ankawa
منتدى الهجرة واللجوء => الهجرة و واللاجئين => الموضوع حرر بواسطة: wissamyoussif في 17:27 17/01/2011
-
السلام عليكم صدقوني قرات كل الموضوعات ذات الصلة في هذا المنتدى مرارا (بالاخص الفلوس مرة اخرى) ولكن بسبب تضارب الاراء الواضح وتعدد الحالات فاني ارجو الاجابة على استفسار عن حالة معينة هي حالة شائعة لدى الكثيرون لا لمصلحتي الشخصية فقط بل للمصلحة العامة:
1- ارغب بالسفر الى امريكا
2- ارغب في تخصيص 10000 (عشرة الاف دولار) تستخدم بالكامل لمدة (شهر واحد) هناك
3- ارغب في اجراء الحجوزات اللازمة (الاقامة والنقل وغيرها) عبر الانترنيت باستخدام بطاقات الائتمان بالتاكيد من هنا في بغداد قبل وصولي الى نيو يورك باسبوعين على الاقل بسبب ازدحام الخدمات ومرافق السفر والسياحة هناك
4- لا ارغب في حمل الكثير من المال نقدا معي اثناء السفر ولا عند اقامتي في امريكا لاسباب امنية
5- ارغب في سحب كامل المال المتبقي من (10000 عشرة الاف دولار) اثناء وجودي في امريكا وخلال اقل من شهر
6- ارغب في اجراء كل ما سبق وحدي دون مساعدة من اي شخص (عرف) من العراق ولا من امريكا
فما هي الحلول المثلى المقترحة لهذه الحالة؟
اني مو عجوزي ولا ما افتهم بس اذا يصير اتفاق على الاجابة نكون لقننا السياسيين درس في الاتفاق نتمنى ان نعيش ثماره في يوم قريب (اتشاقه وياكم) وشكرا مقدما
-
لاحظ اخوية عدد المشاهدات ولا رد لحد الان يعني شنو معنى هذا
معناه انه اسئلتك محيرة وهواية ومتشعبة ومنعرف شتريد بالضبط ، حاول ان توضح اسئلتك وخليهه محددة وواضحة حته نكدر نجاوبك
شنو علاقة الاجابة والاتفاق عليهه بالسياسيين ويا درس راح انلقنهم
تحياتي الاخوية
اخوكم ابو ميس
-
وين السالفة هسة ???
-
اني جدا اسف كنت حريص على ان اسوي استفساري (اللي هو سؤال واحد وبس) واضح بس الظاهر رجع عليه بك فاير :-[
سؤالي هو
احسن طريقة اخذ بيها فلوس من بغداد لامريكا شنو هي
وهذا هو
واعتذر مجددا
-
سهلة اخي سويلك فيزة كارت و خلاص من اربيل و تنحل
-
هسه انته شرايد بل ضبظ ???
-
اني جدا اسف كنت حريص على ان اسوي استفساري (اللي هو سؤال واحد وبس) واضح بس الظاهر رجع عليه بك فاير :-[
سؤالي هو
احسن طريقة اخذ بيها فلوس من بغداد لامريكا شنو هي
وهذا هو
واعتذر مجددا
عزيزي اقصى حد للفلوس تكدر تاخذ وياك للولايات المُتحدة هية 10000$ فقط, الباقي لازم اتضمة بحيث محد يكدر يوصلة ..
هذا كل الي اعرفة
ريفولفر
-
اخي تريد تحول فلوسك من بغداد الى اي مكان استخدم الوسائل الشرعيه والطرق القانونيه
اما باقي اسئلتك ارجو حذفها لانها ما تخص قسم الهجرة واللاجئيين والموضوع اصلا غير مترابط
-
حولهم عن طريق الوستر يونين
-
الويسترن يونيون ادري بيه غالي بالتحويل.....
