ankawa
منتدى الهجرة واللجوء => الهجرة و واللاجئين => الموضوع حرر بواسطة: america في 21:20 15/01/2011
-
الحمد لله و الشكر قابلنا و خلصنا من هوسه الاوراق و التحضيرات للمقابله
رحنا الصبح لمكان الدخول بعد سلسله تفتيشات اجه الباص و اخذنا للسفاره الامريكيه و هم تفتيش وراها دخلنا استلمو الاوراق و وراها كالو انتظروا صاحونا بعدين بصمنا بعدين سالونا كم سؤال بس شويه لحت بالاسئله هاي المحلفه الصينيه ما ادري كوريه كلش لحت بالاسئله بعدين كالت اقل شي تسألون وره 6 اشهر عل الفيزا اشو كل يوم ااخرون الفتره مال الانتظار شنو القصه
و هاهيه ان شاء الله الكل يقابل ويخلص و تجي الفيزا
AMERICA ;)
-
مبروك وانشالله تطلع الفيزا
-
تهانينا الحارة ويارب ان شاء الله يوم استلام الفيزا باذن الله
-
الف مبروك عزيزي يوم الفيزة ان شاء الله
-
شكرا تسلمون يا جماعه ان شاء الله التوفيق للجميع
-
اخوية اميركا عندي كم سؤال ااتمنى ان تجاوبني عليهن:
1. انت من استلمت الايميل من الNVC اللي بيه فايل اتاجمنت مال موعد المقابلة و التفاصيل الاخرى همين رجعت اتصلت بالسفارة ابغداد حتى تأكد الموعد وياهم؟ اني مقابلتي بعد كم يوم و استلمت الفايل من الان في سي اللي بيه تفاصيل و موعد المقابلة بس جماعة السفارة ما اتصلو بيه علمود المقابلة و خاف اروح و ما الكه اسمي بالباب يم الاسكورت؟
2. اريدك تشرحلي كيفية الدخول للسفارة من يا باب و هل يوجد بارك مال سيارات قريب؟
3. ما هي الاسئلة التي سوف يقومون بطرحها اثناء المقابلة و هل يسئلون اذا كان الشخص تارك العمل ؟؟
شكرا اخي العزيز,
-
اخي ارسل ايميل لهذا العنوان وبلغهم بموعد المقابلة
BaghdadIVAccess@state.gov
واكتب الكيس نمبر واسمك الكامل وموعد المقابله
Case Number: BGHxxxxxxx
Principal Applicant Name: xxxxxxxxxxxxxxxxxxxxxxxx
وهم اكيد راح يردون عليك
-
ع الخير او انشاء الله يوم الفيزة
او تسهل امور الجميع بس كولو يا الله
-
اشكركم اخوان
الاخ kin اولا اني اختكم اميركا ههههه و بالنسبه ال اسئلتك
اولا :ارسل للسفاره ايميل قبل 5 ايام من الموعد تاكد الموعد وياهم و ميحتاج تخابر
ثانيا:الدخول من ساحه النسور كبالها اكو فتحه و مثل النفق بل تي وول مسوي هناك تفوت تشوف السره الناس واكفين و لتتورط و تاخذ سايرتك لان اي بارك ماكو
ثالثا: بالنسبه للاسئله اشو جانت مو كلش سهله و طبعا ما اريد اخوفك تختلف الاسئله من واحد للاخر اسئله عل الوظيفه و عل السفر و المعلومات اللي ذاكرها انت بالفورمات و طبعا اهم شي يسالوك تارك العمل لو لا و اذا اي ليش تارك العمل
و ان شاء الله سهله و التوفيق للجميع
-
عالخير والبركة وان شاء الله الفيزا قريبا
هاي الصينية خوش بنية وحبابة بس اشو لطشت بالسفارة
-
ابو خالد اي هاي الصينيه حبابه بس كلش لحت بالاسئله و راها كالت وره 6 اشهر يله تسالون عل الفيزه شون وياهم يعني
-
هلو شباب ياربي كلكم زينين وبخير بس عندي سؤال صحيح لازم ارسل صور الى NVS اسوي للصور سكان ودزها
-
اي لازم ادز صور سكان
-
اذا مابيهة زحمة مُمكن تحجيلنة على المُقابلة شوية ؟
يعني الاسئلة مثلاً, شنية الشغلات الي جذبت انتباهج ؟ يعني بس انريد انشوف اكو اختلاف بلأسئلة الي انذكرت سابقاً .
