ankawa
منتدى الهجرة واللجوء => الهجرة و واللاجئين => الموضوع حرر بواسطة: Torture Killer في 02:46 29/01/2011
-
السلام عليكم
بما انه الذنب ذنبكم لان انتوا علمتونه ان نكون عائله وحدة ونتناقش بكلشي راح اطرح عليكم هذا الموضوع واريد ارائكم
اخوتي واخواتي في هذا المنتدى الاكثر من رائع اني عمري تقريبا 30 سنة واعزب وما اتزوجت لحد الان لان ما لكيت الي يناسبني و الي يعرفني شخصيا يكدر يكول عليه حاله خاصة ههههههههههه
والى حد قبل اسبوع وعن طريق الصدفة التقيت بالانسانه الي ادور عليها ونكدر نكول بعد ربع ساعة من الحوار اكتشفنه اكثر من عشرة امور مشتركة بيننا وخلال هذا الاسبوع تأكدت مليون بالميه انه لو هاي البنيه لو بعد ما الكي الي اريده .... طبعا راح اتكولون خطية وكع بالحب وما مصدك بنيه حجت ويا وطبعا اني هم مرات اكول على نفسي هيج بس صدكوني بعد العديد من التجارب بما فيها من علاقات وخطوبات عديدة اكتسبت الخبرة الكافيه لتمييز الامور
وحتى تكونون بالصورة اني مقدم SIV ومقابلتي بشهر الرابع ولذلك ما فاتحت البنيه باي موضوع يخص الزواج وبقيت الامور مجرد تعارف وكلت خل اخذ رأي اخوتي وحتى افتهم اذا اتزوجت خلال هذه الفتره شنو الاجراءات الي المفروض ان اسويها حتى اكدر اضيفها ويايه و شنو الاحسن ان اتزوج قبل المقابله لو بعدها
وحسب خبرتكم هل تنصحوني بالزواج لو لا وصدكوني الي تكولوا راح اسوي لان اني اصلا متردد وكلش دايخ بهذا الموضوع لان تعرفون اني مقبل على سفر والمكان الي رايحله راح ابدي بي من الصفر
واحب ان اضيف انه اني لحد هذه اللحظة ما طارح الموضوع بالبيت وانتوا اول من يعلم
وشكرااااااااا
-
والله يا اخي الكريم موضوعك محير كلش
بس ممكن تذكر انتة باي بلد ؟ حتى نكدر نفتيلك ؟
هسة احنة هم ما نكدر نكولك اي لو لا ؟ لان مانريد نفرق ونجمع بين شخصين لان ينرادلهة تفكير طويل
بس اذا الزواج ما ياءثر بموضوع سفرك توكل بالله
اما اذا ياءثر ؟ لا والله اعتقد تشوف طريقك وتسافر وبعدها الزواج تنحل اموره.
لان شنو الفائدة تزوج وتكعد .
مع التحيات
-
اخي العزيز
اني حاليا بعدني في العراق العظيم بلاد ما بين الشطين وبعون الله متوجه الي ولاية واشنطن حتى اشبع برد ومطر
وطبعا ومثل ما تعرف اذا اتزوج واخذ البنيه ويايه راح نتبهذل لان هذه بداية جديدة والصراحة اني كلش معجب بيها بس مو لحد ان ما اسافر لا بالعكس اني كل مشكلتي هل سفري وحدي احسن لو متزوج احسن وشنو الاجراءات حتى نطلع سوية يعني مو اروح و بعد فتره ادز عليها لان هذه الفكرة خاطئة حسب تصوري
-
والله يا ابن العم اسمع نصيحتي
تقريبا حالتي مشابهة لحالتك وكنت في الاردن
فكرت بالموضوع هواية هواية والحمد لله توصلت للنتيجة المهمة جدا
قررت السفر بوكتهة وكلت كل شيء قسمة ونصيب واذا صارت القسمة صارت ما صارت بعد يم رب العالمين
اولا انا الان الحمد لله في اميركا وتقريبا بعد 3 اشهر احصل على الكرين كارت ( ظمنت مستقبلي )
ثانيا انشالله الي كانت في بالي موجودة والحمد لله , بعد هذه الفترة انشالله اكدر ارجع واتزوج اذا الله راد .