اسأل اول شي المصرف اللي بيه فلوسك شنو طرق التحويل عدهم اذا من حسابك وهل عدهم ارتباط بأي بنك بامريكا؟
ثاني شي اذا ناوي على مساعدات لازم ما يعرفون منظمتك شكد عندك يعني جايب لامريكا فلوس
-
هذيان غير مبرر..!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اشكرك اخي العزيز/اختي العزيزة بارك الله بيك
-
عزيزي اقصى حد للفلوس تكدر تاخذ وياك للولايات المُتحدة هية 10000$ فقط, الباقي لازم اتضمة بحيث محد يكدر يوصلة ..
هذا كل الي اعرفة
ريفولفر
اعرف اخي بس ما اريد اخذها نقدا لسببين اولا حتى لا تنباك هناك وثانيا اريد اسوي الحجوزات اونلاين واني هنا ببغداد
-
اخي تريد تحول فلوسك من بغداد الى اي مكان استخدم الوسائل الشرعيه والطرق القانونيه
اما باقي اسئلتك ارجو حذفها لانها ما تخص قسم الهجرة وللجوء والموضوع اصلا غير مترابط
اولا محد راد يحول فلوس بطرق غير قانونية
وثانيا الموضوع ذو صلة بالهجرة
وثالثا السؤال هو واحد وين اخلي فلوسي
شكرا
-
عزيزي اقصى حد للفلوس تكدر تاخذ وياك للولايات المُتحدة هية 10000$ فقط, الباقي لازم اتضمة بحيث محد يكدر يوصلة ..
هذا كل الي اعرفة
ريفولفر
اعرف اخي بس ما اريد اخذها نقدا لسببين اولا حتى لا تنباك هناك وثانيا اريد اسوي الحجوزات اونلاين واني هنا ببغداد
والله بلنسبة للحجوزات ماعرف, بس اني بأذن الله ماخذ اكثر من ضعفين هل المبلغ واعرف شلون اطببهن .
ريفولفر
-
حولهم عن طريق الوستر يونين
شكرا جزيلا اختي بس يمكن هاي العملية ينرادلها شخصين واحد هنا وواحد هناك مو؟ لو اكدر اني احولها منا وبعدين اني نفسي استلمها من امريكا؟ وثاني شي هاي ما راح تفيدني بالحجوزات الالكترونية للفندق والنقل
-
اخي انت تريد تسأل بأي مصرف تخليها لو عندك مصرف معين ببالك؟
-
الويسترن يونيون ادري بيه غالي بالتحويل.....
اسأل اول شي المصرف اللي بيه فلوسك شنو طرق التحويل عدهم اذا من حسابك وهل عدهم ارتباط بأي بنك بامريكا؟
ثاني شي اذا ناوي على مساعدات لازم ما يعرفون منظمتك شكد عندك يعني جايب لامريكا فلوس
على ما اعرف كل المصارف العالمية تعامل فروعها بالدول المختلفة على انها مصارف مستقلة-- مثلا مصرف HSBC فرع العراق (اللي هو اعتقد مرتبط بمصرف دار السلام) من اودع بيه فلوس هنا ببغداد ما راح اكدر اسحبها من فرع HSBC بنيو يورك
-
اخي انت تريد تسأل بأي مصرف تخليها لو عندك مصرف معين ببالك؟
حقيقة ماكو اي مصرف ببالي وهو هذا اللي اسال عنه-- يا مصرف يقدملي الخدمة اللي احتاجها؟ يعني اودع بيه فلوس هنا ببغداد واستلمها هناك بنيو يورك وبالاضافة لهذا احصل على بطاقة ائتمان للاستخدام الالكتروني وباقل خسارة ممكنة
-
لعد اخي شنو هاي المقدمات والارقام والسياسين الله يخليك هي حزوره لو جدول الضرب وحضرتك اذا حولت فلوسك الله يزيدها شلون راح تلقن الساسه درس.... خو من اول مره وكولها بصريح العباره.. ولواني لااحبذ ان يكون هذا المنتدى نافذه لتعليم الناس على الطرق الملتويه.... والسلام
كلنا نحرص على تجنب الطرق الملتوية خاصة في منتدى عملاق يتابعه الالاف من الناس والسؤال باعتقادي مباشر والسياسيين ما متفقين بيناتهم مثل ما اتمنى نتفق على اجابه هنا بالمنتدى وشكرا
-
تحياتي،،
موضوعك غيره الى فلوس الى شهر وليس فلوس الى للابد..
