ankawa
منتدى الهجرة واللجوء => الهجرة و واللاجئين => الموضوع حرر بواسطة: بغدادي76 في 12:36 02/02/2011
-
أخوان آني مثل هواية جاي انتضر الفيزة , حيصيرلي شهرين وأسبوعين, وولد ويايه بالشغل هم صارله فد 3 اشهر ونص , والجماعة بالمنتدى هواية اكو 5 أشهر وسته وسبعه ويمكن حته عشره اكو
البارحة ويايه واحد بالشغل يكول صديقه قابل أبداية الواحد هسنه وأجته الفيزة هسه ! , كتله يابه اكيد ؟ ثقه هذه ؟! كال ما أدري والله بس ليش يكذب ؟! كتله اخاف جاي يضوجك! , كال ما أدري , احتمال يجذب.
فسؤالي , شنو احنه بس أحنه المتأخرين جايين نندب حضنه بالمنتدى وأكو ناس دتاخذ الفيزة علسريع ؟ لو هيه فعلا متأخرة على الجميع ؟
بس آني أعرف اثنين قابلو 3/10/2010 واستلمو الفيزة 5/1/2011 وسافرو
-
اخوية كلامك صحيح اني اعرف ولد استلم فيزتة باقل من شهر والله العظيم ولوما عيب جان كتبتلك اسمة واسم زوجتة بس هو لوتي شوية ماجاب طاري وسواها بالطشطشة , ومو بس هذا الشخص وانما كثيرين استلموا فيز بسهولة صدقني أخوية احنا دائما نسمع عن التجارب المستعصية اكثر من التجارب الطيبة اللي تمشي بسلاسة .يعني اذا تاخذ عينة من عشرين شخص واذا خمسة عشر منهم اخذوا فيزا بسهولة وبوقت معقول وبقى خمسة منهم بدون فيزا فاأحنا أكيد راح نكون مكابلين هالخمسة ونسمع شكاويهم ومعاناتهم ووياهم معاناتنا تزداد عالواهس
-
صديقي الغالي لتتعجب اني اعرف ناس اجتهم الفيزا باقل من شهر هي المشكلة كما وحظه اني صارلي مثلا 7 اشهر ونص واكو غيري اكثر بس الله كريم هسة يجي يوم وتسمع الفيزا طلعتلك مع ارق تحياتي
-
هسه لو الجماعة المنتظرين لفترات طويلة يفهمونا شنو برأيهم اسباب التأخير اللي صايرة وياهم مثلا هل هو تشابه اسماء أو اسباب الزيات لدول (مريبة)كأيران وسوريا أو هل لها علاقة بعملهم السابق أو أو أو ؟
-
السلام عليكم
اخوان الله يرضى عليكم
هسه احنا على سبيل المثال القابلنا وكلنا او اغلبنا بالكروب siv الشامل اكو احد استلم الفيزا من عدنا
الجواب لا ماكو من 76 الى عراقي هواي الى ايكو ناين الى راين وبقية الاخوان القابلوا كذلك
انا قابلت بيوم 8-12-2010 يعني اليوم كملت 56 يوم من الانتظار وللعلم انا ما مسافر غير للاردن وبس ولاخادم عسكرية ماعدا شهرين الاحتياط بال 2001 ومع ذلك هاي صار 56 يوم وفيزا ماكو وبالمراجعة الادارية الاضافية ولاعندي تشابه اسماء لان اسمي مجعمر وما اعتقد اكو 2 بالعالم يشبهون اسمي الثلاثي ولا عندي مشاكل بالسكريننغ او بلاك ليست اوغيرها
بس لو تلاحظون اننا جميعا تقريبا ابلغونا بالسفارة بيوم المقابلة بان نتوقع الفيزا من 2 او 3 اشهر الى 6 اشهر
يعني الشغلة تغير بالسيستم عدهم مو عدنا المشكلة
هسه ما بيدينا شي غير الصبر والصبر والصبر
والله يفرجها علينا ان شاء الله ولو هي الشغلة بدت تضوج
-
والله ياخويه احنه عايشين على كف عفريت مثل مايكولون , على غفلة يكلولنه ياله روحو لبيوتكم بعد مانحتاجكم !
