ankawa

منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: شمعة في 22:34 15/01/2011

العنوان: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 22:34 15/01/2011
الاخوه والاحبه جميعا

في اواسط الستينات وتحديدا في بطولة كاس العرب عام 1966 انتشرت اغنيه رياضيه رائعه للفنانه العراقيه (هناء مهدي) واستمرت هذه الاغنيه مشهوره في السبعينات والثمانينات ولكنها مع الاسف الشديد اندثرت مع بداية التسعينات مع انتشار موجة اغاني الفيديو كليب .. والاغنيه كانت من روائع الاغاني الرياضيه العراقيه واشهرها على الاطلاق وكانت اشهر اغنيه يبثها تلفزيون العراق واذاعة بغداد وصوت الجماهير في ذلك الوقت

الاغنيه اسمها (( العب يا حبيبي اتفنن ))  

وبعض كلماتها التي ما زالت في فكري هي

ألعب ياحبيبي اتفنن، ألعب بالطوبة تمرن
يعجبني اشوفك لاعب، اسمك يملي الملاعب
، تهجم نوبة وترجع نوبه واعي وفكرك يم الطوبة

ثم يردد الكورس الغنائي  بعدها بحماس شديد

جاكم ابوجاسم هو ولواعيبه يلعب ابوجاسم حلوه ملاعيبه

اضرب سجلنه هدف  كول مفتوح الهدف  شوووووت  لالالالالالالالالا

وكانت هذه الاغنيه سيدة الاغاني علما ان المطربه الراحله ( هناء) كانت ضريره ( عمياء) ومع ذلك كان صوتها من اعذب الاصوات بشهادة سيدة الغناء العربي الراحله ام كلثوم ..

الرجاء من اي اخ او اخت يستطيع ان يحصل على اي تسجيل لهذه الاغنيه من اي موقع  او من اي شخص يعرفه  الرجاء رفعها في المنتدى لكي نحتفل بها بمناسبة فوز منتخبنا ..


تحياتي

شمعه
العنوان: رد: الى كافة الاخوه والاخوات .. عاجل جدا ومستعجل كلش .. ركض ركض
أرسل بواسطة: ــــ{{{ABADY}}}ـــــ في 22:38 15/01/2011
عمى هاذى مو خوش شغله لا تخوفونه اجيت حافى وركض



والله مغمض عين ومفتح عين اريد انام ونايم على الابتوب؟؟؟؟؟عمى افلام رعب اخر الليل ما نريد :o :o :o :o :o
العنوان: رد: الى كافة الاخوه والاخوات .. عاجل جدا ومستعجل كلش .. ركض ركض
أرسل بواسطة: شمعة في 22:41 15/01/2011
حبي عبادي

اذا ما اخوفك تالي الليل  ما تصير نومتك حلوه  ;D ;D


تحياتي

شمعه
العنوان: رد: الى كافة الاخوه والاخوات .. عاجل جدا ومستعجل كلش .. ركض ركض
أرسل بواسطة: echo 9 في 22:44 15/01/2011
ههههههههههههههههههههه
هاي شنو حبيبي شمعة اجيتك ركض وعالسريع والتوثية بيدي عبالي انغطينا على غفلة
هاي وين لكيتها
رجعتنا ليورا للايام الحلوة مال ابو جاسم
عندك ماي كتلني العطش من الركض عبالي عتوي كلت هسه العب بيه جولة بالتوثية
طلعت هناء مهدي
رائعة من روائع الغناء الرياضي بذاك الوكت انا لحكت عليها
وهاي مني لك هذية من يجوك خطار لهنا وزعها عليهم
انا رايح لذلك الصوب
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 22:58 15/01/2011
حبي العزيز ايكو

سالمه توثيتك ان شاء الله دائما وانشاء الله  اتحود بيها البزازين الزفره ...واذا عطشان الماي اسكيك من ماي عيوني حبيبي ..  بس صينية البقلاوه   والله هاي حيل امرتبه وعاشت ايدك  بس  راح اخمطها خمط يا خطار يا بطيخ ..  هوا خطار اليجيني لازم جايب وياه هيجي بقلاوه مو اني انطيه  ... مو تدري اخوك مصلاوي  ;D ;D


تسلم وعشت حبيبي


شمعه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: hamada2 في 23:00 15/01/2011
جاكم ابوجاسم هو ولواعيبه يلعب ابوجاسم حلوه ملاعيبه



 ;D ;D ;D ;D ;D ;D ;D ;D ;D ;D ;D
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: hamada2 في 23:04 15/01/2011
مووووووووووووووووووووو تدلل ابو حمودي

هاي الاغنية ( شكد عتيك انتة ) ;D ;D

http://www.youtube.com/watch?v=WgFgbrbYoqQ
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: hamada2 في 23:09 15/01/2011
جاااااااااااااااااااااااااااكم ابو جاسم  ;D

