبحنا شهود على أتفاق جرمي..وهذا يعاقب عليه القانون...لكن اعتبر نفسي لم أقرأ لكن صديقي قرأ التعقيب وينصح به..!....!!