حته الصحوات انطونهم وظائف وأحنه على هذه الحال ... ما أنطونه غير هاي الأيس آي في , وهاي هم بالهباطة
-
السفر الى امريكا ما مضمون سواء عن طريق الهجرة او اللجوء ماكو ثقة بعد وية الامريكان خصوصا راح ينسحبون من العراق يعني اني ما اصدك بيهم راح يطلعونا الا احصل الفيزا و اصعد بالطيارة بعمان هناك يلله أأمن اني خلصت من العراق...
-
هههههههههههههههه kin
يمكن انته ما سمعت بسالفه هذا الي نزلوه من الطياره و كلوله
انلغه سفرك عندك مراجعه اضافيه اي او ام ;D ;D
هي هسه بل وجه يكلك 3 الى 6 اشهر يعني مو فد شي غريب صار انتظار الفيزا
الصبر الصبر ما لنا غيره
-
همة لو بيهم خير و صدك يريدون يساعدون الناس اللي اشتغلوا وياهم و ضحوا بحياتهم جان خلونا بطيارة عسكرية و طاروا بينا من مطار بغداد مثل ما سوو الاستراليين و البريطانيين صعدوا جماعتهم بالطيارة من المعسكرات و اخذوهم وياهم..
-
ياحبيبي يا kin مو أخاف احجي حجاية وتزعل مني وتكول هذا لوكي مال الامريكان لو محامي عنهم يااخوية العزيز همه ماضربوك على ايدك وجروك من البيت عنوة وكالو تعال ترجملنا لو أشتغل ويانا ؟؟!!
وأغلبنا من أشتغلنا وياهم ووقعنا العقود ماجان أكو فقرة بالعقد تكول انه يتعهدون بسفرنا الى امريكا مو؟؟؟ ولاذكروها بيوم من الايام ..وجان ينطونا راتب على شغلنا هذا وياهم يعني مو زينية منا او منهم كلشي الة مقابل يااخوية العزيز .
بعدين خلف الله عليهم فتحولنا هذني المجالين والبرنامجين iom و siv واللي شملت عدد ضخم بل عدد هائل من العراقيين المهدد وغير المهدد المترجم والمهندس والعامل البسيط اللي اشتغل وياهم .وجان ابداية الامر التقديم واكمال المعاملة من خارج العراق همينة خلف الله عليهم سهلونا اياها وصارت من العراق ,,,بعد شعدنا عليهم طلالالالالابة .. لا وفوكاها ((حشاك)) هواية من العراقيين اللي كانوا مستقتلين على السفر وكاتلين روحهم ويسبون امريكا والفيزا والتأخير ليلا نهارا ول ماوصلوا أتغيرت النغمة مالتهم وشغلوا الوجه الثاني من الاسطوانة.((هيجي من امريكا وساعة السودة الاجينا))مو؟؟؟؟
توكل بالله وأستهدي بالرحمن أني اعرف فترات الانتظار زحمة وصعبة بس صدقني تلحك وياريت مايجي يوم وأذكرك من تكلب الاسطوانة على الوجه الثاني ;) ;) وتحياتي
أخوكم كوندا
-
حبي كوندا , آني من الناس الي اشتغلت ويه الأمريكان بداية 2004 على اساس بناء عراق ديمقراطي, بس الوضع من سيئ إلى أسوأ ولهذا من كثر الإحراجات الي تعرضت ألهه أمريكا لإنقاذ مايمكن إنقاذه من بلد طاح حضه بالزايد ... خلي هيج اكول
ولهذا فتحو باب الهجرة لأن احنه فعلا نطلبهم طلابه, لأن احنه اشتغلنه وياهم في "عملية تحرير العراق" بس حيغادرون وتركونه بله تحرير ولا شي, ولو صار العراق بلد الحرية والديمقراطية مثل ماوعدونه جان اصلا احنه مانروح, ولا همه حياخذونه.