هاي شوية احدث بالتصوير اخ شمعة

http://www.youtube.com/watch?v=DttNE8jfGJE&feature=related
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: hamada2 في 23:13 15/01/2011
دالي- العب يا حبيبي

يمة فدوة لدلو من تكول يلعب ابو جاسم هوة وملاعيبة  ;D ;D ;D

http://www.youtube.com/watch?v=j9-mEFK2E78&feature=related
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 23:22 15/01/2011
مقتبس من: hamada2 في 23:04 15/01/2011
مووووووووووووووووووووو تدلل ابو حمودي

هاي الاغنية ( شكد عتيك انتة ) ;D ;D

http://www.youtube.com/watch?v=WgFgbrbYoqQ

حماده ..

ولو انته حسناتك قليله  بس هاي حسنه اتسجلت الك  ;D .. وللعلم  هاي ادري بيها لان انا نبشت اليو تيوب قبلك نبش  وشفت هاي  على الرابط  مشكلتها تسجيها رديء .. واريدك انشط واتدور احسن خصوصا  انت فارغ تالي الليل  من اتنام الحجيه يا عيني عليك تظل وحدك وحيد الزمان  ;D ..

وللعلم  والمعلوم انا مو ( عتيك ) وانته تدري وتعرف كلش زين انا جديد وبالباكيت  ;D بس انته دومك مغثه  ;D ..

يلا قلبو دور بعد دور  ..تحياتي ..

شمعه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: heart_0f_baghdad في 23:28 15/01/2011
يمعود شنو السالفه مو كمزت من فوك الباب لان ماعندي وكت افتح القفل وطلعت سريع من سمعتك تصيح بالشارع
عبالنا اكو شي
هسه ندورها ونشوفها بلكي نلكاها
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: echo 9 في 23:30 15/01/2011
شمعة حبيبي هذا الرد خليته لك بموضوع اخوية قلب بغداد خفت ما تجي تشوفه لان انته هم عندك خطار كلت اجيب لك نسخة من الرد وياه صينية
ومادام حبيبي حمادة موجود خلليه يتفضل وياك بالف عافية

ههههههههههههههههههههههههه
هاي شنو انته شمعة مايطوفك شي ابد
تلكفها وهيه طايرة شمدريك عمي

الحلو للحلوين يستاهلون احبابي
وهاي علمودك شمعة
لان هسه توني كضيت عتوي جبييييييييييييييييييييييييييييييييييييييييييييييير حيل يحوص بمطبخنا
لزمته وانا اخوك من ذيله
خرمشني وطفر
كلت له سهله ولك وين تروح
هسه انا ناصب له فخ ومسوي له كمين بس يطلع رويسه اخنكه اذاني من البارحة وهو مياو مياو
هاي الك بوحدك شمعة مو تنطي منها  ( الف عافية نابلسية مرتبة )





العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: لورنس السفاح في 23:34 15/01/2011
يعجبني اشوفك لاعب، اسمك يملي الملاعب
، تهجم نوبة وترجع نوبه واعي وفكرك يم الطوبة




االه الله ششششششششششمعة
هذا المقطع يخبببببببببببببببببببببببببببل
والله ذووووووووووواق
عاشوووووووووووووا
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: echo 9 في 23:35 15/01/2011
شمعة مو تنسى ترجع المواعين نظيفات رايديهن بالمعمل
مو تبيعهن
كله فافوت اصلي
ولا تنسى خللي حمادة يحلي وياك
ومو تخسفون الجدر لا تصير طلابة
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: kfc_w2002 في 23:38 15/01/2011
اويلييييييييييييييي جيت ركض عبالي نفس الشغله مال البارحه بنفس الوقت !!!!
اخويه الغالي شمعه عاشت ايدك هذه مبينه حلوه هسه ادوره واشوف بلكي الكاها
ربي يديم الفرحه على وجوه الطيبين
عمي ايكو الله يساعدك هذا العتوي شسوه بيك اني شايلك هم والله
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: kfc_w2002 في 23:41 15/01/2011
الله الله هاي منزلين الرابط واني مادري هسه سحبته عاشووووووووووووووووووووووووووووووووووووو
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: hamada2 في 23:45 15/01/2011
اشكرك ابو خالد الوردة

