ankawa
منتدى الهجرة واللجوء => الهجرة و واللاجئين => الموضوع حرر بواسطة: كنديون في 16:10 16/01/2011
-
مرحبا
عندي صديق محتاج الاجابة عن سؤاله ... وهو بحاجته فعلاً .
هو عنده فيزه لم شمل الى كندا ... وابوه الي عمل الفيزا له ,,
لكنه اتزوج وصار عنده طفل وما بلغ السفارة الكندية بهالشي ...
وهسة الفيزا بيده ... شيسوي
يبلغ بالحود انه متزوج
لو لمن يوصل الى كندا ويقدم على اوراق الاقامة الدائمية ... وبعدها يقول الهم ... ممكن تجاوبونا ,.
ارجوكم هو لح علية انه اكتب في النت وانطيه جواب
ومنتديات عنكاوا غنية عن التعريف ,.
-
للمساعده
-
السلام عليكم,,,,,,,,
اخي شلون هو مقدم ابوه اله فيزة ومن شوكت حسب كلامك انه تزوج وصار عنده طفل يعني صار اكثر من سنة فيزته,,,ماسقطت,,ممكن تكولي شنو نوع الفيزة وتاريخها رجاءااا,,,,,,,,
وكون اذا فيزته مامنتهية هو من ابوه قدمله على فيزة كتب بالمعلومات انه ممتزوج ,,,اوكي لان هم يطلبون معلومات هواية على اللي يقدم على فيزة,,,
اذا فيزته اوكي ويكدر يسافر لايبلغ اي جهة خلي يروح ومن يوصل هناك ويسوي معاملة الاقامة بعدها يبلغهم انه تزوج وصار عنده طفل وهو مطلع الفيزة من قبل مايتزوج لان هم راح يسالوه فقررت اجي وبعدين اجيب زوجتي وطفلي ,,,
بس خلي يتاكد من الفيزة لان صارله هواية حسب كلامك,,,
وبالتوفيق انشاء الله
اختكم بسمة امل
تورونتو
-
اخوية شغلة ثانية هو ابوه هنا ليش ميسال اله عن وضعه اكيد هو افضل ويحاول يسال اكو محامين تكون استشارتهم مجانية بس انه يكدر يضيف زوجته وياه لو لا,,,,,,,
بسمة امل
تورونتو
-
اخى مثل ما قالت اختى بسمه امل يسافر بعدين يسوى لم شمل لان الكنديين شغلتهم دقيقه تماما
-
اخي كنديون
طبعا الكفاله ابوه مسويها لشخص واحد يعني يروح ومن يستقر ويشتغل وطبعا مو اقل من سنه عمل والدخل لازم يكون اكثر من 25000$ سنوي وبعدها يقدم لزوجته والطفل وطبعا لازم تكون كفاله منه وهاي تشمل الضرائب سنويا لازم يدفعها
اخي خلي يروح وهناك يعرف التفاصيل الاكثر واقعيه وطبعا لكل ولايه نظام وبالنسبه للم الشمل ما اله غير كيبك هي الاسرع
اخوك : الفريدو
-
مرحبا اخواني و اخوتي الاعزاء,,, اخي الفريدو ممكن رجاءا تزودني باسماء الكنائس الي تعمل الكفالة الكنائسية. و ممكن رجاءا تزودني بالرابط للحكومة الكندية بخصوص الكفالة الكنائسية.مع فائق الشكر و التقدير.....
-
بصراحه اسماء الكنائس ما اعرف غير كنيسه وحده في كالكري وانشالله غدا اكتبلك العنوان مع الاسم
ولكن ماتنفع بشي اذا ماعندك احد في كندا يعني الاتصال ماراح يقدم ولا ياخر
اما رابط الحكومه فماعندي علم بي
اخوك : الفريدو
-
شكرا لتفاعلكم ,... وهو متزوج وعمر ابنه 5 سنين ... وهسة استلم الفيزا ... وطبعا ما مبلغ السفارة بزواجه ولا ابنه اصلا ... فشنو الحل . ؟
-
مرحبا اخواني و اخواتي الاعزاء,,, شكرا اخي الفريدو على الاجابة و ممنون منك هواي اخي العزيز.ارجو ان ترسلي اسم الكنيسة الي تعرفها معتمدة الكفالة من قبل الحكومة الكندية. اني عندي صديق كندي الجنسية و هو مستعد ان شاء الله يسوها و التسهيل من رب العالمين.تحياتي...........
-
مرحبا اخواني و اخواتي الاعزاء,,, شكرا اخي الفريدو على الاجابة و ممنون منك هواي اخي العزيز.ارجو ان ترسلي اسم الكنيسة الي تعرفها معتمدة الكفالة من قبل الحكومة الكندية. اني عندي صديق كندي الجنسية و هو مستعد ان شاء الله يسوها و التسهيل من رب العالمين.تحياتي...........
-
اكو كنيسه بي فان كوفر كنيسه كلدانيه واخرى لبنانيه تسوي معامله لكندا على شرط يكون عندك كفيل حتى يشتغل بالمعامله
من الله توفيق
-
شكرا حبي haigo على الاجابة و ممنون منك اخي العزيز.تحياتي......
-
اكو كنيسه بي فان كوفر كنيسه كلدانيه واخرى لبنانيه تسوي معامله لكندا على شرط يكون عندك كفيل حتى يشتغل بالمعامله
من الله توفيق
أخي من فضلك لها إسم هاي الكنائس وإذا ماعندك علم بالأسم ياريت وين موقعهم بفانكوفر
جزيل الشكر