-
عمي بغدادي 76:
هذا مو صوجهم حبي صوج شعبك اللي يركض ورا ابو عمامة ويعبد الاصنام ويقدس البعث (حشا الطيبين )هما شالولك النظام السابق وغيروه الباقي بقى عالشعب ,, اذا هو الشعب ماترهملة الديمقراطية وعندة حساسية من التطور والحوار ويحب التخلف والقتل والسرقة والظلم ومثل ماكلنا حشا الطيبين المغلوبين على أمرهم مثلي ومثل ومثل هواية ناس مثقفة وواعية وطيبة بهذا المنتدى مثلا .(اللي ماقالهم مكان في هيج بلد للاسف)
مقصد كلامي انه همه الامريكان ماملزمين وماابالغ اذا اكول خلف الله عليهم اذا يسفرونا ويخلصونا ,ولو هو موضوع غير سياسي بس اقد أؤكدلك نه امريكا ماتعرضت الى اي احراج . بالعكس حققت مكاسب تاريخية تحسب على مدى سنوات طويلة.
-
أخويه كوندا مو هيج تنحسب الأمور
شوب هذي المنطقة شعوب مو مال ديمقراطية, أصلا هيه لو شعوب ديمقراطية جان ماولدت دكتاتور وره دكتاتور
أمريكا لازم تفرض الديمقراطية فرض على الشعب العراقي إذا صدك تريد تسوي ديمقراطية, مو وره جم شهر تعالو انتخبو اللي تردوه ! الحية شتولد ؟ تولد جعفري ومالكي وشيل ايدك
المفروض الأمريكان يلتزمون بدعم نظام ديمقراطي يفرضوه على الشعب فرض اقل شي فد 8 سنين , بالميت 4, علمود يتثقف هذه الشعب اولا ويتذوق طعم الحرية وإحترام القانون , علمود لمن تصير إنتخابات حرة , يعرف شيختار.
بس الجماعة شربتوهه علسريع علسريع
-
شربتوها لان ماشافوا تعاون ,,,وبالتالي عافوها تدريجيا لانه أئيسوا من هيجي شعب (حشا الطيبين) .وحقهم يئايسون لانه الطبقة المثقفة الواعية يااما التزمت الصمت لضعفها وقلتها يااما اتجهت الى الهجرة والخلاص لذلك بقى الغالبية المخربطة.
والنا الله يااخوية
-
شكرا للأخ البغداي 76 على هذا الموضوع وكذلك اتفق مع كل ماذكره الاخ kunda l مو دفاعا عن اميريكا بس هايه كلمة حق احنه من اتعاقدنه ويه الشركات الامريكيه اتفقنه وياهم على عمل مقابل راتب ماكنه نحلم باقل من ربعه بالوقت اللي كانت بيه الدوائر الحكوميه من الباب ايكولونه ماكو تعيينات همه الامريكان لو تحسبهه اشراح يستفادون من العراقيين هناك والله ما ادري اشو عدهم اشكال البشر هناك يعني المكسيكان يدكون شغل من الصبح لليل وغيرهم بس شنو الفائده من فتح الهجره للعراقيين ما اعرف صحيح اني ضد السياسه الخارجيه لامريكا بالمنطقه بس بهاي النقطه اني وياهم تماما
وبالنسبه لذولي الاصنام اللي هسه اتسلطو على العراق فهذولي همه العراقيين انتخبوهم يعني موجابو شعب من المريخ لو من الصين وانتخب بمكانه
-
الحجي ميفيد :-[
-
اخوان تعذروني على التطفل بس ما اكدر الزم نفسي من اسمع هيج حجي مع احترامي وتقديري لكم اجمعين
تدرون اشكد يدخل الى امريكا من لاجئين كل سنه ؟؟؟؟؟؟
اشكد يدخل الى امريكا مهاجرين شرعيين كل سنه ؟؟؟؟
شكد يدخل الى امريكا مهاجرين غير شرعيين كل سنه ؟؟؟؟
شكد يدخل الى امريكا عن طريق اللوتري يعني (اليانصيب) ($$$$) كل سنه ؟؟؟؟
وانتم جاي تستكثرون على ارواحكم الطبه لامريكا ؟
اخواني امريكا لمن صارت عدهم حرب ويا فيتنام كاموا يكرفون كرف وحته من الشارع (طالع امريكا نفرين طالع)
بس لمن وصلت لولد الخايبه .... لبست الباااااااااا...
اعذروني اذا اتجاوزت لان ....