وثالثا واهم شيء ( الموقف اختلف الان اذا رحت تقدمت لاهل البنية ؟ يعني سابقا لا اقامة ولا شي ؟ والان انا مقيم في اميركا )
وحر التنقل الى اي بلد اريده .
فكر زين وبقت يمك اخي الكريم
-
اخي العزيز
اني حاليا بعدني في العراق العظيم بلاد ما بين الشطين وبعون الله متوجه الي ولاية واشنطن حتى اشبع برد ومطر
وطبعا ومثل ما تعرف اذا اتزوج واخذ البنيه ويايه راح نتبهذل لان هذه بداية جديدة والصراحة اني كلش معجب بيها بس مو لحد ان ما اسافر لا بالعكس اني كل مشكلتي هل سفري وحدي احسن لو متزوج احسن وشنو الاجراءات حتى نطلع سوية يعني مو اروح و بعد فتره ادز عليها لان هذه الفكرة خاطئة حسب تصوري
اخي تورجر كلر اني من مؤيدي الزواج قبل السفر بس انت حالتك خاصة والسفر امتحان حقيقي لمعدن المرأة والرجل بنفس الوقت لذلك رأيي انه البنية هي مو وحدة تعرفها من زمان والدنيا امتحان مثل ما كتلك سافر وتوكل على الله وبعدين من تستقر تكدر تقدملها تجيك ولو راح تطول .........
وانت صاحب القرار الاول والاخير......
-
والله يا اختي ما ادري شكول والله دخت ???
والبنيه صح شفتها قبل اسبوع بس اهلي يعرفون اهلها من زمان واني بالصدفة صارت عندي شغلة يم زوج اختها الي هو ابن عمتي ورحتله للبيت وهيه جانت يمهم و اني من النوع الي جدا اجتماعي يعني رأسا اذب ميانه ;D وكعدت وحجيت وياها والصراحة حسيت عبالك اعرفها من زمان
هههههههههههه طبعا لحيت بالموضوع كلش ودا احس بنفسي يمكن احب البنيه وراح اخربط كل اوضاعي واتزوج وتالي ينكسر ظهري هناك
وحتى لا اتعبكم ويايه وادوخكم راح الغي الموضوع لان هاي مو شغله هينه وليش ابهذل بنت الناس ويايه وافلت وحدي على الاقل اذا كلش وضعيتي تعبت اكدر احير بنفسي وعود من تستقر اموري اتزوج واذا هيه باقية بيها الخير واذا صايرة قسمتها لغيري ارجع ادور من جديد :-[
وشكراااااااا
-
لا تتورط....؟؟؟؟
-
اخي العزيز
اني حاليا بعدني في العراق العظيم بلاد ما بين الشطين وبعون الله متوجه الي ولاية واشنطن حتى اشبع برد ومطر
وطبعا ومثل ما تعرف اذا اتزوج واخذ البنيه ويايه راح نتبهذل لان هذه بداية جديدة والصراحة اني كلش معجب بيها بس مو لحد ان ما اسافر لا بالعكس اني كل مشكلتي هل سفري وحدي احسن لو متزوج احسن وشنو الاجراءات حتى نطلع سوية يعني مو اروح و بعد فتره ادز عليها لان هذه الفكرة خاطئة حسب تصوري
بالنسبة للوقت الأفضل لإضافة الزوجة للمعاملة فهو قبل إرسال الأوراق للـ NVC و إذا انت داز الأوراق فممكن إضافتها قبل المقابلة و هذا شوية رح يأخر المقابلة لأن لازم تدز أوراقهه للـ NVC
و بالنسبة لسؤالك الثاني فإذا سافرت وحدك أو مع زوجتك فنفس الشي ... و بكل الأحوال مساعداتكم 8 أشهر فقط لأن ما عدكم أطفال ... تبقى شغلة .. أنه إذا وحدك و بعدك ممشتغل بعد انتهاء الأشهر الثمانية فممكن تشوفلك جماعة و تسكن وياهم بإيجار رخيص ... لكن إذا زوجتك وياك فهذا الشي لازم تنساه و لازم تتحمل دفع إيجار شقة و باقي الخدمات.
