ankawa
منتدى الهجرة واللجوء => الهجرة و واللاجئين => الموضوع حرر بواسطة: مايا 92 في 14:36 22/01/2011
-
اخواني الاعزاء في منتدى عنكاوا المحترم جزاكم اللة كل خير لانكم وقفتم معي ومسحتم دمعتي اشكر اخي سلاما ياعراق الذي عرفني على الاستاذ جمال داود متحدث باسم منظمة العدالة الاجتماعية في استراليا واشكر الاخ ابو انور الذي اعطاني رابط لموقع
استرالي ومن خلالة استطعت ان اتصل بدائرة الهجرة لكن مامن فائدة فوزير الهجرة لايجيب عن مصير القارب المختفي منذ71 يوم ولا اعرف اي شيء عن خبر اخي ورفاقة 97 نفر الا انة وصلني من جهات في استراليا ان سياسة استراليا مع اللجئين سيئة وهي مرات تضعهم في كمبات مغلقة فنصيحة لوجه اللة اللي يفكر يطلع قجق لاستراليا بحر او جوا خلي يفكر الف مرة قبل لايخطو هذي الخطوة يتحمل يكعد بسجن محبوس مايطلع ماكو تلفزيون ستلايت عربي فقط تلفزيون استراليا مكالماتك مراقبة والانترنت اذا حصلتة من الازدحام نصف ساعة والامر الاغرب ملابسهم رديئة حسب مايوصفوة مايلبس لذلك فاهل اللاجئين يبعثون لاولادهم ملابس وكثير من اللاجئين صارت بيهم حالة نفسية من السجن اوصيكم وصوا اللي يريد يروح لاستراليا اذا يتحمل على بركة اللة ليش احنا العراقيين مكتوب علينا الشقاء والموت المريب لو تفجير لو غرق رهيب صرنا مسيح قتلونا صرنا مسلمين فجرونا وين نروح دلونا
-
ان شاء الله, وبأذن الله يطلع اخوج بواحد من هاي المُعسكرات المُغلقة .. وان شاء الله يسهلون امرة ويتصل بيكم .. يارب .
ريفولفر
-
اخت مايا انشاءلله تسمعون اخبار مفرحة عن اخوج ويرتاح بالك دعواتنا لك يكون بالف خير
-
الله يبرد كلبكم وتلكون اخوج يا عزيزتي الله موجود ولاتياسو ا من رحمة الله لان رحمتة واسعه وسعت كل شي علما
-
الله كريم ان شاء الله خير ويصبركم
تحياتي
-
انشالله اخوج عايش وتسمعين خبر منه وربي يوفقج على النصيحه
-
الله يسهل على اخوج وان شاءالله تسمعون عنه اخبار حلوه وربي ينجي ويحفظه الكم
-
يارب تسمعون الاخبار الطيبة عن اخوج والله يحفظه الكم وتسمعون اخبار سلامته
-
اختي الله يصبر عليك انشاالله وماتشوفيتن غير بس الافراح ويطلع اخوك من هاي المجموعة الي بالكمبات و تصير سوالف واختي كلامك صحيح معاملة استراليا مع اللاجئين سيئة جدا جدا واقلك واني واحد من الناس تحول ملفي على استراليا بدون موافقتي وهم قبلت المهم اخلص بس صدكي من بعد ممليت الفورم سنة وثلاث اشهر اجاني الرفض للامنيات مال تركيا وبدون اي اتصال مسبق وكثير من الحالات اهنا بتركيا شفتهة وياما ناس متاخرة ومتلوعة بدون ميسالون عنهم واشلون عايشين واكو كم عائلة موجودين يمي انقبلو على استراليا وفحصوا وصارلهم اكثر من سنة ولحد الان ماكو اي خبر يريحهم ويقلل من هم الانتظار الي همة بيه .اختي الغالية اكو مثل يقول عدنة من عاف دارة قل مقدراة ومثل ميقول كاظم الساهر اشجابرك على المر غير الامر منة وصرنة بين حانة ومانة وادعوا من الله ان يلهمك الصبر والسلوان ورراحة البال..
اخــوكـــم الــســـندبــادي
تـــــركــــيـــأ
-
اخواني هذا اللي تريدة استراليا انا وغيري نقول هذا الكلام حتى محد يوصلها اليوم اتصل فينا اصدقاء من سويسرا عدهم صديق لبناني يشتغل بالصليب الاحمر بجنيف قال هذا سياستها حتى محد يوصلها واخذ صورهم واسمائهم لان منشورين على الفيس بوك وراح يطالب فيهم قال اللة العالم بحالهم اكيد بوضع سيء لان ماتعلم فيهم الامم المتحدة
-
اخت مايا الله يكون بعونك وعون الاهل ويعطيكم الصبر ويفرحكم بسلامته ويارب ان شاءالله يكون بالف خير وتفرحينه بموضع عن سلامته
وشكرا على نصيحتك لاخوانك واخواتك
مع تحياتي وتقديري
حامد شاكر