-
اخوان تعذروني على التطفل بس ما اكدر الزم نفسي من اسمع هيج حجي مع احترامي وتقديري لكم اجمعين
تدرون اشكد يدخل الى امريكا من لاجئين كل سنه ؟؟؟؟؟؟
اشكد يدخل الى امريكا مهاجرين شرعيين كل سنه ؟؟؟؟
شكد يدخل الى امريكا مهاجرين غير شرعيين كل سنه ؟؟؟؟
شكد يدخل الى امريكا عن طريق اللوتري يعني (اليانصيب) ($$$$) كل سنه ؟؟؟؟
وانتم جاي تستكثرون على ارواحكم الطبه لامريكا ؟
اخواني امريكا لمن صارت عدهم حرب ويا فيتنام كاموا يكرفون كرف وحته من الشارع (طالع امريكا نفرين طالع)
بس لمن وصلت لولد الخايبه .... لبست الباااااااااا...
اعذروني اذا اتجاوزت لان ....
8) 8) 8) 8) 8) 8) 8)
-
ولو الحجي صار بغير موضوع ... بس كلت خلي اكتب بعد من باب الفضفضه
انتو اخوان ليش جايين تفكرون بس ( عمل ويه الأمريكان + بلكي هجرة ! ) أخذو نظرة عامة على كل البلد واللي صار بيه , شو انتو كلبتوهه انو الأمريكان خلفله عليهم شغلونه ويمكن حياخذونه مستخطينه !
زين الأمريكا ناس طيبين على نياتهم وفتحو باب الهجرة للي اشتغل وياهم !
زين البريطانيين هم طيبين ؟ والدنماركيين ؟ والأيطاليين ؟ ... هذولة كلهم مستخطين اللي اشتغلو وياهم ؟
البلد فشل فشل على ايدهم , وصار خطر على اللي كلولة تعال اشتغل ويانه في عملية (تحرير وإعادة بناء العراق) !
-
يوم عيد لو مشتغل و يه البريطانين لو الاسترالين :( :( :( :( :(
-
البلد فشل فشل على ايدهم , وصار خطر على اللي كلولة تعال اشتغل ويانه في عملية (تحرير وإعادة بناء العراق)
!!!!!!!!ليش انت اجوي عليك للبيت وكلولك تعال اشتغل ويانا !!!!!!!
ثم باب اللجوء والهجرة مفتوح من سنين طويلة الى اوربا وامريكا مو هسه فتحوه حبي علمودك وعلمود البلد واللي اشتغل وياهم
-
حبيبي كوندا محد دفعنا حتى نشتغل وية الامريكان بس ظروف البلد الصعبة و انعدام فرص العمل هية اللي خلتنا نشتغل وياهم مترجمين... ليش شفتلك واحد خليجي اشتغل وية الامريكان بالمعسكرات مالتهم اللي بالخليج؟؟؟
و طبعا ماكو واحد حالته المادية كلش زينة و يقبل يلبس خوذة و درع و يصعد بالهمر و ويومية طاكة عليه عبوة و يبات بالمعسكر 26 يوم و الهاونات تركع عليه بالليل...
بعدين همة الامريكان دا يكرفون كرف بالعراقيين الموجودين بالخارج و دا ياخذوهم لامريكا و من يوصلون يمنه احنة المترجمين يسووهة فد مرة مسدودة...
-
عملية تحرير العراق ابشرفي قوية ههههههههههههههههههههههههههههههههههههههه
-
البلد فشل فشل على ايدهم , وصار خطر على اللي كلولة تعال اشتغل ويانه في عملية (تحرير وإعادة بناء العراق)
!!!!!!!!ليش انت اجوي عليك للبيت وكلولك تعال اشتغل ويانا !!!!!!!
ثم باب اللجوء والهجرة مفتوح من سنين طويلة الى اوربا وامريكا مو هسه فتحوه حبي علمودك وعلمود البلد واللي اشتغل وياهم
لعد لمن يوميه ينزل إعلان بجريدة الصباح بالألفين وأربعة مطلوب مترجيمن ... شنو لعد ؟
أحنه المترجمين دينطونة هجرة لجوء خاصة , وهاي مامفتوحة من سنين طويلة مثل ماتكول, هاي خاصة ومحدودة جدا.
-
و الله اني اشتغلت بس على مو اطفر ;) لا اكثر ولا اقل
الصراحه حلوه ;) ;)
-
اخوان بس على كيفكم لا تصيرون اعصاب .
