ankawa
منتدى الهجرة واللجوء => الهجرة و واللاجئين => الموضوع حرر بواسطة: العاشق_1111 في 19:47 01/02/2011
-
السلام عليكم شلونكم ياهلي ياعراقين ياناس ياطيبين انجدووووووووووووووووووووني
انا اخوكم مرفوض من الوفد الاميركي اسباب خاصه بعد قيد الدراسه وشلعان الكلب علما اني توطيني من شهر 3\2009
جر وعر سنه يالله قابلت الوفد الاميركي وبعدها استلمت قيد الدراسه وبعدها رفض اسباب خاصه كاتبين علما اني كنت معتقل عدهم وكان سبب رفضي بالبدايه لي امريكا لان اعرف راح يضيعون الوقت عليه بس جماعه الامم المتحده كالولي اذا ما تقبل راح ينسد ملفك المهم
اني اليوم رحت على كفر سوسه دا اشوف الملف علما انهم قبل مده تقريبا شهر عملوا معي مقابله علمود يساعدوني بكتابه الاستئناف فكتله اني اجيت على باتريك وكالي لاتسوي استئناف لان مابيه فايده في مثل حالتك بلكي نحولك على غير دوله وطبعا كال راح اشوف المدير مالي اذا اكوا امكانيه يحولك وحد اتصل بيه اليوم باتريك ما موجود هذا جاي بمكانه فكالي انوا انته مدام امريكا رفضتك اسباب خاصه يعيني كندا واستراليا هم نفس الشي بس بقت يم الاوربين والاوربين مايريدون توطين سنه2011 كتله زين اني شلون كالي والله انته فرص التوطين اصبحت شبه معدومه وباتريك الي بمكانه كان طبعا هو البديل ماله كال انتظر فأشيروا عليه يامعودين ترى والله تهسترت اخواني اصحاب الخبره بالمنتدى والاخت انجي الله يحفظج كولولي شأسوي وين اولي ومع العلم كتله اني عندي ادله جديده تاخرت يالله اجتني يكولي احنا ما عدنا شي على قصتك ماتحتاج الادله قصتك واضحه واني ما اكدر ارجع للعر اق بعد لان اخي الاصغر بينه وبينه 7 دقايق اخذوا من كدامي من 2007 ولحد هسه واحنا شغلته مع المليشيات الايرانيه دورنه وين ارووووووووووووح كولولي
اخوكم العاشق_1111
-
اخي العاشق
الله يساعدك ويفرجها عليك ويسهل امرك
اخي مو شرط الي ينرفض من امريكا ينرفض من كندا واستراليا
واكو عدة قضايا في هذا المنتدى انرفضوا من امريكا ايضا بسبب الاعتقال وانقبلوا في كندا
كوله اريد اقدم على كندا وعود اذا رفضوني انتضر الاوربي
-
أنا لله وانا اليه راجعون ............. الله يكون بعونك اخي......... ادعيلك بالفرج انشاء الله , حاول قدر الأمكان مع الـ UN لازم يشفولك جارة.
-
اخوية علة كولة اختنة ريم حاول على كندا بلكت يقبلوك باذن الله
-
اخويه الغالي العاشق_1111
اول شي كول ياالله
صلي على محمد .. على كيفك هدي اعصاب
اول شي راجع مرة ثانيه بلكي تحجي ويه باترك لان هو ادرى بموضوعك
ثاني شي استراليا وكندا ما الهم علاقه بامريكا و رفضها يعني يكدرون يحولوك على وحدة بيهم
والاحتمال الاخير لاسمح الله اذا انرفضت من استراليا وكندا ولو هذا شي بعيد ان شاء الله تتحول لاوربا ومن المحتمل اوربا تاخذ هو الي كلك اوربا متاخذ سنه 2011 عندة شي رسمي بهذا الكلام
حبيبي لايهزك كلام هذا الشخص الضاهر يريد يدفعك لان عليهم ازدحام بس انت لاتيئس من رحمه الله روح راجع كل اسبوع ممسوين فضل الك هذا حقك
وثانيا انت ملفك من انقبل توطين بالامم المتحدة هيه مجبورة لازم تلكالك دوله توطين
فيااخي روح كل اسبوع واتوكل على الله ولاتضوج
تحياتي الك
-
اخي العزيز عاشق المحترم.... الله يكون بعونك..