تحياتي واشواقي ايها العزيز ,

والله اليوم فرحة لا توصف , ولو تعبونة الشباب والحظ حالفنة باخر دقيقة والحمد لله


وهاي رابط 14 دقيقة موتونة بيهة


باسم عباس بالدقيقة 69 و 30 ثانية يقطع هجمة

بالدقيقة 70 و 45 ثانية في جهة اليسار يحوال ولكنه يظرب  :o :o :o

انشالله باسم عباي يلعب اول المباراة القادمة

http://www.youtube.com/watch?v=oiF6Imu5x7E
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: heart_0f_baghdad في 23:54 15/01/2011
ايكو ناين هاي الهديه مالتك مال البقلاوه تعذرني بس رح اخمطها للعزيمه اللي بالغرفه الي يمكم لان عوزنه حلويات :)
من رخصتك ههههههههههه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: ĈAŃDŶ في 00:06 16/01/2011
مائده نزهت هاي موووووووووووووووو


كبرتنه  :D :D :D ;D ;D ;D
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: echo 9 في 00:23 16/01/2011
عمي لا تخافون انا مخللي بق باق هذا الاصلي مال ال بف باف ومابجيبي عنز خاطر يمعمع دوم
بس التوثية بايد والصواني الجايبها الكم بالايد الثانية
وانتم افتهموا لان كبت طلابة بمعملنا وانتم بكيفكم
لو الصواني الفارعة لو التوثية
هسه افتر عليكم واحد واحد وانا حافظهن
والجدر مو تخسفه شمعة
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: ĈAŃDŶ في 00:26 16/01/2011
ايكو دكول عوافي شسوي بلصواني والمواعين

 ;D ;D ;D :D :D :D
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: echo 9 في 00:36 16/01/2011
ماكنتوشة خللي هاي السالفة تولي
اريد الصواني مالتي
واكو جدر عند شمعة
وكلها حاسبها
الصواني لا اعلكها
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: ĈAŃDŶ في 00:37 16/01/2011
 ;D روح اقبض صوانيك من دبش ما اعرفك ولاشفتك

 ;D ;D ;D ;D ;D
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 00:42 16/01/2011
حبي وحبيبي ايكو ..

اخوك يلكفها شلون ما تصير وتطير  ..  . وانا مطمئن جدا لان ادري بيك اسد الاسود وما راح يبقا  بمطبخنا ولا بزون من هاي البزازين الزفره .. وطبعا النتيجه  من البارحه واضحه لان العتوي طاح طيحة قويه من البارحه على ايدك واليوم البزازين كلها شارده   لغير  مطبخ اتدور على زفرتها ...  وان شاء الله يظل مطبخنا عامر ودايم ..وان شاء الله تظل  صواني البقلاوه مالتك تفتر علينه  ;D

واذا  على المواعين والصواني لا تخاف  اخوي كلها ترجعلك  (( سالم مسلح ))  .. ولو انا ما اضمن حماده لان ادري بيه ابو نفس دنيه ومسودن بالبقلاوه ...  طبعا اليوم  حبيبي  من صوانيك مال البقلاوه صعد عندي السكر عشرة الاف    


تسلم حبيبي  يا ورد الورود ..


شمعة

شمعه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 00:53 16/01/2011
خالي ايكو ..

 الجدر  ما بيه بقلاوه عمي لكينه بيه   شويه تشريب  ...  زين وين اللحم  ؟؟ وين الهبر ؟؟  شايف تشريب ما بيه لحم ؟؟؟ ;D ;D

صار بيها لحم  النوبه ...  اليوم دنشتغل منوعات  ;D

شمعه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: echo 9 في 00:55 16/01/2011
هههههههههههههههههههههههههه
البزونه طفرت والعتوي مقهور والخسائر ولله الحمد بس حجنجلي بجنجلي
هاي الحلويات والصواني كلها التوزعت على مودهم
بس يا فحل والله خايف من شي
صحيح البزازين تجي على الزفرة والعظم
بس لا تنسى النمل يجي على الدبكة والحلو
واخاف من ورا صواني الحلو يلتم علينا النمل يا فحل
بس ولا يهمك انا محضر علب الف باف الاصلي كلها وراح اوزعها عليكم
ولو خلصت العلب مال البف باف شكو نملة تشوفوها اسحكوها برجليكم
وارجع واعيد لا تنسون الصواني
وحجنجلي بجنجلي
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: echo 9 في 01:01 16/01/2011
مقتبس من: شمعة في 00:53 16/01/2011
خالي ايكو ..