ترة الصار بالعراق مو شوية ظلم ، اضطهار ، ميليشيات ، عصابات ، قتل بشتى انواع الطرق حتى انهم بداوا يتفننون بانواع القتل الذي اصبح يوميا . لا بل اصبح في كل لحظة يعني شيصير لو العراق يتغير ويصير حالة نفس حال اليابان او اوربا . يابة هسة ما نريد اوربا خل نصير مثل الخليج هم قابلين بس شنسوي اذا الشعب جاهل (حشا الزينين) يمشون ورة اهل العمايم .
باعوا على تونس ، ومصر شلون غيروا نظام الحكم علمود البطالة . واحنة لاكهرباء لا ماء لا عمل لا شارع بي خير لا خدمات لا امان بس جذب ونفاق (حشا الطيبين).
-
السلام عليكم
ممكن ارد على بعض الاخوة اهنا
طبعا احب اشارك بشي بسيط
اخواني اول شي ماكو شي اسمة يتركونة ويروحون
لان ترة المعلومات والاستلام والتسليم والارسال والموضفين
ترة هذولي ديدفعولهم فلوس مو ابلاش مثل متتصورون
والميزانية مال هجرة العراقين ضمن الاس اي افي
انقرت بالكونكرس يعني على كيفك شوية الشغلة مو لعب ولا حيتركوكم ويروح
ولتخافون محد حيطلع ان طلعو بالعسكري يبقون بالمدنية
وكل واحد اشتغل باخلاص طالع بحيل الله
شغلة ثانية طبعا ماكو فضل من احد على احد
لان المترجم عندة فضل عليهم ولا همة عدهم فضل علية
المترجم اشتغل بفلوس وهمة طلعو مو لخاطر عيونة
اكو شي اسمة تضارب مصالح
امريكا من كل بلد دخلتة وطلعت منة طلعت ناس اشتغلت وياهم بي
وهلشي لوما ممسوي باليابان وبفيتنام وبغير دول
مجان احد اشتغل وياهم بالعراق ولو ممسوي وحيسو بالعراق فمحد حيشتغل وياهم بعد بالجايات
يعني الشغلة ابعاااادها لا اني وانتو ندركها
الشغلة جبيرة وحيل جبيرة مو بس جبيرة
انتو من دطلعون اجبارا عليهم مو تسهيل منهم لان حيل مصعبيها همة بس مبيدهم شي
قانون هذا عدهم وغصبا على الخلفهم ايسوا مو فضل منهم
تحياتي
-
و الله اني اشتغلت بس على مو اطفر ;) لا اكثر ولا اقل
الصراحه حلوه ;) ;)
والله آرمي احنه القدماء ماجان ابالنه أنو فد يوم نطلع ويه الأمريكان , أصلا آني من الناس ميت مرة انعرضت عليه اصير ضابط بدورة كلاوات بـ 3 اشهر بالألفين وأربعه ماردتهه وجنت اضحك اكللهم ماورط نفسي بوضيفة عسكريه , خوبن آني خريج وأتعين بوضيفة مدنية والعراق خلص بعد شيصير بيه اكثر علمود يصير ديمقراطي ؟
أصلا صورة العراق بالـ 2003 و 2004 جان على خط الليبرالية والديمقراطية
حكم 35 سنه انشال بدون معارك , الأمم المتحدة دخلت , المنظمات دخلت , المستشفى الإيطالي والسعودي والإماراتي دخلن , المحطات الدولية , الجرايد طفرن لأكثر من 150 جريدة , شكو ممنوع صار موجود ... انترنت ... ستلايت ... موبايل
بالراديو جنت اسمع بنفسي : اي شاب عنده شهادة جامعية يتقدم لأقرب مجلس بلدي للتقديم على وضيفة, مطلوب موضفين !
زين هاي وين ؟ وهسه وين ؟
فعلى كولة اخونه فيمالاه , انو صحيح العمل وسيلة للعيش , بس ماجانت غايتي اشتغل ويه الأمريكان لأن حلمان بهجرة او معجب بفلم امريكي , غايتنه انو يصير العراق بلد حر , ليبرالي , ديمقراطي ,
روح شوف شمال العراق, اليوم تشوف شارعهم وره جم شهر تمر عليه ماتعرفه هلكد مامتغير , إظافة لحرية الكلام وحرية الفكر والرفاه المعيشي , الله وكيلك هسه الخدم بالفنادق والمطاعم والمحلات مالتهم كلهم عرب , والي مايصدك خلي يروح يشوف بنفسه.
