ankawa
منتدى الهجرة واللجوء => الهجرة و واللاجئين => الموضوع حرر بواسطة: الاخطبوط في 12:44 14/01/2011
-
السلام عليكم,
اخواني الاعزاء ارجو ان تفيدوني بجواب شافي :
اني مقيم بمصر ومقدم بال un
اتصلو عليه من السفارة الكندية البارحه وحددولي موعد مقابله الاسبوع القادم
بالنسبة الي ماعدي اي معلومات او خبرة عن هاي المقابلة وشلون حتكون وشنو الشياء الي ممكن يسألوني بيه
مع العلم اني مقدم مع عائلتي وعندي ولد بالجامعه وبالمدارس ومن اتصلو عليه طلبو مقابلتي اني وزوجتي فقط !!
ارجو الافادة من حضراتكم والي عدهم معلومات عن السفر الي كندا...
واكون شاكر الكم
-
اخى مبروك عليك المقابله وان شاء الله تتم على خير
عندك مواضيع الاخ الفريدو فيها كل شى ,,,,مراجع جيده للذى تحتاجه
الله يوفقك اخى
-
اخوية الغالي قريت كل المواضيع بس المشكلة انها بتاريخ قديم واريد اعرف شنو نمط الاسئلة
-
اخي نفس الاسئله يعني انت من يوم ما انولدت ليومك هذا،
-
السلام عليكم
اخي الكريم اولا مبروك وان شاء الله تكون مقابلة سهلة عليك والله يوفقك بيها
اخي بس ردة افتهم هي المقابلة اول مرة انت تروح لسفارة الكندية لو انت مالي الفورمات ومحصل على الحماية
اخي اذا هاي اول روحتك للسفارة فلا تخاف حيكون الكلام عادي يعني اسئلة وتجاوب مثل ماليو ان ويعطوك الفورمات وتمليها وعلى فكرة الفورمات يعطوها على عدد الملفات ماليو ان فانت اذا كان عندك اطفال مسجلين معاك فايلهم وهسة عمرهم فوق ال18 فكولها للموظفة حتى تعطيك الهم هم فورمات يعني انت كل شخص فوق ال18 تاخذ منهم فورمات اه حتى لا تتاخر
اما اذا كانت هاي مقابلتك الي بعد ما مليت الفورمات وحصلت الحماية فحتكون مقابلة سهلة وبسيطة ان شاء الله بس اهتم على التواريخ لان اذا اختلفت يشكون
وان شاء الله الي حتقابلك تكون كندية لان تكون متساهلة وحباية احسن من المصرية هاي الي سامعه
وبالتوفيق
وارجو انت تذكر تواريخ تقديمك لليو ان والقبول للتوطين والتحويل واستلام الفورمات حتى يستفيد منها اخوتك العراقيين في مصر ايضا
بالتوفيق اخوي وان شاء الله القبول والسفر عن قريب
الفاتح
-
الف مبروك اخوية مثل مكال اخوية الفاتح مراح ازيد عليه شئ
بس ممكن تذكرلنا شوكت انت مليت فورمات يعني التاريخ بالضبط
حتى كلنا نستفاد من بعض ان شاء الله
والله يسهل امورك وامورنا جميعا ويفرجها علينا جميعا اللهم اميين
-
السلام عليكم......
اخي المقابلة تكون تاكيد على المعلومات اللي انت كايلها باليوان...
ثانيا يسالون على العسكرية وياكدون عليها بالمقابلة...وين خدمت واشكد وليش..وشاركت بحرب من الحروب لو لا..
حتى لو كنت جندي بسيط...
تكدر ترجع لبلدك لو لا واذا متكدر لازم سبب مقنع جدا الهم يعني يكولولك هسة الوضع الامني ممكن بدا يتحسن وعندكم دولة قانون هسة...اطلع عن الوضع الامني العام اتكلم عن وضعك ووضع عائلتك فقط وشنو ممكن يكون يصيرلك اذا رجعتوا....
التواريخ مهمة لاي شي يسالون عليه...
كلامك انت وزوجتك يكون متطابق...
يسالون عندك احد في كندا قريب صديق ياخذون اسمه وعنوانه ....
ويسالون ممكن اذا توصل لكندا يقدملك مساعدة اذا احتاجيت انت كول الصراحة يكدر يكدر مايكدر كوللهم مايكدر...
اذا وصلت لكندا شنو مفكر تسوي ,,,تشتغل مثلا ,,,كوللهم اني اريد ابدي حياة جديدة امنة مابيها خوف ولاقلق الي ولعائلتي حتى اكدر اسوي شي وابدع في شغل معين ....
شنو رايك في كندا وسمعت عنها او قرات عنها واخذت معلومات عنها...
اي ولاية ممكن تفكر تكعد بيها اذا صارلك القبول وكندا ماعندها مانع من استقبالك في بلدها...
اتمنى اكون وفيت لسؤالك وبالتوفيق
بسمة امل
سابقا مصر
حاليا تورونتو
-
الفاتح ,مغتربة في مصر ,بسمة امل
اشكركم على الرد والله يبارك بيكم
بالنسبة للمقابله هاي اول مقابله الي بالسفارة
واني مقدم من من 2007 شهر السادس حسب ما اذكر
والمقابلة جانت 25\11\2010
واتصلو عليه 13\1\2011
والله شوية التواريخ مو كلش اذكرها يعني الله يسهل
وياريت تفيدوني بمعلومات عن الولايات بكندا وتعاملهم وية اللاجئين والمساعدات واي شي يخص هذا الموضوع
واتمنالكم التوفيق
-
اخوية العزيز ممكن اتوضح اكثر
يعني انت مليت فورمات من السفارة الكندية لو بعدك ممالي فورمات
واذا انت مالي فورمات فشوكت مليت الفورمات وسلمتها للسفارة التاريخ يعني
-
اختي العزيزة مغتربة
هاي اول مرة يقابلوني بالسفارة الكندية وبعدني ممالي اي فورما
-
اختي العزيزة مغتربة
هاي اول مرة يقابلوني بالسفارة الكندية وبعدني ممالي اي فورما
اخي الكريم هاي مو مقابلة
هاي انت راح اتروح يوم الثلاثاء بعد الساعة 2 الظهر
تدخل للسفارة تروح على الشباك تحجي وياك بنية كلش حبابة اتسلمك فورمات
الك ولزوجتك ولاطفالك تحت العمر 18 واذا عندك اولاد فوق ال 18 ذكرها للموظفة تنطيك الهم هم فورمات
تاخذ الفورمات وتطلع من السفارة تملي الفورمات وترجع اتسلمها الثلاثاء الي بعده هم بعد الساعة 2 الظهر يعني بعد اسبوع من استلامك للفورمات
ورا متسلم الفورمات تنتظر ويانا الفرج حتى يخابروك على موعد مقابلة وان شاء الله الفرج القريب
بموعد المقابلة راح اتروح انت وكل عائلتك اطفالك تحت ال18 واطفالك فوق ال18
ملاحظة مهمة: اذا ماعندك احد يساعدك بملئ الفورمات .. روح لكنيسة سانت اندروز الي بالاسعاف
همة هناك راح يساعدوك بملئ الفورمات محامي اجنبي ووياه مترجم عراقي
وان شاء الله تسهيل الامور والفرج القريب علينا جميعا