ankawa
منتدى الهجرة واللجوء => الهجرة و واللاجئين => الموضوع حرر بواسطة: عمورى 1 في 16:40 13/01/2011
-
مساء الخير على الشباب الحلوين شتعرفون على نيوزلندا لان اليوم اقربائى خابروهم اليو ان وكالولهم تعالوا يوم الاحد اتوقعون الاوراق مال توطين على نيوزلندا هاى الدولة وين صايرة صدك هى يم استراليا لو انى غلطان وشيحجون انكليزى لو لا واكيد هاى الدولة اتخبل من الجمال وبنفس الوقت باردة صحيح لو لا بس اريد استفسر منكم مع تمنياتى لكم بالصحة والعافية
اخوكم عمورى من عمان
-
عمي نيوزلندا؟
بوية هاي يم استراليا
وهي دولة مانحة للجوء والتوطين
والناس مرتاحة بيها والحمد لله
ويحجون انكليزي
هنا تارسين ماليويا يجون سياحة ومترفشين ما شاء الله
ابو الحسن - ماليزيا يم نيوزلندا
-
نيوزيلندا (بالإنكليزية: New Zealand) هي دولة جزيرة في جنوب غرب المحيط الهادئ وتتألّف من جزيرتين، (الجزيرة الشمالية والجزيرة الجنوبية) وعدد من الجزر الصغيرة، أبرزها جزيرة ستيوارت/راكيورا وجزر تشاتام. الاسم الأصلي لنيوزيلندا بلغة الماوري هو أوتياروا والتي تعني أرض السحابة البيضاء الطويلة. تضم نيوزيلندا أيضاً جزر كوك ونييوي (ذاتية الحكم ولكن بارتباط حر) وتوكلو وتابعية روس (مطالب نيوزيلندا الإقليمية في القارة القطبية الجنوبية).
تبرز نيوزيلندا بعزلتها الجغرافية حيث تقع حوالي 2000 كيلومتر (1200 ميل) إلى الجنوب الشرقي من أستراليا عبر البحر التاسماني، وجيرانها الأقرب هم إلى الشمال كاليدونيا الجديدة وفيجي وتونغا. خلال عزلتها الطويلة تطورت في نيوزيلندا حيوانات مميزة تهيمن عليها الطيور، والتي انقرض العديد منها بعد وصول البشر والثدييات التي أدخلوها.
غالبية سكان نيوزيلندا من أصل أوروبي، بينما الماوري الأصليون هم أكبر أقلية. يشكل الآسيويون وغير الماوري البولينيزيون أيضاً مجموعات أقلية كبيرة ولا سيما في المناطق الحضرية. اللغة الأكثر شيوعاً هي الإنكليزية.
تعد نيوزيلندا من البلدان المتقدمة حيث تصنف عالياً في التصنيفات الدولية في العديد من المواضيع بما في ذلك التعليم والحرية الاقتصادية وانعدام الفساد. كما تصنف مدنها أيضاً باستمرار بين الأكثر ملاءمة للعيش في العالم.
إليزابيث الثانية هي ملكة نيوزيلندا وقائدة الدولة ويمثلها الحاكم العام. بينما يمارس السلطة السياسية التنفيذية مجلس الوزراء النيوزيلندي.
(http://www.iraqup.com/up/20110113/M67jm-EU4m_284593647.imgcache) (http://www.iraqup.com/)
(http://www.iraqup.com/up/20110113/ysB51-t2VR_638428705.imgcache) (http://www.iraqup.com/)
وهذا الرابط للمزيد من المعلومات
http://ar.wikipedia.org/wiki/%D9%86%D9%8A%D9%88%D8%B2%D9%8A%D9%84%D9%86%D8%AF%D8%A7
-
اخوية العزيز
الف مبروك لاقربائك احسن مكان نيوزلنده وصعب جدا تقبل التوطين وخلي يحمدون الله ويشكروه لان دولة راقية جدا من كل النواحي وتحب المهندسين جدا صديقي مهندس وهناك عايش هية يم استراليا ويحجون انكليزي وطبيعتها جميلة جدا ومو كلش باردة بالعكس الخضرة دائمة تقريبا يعني راح ينتعشون ان شاء الله بجمال طبيعتها وبيها شغل وحتى مستوى الدراسة بيها كلش زين... الف مبروك
بس عندي سؤال ممكن اعرف اقربائك من اي دولة طلعلهم توطين على نيوزلنده؟؟
-
عمي نيوزلندا همه و بريطانيا ولد عم ;D
ماكو فرق بيناتهم ايده بل دهن الي يروح هناك ;D ;D صح بارده بس تسوه
-
اخي عموري 1ممكن توضح اكثر بالنسبة لاقاربك هذا اول توطين لهم لو سبقا متوطنين لدولة ومرفوضين لانه نحن المرفوضين من اميركا محتاجين خبر مثال هذا لنتفائل قليلا وهل اقاربك في عمان وكم مضى على قبولهم في التوطين بالمفوضية اسفة على الاطالة