-
أخوان آني مثل هواية جاي انتضر الفيزة , حيصيرلي شهرين وأسبوعين, وولد ويايه بالشغل هم صارله فد 3 اشهر ونص , والجماعة بالمنتدى هواية اكو 5 أشهر وسته وسبعه ويمكن حته عشره اكو
البارحة ويايه واحد بالشغل يكول صديقه قابل أبداية الواحد هسنه وأجته الفيزة هسه ! , كتله يابه اكيد ؟ ثقه هذه ؟! كال ما أدري والله بس ليش يكذب ؟! كتله اخاف جاي يضوجك! , كال ما أدري , احتمال يجذب.
فسؤالي , شنو احنه بس أحنه المتأخرين جايين نندب حضنه بالمنتدى وأكو ناس دتاخذ الفيزة علسريع ؟ لو هيه فعلا متأخرة على الجميع ؟
بس آني أعرف اثنين قابلو 3/10/2010 واستلمو الفيزة 5/1/2011 وسافرو
اخوية بغدادي تحية طيبة
احب اكلك قناعتي الشخصية بالموضوع ... الموضوع عبارة عن مسألة وقت لا اكثر ولا اقل اذا جان شهر او شهرين او ستة او حتة سنة ... ماداام انتة قبلت و اوراقك سليمة و استلمو الجواز منك و انتة ماعندك شي تخاف منة (( لتفهمني غلط )) فهي مسألة وقت ..... و علة فكرة الجماعة هسة مثل مكال احد الاخوان ديغيرون السستم مالتهم و هاي يسووهة تقريبا كل سنة و علة العموم الاخوة و الاخوات اللي يقابلون بنهاية او بداية السنة شويه يتأخر موضوعهم ... و اريد اكول شغلة ترة السستم مالتهم كلش تعبان و ممل و الجماعة بالسفارة (( المسؤلين علة هاي الشغلة )) شوية مخربطين ... صديقي جانت مقابلتة قبلي بشهرين اني وصلت لامريكا و بعد شهر من وصولي لامريكا استلم الفيزا .... و عندي صديق ثاني قابل وراية بشهر و استلمنة الفيزا تقريبا بنفس الوقت (( الفيزا مالتي طولت شهرين ))و اعرف ناس قابلو يوم الاثنين و استلمو الفيزا يوم الاحد يعني 7 ايام
اخوكم
FoX 13
-
والله حبي ابشر بخير اني قابلت ووره ثلاث ايام استلمت الفيزا الله شاهد قابلت يوم 9 واستلمت الفيزا بوم 12 والحمدلله والشكر
-
اخواني الي اتوقعة تغير في السيستم يعني ماكو شي يعجل بالفيزة او ياخرها لان اني كنت لاجيئ في بلغاريا وعشت فيها 3 سنوات وعندي جواز بلغاري جواز اللاجئين وكل هذا يعرفون بيها ويمكن مسافر الى 23 دولة وكلها كلتلهم بيها وخادم عسكرية فقط مركز تدريب وماعندي اي مشاكل والحمدالى الله طلعت الفيزة باقل من شهر وانشالله الموفقية للجميع
اخوووكم ابو محمود
-
الاخوان Koka 75 و USF-I ممكن تكولولنا بيا سنة جانت مقابلاتكم؟ يعني من زمان مقابلين لو هسا بالجديد؟
-
و الله اني اشتغلت بس على مو اطفر ;) لا اكثر ولا اقل
الصراحه حلوه ;) ;)
والله آرمي احنه القدماء ماجان ابالنه أنو فد يوم نطلع ويه الأمريكان , أصلا آني من الناس ميت مرة انعرضت عليه اصير ضابط بدورة كلاوات بـ 3 اشهر بالألفين وأربعه ماردتهه وجنت اضحك اكللهم ماورط نفسي بوضيفة عسكريه , خوبن آني خريج وأتعين بوضيفة مدنية والعراق خلص بعد شيصير بيه اكثر علمود يصير ديمقراطي ؟
أصلا صورة العراق بالـ 2003 و 2004 جان على خط الليبرالية والديمقراطية
حكم 35 سنه انشال بدون معارك , الأمم المتحدة دخلت , المنظمات دخلت , المستشفى الإيطالي والسعودي والإماراتي دخلن , المحطات الدولية , الجرايد طفرن لأكثر من 150 جريدة , شكو ممنوع صار موجود ... انترنت ... ستلايت ... موبايل
بالراديو جنت اسمع بنفسي : اي شاب عنده شهادة جامعية يتقدم لأقرب مجلس بلدي للتقديم على وضيفة, مطلوب موضفين !