موضوعك سهل جدا ....أصدر بطاقة أعتماد من أي مصرف يقدم خدمة دفع الكتروني + صراف آلي من العراق ومعضم البنوك تقدم هذه الخدمة لكن الذي اعرفه لحد قبل شهرين ان مصرف بغداد يعطيك جميع الخدمات المذكورة اعلاه وحتى خدمة الشراء من الاسواق في امريكا لكن بدون خدمة صراف آلي.
بامكانك زيارة مواقع الأنترنيت للمصارف العراقية وتشاهد التفاصيل وفروع الاصدار القريبة منك لغرض مراجعتها...
ملاحظة: معنى بطاقة أعتماد مقيدة اي انها بدون( أئتمان) لان لايوجد في العراق سوى بطاقة تغطي رصيدك المدفوع ولا يسمح بالتجاوز على الرصيد اي لا يوجد ما يسمى تسهيلات او سحب على المكشوف)..
صراف آلي (ماكنة موجودة في الاماكن العامة تستطيع سحب نقود ورقية من حسابك بعد دفع عمولة الى الشركة المالية المشغلة للماكنة)
ملاحظة صغيرة: بالسياسة الاختلاف يجني منافع اكبر من الأتفاق.
-
رحم الله والديك اخوي العزيز عبد العولمة على اهتمامك واجابتك
بالنسبة لعنوان الموضوع جنت اريده يوحي بانه امتداد لمواضيع اخرى بالمنتدى تكلمت عن نفس المادة (تحويل الفلوس لاغراض السفر والهجرة) واحد بيهم كان (الفلوس مره اخرى) بس الظاهر اختياري للعنوان جان مو ناجح
بالنسبة لجوابك كان كلش مفيد ولو ان مواقع الانترنيت للمصارف العراقية هي دعايات للمصرف اكثر مما هي تنطي تفاصيل الخدمات اللي تقدمها وبالتالي نرجو الاستفادة من خبرات كل من يشاهد الموضوع حول ما هي الخدمة الامثل واللي تتطلب كلفة اقل (مثلا هل اكو انواع مختلفة من بطاقات الائتمان؟)
بالنسبة لكلامك عن اختلاف السياسيين فاني اءيدك ولو اكو جماعة ما يتحملون الحوار بالمنتدى وان شاء الله في نهاية المطاف الغرض هو تحقيق الفائدة للجميع
تحياتي
-
تحياتي للزملاء،،
المغزى الرئيسي للمنتدى هو مساعدة بعضنا البعض وهذا موضوع اخلاقي وبالنسبة لي أرد ما حصلت عليه من مساعدة سابقا من زملاء و امرر ما أعرفه لزملاء..
هناك حساسية و مشاكل واجهناها بعض التعليقات ولامجال لدينا لنقاشات سياسية ...هناك الالأف المنتديات التي مهتمة بتخوين الآخر و تأجيج مهرجان الدماء ....ضع بأعتبارك ان وجودنا بمنتدى الهجرة ليس صدفة بل هو ان معضمنا مهتم بموضوع الهجرة ولا رغبة لنا في العيش في البلد و مشاكله واقعيا فكيف الكترونيا؟؟...وحتى ملاحظتي لك هي نظرية فكرية وليس ابداء رأي ودخول في نقاش جانبي لست مهتم به....عرفت المغزى مما دار؟؟.