مع الشكر
-
عاشت ايديكم واللة ما قصرتوا اشكركم جزيل الشكر شباب اما بالنسبة الى اسالتكم طبعا اقربائى عائلة اجوى شهر 1\2010 وراسا قدموا على اليو ان عمان ورة 9 اشهر اخذوا الكارت الازرق مال لجؤ واليوم خابروهم كلولهم طلعلكم توطين الى نيوزلندا وتعالوا يوم الاحد حتى اتوقعون الاوراق همة كالوا اى دولة يطلعنا توطين انروح وصارلهم سنة ينتظرون واللة فرجها عليهم بس تسوة واحد ايروحلها وان شاء اللة يارب الكل يتوطن بدون استثناء دعواتى لكم بالموفقية والنجاح
اخوكم عمورى من عمان الحنينة
-
عموري الورده شلونك..ماشاء الله الاخوان ماقصروا ..اني بيت خالتي بنيوزيلندا من منتصف التسعينات واحنا قبل ٣ سنين قدمنا عليها من خلال unلان سئلونا من عدكم في الخارج الوالده قالت اختي قالوا اوكي لعد راح انوطنكم على نيوزيلندا وقابلنا الوفد النيوزيلندي وانتظرنا سنه وبعدين ردوا علينا بالرفض ..مثل مقال بعض الاخوان جدا صعبه.. من ناحية الدراسه فهيه جيده جدا.. وهي تابعه لدول الكومن ويلث تحت التاج البريطاني اما الوضع الاقتصادي جدا تعبان من بعد الازمه الاقتصاديه عكس استراليا تماما فلذالك هم يشكون من هجرة داخليه الى استراليا مايقارب ١٠٠نيوزيلندي كل يوم يهاجر الى الخارج بسبب فرص العمل القليله والدولار النيوزيلندي ضعيف امام الامريكي والاسترالي ..وهي عبارة عن جزيرتين شماليه وجنوبيه ويحيطهم المحيط الباسيفيكي ..الجزيرة الجنوبيه بارده والشماليه معتدله فلذالك العراقين والعرب يتمركزون في الجزيرة الشماليه بالذات اوكلاند واستراليا تبعد ساعتين عن نيوزيلندا اذا سافرت من اوكلاند ..اقربائك يقدرون يحصلون الاقامه خلال سنتين ويقدرون يسافرون فقط للدول الي تمنح فيزا للجواز العراقي وعلى ان لا يتاخرون بسفرهم خارج نيوزيلنده اكثر من شهرين لان تسقط الاقامه ويستطيعون ياخذون الجواز بعد٥سنوات , نيوزيلندا بلد نظيف وجميل من ناحية الطبيعه وهم يشتهرون بالاغنام والابقار من لحوم ومشتقات الالبان وهم جدا انسانيين صح مو متدينين بس انسانيين..النظام الصحي مدعوم من الدوله وبالنسبه للضمان الاجتماعي مو مثل الامريكي مدة ويتوقف بالعكس مفتوح والمساعدات اظل مستمرة الى ان تلقى عمل اما كبار السن يخصصولهم تقاعد اما الاعمار المناسبه للدراسه يستطيعون ياخذون قرض دراسي ويدرسون اتمنى ان اكون فدتك بهاي المعلومات عموري الورده واي معلومات تحتاج بعد انى حاضر ..و كل الموفقيه لاقربائك
-
عمورى اتمنالك الخير انت واقربائك
-
هنيالهم ويستاهلون ونتمنالهم الموفقية اني من شفت الصور افتر الديلكو يمي ودكيت ابريك بس همزين ما انكلبت هههههههههههه هههههههههههههههه عمي امبراطور بالصين ولا هالعيشة هههههههههه هههههههههههه
-
حبيبى حمودى اشكرك على المعلومات وعلى مرورك الكريم ابو علاوى الوردة شلونك حبيبى ان شاء اللة مرتاح وزين شباب وفيتوا وكفيتوا وشكرا على هل الطلة الحلوى ;D ;D ربى اللة همة ما يحرمنا منكم بس حمودى عندى سؤال ليش انرفضتوا كلولكم السبب لو لا مع تحياتى لكل اعضاء المنتدى
اخوكم عمورى من عمان
-
بس شي واحد نسيتو ومذكرتو هو انه شك طبقة الاوزون بنيوزيلند يعني كلش خطرة عالصحه وتسبب سرطان الجلد ويكولون الناس لازم دائما يدهنون بشرتهم الطالعه بكريمات خاصه
والله هذا اللي سامعته
-
عاشت ايديج على هاى المعلومة
-
مبروك لاقاربك ونيوزلنده زينه وبس يستقرون ان شاءالله يكدرون يروحون لاستراليا الي هيه احسن دوله من دول اللجوء
-
اشكرك ابو سالين الوردة