 الجدر  ما بيه بقلاوه عمي لكينه بيه   شويه تشريب  ...  زين وين اللحم  ؟؟ وين الهبر ؟؟  شايف تشريب ما بيه لحم ؟؟؟ ;D ;D

صار بيها لحم  النوبه ...  اليوم دنشتغل منوعات  ;D

شمعه



سالمين شمعة خو ماكو شي صدك يمكن السكر صعد مو كلت لك كضيت لي عتوي مقهور من ذيله وخرمشني وطفر وصار ساعتين او اكثر ناصب له كمين اريد اخنكه
عليمن بشرفك
غير لكيته يحوس بالجدر العندك ولكفته من ذيله اخذ اللحمة وطفر وخلا التشريب
هو راد يكلب الجدر كله والنوب لا لحمه ولا تشريب
لكفته من ذيله قبل لا يكلب الجدر ولكف اللحمة وانهزم بس وين يروح حفظت شكله
اخاف تشوفه
هو عتوي مو كلش كبير محيط صماخه 3 انشات مو تضيع من ابو 3 انشات مو تطيح لك بواحد من هذا الراسه 5 انش وتتورط
هسه عرفت اللحمة وين صفى بيها الدهر
يالله انته ما سامع بالمثل ( من حرك ساكن يدرك ) شيفكج يا طلابه هسه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 01:11 16/01/2011
حبي ايكو

مشكور  على التوضيح  وانا هم بعد اخذت الحيطه والحذر ونصبت ( مصباده  يابانيه الكترونيه ) وخليت العداد مالها على 3 انشات ومتاكد راح ينصاد العتتوي هذا لان المصياده الالكترونيه هاي تعرض كليبات فيديو  مال بزازين حتى اثنينهم البزونه والعتوي  اتصير لزمتهم قابضا  ;D

وحجنجلي بجنجلي العتوي طاح بدفره من هلي ...


شمعه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: hamada2 في 01:14 16/01/2011
شمعة وينك ؟

ادك عليك ماكو  ;D ;D ;D

رجعت
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 01:18 16/01/2011
حماده

 غوفنييييييييييييييييييييييي   .. مشغول وملتهي يصواني البقلاوه مال ايكو ...


شمعه


العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: hamada2 في 01:22 16/01/2011
تعال عمي على الماسنجر وشبعك حلويات من هاي الي تعجبك  :-*


انتة غير ما ذايق البقلاوة الي اسويهة  :-\  والله اتعلمتهة من وحدة من المغرب العربي  :-*


شلون تسوي بقلااااااااااااوة  ::) ::) ::)
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 01:41 16/01/2011
حماده

انته اتسوي بقلاوه ؟؟ انت متاكد من كلامك؟؟؟  وجماله من المغرب العربي؟؟ هوا احنا بقلاوة المشرق العربي ما متحمليها ...


خويه تره ما بيه حيل تالي الليل  ادخل مستشفى .. خلي اخوي ايكو يجربها وانطيني خبر  ;D


شمعه
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: angie-dawood في 01:49 16/01/2011
عمو شمعة هو احنا ناقصين هبطات مو حتى الضغط والسكر صارت تشابك منعرف ياهو صعد وياهو نزل  ;D
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: مظلومه سوادي في 04:22 16/01/2011
خخخخخخخخخخخخخخخخخ

هاي المطربه الله يرحمها
كلما اسمع اغنيتها
ماافكر اشوف ولامباراة  :-[
اغنيتها تشجع الواحد عالشخير   :'( مو على مشاهدة الطوبه
 ;D
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 01:12 17/01/2011
عمه انجي

هسه لو بس على السكر والضغط جان سهله .. بس  ايكو بالصواني مال ابقلاوه اللي جابلياها خلا الضغط والسكر والكوليسترول والقلب والحماوه والأمه كولها تصعد واشتعلت كل الكلوبات مال  الدشبول  ;D

شمعة
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: ابن الراوندي في 22:25 18/01/2011
تحياتي لك اخي شمعه..منور دائماً
عازمك فد يوم ع بقلاوة هايبر ون..ممكن تتفضل
مع كل التقدير..
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: الرسام1973 في 22:34 18/01/2011
انشاء الله اخ شمعه وشكرا على الذكريات الحلوة







الرسام ابو علاوي
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 01:26 19/01/2011
مقتبس من: ابن الراوندي في 22:25 18/01/2011
تحياتي لك اخي شمعه..منور دائماً
عازمك فد يوم ع بقلاوة هايبر ون..ممكن تتفضل
مع كل التقدير..

اخي العزيز ابن الراوندي ..

شكرا جزيلا على دعوتك الاخويه الصادقه وبارك الله بيك اخي العزيز ..  ولكن (( حبيبي لو اتسوي الدعوه بدل  بقلاوة  هايبرر ون دجاجه  من (كي  أف سي ) هوايه احسن لان اخونا ايكو دمرني بصواني الحلويات والبقلاوه  ويمكن منا لعشر سنين بعد ما اكل حلويات  ;D ;D ;D


تسلم حبيبي وبارك الله بك ..

 اخوكم شمعة
العنوان: رد: الى كافة الاخوه والاخوات .. عاجل جدا ومستعجل كلش ..
أرسل بواسطة: شمعة في 01:32 19/01/2011
الاخ العزيز الرسام 1973

شكرا على مشاعرك الصادقه وشكرا لمروك في موضوعي .. تقبل تحياتي


شمعه