اخي العزيز بصراحة انا متشائم من مستقبلنا خاصة المرفوضين من امريكا اللذين لحد الان لم يتم توطينهم من ضمنهم انا.
متشائم لان
1- البارحة شفت حالة صديقي من رجع من لاجيء مقبول الى طالب لجوء. علما هو من 2003 لحد الان ماشايف العراق وماعنده مشكلة بالاردن ذنبه فقط لانه مرفوض من امريكا واعتقد هذا هو السبب.
2- التصريح من المفوض السامي لشؤون اللاجئين السيد انطونيو تيريز قال: انتهاء ملف اللاجئين والنازحين العراقيين في وقت قريب بعد أن تم تغيير العمل من تقديم المساعدة إلى خطة إيجاد الحلول.
3- ما اريد اهبط المعنويات الله شاهد ولكن عادة بعد الرفض الامريكي تنخفض نسبة القبول على دول اخرى وهذا كلام احد مستشاري الهجرة. قال لي لايعني ماكو قبول ولكن تنخفض نسبة قبولكم الى اقل من %50 ولهذا السبب تاخر توطين المرفوضين من امريكا الى دول اخرى او اكو توطين ولكن بطيء جدا وحالات فردية.
اختي الفاضلة ريم عبد المحترمة
اخي العزيز ماجيك المحترم
كلامكم مضبوط اكو استراليا وكندا ولكن فقط لحالات خاصة وقليل من المرفوضين يتحول ملفهم الى كندا او استراليا وهذا يعتمد على (القصة) و (امراض) و (سبب الرفض من امريكا) و (العسكرية) و (الامنية) (اقرباء درجة اولى) .
والدليل انا كان معي اربعة ملفات لمرفوضين من امريكا كنا خمس عوائل تحول ملفاتنا الى استراليا وتم رفضنا كلنا بالجملةمن استراليا.
4- واليوم انا رحت للمفوضية وقابلت محامي بقسم التوطين وقال لي بالحرف الواحد: الله شاهد قال ابو عماد ماكو اوروبا صدقني ماكو اوروبا فاتحنا كثير من الدول الاوروبية ولم نستلم الرد منهم لحد اليوم. وقال لي ملفك سوف تبقى بقسم التوطين ربما لسنة اخرى او سنتين او اكثر الى ان نجد لك حل. والله قال لي بالحرف الواحد ملفك بقسم التوطين يعني الملف معلق (او قيد الدراسة) يعني حاليا معلق لانه ماكو توطين بالنسبة لك.
أخواني واخواتي الاعزاء ... بالنسبة لنا احنا المرفوضين من امريكا اذا المفوضية يقولون ملفك بقسم التوطين قيد الدراسة هذا يعني الملف معلق لايوجد توطين في الوقت الحاضر.
-
حسبي الله ونعم الوكيل ...................... الكم الله.
-
الى الاخ الكريم عاشق والله ماكو غير الدعاء واتمنالك الموفقيه من كل قلبي
افضل دعاء دعا به الرسول (ص)
اللهم اليك اشكو ضعف
...قوتي , وقلة حيلتي , و هواني على الناس , يا ارحم الراحمين , أنت رب المستضعفين , و أنت ربي , الى من تكلني ؟ الى بعيد يتجهمني؟أم الى عدو ملكتة امري؟ ان لم يكن بك علي غضب فلا ابالي , و لكن عافيتك هى اوسع لي, اعوذ بنور وجهك الذي اشرقت لة الظلمات , وصلح علية امر الدنيا و الاخرة من ان تنزل بي غضبك , او يحل علي سخطك,لك العتبى حتى ترضى , و لا حول ولا قوة الا بك
والله يا اخوتي ايام صعبه جداا كاعد اتمر علينا والله اتبجي ماعدنه بس الدعاء
تقبلو مروري
-
لاحول ولا قوه الا بالله
اخي العاشق فوض امرك لله سبحانه وتعالى
ومن ساعه الساعه فرج
وكثر من الاستغفار( من لزم الاستغفار جعل الله له من كل هم فرجا ومن كل ضيق مخرجا ) صدق رسول الله صلى عليه وسلم
ومضيك الا تفرج
وربي يسر امرك وامر كل انسان بشده وربي كريم ارحم بينه من انفسنا