الف شُكر
ريفولفر
-
الاخ ريفولفر :
الاسئله جانت اول شي عل الفورمات اللي ماليها احنا الاسم و الشغل و الشغل مبطل منه و ليش ؟
و سؤال عن شغل الاب و اذا جان بالجيش السابق
و سؤال عن الشهاده و ليش انت دتشتغل ويه الاميركان ؟
وسؤال هل انت متهدد ؟
بس جانت مدتقتنع بالاجوبه و ترجع تعيد السؤال و هي ماسك فيس بحيث متفتهم شنو الموضوع انت
و هاهيه و كالت وره 6 اشهر يله تسالون
-
شباب عندي سوال بخصوص المقابله والمستمسكات المطلوبه
مثلا شهادة الجنسية
صوره قيد ولادة
عقد زواج اصلي
الجنسية العراقية
جواز السفر
الاستمارات الي عبيناهن
عدم محكوميه
صوره قيد 57
هذني كلهن لازم يترجمن ويتصادقن من الخارجية لو شنو
يعني من اترجم عقد الزواج كون اروح للخارجية اصدقه
من اترجم شهادة الجنسية هم كون اصادقها من الخارجية
طالبين الرد من اصحاب الخبرة
-
الف مبروووك وانشالله يوم السفر
تحياتي
-
شباب عندي سوال بخصوص المقابله والمستمسكات المطلوبه
مثلا شهادة الجنسية
صوره قيد ولادة
عقد زواج اصلي
الجنسية العراقية
جواز السفر
الاستمارات الي عبيناهن
عدم محكوميه
صوره قيد 57
هذني كلهن لازم يترجمن ويتصادقن من الخارجية لو شنو
يعني من اترجم عقد الزواج كون اروح للخارجية اصدقه
من اترجم شهادة الجنسية هم كون اصادقها من الخارجية
طالبين الرد من اصحاب الخبرة
حسب فهمي من الجماعة الي قابلوا سابقا لا يحتاجون التصديق من وزارة الخارجية .
تحياتي
-
شباب مفتهمت هسه شنو الاشياء الي تستوجب التصديق من الخارجية يعني خوما كل مطاليبهم لازم تتصدق اريد احد مقابل بالسفاره يرد يفهمني شاخذ وشنو اصدقه من الخارجية
-
::) ::) ::) ::) ::) ::) ::) ::) ::) ::) ::) ::) ::) ::) ::)
-
مبروك على المقابله وانشاء الله يوم الي تستلمين الفيزا
-
شباب مفتهمت هسه شنو الاشياء الي تستوجب التصديق من الخارجية يعني خوما كل مطاليبهم لازم تتصدق اريد احد مقابل بالسفاره يرد يفهمني شاخذ وشنو اصدقه من الخارجية
شباب شو محد نطانه رئية
اريد افتهم شنو الي يتصدق من الخارجية العراقية الي بالعلاووووووووووووووووووي
-
المستمسكات اللي تتصدق من الخارجيه ( بيان الولاده + عدم محكوميه+ صورة قيد 57)
واذا تريد تصدق الجنسيه وشهادة الجنسيه فما راح تكلف كل وحده 5 الاف اني بالنسبه الي صدقت جميع المستمسكات لان عجبني وانتم بكيفكم
امنياتي بالسفر
-
مبروك ويوم استلام الفيزا
عيني هسة رجعي لحياتج العادية وانسي الفيزا واخذ ليل وجر عتابه
اني هم قابلتني هاي الصينية هية زينة بس هواية سألت وجانت كلش جادة ومتضحك ابد ...هههههههههه
بس حبيت اسئلج ... يعني موضوع التهديد مهم
اني من سالتني ..كلتلي متهدد
كوتلها مومتهدد بشكل مباشر بس يعني كم واحد من منطقتي شافوني اشتغل
وراها هية ملحت هواية
يعني موضوع التهديد مهم ؟؟؟