المتزوجين فترة أكثر من سنتين يكونون فاهمين بعضهم و متغلبين على فترة بداية الزواج ... فممكن يتغلبون على صعوبة بداية السفر ... لكن اللي توهم متزوجين رح يواجهون صعوبتين ... الأولى صعوبة بداية السفر و الثانية صعوبة بداية الزواج ... و انت بكل الأحوال رح تتزوج لأن من كلامك (الفاس واكع بالراس) ... و الحب أعمى البصر و البصيرة ;D ;D ;D
تحياتي
-
عمي يعني صارلك شكد تنتظر ومن تريد تصير طلعتلك هاي السالفه صفح
تره تخسر السفر ومستقبلك اذا بقيت :)
سوالف الحبيات تره تكسر الظهر
-
اذا شفته هي مناسبه الك اتزوج قبل السفر هواي احسن الك لان اذا تروح وترجع تزوج لازم البنيه تنتظرك مو اقل من سنه سنتين فتوكل على الله وازوج
-
السلام عليكم
hamada2 ..... اشكرك جدااااااااااااا
سرى ...... دائما من اكون حائر ودايخ كلمتين من حضرتج اتبردني واكدر اكول اي موضوع اطرحه انتظر ردج عليه يالله اقتنع
sadiq.h ....... حسب ظرفك مو شرط تتورط
ماجلان ..... كلامك على راسي ومقنع جدااا لان واقعي
heart_0f_baghdad ..... ههههههههههههههههههه والله صح منين طلعتلي صفح ما ادري
رورو1978...... حبي اني اصلا اذا اتزوج فقطعا اخذها ويايه وما اعوفها هنا
-
السلام عليكم
hamada2 ..... اشكرك جدااااااااااااا
سرى ...... دائما من اكون حائر ودايخ كلمتين من حضرتج اتبردني واكدر اكول اي موضوع اطرحه انتظر ردج عليه يالله اقتنع
sadiq.h ....... حسب ظرفك مو شرط تتورط
ماجلان ..... كلامك على راسي ومقنع جدااا لان واقعي
heart_0f_baghdad ..... ههههههههههههههههههه والله صح منين طلعتلي صفح ما ادري
رورو1978...... حبي اني اصلا اذا اتزوج فقطعا اخذها ويايه وما اعوفها هنا
اشكر كلامك الطيب واعتز بيك اخي العزيز
اريد اوضحلك نقطة اني شخصيا وية الزواج قبل السفر واكيد اكثر اذا بنية انت تحبها
اشكالي الوحيد هو محنة السفر والفراق عن الاهل وصعوبة الفترة الاولى بامريكا واكو حديث عن الرسول الكريم بما معناه انه ما تكدر تعرف صديقك مهما تعاشره الا بالسفر
ربي يوفقك وان شاء الله تبقى البنية من نصيبك وتتزوجون من توكف على رجليك وتمنياتي الخالصة لك بالاستقرار وراحة البال......
-
,الله اخويه اني ما اعتقد ردي راح يفيدك
بس حبيت اباركلك لان لكيتها
والله يوفقك
بس اذا مصارت تسحبها على الاس اي في
تكدر تزوجها وتروح
وتخليها اي او ام
حته انت هم تكدر تعيش فتره هناك بوحدك وشويه تتبهذل علما تلكيلك شغل وتستقر ويبدي وضعك يتحسن
وشعندك رايح للعاصمة
تره غاليه نار
روح لتكساس لو لنورث كارولاينا
تحياتي الك
حمزاوي
-
اخوية العزيز ... نصيحة الك ازوج واطلع وظيفها على ملفك
الغربة صعبة وراح اتواجة صعوبات عديدة في الاول ما نكدر ننكر هل الشي ...
ويمكن اتكون الشي الوحيد الحلو الك بالغربة ....
ولازم اتفكر اذا اتسافر يحتاج مدة طويلة الا تكدر توصل يمك ...
والخير الله يقدمه عزيزي
الك مني فائق الاحترام