تقبل مروري والله يكون بعونك
-
مرحبا اخي العاشق يشهد الله انه عندما قرأت موضوعك دعيت لك الله ان يفرجها عليك من كل قلبي ولكن اخي لاتأخذ كلام الموظف على انه صحيح 100|100 ومن الممكن جدا ان الموظف غير دقيق في نقل المعلومة لك لانه يوجد اشخاص كثيرين وهم من المرفوضين من اميركا ايضا انقبلوا على كندا واستراليا ويوجد اشخاص منهم اعضاء محترمين في المنتدى من ضمنهم الاخ النرجس 79 تم قبوله قريبا على كندا وكذلك الاخ مازن البغدادي وهو الان في كندا والحمد لله اخي الكثير اكدوا ان سبب الرفض من اميركا ليس عائقا في قبولنا على اي دولة يعني لاتيأس من رحمة الله ولكن اخي يجب ان تتحلى بالصبر
بالتوفيق
-
السلام عليكم شلونكم ياهلي ياعراقين ياناس ياطيبين اخواين الاعزاء واخواتي الكريمات انا شاكر وممتن على ردودكم الطيبه ومشاعركم النبيله وتعاطفكم معي والله يحفظكم ويسر اموركم الهم اميين يارب
اخي العزيز ماجيك اولا باتريك حسب مافتهمت انوا هذا البديل ماله يعني هو مسؤول قسم التوطين الي بمكانه والموظف هم كالي هذا هو مدير التوطين واني كتله للموظف انوا اكوا اشخاص هم نفس حالتي وانقبلوا على كندا هم نفس الرفض يكلي كل واحد وقصته زين اني قصتي ويه المليشيات الايرانيه لان الوالد كان بالقوه الجويه وعندي ادله وحتى من ظمنهن شريط فيديو يعني اكوا اكثر من هاي القصه جاوبوني بالله عليكم اخويه من 2007 ولحد هسه حتى جثه مالكيتله ومابقيت بس اني شلون هسه اريد اواجه محامي الموضف يكلي هذا مو سبب يخليك تواجه محامي اخويه ابو عماد الله يرضى عنك شلون الواحد يواجه المحامي لان هنا لازم تكل للموضف الحاله وهو من يقرر انو يخليلك تواجه محامي ام لا اختي المسافره جزاج الله خير بس هذا هو مو موضف يعني هو المدير الي بمكان باتريك حسب مافافتهمت بديله زين اذا هذا ماعنده معلومه زين منوا الي عنده معلومه
ما اعرف يعني شلون شسوي ماعرف ولله شكرا الكم جميعا ياطيبين وشكرا لكلماتكم العذبه ودعائكم الصادق وربي يحفظكم ويسر اموركم اخوكم العاشق_1111
-
احسنت يا طيب ..........
-
اخواني العزاء اذا واحد يعرف ارقام المحامين مال كفر سوسه لاتبخلون بها عليه الله يرضى عنكم بس مو المحامي مال الاقامه
-
اخي العاشق الله يكون بعونك وتسهل امورك :(والله حسيت بمعاناتك وانا بعمان كنت اتمنى لواعرف معلومه تفيدك دعائي الك بالصبر تقبل مروري jack black
-
السلام عليكم شلونكم ياهلي ياعراقين ياناس ياطيبين
اخي العزيز jack black الله يجزيك كل خير وبارك الله بيك على روحك الطيبه والله يحفظك ويسر امورك
اخوكم العاشق_1111
-
اخي العزيز العاشق المحترم
تحية طيبة... الله يكون بعونك وانا اعاني نفس معاناتك..
اخي الفاضل انا كتبت عدة مناشدات اخر مناشدة للمفوضية كتبت لهم بان اريد ارجع للعراق اذا ماتحلون قضيتي. ورا ثلاثة ايام خابروني وقابلت المحامي وقال لي اذا تريد ترجع على مسؤوليتك ارجع انت حر .. واذا تبقى بالاردن انت تحت الحماية اما بخصوص التوطين قال لي حاليا ماكو فقط عدنا امريكا وملفك راح تنزل لقسم الحماية الى ان تجي الوفود بعد سنة بعد سنتين ما نعرف.
هذا اللي صار معي وهذا الطريقة قابلت المحامي وما استفاديت شيء.