زين هاي وين ؟ وهسه وين ؟
فعلى كولة اخونه فيمالاه , انو صحيح العمل وسيلة للعيش , بس ماجانت غايتي اشتغل ويه الأمريكان لأن حلمان بهجرة او معجب بفلم امريكي , غايتنه انو يصير العراق بلد حر , ليبرالي , ديمقراطي ,
روح شوف شمال العراق, اليوم تشوف شارعهم وره جم شهر تمر عليه ماتعرفه هلكد مامتغير , إظافة لحرية الكلام وحرية الفكر والرفاه المعيشي , الله وكيلك هسه الخدم بالفنادق والمطاعم والمحلات مالتهم كلهم عرب , والي مايصدك خلي يروح يشوف بنفسه.
اخوي الغالي بغدادي كانك تتكلم بلسان حالي
نفس اللي كنت تفكر بيه انا فكرت بيه وهذا الخلاني اطوف فرصة ذهبية للندن وبعدها استراليا
اصلا بال 2003 وال 2004 واول 3 اشهر من 2005 كان عندي قناعة بان العراق راح يصير جنة الله في الارض وعقلي صور لي انه اكو ناس راح تطلب لجوء عدنا بالعراق اشو وراها انكلبت الصورة هههههههههههههههههههه وهسه شيجيب الفيزا
اخوك كملت لليوم 62 يوم انتظار
-
ولو صار اكتب هذا الخبر باكثر من مكان بس يلله حتو لو تقروه مرتين ما بيهه شي ...
اني سمعت خبر مو حلو يكول الطابعة مال الفيز عاطلة
وكل ما جاي يدخلون بيهه جواز علمود تطبع بيه الفيزة جاي تعلسه
وهذا السبب الحقيقي مال التاخير .... مو غير شي
واني خابرت القنصل وهو حيل مستحي منكم ويكول اني ادري بيهم كلهم خوش ولد ويستاهلون الفيزة وسلملي عليهم هواي هواي
بس شنسوي هي هاي الطابعات الصينية يومية امفشلتنه ويه العالم
-
الاخوان الاعزاء بدون عصييه احنا كلنا تورطنا بالعمل نيتنا هي نفيد وطنا وشعبنا لكن الناس تنظر النا بغير نظره وهذا الدافع وراء السفر المهم ان الفيزه تره صار انتظارها بدون ملح بس انكول الله كريم
-
حبي اني قابلت بشهر الخامس 2010 وره يومين من المقابله اخذتها الحمدلله والشكر
-
اخواني اني قابلت بالسفارة الامريكية في بغداد قبل 3 اشهر ضبط وبوقتها القنصل كلي المراجعة تطول من 2 الى 3 شهر وخلصت وكلشي ماكو والمشكلة انو حتى مواعيدهم ممضبوطة ومو بس هيج زوجتي تدرس في الولايات المتحدة حاليا وهي حامل بالاشهر الاولى وسافرت قبل 20 يوم لامريكا
وهي هناك بوحدها ومحتاجة اكون الي جانبها .. و رد السفارة الاخير يكولون مراجعة ادارية شاملة وبعدنا ممتخذين قرار بموضوعك ومااعرف شسوي حاير وضايج ونفسيتي كلش تعبانة
وبس اريد اسال اكو فد طريقة او منفذ حتى اجد حل لموضوعي
وفي محامين مختصين بالهجرة (استشارات مجانية مثلا) اكدر استعين بيهم بمثل حالتي
علما انو زوجتي سافرت على فيزة مؤقتة (فيزة دراسة) وانا مقدم على برنامج SIV ومقابلتي مكان بيها مشاكل
تحياتي