بخصوص موضوع مواقع المصارف العراقية القصد منه مساعدتك في تجاوز الخطوة الاولى وهي حصر مقدمي البطاقات في العراق وبعدها تبدأ بمراجعتهم...وما تدفعه هو رسوم اصدار لاول مرة اما في حالة استخدام البطاقة للتسوق او السحب النقدي فسيتم خصم مبلغ كل ما تستخدم البطاقة..والمعلومات التفصيلية تجدها عند المصرف وعندما يخبروك من هو مشغلهم سيقدمون لك كتيب مطبوع او اوراق بخصوص تكاليف الخدمة وا رسوم استخدام البطاقة..استفسر من المصارف و تحرى عن فيزا كارد و ماستر كارد...واعلم ان وجود فرع للجهة التي تصدر لك البطاقة في امريكا سيخفض رسوم الاستعمال جدا..الموضوع قياسا للمبلغ والفترة الزمنية ليس معقد ولا التكاليف شيء كبير..
-
بطيخة ??? ??? ???
-
عزيزي صاحب الموضوع ....
بلا سياسه ولا اي شي روح الى مصرف التجاره العراقي TBI وسوي فيزا كارد عالميه تشتغل بكل مكان عن تجربه وخلص الموضوع اكيد اكو عموله للمصارف بس هاي اسلم طريقه .
-
مشكور اخي العزيز اقتراح مفيد وحلو
هل اكو امور خفية متعلقة بهاي العملية -- مثلا هل راح تسمحلي هاي البطاقة اسحب كامل المبلغ من خارج العراق لو المصرف راح ينطيني حدود معينة لاستخدام البطاقة (واللي اعتقد اسمها Debit Card مو Credit Card) وممنون على اهتمامك
-
تحياتي للزملاء،،
نظام السحب النقدي هو 300الى 500 دولار كاقصى حد مسموح به كل 24 ساعة لاغراض امنية مثل أحتمال سرقة البطاقة لذلك بامكانك ايقافها قبل سحب كل المبلغ من قبل السارق.. ولمكافحة غسيل الاموال...
-
اخي صاحب الموضوع ......
انا عندي بطاقة ماستركارد من المصرف التجاري العراقي.... وتضعت بها كثيرآ من الأنترنت وسحبت من خلالها مبالغ من دول مجاورة..... والبطاقة تعمل مع اغلب دول العالم ... علمآ ان البطاقة أئتمانية وليست اعتمادية يعني حط افلوسك وراسك بارد........ اما سؤالك هل تستطيع سحب اموالك منها عن طريق الصراف الألي من امريكأ......
الجواب....
نعم ...... ولكن لايعطيك اكثر من الف دولار كل يوم... وذالك لكي تستطيع توقيفها عندما تسرق منك.... يعني تروح منك الف احسن من دفاتر دولارات....
اما هل يتم استقطاع عمولة مصرفية..
الجواب.....
نعم..... يتم استقطاع عمولة مصرفية وتختلف العمولة من بلد الى اخر بل تختلف من صراف الى اخر يعني حسب تبعية الصراف المصرفية.
.
هل سوف يعرفون في امريكا انك ادخلت مبلغ عن طريق بطاقة أئتمانية........
الجواب.......
نعم......... يعرفون لأن البطاقة فيها اسمك وان البطاقة تخظع لشبكة الأكترونية تواصلية مترابطة يمكن من خلالها كشف مكان اصدار البطاقة واسم صاحبها وكشف مكان سحب المبلغ....