تمنياتي لك بالموفقية
-
السلام عليكم شلونكم ياهلي ياعراقين ياناس ياطيبين انشاء لله الجميع بخير يارب
مشكور اخي ابو عماد على التوضيح وربي يسر امرك وامرنا ويعجل شغله التحويل على غير بلد بأسرع مايمكن لان والله ضاقت علينا الارض بما رحبت اخي العزيز هو يكلك انوا ماكوا غير امريكا طيب هسه كندا تريد سحب 12000 لاجئ بلكت الله يسر الك
وتكون واحد منهم الهم امييين
اخي الحبيب ممكن اعرف سبب رفضك من اميركا هل هو اسباب خاصه ام غير شكل لان انته قلت هم رفضتك استراليا واني اريد اقارن بين كلام هذا الموظف الي قالي هم كندا واستراليا راح ترفضك لان مرفوض اسباب خاصه واني اعرف ناس هم نفس الرفض وراحوا لكندا وليش اذا اكوا هيج حجي ليس ماكلي المسؤول الي قبله وليش ماقالي الموظف الي عمل معايه المقابله علمود شغله الاستئناف؟ وانته بخبرتك ليش ما اخبروني وهل هذا يريد هيج يتعب نفسيتي لو شنوا الامر انته كاتب انوا بعد الرفض الاميركي تقل الفرص بنسبه50 بالميه وتبقى بس للحالات الخاصه اخي اني مشكلتي مثل ماذكرت سابقا اني مع المليشيات الحكوميه يعني رجعتي مستحيله وعندي ادله على هذا الشي انته بخبرتك يعني اني ما اعتبر حاله خاصه؟ وجزاك الله الف خير اخوكم العاشق_1111
-
اخي العزيز العاشق المحترم
تحية طيبة...
اخي بالنسبة 12000 لاجيء الى كندا ماعندي اي معلومات عنه. من بداية 2010 لحد اليوم حسب احصائية المفوضية سوريا والاردن وتركيا ومصر عدد العراقيين توطين الى امريكا 75% اما استرالي وكندا والمانيا وفنلندا والسويد ونيوزيلاندا المجموع 14 دولة تم توطين العراقيين بنسبة 25% ... لوكان هذا الخبر صحيح 12000 لاجيء على كندا يعني النسبة اكثر من امريكا انا باعتقادي هذا الخبر غير صحيح مجرد اعلام.
http://www.yemennation.net/news590.html
اما بالنسبة لسبب الرفض من امريكا... لحد الان ما اعرف سبب رفضي مرة قالوا لي انت مو مضطهد مرة اسباب اخرى ومرة ماعرفت السبب. نعم انا هم قالوا لي اذا حولناك على كندا راح ترفضك لان قضيتك لاينطبق على الشروط الكندي.
وبالنسبة للرفض الامريكي وثم تقل الفرص 50% هذا كلام احد اصدقائي وهو مستشار الهجرة. يعيش في امريكا من اصل لبناني.
وقال لي فقط الحالات الخاصة والحالات الخاصة حسب تقيم المفوضية وحضرتك تقول بان رجعتك مستحيل الى العراق هذا ما يقررره المفوضية اذا شافوا ملفك قوي اكيد راح يوطنوك الى دولة اخرى وانشاءالله قريبا.
-
اخويه العزيز ابو عماد المحترم
شكرا على ردك اخويه على استفساري
وانته يعني هم اسباب خاصه مثلي ربي ريسر امرك عن قريب اخي الكريم
بالنسبه لي كندا ما اعتقد انوا هاي شغله اعلام فقط لان ليش هو كالي انوا اذا تحولت على كندا راح ترفضك يعني هو اكوا عدهم علم بشغله كندا واستراليا وقالي تبقى على اوربا واوربا ماتريد احد هسه ومما يأكد خبر كندا هذا الرابط لقاء لوزير الهجره الكندي مع الجاليه العراقيه http://www.almorabit.com/main/ar/2010-10-21-00-28-14/1179-2011-01-11-19-04-22.htmlطيب بالنسبه للحالات الخاصه من اتكلم معاي الموظف قال انو ملفك راح يمشي على ىالدول بصوره طبيعه وما اكدر اكتب عليه مستعجل يعني ياخذ وقت واني راح اتصل بيك وابلغك المستجدات انته بيش تفسر هذا الكلام يعني قصتي مطابقه للحالات الخاصه وانا حتى قلت لهذا المدير كتله اني عندي وثائق جديده ماقدمتها بالوفد لان جتي متاخره قال اني ماعندي شي على قصتك وماتحتاج التدعيم ولكن اني اكلك من خبرتي انوا كندا هم راح ترفضك هي واستراليا والكلام بصراحه ما اعرف شلون افسره
تقبل مروري اخوكم العاشق_1111