احسن حل انك تفتح حساب بأسم شخص غيرك ثقة وتسوي بطاقة أئتمان بأسمه وتروح تسحب فلوسك من امريكا بدون مايحس احد انك عندك رصيد او حساب مصرفي وبعدها روح خلي فلوسك ببنك امريكي وابوك الله يرحمة...... وتدلل
-
اللهم لا تحير عبدك .....الله كريم اخى
-
بالفعل اخي الرسام الله كريم ونعم بالله
لحد هسه احسن فكرة واقتراح هو اقتراح ساحر بغداد في وضع حساب بأسم شخص ثقة ونسوي بطاقة أئتمان بأسمه ونروح نسحب الفلوس من امريكا. بس سؤال ان شاء الله اخير لان اني هواي لحيت بالاسئلة لان ما اعرف اذا موظف المصرف راح ينطيني كل المعلومات اللي احتاجها لو راح يضم عليه شي: بطاقتك تكول تكدر تسحب الف دولار كل يوم: تكدر تسحب كل رصيدك من خلالها لو انت مقيد بنسبة معينة من الرصيد تستعملها بالبطاقة؟ يعني مثلا رصيدك 5000 دولار وتسحب كل يوم 1000 دولار تكدر تسحب كامل رصيدك خلال 5 ايام لو لا؟ والف شكر مقدما لان هواي ساعدتني وساعدت غيري لان احنا للاسف عدنا امية مصرفية
-
واحد شايل لحيته والثاني مبتلي بي ;D
تعليق لكلام ساحر بغداد العزيز...نعم كلشي ممكن وتكدر تسحب كل افلوسك عن طريق اي شخص ..... بس اتذكر شي واحد
انه انته حسابك المصرفي الي موجود يمهم مراقب وكل ميكثر فلوسك راح تتحاسب عليها ... رح يكولولك من ... اين ...لك هاذا... وهمه يعرفو اشكد تاخذبلشهر ومنو ديدزلك ... تفاصيل هوايه اكو مو كوثره الشغله ...
لان حبيت ادز فلوس لامريكا كالو منكدر نستلمها لان راح يحاسبونه منين الكم هاذا .... هي فلوسهم طبعا ... وانته بعد اتخيل
-
تحياتي للزملاء ،،
الحد الاقصى للسحب يحدد حسب قانون البلد وليس المصرف ....ثانيا هل انت نسيت ان الصراف الآلي به كامرا و هل تعتقد ان سحب مبلغ بواسطة بطاقة لشخص بأسم شرق اوسطي لم يسجل دخوله للبلاد موضوع لا يجلب الانتباه وانت تعرف ماذا اعني؟؟...لا اوصي بهذه الخطوة..
-
اخواني الأعزاء احب اوضح بعض الأمور..
.
.
بالنسبة للصرافات الألية ليست جميعها عليها كاميرات وحتى التي عليها كاميرات لاتضر بسحب المبالغ لأن هذه الكامرات موضوعة لماحسبة العابثين بهذه الصرافات وحتى ان وجود الكاميرات ليس لمراقبة السارقين لأن اكبر عصابة ماتكدر تفتح قاصتهة الخلفية...... يراد صاروخ ارض ارض حتة يفجروها واحتمال هم ماتنفتح....... هههههههه
اما انهم قد يتسائلون عن كيفة سحب مبلغ من حساب شخص غير متواجد بأمريكا فهذا شيئ غير مووووووجود نهائيآ لأنهم ليس لهم علاقة بالجوازات او ليس لهم بمن هو دخل او خرج من امريكا..... المصارف عملها فقط امور مصرفية ولايعلمون ان كان صاحب البطاقة هو صاحبها الشرعي او غير ذالك..... المهم لديهم ان البطاقة ليست مسجلة كبطاقة مسروقة او مبلغ عنها.
.
واما بخصوص ان كمية سحب المبلغ فأنا قلت انها الف دولار يوميآ وانا اتفق مع الأخ القائل ان كمية السحب يعتمد على نضام البلد ولكن اغلب دول العالم تعطي الف دولار وبعض دول اوربا تعطي 500€ يورو......
.
انا بالنسبة الي فاتح حسابي بالدينار العراقي وعندما كنت اسحب من الصراف كنت اسحب عملة البلدان التي اسافر لها ويتم تحويل العملة اوتماتيكآ الى عملة بلد الأقامة ولكن يستقطع عمولة عن هذا التحويل ولكن ليست العمولة كبيرة وبنفس الوقت تختلف من بلد الى اخر...... ومن صراف الى اخر...... لأن كل صراف يتبع نضام مصرفه الداعم له.....
.
هل انا اعطيت بطاقتي لشخص سافر بها وسحب منها....؟
الجواب.......
نعم....... اعطيتها كثيرآ لصديقي وهو من ثقاتي جدآآآ... وسحب منها في بلدان متعددة وكلشي جان اوكي وماكو مشكلة....
.
تحياتي.